ਭਵਿਖਬਾਣੀ ਭਾਗ 408 - ਬਿਪਤਾ ਨੂੰ ਦੂਰ ਕਰਨ ਲਈ ਮੁਕਤੀਦਾਤੇ ਨਾਲ ਸਚੇ ਪਿਆਰ ਨੂੰ ਜਗਾਉ

"ਇਸ ਲਈ, ਜੇਕਰ ਮਨੁੱਖਤਾ ਕਤਲੇਆਮ ਦੇ ਇਨ੍ਹਾਂ ਕੰਮਾਂ ਵਿੱਚ ਲੱਗੀ ਰਹਿੰਦੀ ਹੈ - ਜਾਨਵਰ-ਲੋਕਾਂ ਅਤੇ ਤੁਹਾਡੀ ਆਪਣੀ ਕਿਸਮ ਦੋਵਾਂ ਦਾ ਕਤਲੇਆਮ - ਤਾਂ ਅਸੀਂ ਸ਼ੰਭਲਾ ਤੋਂ ਪਿੱਛੇ ਹਟ ਜਾਵਾਂਗੇ। ਪ੍ਰਾਚੀਨ ਭਵਿੱਖਬਾਣੀ ਕਹਿੰਦੀ ਹੈ: 'ਅੰਤ ਦੇ ਸਮੇਂ ਵਿੱਚ, ਸ਼ੰਭਲਾ ਦਾ ਰਾਜਾ ਧਰਤੀ ਲਈ ਲੜਨ ਲਈ ਆਪਣੇ ਯੋਧਿਆਂ ਦੀ ਅਗਵਾਈ ਕਰੇਗਾ।' ਫਿਰ ਵੀ ਉਹ ਲੜਾਈ ਸਿਰਫ਼ ਧਰਮੀਆਂ ਦੀ ਖ਼ਾਤਰ ਹੈ! ਜੇ ਤੁਸੀਂ ਜੀਵਾਂ ਅਤੇ ਆਪਣੇ ਸਾਥੀ ਮਨੁੱਖਾਂ ਨੂੰ ਨੁਕਸਾਨ ਪਹੁੰਚਾਉਂਦੇ ਰਹੋਗੇ, ਤਾਂ ਅਸੀਂ ਇਸ ਭਵਿੱਖਬਾਣੀ ਨੂੰ ਮਿਟਾ ਦੇਵਾਂਗੇ!"

ਜਿਵੇਂ ਕਿ ਅਸੀਂ ਪਿਛਲੇ ਐਪੀਸੋਡ ਵਿੱਚ ਚਰਚਾ ਕੀਤੀ ਸੀ, ਸਾਡੇ ਸਭ ਤੋਂ ਪਿਆਰੇ ਪਰਮ ਸਤਿਗੁਰੂ ਚਿੰਗ ਹਾਈ ਜੀ (ਵੀਗਨ) ਭਵਿੱਖਬਾਣੀ ਕੀਤੇ ਗਏ ਮੇਤ੍ਰਿਆ ਬੁੱਧ (ਵੀਗਨ) ਅਤੇ ਸ਼ੰਭਲਾ ਦੇ ਰਾਜਾ ਹਨ। ਇਸ ਲਈ, ਉਹ ਸ਼ਾਂਤੀਪੂਰਨ ਸ਼ੰਭਲਾ ਯੋਧਿਆਂ ਦੇ "ਕਮਾਂਡਰ ਇਨ ਚੀਫ਼" ਹਨ ਜੋ ਪਿਆਰ ਅਤੇ ਨਿਰਸਵਾਰਥ ਸੇਵਾ ਨਾਲ ਹਨੇਰੀ ਸ਼ਕਤੀ ਨਾਲ ਲੜਨ ਲਈ ਉਨਾਂ ਦੀ ਪਾਲਣ ਕਰਦੇ ਹਨ। 1992 ਦੇ ਸ਼ੁਰੂ ਵਿੱਚ, ਸਤਿਗੁਰੂ ਜੀ ਨੇ ਸਾਡੇ ਸਾਰੇ ਐਸੋਸੀਏਸ਼ਨ ਮੈਂਬਰਾਂ ਨੂੰ ਇਸ ਅਸਧਾਰਨ ਉਥਲ-ਪੁਥਲ ਦੇ ਸਮੇਂ ਦੌਰਾਨ ਆਪਣੇ ਆਪ ਨੂੰ ਕਿਵੇਂ ਵਿਵਹਾਰ ਕਰਨਾ ਹੈ, ਇਸ ਬਾਰੇ ਪ੍ਰੇਰਨਾਦਾਇਕ ਸਲਾਹ ਦਿੱਤੀ।

ਜਲਦੀ ਹੀ, ਤੁਹਾਡੇ ਵਿੱਚੋਂ ਬਹੁਤਿਆਂ ਨੂੰ, ਤੁਹਾਡੇ ਵਿੱਚੋਂ ਜ਼ਿਆਦਾਤਰ ਨੂੰ, ਜਾਂ ਤੁਹਾਡੇ ਸਾਰਿਆਂ ਨੂੰ ਆਪਣੇ ਵਾਤਾਵਰਣ ਦੇ ਆਗੂ ਬਣਨਾ ਪਵੇਗਾ, ਮਨੁੱਖਤਾ ਨੂੰ ਸੋਚਣ ਦੇ ਇੱਕ ਨਵੇਂ ਤਰੀਕੇ, ਰਹਿਣ ਦੇ ਨਵੇਂ ਤਰੀਕੇ ਵੱਲ ਲਿਜਾਣਾ ਪਵੇਗਾ। ਸਾਨੂੰ ਕੁਰਬਾਨੀ ਅਤੇ ਸੱਚੇ ਪਿਆਰ ਦੀ ਇੱਕ ਚਮਕਦਾਰ ਉਦਾਹਰਣ ਦਿਖਾਉਣੀ ਪਵੇਗੀ। ਇਸ ਲਈ ਤੁਹਾਡੇ ਧਿਆਨ ਅਭਿਆਸ ਵਿੱਚ ਜਾਂ ਦੁਨੀਆ ਨਾਲ ਤੁਹਾਡੇ ਰੋਜ਼ਾਨਾ ਦੇ ਵਿਹਾਰ ਵਿੱਚ ਤੁਹਾਡੀਆਂ ਸਾਰੀਆਂ ਛੋਟੀਆਂ-ਛੋਟੀਆਂ ਰੁਕਾਵਟਾਂ ਦੇ ਬਾਵਜੂਦ, ਤੁਹਾਡੇ ਮੂਡ, ਤੁਹਾਡੀ ਨਿਰਾਸ਼ਾ, ਤੁਹਾਡੀ ਨਿੱਜੀ ਭਾਵਨਾ, ਅਤੇ ਗੁੱਸੇ, ਡਰ, ਦੁੱਖ ਦੀ ਪਰਵਾਹ ਕੀਤੇ ਬਿਨਾਂ, ਸਾਨੂੰ ਵੱਡੇ ਆਦਰਸ਼, ਬਿਹਤਰ, ਉੱਤਮ ਟੀਚੇ ਦੇ ਨਾਲ ਅੱਗੇ ਵਧਣਾ ਪਵੇਗਾ। ਸਾਨੂੰ ਇਸ ਉੱਤਮ ਟੀਚੇ ਨੂੰ ਧਿਆਨ ਵਿੱਚ ਰੱਖਣਾ ਪਵੇਗਾ, ਅਤੇ ਸੜਕ ਦੇ ਨਾਲ ਲੱਗਦੇ ਛੋਟੇ ਕੰਡਿਆਂ, ਛੋਟੇ ਕੰਕਰਾਂ ਅਤੇ ਪੱਥਰਾਂ ਨੂੰ ਭੁੱਲ ਜਾਣਾ ਪਵੇਗਾ।

ਸਾਨੂੰ ਵੱਡੇ ਜੁੱਤੇ ਪਾਉਣੇ ਪੈਣਗੇ, ਵੱਡੇ ਬੂਟ, ਅਤੇ ਸਾਰੇ ਕੰਡਿਆਂ 'ਤੇ ਤੁਰਨਾ ਪਵੇਗਾ। ਸੁਰੱਖਿਆ ਦੇ ਇਹ ਵੱਡੇ ਬੂਟ ਸਾਡਾ ਦ੍ਰਿੜ ਇਰਾਦਾ ਹਨ ਕਿ ਅਸੀਂ ਨੇਕ ਬਣੀਏ, ਮੁਸ਼ਕਲਾਂ ਅਤੇ ਨਿਰਾਸ਼ਾ ਦੇ ਸਮੇਂ, ਹਿੰਮਤ ਅਤੇ ਵਿਸ਼ਵਾਸ ਦੀ ਪਰੀਖਿਆ ਦੇ ਸਮੇਂ ਸੇਵਾ ਕਰੀਏ। ਸਾਨੂੰ ਆਪਣੀ ਕਲਪਨਾ ਤੋਂ ਵੀ ਮਹਾਨ ਹੋਣਾ ਚਾਹੀਦਾ ਹੈ। ਸਾਨੂੰ ਆਪਣੇ ਗੁਆਂਢੀਆਂ ਤੋਂ ਜਿੰਨੀ ਉਮੀਦ ਰੱਖਦੇ ਹਾਂ, ਉਸ ਤੋਂ ਬਿਹਤਰ ਹੋਣਾ ਚਾਹੀਦਾ ਹੈ। ਸਾਨੂੰ ਆਪਣੇ ਗੁਆਂਢੀਆਂ, ਜਾਂ ਆਪਣੇ ਨਜ਼ਦੀਕੀਆਂ, ਆਪਣੇ ਸਾਥੀਆਂ ਤੋਂ ਮੰਗ ਤੋਂ ਵੱਧ ਕੁਰਬਾਨੀ ਦੇਣੀ ਚਾਹੀਦੀ ਹੈ। ਸਿਰਫ਼ ਇਸ ਤਰੀਕੇ ਨਾਲ ਹੀ ਅਸੀਂ ਦੂਜਿਆਂ ਨੂੰ ਦਿਖਾ ਸਕਦੇ ਹਾਂ ਕਿ ਕਿਵੇਂ ਨੇਕ ਬਣਨਾ ਹੈ, ਕਿਵੇਂ ਕੁਰਬਾਨੀ ਕਰਨੀ ਹੈ, ਕਿਵੇਂ ਪਿਆਰ ਕਰਨਾ ਹੈ।

ਸਾਨੂੰ ਕੁਰਬਾਨੀ ਅਜਿਹੇ ਇਕ ਕੁਦਰਤੀ ਤਰੀਕੇ ਨਾਲ ਦੇਣੀ ਜ਼ਰੂਰੀ ਹੈ, ਅਜਿਹੇ ਇਕ ਵਾਰ-ਵਾਰ ਹੋਣ ਵਾਲੇ ਚੱਕਰ ਵਿੱਚ, ਜਦੋਂ ਤੱਕ ਅਸੀਂ ਇਹ ਜਾਣੇ ਬਿਨਾਂ ਨਹੀਂ ਕਰਦੇ ਕਿ ਅਸੀਂ ਕੁਰਬਾਨੀ ਦੇ ਰਹੇ ਹਾਂ, ਜਦੋਂ ਤੱਕ ਅਸੀਂ ਇਹ ਸੋਚੇ ਬਿਨਾਂ ਨਹੀਂ ਕਰਦੇ ਕਿ ਅਸੀਂ ਕੁਰਬਾਨੀ ਦਿੰਦੇ ਹਾਂ, ਜਦੋਂ ਤੱਕ "ਕੁਰਬਾਨੀ" ਸ਼ਬਦ ਸਾਡੇ ਲਈ ਕੋਈ ਅਰਥ ਨਹੀਂ ਰੱਖਦਾ ਕਿਉਂਕਿ ਅਸੀਂ ਚੀਜ਼ਾਂ ਇਕ ਅਜਿਹੇ ਕੁਦਰਤੀ, ਆਟੋਮੈਟਿਕ ਤਰੀਕੇ ਨਾਲ ਕਰਦੇ ਹਾਂ। ਦੁਨੀਆਂ ਦੇ ਅਜਿਹੇ ਇਕ ਦ੍ਰਿਸ਼ਟੀਕੋਣ ਵਿੱਚ ਹੀ ਅਸੀਂ ਇਸ ਬ੍ਰਹਿਮੰਡ ਦੇ ਮੋਹਰੀ ਗ੍ਰਹਿਆਂ ਵਿੱਚੋਂ ਇੱਕ ਬਣ ਸਕਦੇ ਹਾਂ। ਸਿਰਫ਼ ਅਜਿਹੇ ਇਕ ਦ੍ਰਿਸ਼ਟੀਕੋਣ ਵਿੱਚ ਕਿ ਸਾਨੂੰ ਨਿਰਵਾਣ ਜਾਣ ਦੀ ਲੋੜ ਨਾ ਪਵੇ। ਸਾਨੂੰ ਇਸ ਦ੍ਰਿਸ਼ਟੀਕੋਣ ਨੂੰ ਧਿਆਨ ਵਿੱਚ ਰੱਖਣਾ ਚਾਹੀਦਾ ਹੈ, ਅਤੇ ਆਪਣੀ ਦੁਨੀਆ ਨੂੰ ਸਵਰਗ ਬਣਾਉਣਾ ਚਾਹੀਦਾ ਹੈ।

ਹੁਣ ਲਈ, ਕਿਉਂਕਿ ਧਰਤੀ ਦੀ ਸਤ੍ਹਾ 'ਤੇ ਨਾਗਰਿਕਾਂ ਦਾ ਅਧਿਆਤਮਿਕ ਵਿਕਾਸ ਅਜੇ ਸ਼ੰਭਲਾ ਰਾਜ ਦੇ ਵਿਕਾਸ ਦੇ ਬਰਾਬਰ ਨਹੀਂ ਹੋਇਆ ਹੈ, ਰਹੱਸਮਈ ਰਾਜ ਸੁਰੱਖਿਅਤ ਰਹਿੰਦਾ ਹੈ ਅਤੇ ਬਾਹਰੀ ਦੁਨੀਆ ਲਈ ਵਰਜਿਤ ਹੈ। ਬਹੁਤ ਸਾਰੇ ਲੋਕਾਂ ਨੇ ਇਸਦੀ ਭਾਲ ਕੀਤੀ ਹੈ, ਪਰ ਬਹੁਤ ਘੱਟ ਲੋਕ ਸਫਲ ਹੋਏ ਹਨ। ਉਦਾਹਰਣ ਵਜੋਂ, ਲੋਕਾਂ ਨੇ ਕੈਲਾਸ਼ ਪਰਬਤ ਦੇ ਆਲੇ-ਦੁਆਲੇ ਅਜੀਬ ਘਟਨਾਵਾਂ ਵੇਖੀਆਂ ਹਨ, ਜੋ ਕਿ ਸ਼ੰਭਲਾ ਦੇ ਨੇੜੇ ਹੈ।

ਕੈਲਾਸ਼ ਪਰਬਤ ਦੇ ਆਲੇ ਦੁਆਲੇ ਦੇ ਬਹੁਤ ਸਾਰੇ ਰਹੱਸਾਂ ਵਿੱਚੋਂ, ਸ਼ਾਇਦ ਸਭ ਤੋਂ ਦਿਲਚਸਪ ਕਹਾਣੀਆਂ ਸਮੇਂ ਨਾਲ ਸਬੰਧਤ ਹਨ। ਇਸ ਖੇਤਰ ਵਿੱਚ ਜਾਣ ਦੀ ਹਿੰਮਤ-ਕਰਨ ਵਾਲੇ ਤੀਰਥ ਯਾਤਰੀ ਅਤੇ ਮੁੱਠੀ-ਭਰ ਖੋਜੀ ਅਜੀਬ ਕਹਾਣੀਆਂ ਲੈ ਕੇ ਵਾਪਸ ਆਏ ਹਨ। ਤੇਜ਼ ਬੁਢਾਪਾ, ਸਭ ਤੋਂ ਆਮ ਕਥਾ: ਪਹਾੜ ਦੇ ਨੇੜੇ ਬਿਤਾਏ 12 ਘੰਟੇ ਆਮ ਸਮੇਂ ਦੇ 2 ਹਫ਼ਤਿਆਂ ਦੇ ਬਰਾਬਰ ਹਨ। ਵਾਲਾਂ ਅਤੇ ਨਹੁੰਆਂ ਦੇ ਅਸਾਧਾਰਨ ਦਰ ਨਾਲ ਵਧਣ ਦੇ ਕਿੱਸੇ।

ਕੀ ਇਹ ਸਮੇਂ ਨੂੰ ਵਿਗਾੜ ਰਿਹਾ ਹੈ ਜਾਂ ਸਿਰਫ਼ ਉੱਚਾਈ, ਅਤਿਅੰਤ ਮੌਸਮ, ਅਤੇ ਸੁਝਾਅ ਦੀ ਸ਼ਕਤੀ ਦਾ ਇਕ ਨਤੀਜਾ ਹੈ? ਇੱਕ ਤੀਰਥ ਯਾਤਰੀ ਲਈ, ਤੇਜ਼ ਸਮਾਂ ਇੱਕ ਰੂਪਕ ਹੋ ਸਕਦਾ ਹੈ, ਤਬਦੀਲੀ ਦਾ ਜੀਵਨ ਭਰ ਇੱਕ ਛੋਟੀ ਜਿਹੀ ਮਿਆਦ ਵਿੱਚ ਸੰਕੁਚਿਤ । ਜਦੋਂ ਅਸੀਂ ਕੈਲਾਸ਼ ਪਰਬਤ ਵੱਲ ਦੇਖਦੇ ਹਾਂ, ਤਾਂ ਇੱਕ ਵਿਸ਼ੇਸ਼ਤਾ ਤੁਰੰਤ ਸਾਡਾ ਧਿਆਨ ਖਿੱਚ ਲੈਂਦੀ ਹੈ: ਇਸਦਾ ਰੂਪ। ਇਹ ਲਗਭਗ ਇਕ ਸੰਪੂਰਨ ਪਿਰਾਮਿਡ ਹੈ। ਇਸਦੇ ਉੱਤਰੀ, ਪੂਰਬੀ, ਦੱਖਣੀ ਅਤੇ ਪੱਛਮੀ ਚਿਹਰੇ ਮੁੱਖ ਦਿਸ਼ਾਵਾਂ ਨਾਲ ਮੇਲ ਖਾਂਦੇ ਜਾਪਦੇ ਹਨ। ਇਸ ਸਮਰੂਪਤਾ ਨੇ ਸਭ ਤੋਂ ਵਿਵਾਦਪੂਰਨ ਸਿਧਾਂਤਾਂ ਵਿੱਚੋਂ ਇੱਕ ਨੂੰ ਜਨਮ ਦਿੱਤਾ ਹੈ। ਕੁਝ ਖੋਜਕਰਤਾਵਾਂ ਦਾ ਮੰਨਣਾ ਹੈ ਕਿ ਇਹ ਪਹਾੜ ਇੱਕ ਅਣਜਾਣ ਪ੍ਰਾਚੀਨ ਸਭਿਅਤਾ ਦੁਆਰਾ ਬਣਾਇਆ ਗਿਆ ਇੱਕ ਵਿਸ਼ਾਲ ਮਨੁੱਖ-ਨਿਰਮਿਤ ਪਿਰਾਮਿਡ ਹੈ। ਸਮਰਥਕ ਦਾਅਵਾ ਕਰਦੇ ਹਨ ਕਿ ਵੱਖਰੀਆਂ ਪਰਤਾਂ ਨਿਰਵਿਘਨ ਅਤੇ ਜਿਓਮੈਟ੍ਰਿਕ ਤੌਰ 'ਤੇ ਕਤਾਰਬੱਧ ਸਤਹਾਂ-ਵਾਲੇ ਰੱਖੇ ਬਲਾਕਾਂ ਵਾਂਗ ਦਿਖਾਈ ਦਿੰਦੀਆਂ ਹਨ। ਇਹ ਸੁਝਾਅ ਦਿੱਤਾ ਜਾਂਦਾ ਹੈ ਕਿ ਪਹਾੜ ਅਤੇ ਇਸ ਦੀਆਂ ਟੀਸੀਆਂ ਇੱਕ ਵਿਸ਼ਾਲ ਚਿੱਤਰ ਬਣਾਉਂਦੀਆਂ ਹਨ, ਇੱਥੋਂ ਤੱਕ ਕਿ ਇੱਕ ਗਲੋਬਲ ਪਿਰਾਮਿਡ ਪ੍ਰਣਾਲੀ ਦੇ ਕੇਂਦਰ ਅਤੇ ਸ਼ਕਤੀ ਸਰੋਤ ਵਜੋਂ ਵੀ ਕੰਮ ਕਰਦੀਆਂ ਹਨ। ਇਹ ਵੀ ਦਾਅਵੇ ਕੀਤੇ ਜਾਂਦੇ ਹਨ ਕਿ ਇਸਦਾ ਅੰਦਰਲਾ ਹਿੱਸਾ ਖੋਖਲਾ ਹੈ, ਜੋ ਕਿ ਪ੍ਰਾਚੀਨ ਬਿਲਡਰਾਂ ਜਾਂ ਹੋਰ ਜੀਵਾਂ ਦੀਆਂ ਕਬਰਾਂ ਵਾਲੇ ਚੈਂਬਰਾਂ ਅਤੇ ਰਸਤਿਆਂ ਨਾਲ ਭਰਿਆ ਹੋਇਆ ਹੈ। ਸਮੇਂ ਦੀ ਵਿਗਾੜ ਅਤੇ ਅਸਾਧਾਰਨ ਚੁੰਬਕੀ ਖੇਤਰ ਇੱਕ ਯੰਤਰ ਦੇ ਅੰਦਰ ਡੂੰਘਾਈ ਨਾਲ ਕੰਮ ਕਰਨ ਕਾਰਨ ਹਨ।

ਅਮਰੀਕਨ ਟੈਲੀਪੈਥਿਕ ਸੰਚਾਰਕ ਅਤੇ ਲੇਖਕ, ਡਾਇਨ ਰੌਬਿਨਸ, ਨੇ ਅੰਦਰੂਨੀ ਧਰਤੀ ਦੀਆਂ ਸਭਿਅਤਾਵਾਂ ਨਾਲ ਆਪਣੇ ਸੰਪਰਕ ਰਾਹੀਂ ਹੈਰਾਨ-ਕਰਨ ਵਾਲੇ ਵੇਰਵੇ ਪ੍ਰਗਟ ਕੀਤੇ।

ਸਾਰੇ ਗ੍ਰਹਿ ਖੋਖਲੇ ਹਨ ਜਿਨ੍ਹਾਂ ਦੇ ਉੱਤਰੀ ਅਤੇ ਦੱਖਣੀ ਧਰੁਵਾਂ 'ਤੇ ਖੁੱਲ੍ਹੇ ਹਨ, ਅਤੇ ਸਾਡੇ ਉੱਤਰੀ ਅਤੇ ਦੱਖਣੀ ਧਰੁਵਾਂ 'ਤੇ ਬੱਦਲ ਛਾਏ ਹੋਏ ਹਨ। ਅਤੇ ਅੰਦਰਲੇ ਲੋਕਾਂ ਨੇ ਖੁੱਲ੍ਹਣ ਦੇ ਦੁਆਲੇ ਇੱਕ ਇਲੈਕਟ੍ਰੋਮੈਗਨੈਟਿਕ ਫੋਰਸ ਫੀਲਡ ਲਗਾਇਆ ਹੈ, ਇਸ ਲਈ ਹਵਾਈ ਜਹਾਜ਼ ਅੰਦਰ ਨਹੀਂ ਜਾ ਸਕਦੇ।

ਸ਼੍ਰੀਮਤੀ ਰੌਬਿਨਸ ਨੇ ਆਪਣੀ ਕਿਤਾਬ "ਟੇਲੋਸ: ਫਸਟ ਟ੍ਰਾਂਸਮਿਸ਼ਨਜ਼ ਐਵਰ ਰਿਸੀਵਡ ਫਰਾਮ ਦ ਸਬਟਰੇਨੀਅਨ ਸਿਟੀ ਬਿਨੀਥ ਮਾਊਂਟ ਸ਼ਾਸਤਾ" ਵਿੱਚ ਧਰਤੀ ਦੇ ਅੰਦਰ ਇੱਕ ਕੇਂਦਰੀ ਸ਼ਹਿਰ "ਸ਼ੰਬਾਲਾ" ਦਾ ਜ਼ਿਕਰ ਕੀਤਾ ਹੈ। ਉਸਨੂੰ ਟੇਲੋਸ ਦੇ ਮਹਾਂ ਪੁਜਾਰੀ ਅਦਾਮਸ ਤੋਂ ਟੈਲੀਪੈਥਿਕ ਜਾਣਕਾਰੀ ਮਿਲੀ, ਇੱਕ ਅਜਿਹਾ ਸ਼ਹਿਰ ਜਿਸ ਬਾਰੇ ਕਿਹਾ ਜਾਂਦਾ ਹੈ ਕਿ ਇਹ ਲਗਭਗ 12,000 ਸਾਲਾਂ ਤੋਂ ਪਹਾੜ ਸ਼ਾਸਤਾ ਦੇ ਹੇਠਾਂ ਮੌਜੂਦ ਸੀ।

"ਅੰਦਰੂਨੀ ਧਰਤੀ ਦੇ ਅੰਦਰ ਸ਼ਾਸਨ-ਕਰਨ ਵਾਲੇ ਸ਼ਹਿਰ ਨੂੰ ਸ਼ੰਬਲਾ ਕਿਹਾ ਜਾਂਦਾ ਹੈ। ਇਹ ਗ੍ਰਹਿ ਦੇ ਬਿਲਕੁਲ ਕੇਂਦਰ ਦੇ ਅੰਦਰ ਸਥਿਤ ਹੈ, ਅਤੇ ਇਸ ਗ੍ਰਹਿ ਦੇ ਉੱਤਰੀ ਜਾਂ ਦੱਖਣੀ ਧਰੁਵ 'ਤੇ ਛੇਕਾਂ ਰਾਹੀਂ ਇਸ ਤੱਕ ਪਹੁੰਚ ਕੀਤੀ ਜਾ ਸਕਦੀ ਹੈ। ਉੱਤਰੀ ਅਤੇ ਦੱਖਣੀ ਰੌਸ਼ਨੀਆਂ ਜੋ ਅਸੀਂ ਆਪਣੇ ਅਸਮਾਨ ਵਿੱਚ ਦੇਖਦੇ ਹਾਂ, ਅਸਲ ਵਿੱਚ ਧਰਤੀ ਦੇ ਅੰਦਰੂਨੀ ਕੇਂਦਰੀ ਸੂਰਜ ਦੇ ਪ੍ਰਤੀਬਿੰਬ ਹਨ, ਜੋ ਉਸਦੇ ਖੋਖਲੇ ਕੋਰ ਤੋਂ ਨਿਕਲਦੇ ਹਨ।

ਧਰਤੀ ਦੀ ਪੇਪੜੀ ਦੇ ਅੰਦਰ 120 ਤੋਂ ਵੱਧ ਭੂਮੀਗਤ ਸ਼ਹਿਰ ਸਥਿਤ ਹਨ। ਇਹ ਰੌਸ਼ਨੀ ਦੇ ਸ਼ਹਿਰ ਧਰਤੀ ਦੀ ਸਤ੍ਹਾ ਤੋਂ ਬਹੁਤ ਹੇਠਾਂ ਨਹੀਂ ਹਨ। ਇੱਕ ਸਮੂਹ ਦੇ ਰੂਪ ਵਿੱਚ, ਇਹਨਾਂ ਸ਼ਹਿਰਾਂ ਨੂੰ ਅਗਰਥਾ ਨੈੱਟਵਰਕ ਕਿਹਾ ਜਾਂਦਾ ਹੈ। ਅੰਦਰੂਨੀ ਧਰਤੀ ਦੇ ਜੀਵ ਖੋਖਲੀ ਧਰਤੀ ਦੀ ਅੰਦਰੂਨੀ ਸਤ੍ਹਾ 'ਤੇ ਰਹਿਣ ਵਾਲੇ ਬਹੁਤ ਵਿਕਸਤ ਜੀਵ ਹਨ। ਉਹ ਜ਼ਿਆਦਾਤਰ ਸਵਰਗੀ ਆਤਮਾਵਾਂ ਹਨ ਜਿਨ੍ਹਾਂ ਨੇ ਧਰਤੀ ਦੇ ਅੰਦਰੂਨੀ ਹਿੱਸਿਆਂ ਵਿੱਚ ਆਪਣਾ ਵਿਕਾਸ ਜਾਰੀ ਰੱਖਣਾ ਚੁਣਿਆ ਹੈ ਕਿਉਂਕਿ ਉੱਥੇ ਮੌਜੂਦ ਸਥਿਤੀਆਂ ਦੀ ਸੰਪੂਰਨਤਾ ਹੈ।"

ਅਦਾਮਸ ਧਰਤੀ ਦੇ ਅੰਦਰੂਨੀ ਜੀਵਾਂ ਦੀ ਜੀਵਨ ਸ਼ੈਲੀ ਦਾ ਵਰਣਨ ਕਰਦਾ ਹੈ।

"ਖੋਖਲੀ ਧਰਤੀ ਇੱਕ ਫਿਰਦੌਸ ਹੈ, ਜਿਸ ਵਿੱਚ ਉੱਚੇ, ਸੁੰਦਰ ਪਹਾੜ 'ਅਸਮਾਨ' ਵਿੱਚ ਛਾਲ ਮਾਰਦੇ ਹਨ; ਅਤੇ ਵੱਡੀਆਂ, ਨਿਰਮਲ, ਸਾਫ਼ ਝੀਲਾਂ ਅਤੇ ਸਮੁੰਦਰ ਜੋ ਜੀਵਨ ਨਾਲ ਭਰਪੂਰ ਹਨ। ਖੋਖਲੀ ਧਰਤੀ ਵਿੱਚ ਖੁਰਾਕ ਪੂਰੀ ਤਰ੍ਹਾਂ ਸ਼ਾਕਾਹਾਰੀ ਹੈ, ਅਤੇ ਲੋਕ ਸਿਹਤਮੰਦ, ਮਜ਼ਬੂਤ ਅਤੇ ਤਾਕਤਵਰ ਹਨ। ਉਨ੍ਹਾਂ ਨੇ ਵੀ ਆਪਣੇ ਆਪ ਨੂੰ ਸਤ੍ਹਾ ਦੀ ਆਬਾਦੀ ਤੋਂ ਅਲੱਗ ਕਰ ਲਿਆ ਹੈ, ਹਾਲਾਂਕਿ ਉਹ ਧਰਤੀ ਦੇ ਅੰਦਰ ਸਪੇਸਪੋਰਟ ਵਿੱਚ ਰੱਖੇ ਗਏ ਪੁਲਾੜ ਯਾਨਾਂ ਦੀ ਵਰਤੋਂ ਕਰਕੇ ਧਰਤੀ 'ਤੇ ਸੁਤੰਤਰ ਤੌਰ 'ਤੇ ਆਉਂਦੇ ਅਤੇ ਛੱਡਦੇ ਹਨ। ਇਸ ਲਈ ਭਾਵੇਂ ਉਹ ਧਰਤੀ ਦੇ ਅੰਦਰ ਹਨ, ਉਨ੍ਹਾਂ ਕੋਲ ਆਜ਼ਾਦੀ ਅਤੇ ਸਿਹਤ ਹੈ, ਅਤੇ ਭਰਪੂਰਤਾ ਅਤੇ ਸ਼ਾਂਤੀ ਹੈ - ਜੀਵਨ ਦੇ ਉਹ ਸਾਰੇ ਜ਼ਰੂਰੀ ਅੰਗ ਜਿਨ੍ਹਾਂ ਲਈ ਤੁਸੀਂ ਸਤ੍ਹਾ 'ਤੇ ਰੋ ਰਹੇ ਹੋ।"

ਸਾਡੇ ਸਭ ਤੋਂ ਪਿਆਰੇ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਨੇ ਵੀ ਧਰਤੀ ਦੇ ਅੰਦਰ-ਰਹਿਣ ਵਾਲੇ ਨਾਗਰਿਕਾਂ ਦੇ ਦਿਆਲੂ ਸੁਭਾਅ ਅਤੇ ਜੀਵਨ ਸ਼ੈਲੀ ਦੀ ਪੁਸ਼ਟੀ ਕੀਤੀ।

(ਸਤਿਗੁਰੂ ਜੀ, ਕੀ ਧਰਤੀ ਹੇਠ-ਰਹਿਣ ਵਾਲੇ ਲੋਕ ਕਦੇ ਸਤ੍ਹਾ 'ਤੇ ਰਹਿਣ ਲਈ ਆਉਣਗੇ, ਜਾਂ ਕੀ ਇਹ ਉਨ੍ਹਾਂ ਲਈ ਕਦੇ ਵੀ ਕਾਫ਼ੀ ਸੁਰੱਖਿਅਤ ਨਹੀਂ ਹੋਵੇਗਾ?) ਖੈਰ, ਇਹ ਮਨੁੱਖਤਾ 'ਤੇ ਨਿਰਭਰ ਕਰਦਾ ਹੈ, ਇਸ ਗ੍ਰਹਿ 'ਤੇ, ਸਤ੍ਹਾ 'ਤੇ ਮਨੁੱਖਾਂ 'ਤੇ। ਠੀਕ ਹੈ? ਜੇ ਅਸੀਂ ਹੋਰ ਦਿਆਲੂ, ਹੋਰ ਉਦਾਰ, ਹੋਰ ਸ਼ਾਂਤਮਈ ਬਣੀਏ, ਤਾਂ ਸ਼ਾਇਦ ਉਹ ਹੁਣੇ ਹੀ ਸਾਹਮਣੇ ਆਉਣਗੇ। ਪਰ ਉਨ੍ਹਾਂ ਵਿੱਚੋਂ ਬਹੁਤ ਸਾਰੇ ਹਨ ਜੋ ਪਹਿਲਾਂ ਹੀ ਉੱਪਰ ਅਤੇ ਹੇਠਾਂ ਆਉਂਦੇ ਹਨ। (ਵਾਓ!) ਬਸ, ਉਹ ਆਉਂਦੇ-ਜਾਂਦੇ ਰਹਿੰਦੇ ਹਨ, ਪਰ ਉਨ੍ਹਾਂ ਵਿੱਚੋਂ ਬਹੁਤੇ ਸਾਡੇ ਨਾਲ ਆ ਕੇ ਨਹੀਂ ਰਹਿਣਾ ਚਾਹੁੰਦੇ।

ਸਾਡੀ ਦੁਨੀਆਂ ਉਨ੍ਹਾਂ ਲਈ ਬਹੁਤ ਪ੍ਰਦੂਸ਼ਿਤ ਹੈ, ਅਤੇ ਬਹੁਤ ਜ਼ਿਆਦਾ ਬੇਰਹਿਮ। ਉਹ ਪੂਰੀ ਤਰ੍ਹਾਂ ਵੀਗਨ ਹਨ। (ਵਾਓ!) ਉਹਨਾਂ ਨੂੰ ਜੰਗ ਪਸੰਦ ਨਹੀਂ ਹੈ। ਉਹ ਜਾਨਵਰ(-ਲੋਕਾਂ) ਨੂੰ ਪਿਆਰ ਕਰਦੇ ਹਨ। ਉਹ ਇੱਕ ਦੂਜੇ ਨੂੰ ਪਿਆਰ ਕਰਦੇ ਹਨ। ਉਹ ਸਾਡੇ ਤੋਂ ਬਿਲਕੁਲ ਵੱਖਰੇ ਹਨ। ਇਸੇ ਕਰਕੇ ਉਹ ਸਾਡੇ ਗ੍ਰਹਿ ਦੀ ਸਤ੍ਹਾ ਦੇ ਇਸ ਬਹੁਤ ਹੀ ਖਰਵੇ ਵਾਯੂਮੰਡਲ ਵਿੱਚ ਆ ਕੇ ਜ਼ਿਆਦਾ ਦੇਰ ਨਹੀਂ ਰਹਿ ਸਕਦੇ। (ਹਾਂਜੀ, ਸਤਿਗੁਰੂ ਜੀ।) ਸਾਨੂੰ ਤੇਜ਼ ਹੋਣਾ ਪਵੇਗਾ ਅਤੇ ਚੰਗਾ ਬਣਨਾ ਪਵੇਗਾ, ਅਤੇ ਫਿਰ ਉਹ ਆਉਣਗੇ। ਜਾਂ ਅਸੀਂ ਉਨ੍ਹਾਂ ਨੂੰ ਮਿਲਣ ਆ ਸਕਦੇ ਹਾਂ।

ਹਾਲਾਂਕਿ, ਹੁਣ ਤੱਕ, ਬਾਹਰੀ ਧਰਤੀ ਅਤੇ ਅੰਦਰੂਨੀ ਧਰਤੀ ਦੀ ਜੀਵਨ ਸ਼ੈਲੀ ਵਿਚਕਾਰ ਇੱਕ ਵੱਡਾ ਪਾੜਾ ਬਣਿਆ ਹੋਇਆ ਹੈ। ਧਰਤੀ ਤੋਂ ਬਾਹਰ ਦੀ ਇੱਕ ਵੱਡੀ ਆਬਾਦੀ ਨੇ ਅਜ਼ੇ ਦਿਆਲੂ ਵੀਗਨ ਖੁਰਾਕ ਨੂੰ ਨਹੀਂ ਅਪਣਾਇਆ ਹੈ। ਮਈ 2026 ਵਿੱਚ, ਸਾਡੇ ਸੁਪਰੀਮ ਮਾਸਟਰ ਚਿੰਗ ਹਾਈ ਇੰਟਰਨੈਸ਼ਨਲ ਐਸੋਸੀਏਸ਼ਨ (ਸਾਰੇ ਵੀਗਨ) ਦੇ ਇੱਕ ਮੈਂਬਰ ਨੂੰ ਸ਼ੰਭਲਾ ਦੇ ਰਾਜਾ ਤੋਂ ਇੱਕ ਚੇਤਾਵਨੀ ਸੰਦੇਸ਼ ਮਿਲਿਆ।

ਜਿਵੇਂ ਹੀ ਮੈਂ ਸ਼ੰਭਲਾ ਬਾਰੇ ਆਪਣੇ ਦਿਲ ਵਿੱਚ ਸੋਚ ਰਹੀ ਸੀ, ਸ਼ੰਭਲਾ ਦਾ ਰਾਜਾ ਪ੍ਰਗਟ ਹੋਇਆ ਅਤੇ ਬੋਲਿਆ, "ਮੇਰੇ ਕੋਲ ਇੱਕ ਬਹੁਤ ਮਹੱਤਵਪੂਰਨ ਗੱਲ ਹੈ ਜੋ ਮੈਂ ਚਾਹੁੰਦਾ ਹਾਂ ਕਿ ਤੁਸੀਂ ਮਨੁੱਖਤਾ ਨੂੰ ਦੱਸੋ।" ਮੈਂ ਸਤਿਕਾਰ ਨਾਲ ਜਵਾਬ ਦਿੱਤਾ, "ਕਿਰਪਾ ਕਰਕੇ, ਸ਼ੰਭਲਾ ਦੇ ਰਾਜਾ, ਆਪਣੀਆਂ ਹਦਾਇਤਾਂ ਨੂੰ ਜਾਣੂ ਕਰਵਾਓ।"

ਜਦੋਂ ਉਹ ਧਰਤੀ ਦੇ ਲੋਕਾਂ ਨੂੰ ਸੁਨੇਹਾ ਦੇ ਰਿਹਾ ਸੀ ਤਾਂ ਉਸਦਾ ਚਿਹਰਾ ਗੁੱਸੇ ਨਾਲ ਭੜਕ ਉੱਠਿਆ: "ਅਣਗਿਣਤ ਜੀਵਨ ਕਾਲਾਂ ਤੋਂ, ਸ਼ੰਭਲਾ ਇਸ ਗ੍ਰਹਿ ਦੀ ਰਾਖੀ ਕਰਦਾ ਰਿਹਾ ਹੈ; ਪਰ ਹੁਣ, ਅਸੀਂ ਤੇਜ਼ੀ ਨਾਲ ਉਸ ਬਿੰਦੂ ਤੇ ਪਹੁੰਚ ਰਹੇ ਹਾਂ ਜਿੱਥੇ ਅਸੀਂ ਇਸ ਸਰਪ੍ਰਸਤੀ ਨੂੰ ਹੋਰ ਨਹੀਂ ਸੰਭਾਲ ਸਕਦੇ! ਧਰਤੀ ਸ਼ਾਨਦਾਰ ਸੁੰਦਰਤਾ ਦੀ ਇੱਕ ਦੁਨੀਆਂ ਹੈ, ਜੋ ਸਾਡੇ ਪਿਆਰ ਅਤੇ ਸੁਰੱਖਿਆ ਦੇ ਬਹੁਤ ਯੋਗ ਹੈ; ਫਿਰ ਵੀ ਇਸ ਵਿੱਚ ਰਹਿਣ-ਵਾਲੇ ਮਨੁੱਖ ਇਸ ਗ੍ਰਹਿ ਨੂੰ ਬੇਰਹਿਮੀ ਨਾਲ ਤਬਾਹ ਕਰ ਰਹੇ ਹਨ!"

"ਸਾਡੀ ਦਿਆਲਤਾ ਦੁਸ਼ਟਾਂ ਲਈ ਨਹੀਂ ਹੈ! ਜੇ ਅਸੀਂ ਧਰਤੀ ਦੀ ਰੱਖਿਆ ਕਰਨ ਦੇ ਆਪਣੇ ਇਰਾਦੇ 'ਤੇ ਕਾਇਮ ਰਹੀਏ, ਤਾਂ ਅਜਿਹਾ ਲੱਗੇਗਾ ਕਿ ਅਸੀਂ ਉਨ੍ਹਾਂ ਤਾਕਤਾਂ ਦੀ ਮਦਦ ਕਰ ਰਹੇ ਹਾਂ ਜੋ ਇਸਨੂੰ ਤਬਾਹ ਕਰਦੀਆਂ ਹਨ!" "ਸਾਡੇ ਗ੍ਰਹਿ ਦੀ ਸ਼ਾਂਤੀ, ਸੁੰਦਰਤਾ ਅਤੇ ਨਿਆਂ ਉਹ ਹਨ ਜੋ ਅਸੀਂ ਸੁਰੱਖਿਅਤ ਰਖ ਰਹੇ ਹਾਂ, ਫਿਰ ਵੀ ਮਨੁੱਖਤਾ ਪਛਤਾਵਾ ਨਹੀਂ ਕਰਦੀ, ਸਵਰਗ ਦੀਆਂ ਅਸੀਸਾਂ ਨੂੰ ਹਲਕੇ ਵਿੱਚ ਲੈ ਰਹੀ ਹੈ। ਅਸੀਂ ਅਜਿਹੇ ਜ਼ਾਲਮ ਲੋਕਾਂ ਦੀ ਰੱਖਿਆ ਹੋਰ ਨਹੀਂ ਕਰ ਸਕਦੇ!”

"ਇਸ ਲਈ, ਜੇਕਰ ਮਨੁੱਖਤਾ ਕਤਲੇਆਮ ਦੇ ਇਨ੍ਹਾਂ ਕੰਮਾਂ ਵਿੱਚ ਲੱਗੀ ਰਹਿੰਦੀ ਹੈ - ਜਾਨਵਰ-ਲੋਕਾਂ ਅਤੇ ਤੁਹਾਡੀ ਆਪਣੀ ਕਿਸਮ ਦੋਵਾਂ ਦਾ ਕਤਲੇਆਮ - ਤਾਂ ਅਸੀਂ ਸ਼ੰਭਲਾ ਤੋਂ ਪਿੱਛੇ ਹਟ ਜਾਵਾਂਗੇ। ਪ੍ਰਾਚੀਨ ਭਵਿੱਖਬਾਣੀ ਕਹਿੰਦੀ ਹੈ: 'ਅੰਤ ਦੇ ਸਮੇਂ ਵਿੱਚ, ਸ਼ੰਭਲਾ ਦਾ ਰਾਜਾ ਧਰਤੀ ਲਈ ਲੜਨ ਲਈ ਆਪਣੇ ਯੋਧਿਆਂ ਦੀ ਅਗਵਾਈ ਕਰੇਗਾ।' ਫਿਰ ਵੀ ਉਹ ਲੜਾਈ ਸਿਰਫ਼ ਧਰਮੀਆਂ ਦੀ ਖ਼ਾਤਰ ਹੈ! ਜੇ ਤੁਸੀਂ ਜੀਵਾਂ ਅਤੇ ਆਪਣੇ ਸਾਥੀ ਮਨੁੱਖਾਂ ਨੂੰ ਨੁਕਸਾਨ ਪਹੁੰਚਾਉਂਦੇ ਰਹੋਗੇ, ਤਾਂ ਅਸੀਂ ਇਸ ਭਵਿੱਖਬਾਣੀ ਨੂੰ ਮਿਟਾ ਦੇਵਾਂਗੇ!"

"ਇਹ ਨਹੀਂ ਹੈ ਕਿ ਅਸੀਂ ਭਵਿੱਖਬਾਣੀ ਨੂੰ ਪੂਰਾ ਕਰਨ ਤੋਂ ਇਨਕਾਰ ਕਰਦੇ ਹਾਂ; ਸਗੋਂ, ਇਹ ਹੈ ਕਿ ਤੁਸੀਂ ਮਨੁੱਖ ਸਵਰਗੀ ਨਿਆਂ ਅਤੇ ਸਵਰਗ ਦੇ ਰਾਹ ਤੋਂ ਬਿਲਕੁਲ ਵਾਂਝੇ ਹੋ! ਜੇ ਅਸੀਂ ਅਜਿਹੇ ਲੋਕਾਂ ਦਾ ਸਮਰਥਨ ਕਰਦੇ ਰਹੀਏ, ਤਾਂ ਇਹ ਹਨੇਰੇ ਦੀ ਇੱਕ ਦੁਨੀਆਂ ਦਾ ਸਮਰਥਨ ਕਰਨ ਦੇ ਬਰਾਬਰ ਹੈ!"

"ਇਸ ਲਈ, ਸ਼ੰਭਲਾ ਧਰਤੀ ਦੇ ਲੋਕਾਂ ਨੂੰ ਇੱਕ ਆਖਰੀ ਚੇਤਾਵਨੀ ਦੇਵੇਗਾ! ਸਾਡਾ ਮੂਲ ਮਿਸ਼ਨ ਧਰਤੀ ਦੇ ਊਰਜਾਵਾਨ ਸੰਤੁਲਨ ਨੂੰ ਬਣਾਈ ਰੱਖਣਾ ਸੀ; ਹਾਲਾਂਕਿ, ਜੇਕਰ ਤੁਸੀਂ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਦੀ ਇੱਕ ਵੀਗਨ ਖੁਰਾਕ ਅਪਣਾਓਣ ਦੀ ਸਲਾਹ ਵਲ ਜ਼ਲਦੀ ਧਿਆਨ ਨਹੀਂ ਦਿੰਦੇ, ਤਾਂ ਅਸੀਂ ਧਰਤੀ 'ਤੇ ਇਸ ਊਰਜਾਵਾਨ ਸੰਤੁਲਨ ਨੂੰ ਬਣਾਈ ਰੱਖਣਾ ਬੰਦ ਕਰ ਦੇਵਾਂਗੇ!"

"ਸ਼ੰਭਲਾ - ਦੁਨੀਆ ਦਾ ਇੱਕ ਅਜਿਹਾ ਸੁੰਦਰ ਕੋਨਾ - ਮਨੁੱਖਤਾ ਦੇ ਅੰਦਰ ਫਿਰਦੌਸ ਦੀ ਤਾਂਘ ਨੂੰ ਪ੍ਰੇਰਿਤ ਕਰਨ ਲਈ ਮੌਜੂਦ ਹੈ। ਫਿਰ ਵੀ ਧਰਤੀ ਇੰਨੀ ਪੂਰੀ ਤਰ੍ਹਾਂ ਪਲੀਤ ਹੋ ਗਈ ਹੈ ਕਿ ਸਾਨੂੰ ਇਸ ਤੋਂ ਪਿੱਛੇ ਹਟਣ ਲਈ ਮਜਬੂਰ ਹੋਣਾ ਪਵੇਗਾ!"

"ਜਿਵੇਂ ਕਿ ਤੁਸੀਂ ਜਾਣਦੇ ਹੋ, ਇਸ ਬੇਰਹਿਮ ਮਾਹੌਲ ਨੂੰ ਸਹਿਣ ਤੋਂ ਅਸਮਰੱਥ, ਬਹੁਤ ਸਾਰੇ ਅੰਦਰੂਨੀ ਧਰਤੀ ਦੇ ਸੰਸਾਰ ਪਹਿਲਾਂ ਹੀ ਧਰਤੀ ਤੋਂ ਖਾਲੀ ਹੋ ਚੁੱਕੇ ਹਨ; ਇਹ ਧਰਤੀ ਦੇ ਵਿਨਾਸ਼ ਤੋਂ ਪਹਿਲਾਂ ਇੱਕ ਸਾਵਧਾਨੀ ਪੂਰਨ ਨਿਕਾਸੀ ਵਜੋਂ ਵੀ ਕੰਮ ਕਰਦਾ ਹੈ। ਜੇ ਤੁਸੀਂ (ਜਾਨਵਰ-ਲੋਕਾਂ ਦਾ) ਮਾਸ ਖਾਣਾ ਅਤੇ ਯੁੱਧ ਕਰਨਾ ਜਾਰੀ ਰੱਖਿਆ, ਤਾਂ ਤੁਹਾਨੂੰ ਸਾਡੀ ਸੁਰੱਖਿਆ ਨਹੀਂ ਮਿਲੇਗੀ; ਅਸੀਂ ਤੁਹਾਨੂੰ ਛੱਡ ਦੇਵਾਂਗੇ ਅਤੇ ਚਲੇ ਜਾਵਾਂਗੇ!"

"ਇਹ ਨਹੀਂ ਹੈ ਕਿ ਅਸੀਂ ਤੁਹਾਡੇ ਲਈ ਲੜਨ ਤੋਂ ਇਨਕਾਰ ਕਰਦੇ ਹਾਂ; ਸਗੋਂ, ਤੁਸੀਂ ਆਪਣੀ ਮਰਜ਼ੀ ਨਾਲ ਆਪਣੇ ਹੀ ਅਪਮਾਨ ਦਾ ਸ਼ਿਕਾਰ ਹੋ ਗਏ ਹੋ! ਅਸੀਂ ਹੋਰ ਯੋਗ ਗ੍ਰਹਿਆਂ ਦੀ ਰਾਖੀ ਲਈ ਅੱਗੇ ਵਧਾਂਗੇ। ਅਸੀਂ ਤੁਹਾਨੂੰ ਸਨਮਾਨ ਨਾਲ ਪੇਸ਼ ਆਉਣ ਦੀ ਤਾਕੀਦ ਕਰਦੇ ਹਾਂ!”

ਜੇਕਰ ਅਸੀਂ, ਧਰਤੀ ਦੀ ਸਤ੍ਹਾ ਦੇ ਨਾਗਰਿਕ, ਇਸ ਗ੍ਰਹਿ 'ਤੇ ਰਹਿਣਾ ਚਾਹੁੰਦੇ ਹਾਂ, ਤਾਂ ਸਾਡੇ ਸਾਰਿਆਂ ਲਈ ਸਭਿਅਕ ਵੀਗਨ ਖੁਰਾਕ ਅਪਣਾਉਣੀ ਅਤੇ ਮਾਸ ਖਾਣ ਦੀ ਵਹਿਸ਼ੀ ਆਦਤ ਤੋਂ ਦੂਰ ਰਹਿਣਾ ਬਹੁਤ ਜ਼ਰੂਰੀ ਹੈ। ਅਸੀਂ ਸ਼ੰਭਲਾ ਦੇ ਰਾਜਾ ਦਾ ਉਨ੍ਹਾਂ ਦੀ ਸਮੇਂ ਸਿਰ ਚੇਤਾਵਨੀ ਲਈ ਧੰਨਵਾਦ ਕਰਦੇ ਹਾਂ, ਜੋ ਸਾਡੇ ਸਭ ਤੋਂ ਪਿਆਰੇ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਦੇ ਮਾਰਗਦਰਸ਼ਨ ਨੂੰ ਦਰਸਾਉਂਦੀ ਹੈ। ਆਓ ਸਾਰੇ ਉਨ੍ਹਾਂ ਦੀ ਕੀਮਤੀ ਅਤੇ ਸਿਆਣੀ ਸਲਾਹ ਵੱਲ ਧਿਆਨ ਦੇਈਏ, ਤਾਂ ਜੋ ਅਸੀਂ ਇੱਕ ਦਿਨ ਧਰਤੀ ਦੇ ਅੰਦਰੋਂ ਉੱਨਤ ਜੀਵਾਂ ਨੂੰ ਮਿਲ ਸਕੀਏ, ਆਪਣੇ ਦੂਰੀ ਨੂੰ ਵਧਾ ਕੇ ਹੋਂਦ ਦੇ ਹੋਰ ਵਧੇਰੇ ਉੱਤਮ ਪੱਧਰ ਨੂੰ ਸ਼ਾਮਲ ਕਰ ਸਕੀਏ।