Дэлгэрэнгүй
Татаж авах Docx
Дэлгэрэнгүй уншаарай
Та энэ дэлхийд буюу маяагийн эзэнт гүрэн рүү ороод өөрийгөө Будда буюу эсрэг чиглэл, эсрэг хүч гэж зарладаг. Энэ нь танд байхгүй гэдгийг маяа мэднэ. Тэгээд мэдээж тэд таныг доош нь татна. Та хэтэрхий хөөрхийлөлтэй болчихсон тул ямар ч шалтаг хэлэх шаардлагагүй. Танд юу ч байхгүй хэр нь та хүмүүсээр шүтүүлж, тэднээс өргөл барьц авахын тулд, эсвэл бүр хүмүүсийг захирч, дарангуйлж, бусад хүмүүсийг хүчирхийлж, мөнгө, алдар нэр олохын тулд, жигшүүртэй, дорд, ядуу амьдралын хүслийнхээ төлөө өөрийгөө агуу гэж зарладаг. Энэ нь дараа нь мэдээж маяа таныг там руу чирэхэд хангалттай. Учир нь танд өөр хамгаалагдах хүч байхгүй.Хэрэв та чухал биш бол тэд таныг ердөө багахан шийтгэж, осолд оруулах юм уу өвчин тусгаж, эсвэл үхүүлэх байх. Гэхдээ хэрэв та тэдний хувьд чухал хүн бол бүх үйлийн үрийг нь цэвэрлэнэ гэж өөр олон хүнд худлаа хэлж, өөрийнхөө араас дагуулаад, бусдын мөнгийг хулгайлах, эсвэл хийж чадах бүх зүйлээ хийх гэх мэтээр өөртэйгөө хамт бузар мууг үйлдүүлэхээр тэднийг өөртөө татдаг. Харин та өөрийгөө Будда гэж хэлчхээд, хүмүүст өгөх ямар ч хүч байхгүй бол энэхүү маяагийн хүчинд түшиглэн, тэднийг хааяа мэхэлж, тэд ямар нэг зүйлтэй болсон мэт, зүгээр л ямар нэг материаллаг юмтай болсон мэт сэтгэгдэл тэдэнд төрүүлнэ. Гэхдээ санаандгүйгээр. Дараа нь өөрийгөө тусалсан хүн нь гэж хэлнэ. Тэгэхээр мэдээж хүмүүс танд илүү их итгэдэг. Учир нь бас маяагийн заль мэх, маяагийн залилах хүчнээс болж тэд танаас залхахад та шоронд орох юм уу үхэх болно.Гэхдээ хэрэв тэд таныг ашиглаж чадаж байгаа бол та юутай ч үнэхээр хэрэгтэй байгаа хэрэг. Учир нь та маш их ов мэхтэй, зальтай, хүч чадлаа бататгах гэж, амьдралынхаа дорой хүслийг, бэлгийн дур хүсэл, мөнгөний шунал, алдар нэрд тэмүүлэх хүслээ хангах гэж юу ч хийж чадахуйц хорон муу хүн. Тэгвэл тэд таныг ашиглах болно. Энэ нь үүрд мөнх мэт санагдах боловч нэг өдөр та үүнийг харах болно. Учир нь таны сүнс тэдэнд олзлогдчихсон байгаа. Та хаашаа ч гүйж чадахгүй. Хэрэв та тамд байгаа бол тусламж дуудаж ч чадахгүй. Будда ч биш атлаа Будда гэж хэлж, бүрмөсөн гэгээрээгүй атлаа гэгээрсэн гэж хэлж, хамгийн том нүгэл үйлдсэн учраас үүнийг зөвшөөрөхгүй! Та Бурханыг элэглэж, хувиа хичээсэн эрх ашгийнхаа төлөө Диваажингийн хүчийг урвуулан ашигладаг. Энэ бол маяагийн хийх дуртай зүйл юм. Тиймээс та тэдний талд байгаа.Мөн та тэдэнтэй маш адилхан. Таны ааш араншин, үйл хөдлөл, бодол сэтгэл, хүсэл зорилго, бүх зүйл маяагийн шинж чанартай яг адилхан тул маяа таныг ашиглахдаа таатай байх болно. Тэгээд л та үүнийг үргэлж хийж чадна гэж боддог. Үгүй ээ, нэгэнтээ, нэг л өдөр та харамсах болно. Таны оюун бодол харамсах болно. Гэхдээ хэтэрхий оройтсон байна. Тэр үед танд Бурхан ч тусалж чадахааргүй хэтэрхий оройтож, хэтэрхий урт хугацаа өнгөрч, маш ихээр хуримтлагдсан үйлийн үртэй байх болно. Тэр үед та гэмшсэн ч нэмэргүй.Тиймээс та миний шавь байсан ч, надаас авшиг хүртсэн байсан ч Бурханы хүслийн эсрэг үйлдлүүд хийж, бусдад хор хөнөөл учруулснаараа эсрэг хүчинд, маяагийн талд байгаа гэсэн үг. Тэгвэл та маяагийн зарц болно. Таны хийсэн олон зүйлээс болж тэд таныг тамд үүрд шийтгэх гэж үүнийг ашиглах болно. Учир нь тэдний хуулийг хүндэтгэх ёстой. Гэвч та энд маяагийн хуулийг буюу Таван сахил болон Арван Зарлигийг, бусад шашны үүнтэй төстэй сахилыг хүндэтгэсэнгүй. Маяа бол өөрсдийн эзэмшилд зориулж энэ хуулийг гаргасан этгээд нь. Учир нь тэд бас Бурханд “Хэрэв Та тэднийг энд ирэхийг зөвшөөрвөл тэд энэ бүх сорилтыг давах ёстой. Тэд эдгээр Таван сахилыг, миний дүрмийг зөрчихөөс зайлсхийснээр миний ертөнц дэх уруу таталтын эсрэг зогсох ёстой. Тэгэхгүй бол тэд энд ирж, миний нутаг дэвсгэрт төвөг учруулж, миний хаант улсад амьдардаг төрөлтнүүдийг хөнөөдөг. Тэгвэл энэ нь сайн зүйл биш юм.” гэж хэлдэг.Тэгэхээр мэдээж тэрхүү хууль, Таван сахил бол Бурхнаас биш, маяагаас гаралтай. Зарлигуудын зарим нь сүмийнх. Яг л сүмийн төлөө хийх ёстой юм шиг. Сүм аль хэдийн ялзарчихсан ч гэсэн сүм рүү явах хэрэгтэй. Энэ бол Бурханаас ирсэн зүйл биш. Энэ бүхэн маяагаас гаралтай. Учир нь маяа өөрийн эзэмшилдээ бууж ирсэн төрөлтнүүдийг Бурханы тунхагласнаар үнэхээр зохистой гэдгээ батлахыг нь хүсдэг. Хэрэв тэд Бурхантай адилхан бол, хэрэв тэдний дотор Бурханы Хүч, тэдэнд Бурханы Оч байгаа бол тэд үүнийг батлах ёстой. Тиймээс хэрэв хүмүүн төрөлтөн, оршихуй энд бууж ирээд Бурхантай төстэй чанарын эсрэг үйлдлийг хийвэл тэр “Бурхан шиг биш”, “Бурханаас гаралтай биш” гэсэн үг юм. Маяа ингэж хэлдэг. Дараа нь тэр шийтгэгдэж, тамд шатаагдах болно. Тэд энэ муу муухайг “цэвэрлэх” гэж хэлдэг. Гэхдээ энэ бүхэн Бурханаас гаралтай биш. Бурхан таныг аюулгүй байлгахын тулд тэднийг сахиж мөрдөөрэй гэсэн. Та бүрэн хамгаалагдах боломжтой. Гэхдээ Таван сахил бол Бурханаас гаралтай биш юм шүү!Одоо та бүхэн мэддэг боллоо. Тиймээс олон хүн буян үйлддэг ч хангалттай цэвэр биш, хангалттай даруу биш, хангалттай ариун биш байж, Бурханыг шүтдэггүй. Тэгээд дараа нь тэдний үйл нь ирнэ. Тэд бас тамд очих болно. Гэхдээ бид, Бурханы шавь нар, Бурханы шавь нар, надаас авшиг хүртэгсэд буян үйлдэж чадна. Та нар олсноосоо өөрсдөдөө хэрэглээд, илүү гарсныг нь зарцуулдаг. Та нар тэнд очиж, хүмүүст ёс суртахуунтай хүн байх, веган байх, Бурханыг шүтэх, Бурханд талархах, Бурханыг магтахыг ойлгуулахын тулд сурталчилгааны хуудас хэвлэж, дайллага зохион байгуулан, үнэгүй веган хоол өгөх зэргээр хүмүүст тусалдаг. Үйлдлээр дамжуулан, Бурханы Сургаалаас сайн сайхныг тараах хуудас болгон хэвлэж, тараах г.м. үүнтэй төстэй зүйл хийдэг. Тухайлбал манай Суприм Мастер Телевизийн нэвтрүүлэг, үлгэрлэлээр дамжуулан сайн сайхныг, түүнчлэн сайн сайхныг магтан дуулсан зарим киног, манай Нийгэмлэгийн аль эрт хийсэн сайн сайхны жишээг, миний айлдвар, олон нийтэд айлдсан айлдвар гэх мэтийг толилуулдаг. Тэдэнд веган хоол хийхийг зааж, веган хоолыг амтлахад нь тусалснаар тэд үүнийг сайн, тэжээллэг гэдгийг нь мэддэг. Учир нь энэ бол та нарын хийж чадах хамгийн сайн буяны үйлс. Энэ бол Бурхан, Будда нарын хамгийн таалдаг зүйл.Гэхдээ би гэх үзэлгүйгээр шүү. Та нар бусад төрөлтнүүддээ туслах үүрэгтэй гэдгээ мэдэж байх ёстой. Учир нь та нар ч гэсэн насан туршдаа, энэ насандаа амьд үлдэхийн тулд, хоол хүнс, цэвэр ус, өөрт байгаа бүх зүйлтэйгээ байхын тулд тэдэнд найдаж байгаа! Тэдэнгүйгээр та нарт ч бас юу ч байхгүй байна. Тэд бас үүргээ биелүүлэхээр энд ирсэн. Гэвч хэрэв тэд төөрчихвөл тэднийг зөв замд нь эргүүлэн оруулах нь та нарын үүрэг юм. Шилдэг нь Арьяабалын зам мөр боловч тэд чин сэтгэлээсээ байх ёстой. Бурхан бол хамгийн агуу гэдгийг тэд мэдэх ёстой. Тэд бүх Будда, бүх Их Багш, бүх зүг, бүх цагийн Гэгээнтэн Мэргэдэд, талархах учиртай. Тэгэхгүй аваас өглөг тань ашиггүй.Үнэн Сургаалыг хүргэх нь хамгийн сайн хандив, хамгийн сайн буяны үйл мөн гэж Будда хэлсэн байдаг даа. Үнэн Сургаалын хандив бол хамгийн дээд хэлбэрийн хандив бөгөөд энэ нь хамгийн их буяныг өгдөг. Хамгийн их адислалыг хүртэх хамгаас эрхэм өргөл бол Үнэн Сургаалын өргөл юм. Гэхдээ та нар зүрх сэтгэлдээ цэвэр ариун, даруу байж, үүнийг хийх боломжтой байгаадаа, санхүүгийн боломжтой, эрүүл байгаадаа Бурханд талархах учиртай. Үүнийг өөрийн веб сайт, фейсбүүк, юу ч бай, өөрийнхөө бүртгэлтэй веб хуудас дээр тавиарай. Гаднах мунхаг түмэнд Их Багшийн Үнэн Сургаалыг хүргэхийн тулд бүхнийг хий. Энэ өөрт тань бас туслах болно. Энэ бол хамгийн сайн буян.Яг одоо Бурхан бодитоор үйлдэх буяныг дахин шаардахгүй байгаа. Би Бурханаас гуйж, уйлсаар л байна. Би “Яагаад? Яагаад? Яагаад? Бүхнийг Чадагч, Агуугаас дээд Агуу минь, Би яагаад бодитоор илүү ихийг өгч болохгүй билээ?” гэж хэлэв. Тэрээр хэлэхдээ “Яагаад гэвэл гамшгийн бүсэд байгаа, эсвэл тахлын үхлийн цаг үед буй хүмүүс хэдийд ч, хаана ч үүнийг хүртэх ёстой.” гэсэн. Тэд үйлээ угаалгах шаардлагатай. Эс бөгөөс өмнөх үйлийнхээ төлөө доод ертөнц буюу тамд унах ёстой болно. Хэрэв тэдний хэн нэг нь там руу явах буюу доод ертөнцөд очих онцгой хүнд үйлийн үргүй бол Их Багшийн хүч тэдний сүнсийг түвшинд нь тааруулан доод юм уу дээд Диваажинд аваачиж чадна. Хэрэв та тэдэнд туслах аваас тэдэнд очих буян багасаж магадгүй. Учир нь тэд ямар нэг юм авсан тул үүнийхээ төлөө буянаа солилцох хэрэгтэй болдог. Энэ төрлийн бодит буяны ажлыг засгийн газрууд юутай ч хийх болно. Засгийн газруудад үүнийг хийх боломж, санхүүгийн эрх мэдэл бий.Мөн заримдаа биднийг ядарсан хүмүүст туслахад зарим засгийн газрууд биднийг бүлэгтээ хүмүүс “оруулах” гэж байна, хүчээр тэднийг Суприм Мастер Телевизээрээ гаргах гэж байна гэж гүтгэдэг. Яах гэж вэ? Миний ярианаас болоод, миний ятгалаг, сэтгэлийг нь татсанаас болоод тэд дурамжхан телевизээр гарлаа ч энэ нь тэдэнд сайн. Тэд буян хүртэнэ, хэмжээлшгүй буян хүртэнэ, яагаад гэвэл тэд ямар нэг муу юм хийгээгүй, манай телевизээр тэдний талаар ямар ч муу юм гарахгүй. Зөвхөн сайн зүйлс л гардаг.Photo Caption: Даруу Агуу-Хий Хуурмаг Төөрөлдүүлж Мэднэ
