Дэлгэрэнгүй
Татаж авах Docx
Дэлгэрэнгүй уншаарай
Та нар миний хувьд “танихгүй хүмүүс”, яагаад гэвэл та нар бүгд миний шавь байгаагүй. Тийм учраас ингэж удсан юм, ингэж их удсан юм. Үгүй бол, миний ойр байсан бол илүү хурдан байх учиртай. Өнгөрсөн төрөлдөө өөр бусадтай хамт бясалган дадуулдаг байсан. Надаас бусад бүгдтэй. Огтхон ч ямар ч хамааралгүй. Энэ төрөлдөө надад яаж итгэснийг тань мэдэхгүй юм, учир нь би бол огт “танихгүй Нэгэн”. Өнгөрсөн төрөлдөө та нар өөр хэнийг ч юм дагаж байсан. Би үргэлж л, “Би энд байна! Би, би! Энд байна!” гэж байсан ч хэн ч тоогоогүй. Амьдрал тийм. Энэ удаа арай жаахан хэцүү ч, та нар чадлаа, зарим тань. Дахин баяр хүргэе. (Баярлалаа, Багш аа.)Орчуулга хэрэгтэй юу? Үгүй юу? Тийм ээ, бага зэрэг, жаахан. Яваад ард суугаарай. Тонг, жаахан орчуулчих. Англи хэл мэдэхгүй хүмүүс... Түүний хоёр талд суугаарай. Товчхон орчуулчих, тэгээд дараа нь ахиад орчуулж өгөөрэй. За юу? (Баярлалаа, Багш аа.) Би хааяа нэг хятад хэлээр ярьдаг. (Баярлалаа, Багш аа.) Энд англиар ярьдаг хүмүүс олон байна.Гэхдээ та нар бидний нэрлэдгээр “Гурав дахь гэгээнтэн” болсон. Ихэнх уралдаан тэмцээнд гурван байр эзлүүлдэг, тийм үү? Нэгдүгээр, хоёрдугаар, гуравдугаар. Та нар гуравт орлоо, муугүй шүү! Ихэвчлэн гурван л байр эзлүүлдэг. Та нар гуравт орсон нь хэдийнээ гайхалтай.Би саяхан гэрээс гарагчидтай “Диваажингийн Хүүхдүүд” гэдэг нэртэй нэг кино үзлээ. Санамсаргүй тэр хүн, тэр бяцхан хүүхэд яасан гээч? Тэр гуравдугаар байранд л орохыг хүсдэг, яагаад гэвэл гуравдугаар байранд орвол түүнд пүүз өгөх байв. Тэр пүүз авчихвал сургуульдаа өмсөх гуталгүй охин дүүдээ өгнө гэж төлөвлөсөн байлаа. Та нар үзэж болно. Тэдэнд өнөө орой зээлдээд энд үзүүлж болно. Энд том ТВ байгаа болохоор энд үзэж болно. Энд хоёр том ТВ авчраарай. (За.) Одоо авчрахад оройтсон уу? Оройтож. Март даа. Дараа тэгээрэй. (За.) Энэ тухай ахиад бодоодохъё. (За.) Магадгүй тэр энд авчирч болох байх.Ямартай ч тэр эхний байранд орохыг хүсдэггүй. Гуравдугаарт л орохыг хүсдэг. Тэр хүүхэд эхний байранд орох биш гуравт орохыг хүсдэг. Магадгүй та нар бас адилхан байх. Гутал л авах гэж. Өөр юу ч биш. Тэр хүн нь хүүхэд болохоор их зүйл боддоггүй, маш энгийн, гэнэн. Охин дүүдээ л гутал авч өгөхийг хүсдэг бөгөөд уралдаад ялдаг. Байнга л түрүүлээд байдаг, гэвч тэр өөр хүүхдийг урдаа орохыг хүлээдэг. За ямартай ч би болох явдлыг урьдчилж хэлмээргүй байна. Энэ бол... Би үлдсэнийг нь ярихгүй, за юу? Тэр ялсан гэдгийг л би хэлсэн, та нар бусдыг нь мэдэхгүй. Тиймээс олон гэнэтийн явдлууд хүлээж буй.Тэгэхээр ямартай ч та нар бас түүнтэй адилхан байх. Гэвч та нар хурдан явж буй гэж найдъя. Эхний байранд орох муугүй шүү. Түүний мэдэхгүй зүйл нь гэвэл тэр нэгдүгээр байранд орвол бусад олон юмс өөрт нь ирэх байв. Магадгүй сурталчилгааны компани ирээд түүнтэй томоохон гэрээ байлгуулж мэднэ. Тэр кино од болж мэднэ, эсвэл дараа нь Олимпт оролцож магадгүй нэр алдартай болж мэднэ. Илүү алдартай болох тусмаа тэр илүү мөнгөтэй болно. Тэгээд дүүдээ өчнөөн олон пүүз аваад өгч чадна шүү дээ. Гэвч хүүхдүүд юу ч мэдэхгүй. Та нар тийм хүүхэд биш л гэж найдъя. Та нар насанд хүрчихсэн бөгөөд “эхний байранд” орно гэж найдъя. (За.) Эхний байранд орсноос ч арай илүү үнэ цэнтэй шагнал бий. Гэвч ямартай ч эхний байр хэдийнээ хангалттай. Илүү дээд шагналыг аажмаар тэндээсээ- эхний байраасаа аажмаар дэвшдэг. Сурах юм маш их, үнэхээр их... Сайхан зүйлс хүлээж буй.Гэвч мэдээж, та нар мэдэхгүй. Материаллаг энэ дэлхийд байгаа цагт та нарт их зүйл мэдэхийг зөвшөөрдөггүй, үхлийн эрмэгт ирсэн үед л мэдэх боломжтой. Тэгэхээр дотоод ахуй ойлголт тань жаахан цэвэрлэгдэж эхлэхэд цаг бараг болсон гэдгийг мэднэ. Үгүй, үгүй, тоглосон юм. Эсвэл нөхцөл байдлаас хамаарна. Магадгүй та нар бага зэрэг (дотоод) ахуй ойлголттой байх. Гэвч ихээхэн (дотоод) ахуй ойлголт энэ тэртэй болбол, ай даа, юмаа баглаарай. Байгаа бүхнээ.Тэр нэг өдөр (Их Багшийн дэвшүүлсэн төрөлтнүүдийн) тоо бүрэлзэж байв, учир нь би та нартай шууд ярилцмаар байсан ч текникийн асуудал энэ тэр гарч, тоо нь өөрчлөгдөөд байлаа. Бүгд орж ирэхийг хүссэн. Тэд, “хурдлаарай, хурдан, хурдан” гээд л тоо нь нэмэгдээд байв. Тийм учраас тэр жаахан төөрөлдөж. Гэхдээ өөрчлөөрэй, за юу? Дахин шивж, өөрчлөөрэй, тэгээд Төвд хэлж нийтлүүлээрэй, Төвийн авшигтнууд харахаар тавиарай. Сэтгүүлд биш. Сэтгүүлд, хүн бүр дэндүү хурдан харчихна. Бичлэг бол өөр. Бичлэг авахыг хүсэж болно. Хэрэв хүн болгон тодорхой сэдвээр юм асуувал тэдэнд өгөх юм уу зарж болно. Тэдэнд мөнгө байгаа эсэхээс хамаарна. Гэхдээ сэтгүүл бол үнэгүй, бүгд харж болно.Ямартай ч, миний хэлээгүй нэг зүйл бий. 2003 оны 2 сарын 26-ны өдрөөс өнөөдрийг хүртэл надад шалгах цаг зав байсангүй. 2 сарын 26. Өнөөдөр хэдэн бэ? Хоёрон уу? (Гурван сарын гурван.) Гурван сарын гурван. (Тийм.) Сайхан цаг. Хоёр мянга гурван оны 2 сарын 26-н хүртэл 2,224 төрөлтөн Гуравдугаар Төвшинд дэвшсэн байна. (Хөөх!) Өнөөдөр би баталгаажууллаа. Би бичсэн.Тэд сүүлчийн мөчид шахаж орсон юм биш. Би 2 сарын 26-ны байдлаарх Гуравдугаар Төвшинд хүрсэн тоог л хэллээ. Бусад нь бүгд хоёр дахь багцад байгаа. Үгүй бол тэд шахаад орж буй. Тэд, “Би ч бас, би ч бас! Би энд байна, энд байна!” гэдэг.Зөвхөн 2 сарын 26-нд 2,224 төрөлтөн. Манай бүлгээс... Тэд Гуравдугаар Төвшин рүү дэвшсэн. Хүн бүр гэгээнтэн гэж бодож байвал тэд хаа сайгүй явж байгаа, тэнд, тийм хямд биш. Гэгээнтнүүдийг олох амаргүй. Тэд гэгээнтнүүд ч гэлээ, “гэгээнтэн” магадгүй... Тийм амар биш. Амар биш. Өөрсдийгөө гэгээнтнүүд хэмээн тунхагласан хүн болгон... Бүгд Асурын Төвшнийх. Тэд хэчнээн их шидийн хүчтэй байлаа ч, эсвэл юу ч идэхгүй юу ч уухгүй байлаа ч үүнийг бүү тоо. Эдгээр нь асурын шид. Хүсвэл та нар ч тэгж болно, гэвч тэр төвшин рүү бүү уна. Би тэгж л хэлэх байна. Бид бас ингэж болох ч шаардлагагүй. Шаардлагагүй. Үйлийн үрийн өгөө аваа бидэнд байх ёстой хэвээр. Дашрамд хэлэхэд хэт их бүү идээрэй, идэх ёстой хэмжээнээсээ илүү бүү ид, учир нь... Энэ тухай дараа ярина аа. Энэ өөр сэдэв.Мөн Гуравдугаар Төвшний 2,224 гэгээнтнүүдээс манай бүлэгт, Төгс Гэгээрсэн Их Багш Чин Хайн Нийгэмлэгт - 1,800 нь бий. (Хөөх.) Бид үргэлж түрүүлдэг! Үүнд нохой(-хүмүүс) болон шувуу(-хүмүүс) багтана. Миний бүх шувуу(-хүмүүс), нохой(-хүмүүс) үүнд ороогүй. Энэ удаа бидэнд... 2,224 дотор 13 нохой-(хүн), 11 шувуу(-хүн) багтсан. (Хөөх.) Өөр ямар ч амьтан(-хүн) байхгүй, уучлаарай. Харин 13 нохой(-хүн) дотор, миний гурав багтсан. Манай бүлэгт Гуравдугаар Төвшинд хүрсэн гурван нохой(-хүн) байна. Мөн манай бүлгийн шувуу (-хүмүүсийн), миний шувуу (-хүмүүсээс) зургаа нь бас үүнд орсон. Гурван нохой(-хүн) зургаан шувуу(-хүн). (Хөөх!) Манай бүлгээс.Манай бүлэгт нохой(-хүн) тийм ч олон байхгүй ч, шувуу(-хүмүүс) талаас илүүг нь эзэлж. (Тийм.) Нохой(-хүмүүсийн) тухайд надад таван л нохой(-хүн) бий. Илүү байлгамаар юм байна, тэгвэл бид бүх... бүх шагналыг нь авах нь. Одоо бол сэтгэл дундуур байна. Гэхдээ миний туслахууд гомдоллоод л гомдоллоод байдаг, надад ч биш л дээ, дотооддоо, “Өө, дэндүү олон нохой(-хүн) байх юм! Хэт ядарч байна. Дэндүү төвөгтэй. Ай...” гэдэг. Одоо харав уу, та нар ялагдлаа. Гуравхан нохой(-хүн) л багтаж!Дэлхий дахинд анхны бүлэг бөгөөд үүнд манайхаас ердөө гурван нохой(-хүн) л орсон байна. Тийм ээ, та нар шангаа хүртэж. Одоо та нар насан туршдаа харамсана. Багахан ажилд гомдоллож байдаг. Тэгэхээр би жаахныг л мэдэгдлээ. Ингээд гүйцээ. Энэ бол миний “ажлаа авснаас” хойших анхны бүлэг. Эсвэл ажлаа авахаас ч өмнө, намайг төрсөн цагаас хойших. Намайг “төрсөн” мөчөөс. Намайг “төрснөөс” хойших. Үүнд “миний Их Багш” гэгдэгчид хүртэл орсон. Энд бүгдийг нь тоолж болно. Ингээд боллоо. Одоо ойлгов уу? (Тийм.)Ямартай ч та нарын зарим тань одоо гэгээнтнүүд боллоо. Илүү болгоомжтой байгаарай. Та нар үйлийн үргүй. Үйлийн үргүй. Энэ нь та нар ахиад хэзээ ч төрөл авах шаардлагагүй гэсэн үг. Та нар миний шавь нар учраас дахин төрөл авч Арьяабалын Аргаар ахин бясалгах шаардлагагүй. Зөвхөн өөрсдөө хүсвэл л болно. Тэнд очвол, та нар Гуравдугаар Төвшинд хүрчхээд өөд болбол тэнд очиж, хэт удаан бясалган дадуулж байвал доош бууж надтай ахин учрахыг илүүд үзэж, эсвэл миний, өөр Их Багш нарын залгамжлагч болохыг илүүд үзвэл хүний амьдралд илүү хурдан дэвшдэг. Энд та нар гашууныг нь ч, сайхныг нь ч амталж, хүн төрөлхтөнд үйлчлээд ч юм уу дэвшлээ түргэсгэх боломжтой. Тэр тохиолдолд бууж ирж болно, асуудалгүй. Гэвч шаардлагагүй.Гэхдээ ахиад жаахан дэвших учиртай. Гуравдугаар Төвшин гэдэг бол тийм ч их зүйл биш. Зүгээр л дээ, зүгээр. Тэндээ байж болно. Гэвч Гурван Ертөнц заримдаа устаад ахин бүтээгдэх боломжтой. Гуравдугаар Төвшнөөс дооших бүх зүйл дэндүү материаллаг талтай учраас амархан эвдэрдэг, хэврэг. Тэсвэргүй. Дөрөвдүгээр Төвшнөөс дээших бүхэн илүү дээр. Дөрвөөс, Тав хүртэлх нь илүү дээр. Тавдугаар Төвшинд хүртэл маш олон төвшин бий. Тавдугаар Төвшинд очсон болгон “Тавынх” биш. Тийм ээ, тэд Тавынх ч гэлээ доогуур Тав, дунд Тав, дээд Тавдугаар Төвшин гэж бий.Зуун хувьд хүрсэн Нэгэн дунд нь очно. Тэд бол бидний нэрлэдгээр “Төгс Их Багш нар”. Гэхдээ бүгд Их Багш нар биш. Гуравдугаар Төвшнөөс Нэг л Сонгогддог бөгөөд дээш сургагдан дэвшдэг. Тэгэхээр төрөл болгонд ганц л Их Багш байдаг - Сонгогдсон Нэгэн. Илүү өндөр Төвшний Их Багш нар бууж ирээд Сонгогдсон Нэгнийг сургадаг. Хэн нэгэн өөрөө Их Багш болох боломжгүй. Сонгогдсон Нэгэн Тавдугаар Төвшинд хүрснээр заах боломжтой болдог. Харин илүү Дээд Төвшний Багшийн шавь өндөр төвшинд хүрвэл тэр Их Багшийнхаа Өндөр Дээд Хүчинд найдаж болно, яагаад гэвэл та биш тэр Хүч түүнийг дэвшүүлдэг.Гэсэн ч та Гуравдугаар Төвшнөөс доогуур байвал заримдаа бахархах сэтгэл төрж, зусардаж, эготой болдог. Тэгээд өргөл барьцаас нь хэт их идэх юм уу өөртөө хэт итгэлтэй, хэт бардам болбол сөрөг хүч бүх буяныг тань авчихдаг. Тэгвэл өмнөхөөсөө ч илүү доош унадаг. Жишээ нь та нар Хоёрдугаар Төвшний оргилд хүрсэн байсан ч гарч (хүмүүст) авшиг хүртээж, хүмүүс та нарыг магтаж, хайрлаж, ямар нэг зүйл хийж, эсвэл өөрт тань мөргөж, өргөл барьц өгснөөс болж өөрсдийгөө авшиг хүртээж байна гэж бодон хүмүүсийн тансаг өргөлд хэт умбаж баясвал, өөрсдийгөө алдана!Зөвхөн үүнд өөрсдийгөө алдаад зогсохгүй дэвшиж чадахгүй, 5-аас 10 хувь унадаг, бүр 20 хувь унах нь ч бий. 50 хувиас 40 хувьтай болно. Энэ бол Асурын төвшин. Эсвэл хүмүүст уурлаж, өөрийгөө оройд нь хүрсэн, харин тэднийг доогуур төвшнийх гэж боддог. Та нар хардаггүй; тэднийг хүндэлдэггүй. Доогуур төвшний хүмүүс байсан ч тэднийг хүндлэхгүй бол асуудалд орно. Одоо та нарт хэлэхэд, Гуравдугаар Төвшинд хүрсэн байлаа ч хүмүүсийг хүндлэхгүй бол, мөн хэт их зугаацвал бас асуудалд орно.Photo Caption: Орчноо Аль Чадлаараа Гэрэлтүүлээрэй
