Дэлгэрэнгүй
Татаж авах Docx
Дэлгэрэнгүй уншаарай
Асуулт байна уу? Та нарт хангалттай юу? Асуухыг хүссэн зүйл байна уу? Энд тухтай байна уу? Амарч... (Үнэхээр тухтай байгаа.) Амраарай. (Баярлалаа, Багш аа.) Өөрсдийгөө харж хандаж, бясалгаж, хүссэнээ хий, ном унш, ТВ үз, бичлэгүүд үз. Яасан ч болно, асуулт байна уу? Байхгүй юу? Тун догь. Догь.Дээш дэвшээгүй хүмүүс ойлгосон гэж найдъя, үнэхээр миний юу ярьж байгааг, алдах, олох тухай ойлгосон гэж найдъя, тэгснээр ирээдүйд та нар гомдоллохгүй. Гаднах хүмүүс бас ажлынхаа талаар бүү гомдолло. Тэд өдөрт арван цаг ажиллаж багахан мөнгө олохоос гадна заримдаа дарга нь бас тэдэнтэй муухай харьцдаг. Тэд тэгж их гомдоллодоггүй. Ширээн дээр нь талх байгаад л тэд өдөр бүр Бурханд талархдаг. Ямар ч гомдол муу. Та нар өөрсдийгөө цэвэрлэж, үйлдсэн үйлийн үрийнхээ өр төлөөсийг төлөх боломжид талархдаггүй. Байнга талархалтай бай, амьдралынхаа өдөр бүр, өдрийн бүх цаг мөчид таларх. Тийм байх учиртай. Үүнийг санаарай. Талархалтай бай, даруу бай, Бурханыг хүс. Гуравхан зүйлс.Асуулт байхгүй бол би явлаа. (Багш аа, надад нэг асуулт байна.) За асуугаарай. (Хэрэв заримдаа зарим нэг төрлийн ажил хийж байхдаа жишээ нь нэг тийм зөрүүд хүмүүстэй учирч, тэдэнтэй хамт ажиллахад үнэхээр хэцүү байдаг. Би өөртөө тэвчээртэй бай гэж хэлдэг ч тэд бусдын эсвэл нийт хамт олны ажилд оролцоход жаахан хэцүү.) Мэднэ ээ, мэднэ. (Бид хэрхэн яаж...) Чадлаараа л хичээ. Тэр хүнтэй ганцаарчлан уулзаж, эелдгээр ярилц. “Би таныг сайныг санасан гэдгийг мэднэ ээ. Сайныг санасныг мэдэж байгаа ч эхлээд ийм байдлаар туршаад үзвэл ямар вэ? Хэрэв үйлчлэхгүй бол таныхаар болъё. Гуйя, таныг чадлаараа хичээж буйг мэдэх ч би тодорхой харж байна. Эхлээд ингээд үзье. Бид үнэхээр сайныг санасан. Зөвхөн сайныг санаж байхад л их хэмжээний буян хураадаг.” гээрэй. (За.) “Мөн ямар ч бүлэгт нэг л удирдагчтай, хоёр гурван зөвлөхтэй байхад болно. Хэт олон хүн, хэт олон санаа гараад байвал бид давж чадахгүй.” Түүнд зүгээр л ингэж хэл, за юу? (За. Баярлалаа, Багш аа.) Зүгээр дээ.(Хэрэв бид тэднийг... хохироож... учир нь бид тэдний санааг авахгүй учраас тэдний сэтгэлийг бодож ямар нэг юм хийх ёстой юу...) Тийм, тийм, тийм нөх, нөх, тийм. Тэдэнд бяцхан бэлэг ч юм уу өгөөрэй. “Тэр нэг өдөр би бас Багшийн ажлыг хийхийг үнэхээр их хүсэж байсан болохоор мөн бүгд надтай санал нэг байсан болохоор таныг гомдоосон байж мэднэ. Намайг уучлаарай. Уучлаарай.” гээрэй. Эгэл даруу зан хэзээ ч гэм хоргүй. Хэрэв таны буруу гэж бодвол, уучлалт гуйгаарай. Өөрийн тань буруу биш бол март. Гэвч түүнд сайхан сэтгэгдэл төрүүлье гэвэл жаахан бэлэг өгөх юм уу, жаахан эелдэг яриарай. Гэвч хэтрүүлэх хэрэггүй, тэр буруугаар ойлгоод өөрт нь хайрлаж дурлаж гэж бодно, тэгвэл танд бүр ч их асуудал тулгарна. (За.) За юу? (За.)Үргэлж нэр төртэй байж, эсрэг хүйстнээсээ зайгаа бариарай, яагаад гэвэл та нарт хэлсэнчлэн хэдий та үйлийн үргүй Гуравдугаар (Төвшний) Гэгээнтэн байлаа ч бусад хүмүүсийн сексийн хүч та нарт бас нөлөөлөх боломжтой. Хэт ойртвол үүнийг нь мэдэрнэ. Тэгээд та нар андуурч энэ залуу, тэр охинд дурлаж байгаа нь өөрийгөө гээд бодчихдог. Тийм биш. Тал хувьд нь тийм биш байдаг. Тал удаад нь бусад хүмүүс та нарт нөлөөлдөг, яагаад гэвэл магадгүй өнгөрсөн төрөлдөө холбоотой байсан байх. Магадгүй саяхан, өмнөх төрөлдөө та хоёр эхнэр нөхөр байсан байх. Тиймээс тэр эргэж ирээд доогуур төвшнийх учраас танд давж нөлөөлдөг. Түр хугацаагаар тэгж тэр доош нь татах боломжтой, түр. Тиймээс тун болгоомжтой байгаарай. Зайгаа барь. Эелдэг бай. Нэр төрөө хадгал. Нөхөрлөл байх ч, цэвэр ариун байдлаар.Та нар дөнгөж л Гуравдугаар Төвшинд хүрч байна, бүгдийг нь үүрээд явах хангалттай буян та нарт байхгүй. Хэрэв илүү өндөрт байсан бол магадгүй. Тавдугаар Төвшинд хүрсэн байсан бол магадгүй, хэдийг тээгээд явж чадна. Зөвхөн... Үгүй, тийм! Та нарт гэж хэлэхэд тэд үнэхээр хүнд! (За.) Зөвхөн Сонгогдсон Их Багш л илүү олноор нь үүрээд явж чадна. Сонгогдсон Нэгэн, яагаад гэвэл Түүнд илүү эрх олгогддог; Диваажингаас Түүнийг тээж илүү олон хүн үүрч явах илүү хүч хайрладаг. Гэвч, “Сонгогдоогүй нь” Тавдугаар Төвшнийх бол хүмүүст авшиг хүртээж, гэтэлгэж чадах ч олныг бол үгүй. Одоо ойлгов уу?Өөр асуулт байна уу? (Тийм.) Асуугаарай. (За, Багш аа. Асуулт хариулт 3 номд, Багш биднийг өөр өөр аргаар өсөж хөгждөг тухай дурдсан байдаг. Зарим хүмүүс билиг ухаанаа хөгжүүлдэг бол зарим нь ... (дотоод Диваажингийн) Аялгуугаа хөгжүүлдэг, зарим нь өөр өөр аргаар өсөж хөгждөг.) Тийм, за. (Тэгэхээр энэ нь... Энэ цаг үед би билиг ухаанаа ихээхэн хөгжүүлсэн. Гэвч, Асуулт Хариулт номын энэ хэсэгт бичсэнээр бол би билиг ухаанаа зөвхөн дотоод (Диваажингийн) Гэрэл, Аялгуугаар хөгжүүлдэггүй гэсэн байсан? Энийг л асуух гэсэн юм. Үгүй, зөвхөн тийм биш. Үнэн. Заримдаа шууд явдаг. (За, баярлалаа.)Зарим хүмүүс илүү (дотоод) ахуй ойлголттой. Зарим хүмүүс зүгээр л билиг ухаантай, (дотоод) ахуй ойлголт багатай байдаг. Мэдээж бас үйлийн үрээс тань хамаарна. Хувь хүнээс хамаарна. Зарим хүмүүс хавьгүй их үйлийн үртэй учраас (дотоод) ахуй ойлголт нь бага, эсвэл (дотоод Диваажингийн) Аялгуу нь бага байдаг ч хүрсэн төвшнийхөө билиг ухаантай байдаг. Гэвч тэд өдөр бүр нэмж үйлийн үр тарьдаг болохоор тэдний хувьд жаахан бүдгэрүүлдэг. Энэ нэг шалтгаан нь. Өөр нэг шалтгаан гэвэл, заримдаа Бурхан хэт их зүйл харуулахыг хүсдэггүй, яагаад гэвэл та нар Гэрээ санах болно. Энд цааш амьдрах хүсэлгүй болдог. Ямар ч ажил хийхийг хүсдэггүй. (Баярлалаа, Багш аа.) Зүгээр дээ.Өнгөрсөн төрөлд нэг Энэтхэг Их Багш байсан. Заримдаа Тэрээр ихэд гуниглаж уйлдаг байв. Шавь нь Түүнээс, “Юу болоо вэ, Багш аа? Ямар асуудал гараа вэ? Та юунд ингэтлээ гуниглаа вэ?” гэж асуухад Тэр, “Тэрийг харчхаад энд эргэж ирэх үнэхээр гунигтай юм.” гэж хариулдаг. Мэдээж. Зөвхөн Асурын Ертөнцөд очсон хүмүүс, клиник үхэлд ороод сэргэсэн хүмүүс хүртэл... “Амьдралын дараах амьдрал” гэдэг номыг санаж байна уу? Тэд хорьхон минут билүү, хагас цаг л явж, (дотоод Диваажингийн) Гэрэл харж, Диваажин энэ тэрийг хардаг, ердөө л Асурын Ертөнц шүү дээ. Тэгээд эргэж ирээд олон долоо хонгоор уйлна. Амьдрах хүсэлгүй болдог, тийм байхад илүү өндөр дээд ертөнцүүдийг ярилтгүй.Дээрээс нь хэдийгээр та нар Гуравдугаар Төвшинд хүрсэн ч хүмүүстэй хутгалддаг ба хангалттай ариусаагүй байдаг. Болхи бүдүүлэг үйлийн үр тань. Сүнс тань Гуравт хүрсэн; үйлийн үр тань маш болхи бүдүүлэг, хатуу ширүүн хэвээр. Нэмж бүү үйлийн үр тарь гэж би та нарт хэлсэн. Гуравдугаар Төвшинд хүрсэн байлаа ч зовдог. Юу ч та нарыг зовоох боломжтой. Тавдугаар Төвшний Төрөлтнүүд бас илүү үйлийн үр таривал зовдог. Мэдээж, Тэд илүү сүнсэн дотроо байдаг; Тэд илүү аз жаргалтай. Гэвч хэрэв, жишээ нь хэрэв та хэн нэгнийг зодвол, тэд ирээд таныг зодно. Аль аль нь зовно. Энэ нь таны хүрсэн төвшинтэй ямар ч хамааралгүй. Тиймээс эгэл даруу, дөлгөөн байхыг хичээхэд л болно. Дашрамд хэлэхэд гарч Их Багшид юм уу Үнэний төлөө ажиллахад үргэлж маш их саад тулгарна. Та үйлийн үргүй байсан ч, хамт ажиллаж буй бусад бүх хүн тань үйлийн үртэй. Мөн өөрийгөө зориулаад ажиллаж буй хүмүүс тань үйлийн үртэй. Тиймээс хэцүү байдаг.Тавдугаар Төвшний Их Багш нарт хүртэл бэрхшээл тулгардаг. Тэд хэцүүдээ биш, харин хэцүү хүмүүсийн төлөө ажиллах ёстой байдгаас тэр юм. Тэд үйлийн үрд дарагдсан хүмүүсийн төлөө ажилладаг. Жишээ нь одоо би цэвэрхэн үзэсгэлэнтэй харагдаж буй. Хэрэв би гараад хог цэвэрлэж, явган хүний зам цэвэрлэх юм уу зүлэг ногоо ухвал бохирдоно. Би бохир төрснөөс биш, угаас бохир ч байгаагүй, харин зүлэг намайг бохирдуулна, явган зам намайг бохирдуулна, хогийн сав намайг бохирдуулна. Энэ бол хэвийн. Гэвч ядаж л бид цэвэрлэх боломжтой. Өөрийгөө тэгж их бохирдуулахгүй бол гэртээ хариад хэдэн цагийн бясалгалаар цэвэрлээрэй, - өдөрт дор хаяж нэг цаг Аялгуу хийгээрэй. Хүн бүр өдөрт дор хаяж нэг цаг Аялгуу хийгээрэй. Тэгээд хоёр, гурван цаг Гуан Гуан буюу (дотоод Диваажингийн) Гэрэл хийж, өдөрт хамгийн багадаа нэг цаг (дотоод Диваажингийн) Аялгуу хийвэл та нар дээрдэнэ. Цэвэрлэх болно.Гуравдугаар Төвшин гэдэг нь ахиж унахгүй гэсэн үг. Ахин хэзээ ч доош унахгүй. Тэгээд л гүйцээ. Хоёрдугаар Төвшинд бол буцаад унах боломжтой. Хоёрдугаар Төвшний оргилд хүрсэн байлаа ч Хоёрдугаар Төвшний дунд хүрч унаж, улмаар Хоёрын хамгийн доор хүрч, тэгээд бүр ахиад Асурын Ертөнцөд ч унаж мэднэ. Гэвч Гуравдугаар Төвшинд бол хэзээ ч тэгэхгүй. Та нар ахиж хэзээ ч унахгүй, зөвхөн дэвшдэг. Хурдан удаан эсэх нь та нараас хамаарна, өдөр тутамдаа үйлдэж буй үйлийн үр, уулзаж учирч буй хүмүүсээс хамаарах ч, хэзээ ч доош унахгүй, хэзээ ч. Энэ нь л сайхан. Энэ бол эрх чөлөөнд хүрэх эхний алхам. Гэтлэгдэхийн эрэг нь. Анхны алхам... (Их Багшийн адислалаар.) Эрх чөлөөт ертөнц дэх эхний алхам.Тийм, би та нарыг үргэлж адисалдаг. Та нар харин өөрсдөө бас хичээх учиртай. Хэрэв ээж нь хүүхдээ угаадаг ч, хүүхэд нь гарч ирээд ахин дахин шаварт хутгалдаад байвал ээж нь яалтай билээ? Ахин дахин цэвэрлээд байвал хүүхэд нь бас зүлгүүлэн угаалгаж, хүйтэнд даараад уурлах болно. Өдөржин усанд байхыг хүсэхгүй. Би ч өдөржин цэвэрлэх боломжгүй. Цэвэрлэхийг хүслээ ч та нар гомдоллоно. “Хэт хүйтэн, хэт өвдөнө,” арьс эмзэг, өдөржин үрээд байвал... Яаж тэсэх вэ? Тэгэхээр хэт бүү бохирдоорой.За, өөр асуулт байна уу? Байхгүй юу? (Заримдаа бид ийм нөхцөл байдалтай тулгарахаас л эмээж, биднийг уурлуулж, хэт их үйлийн үр тариулж, дээшлэх боломжгүй болгох нөхцөл байдалтай тулгарахаас айж нийтийн ажил хийхээс эмээж болох юм.) За, хэрэв хүсэхгүй бол битгий яваарай. Та өөрөө л мэд. Гэвч гэртээ өдөржин амар тайван суугаад байвал бас дэвшихгүй. Тэр л асуудал, тийм байдаг. Хоол хийх хэцүү ч хоолоо хийхгүй бол идэх хоолгүй байна. Хоол хийхэд халуун – хөлөрч, ногоо хэрчдэг бөгөөд явж ногоо худалдаж авах ёстой. Эхлээд мөнгө олох хэрэгтэй. Бүх зүйл хэцүү ч энэ бүхнийг хийхгүй бол бас хоолгүй байх болно. Эсвэл явж гуйлгачлан хоол гуйж болно, тэгвэл хоол тань тийм ч сайхан байхгүй бөгөөд их хугацаа шаардана, заримдаа хоол ч олддоггүй. Тиймээс бидэнд сонголт үгүй. Та нар уурлах болгондоо гурав, дөрвөөс, долоон удаа гүн амьсгаа авахыг хичээж, дараа нь ярилц. Эсвэл, “Түр хүлээж бай.” гээрэй. Нойлын өрөөнд ороод угаа. “Тийм, тийм, тийм, түр хүлээгээрэй, би явах ёстой.” Тэгээд нойлын өрөөнд орж өөрийгөө угааж, хүйтэн ус цацаарай. Таван (Ариун) Нэрсээ уншиж, Их Багшид залбирч, гэрч ирээд ахиад ярилцаарай.Photo Caption: Даруухан хэдхэн миллиметр хөвд, гэвч олон хүний хувьд найдвартай хоргодох ширэнгэн ой!
