Дэлгэрэнгүй
Татаж авах Docx
Дэлгэрэнгүй уншаарай
Бүхнийг болгоогч, Агуу их Оройн Дээд Бурхан болоод хамаг Диваажингийн хайрт, ариун гэнэн сүнснүүд минь сайн байцгаана уу? Та нарын санааг хэтэрхий зовоохгүйн тулд би та нартай ярих гэсэн юм. Би дээрдэж л байна. Миний хувьд энэ бол зөвхөн миний биеийн тухай биш, дотоод оршихуйн тухай юм. Дайн болон энх тайвны төлөө дотоодын тэмцэл өрнөсөөр л. Хэдийгээр гаднаас харахад сайн мэдэгдэхгүй ч би дотоод хүч тэнхээгээ сэлбэж авахыг хичээж байна.Би давгүй байна байх аа. Гэхдээ дэлхий ертөнц үргэлж асар ихээр хувирч байдаг. Мөч өнгөрөх бүрд олон хүн өөрсдийн дотоодын болон хүрээлэн буй нийгмийнхээ сайн тэнцвэртэй харьцааг гажуудуулахуйц юу хийхийг хэзээ ч таашгүй. Тэнцвэртэй л байхыг хичээгээрэй, тэгвэл та нар алзахгүй. Тухайлбал та нарын дотоодод ямар нэг сөрөг чанарууд байгааг мэдсэн ч бас олон сайн тал байдаг бол ядаж тэнцвэржүүлэхийг хичээгээрэй. Төрөхөд тань, тэр бүү хэл бүр төрөхөөс тань өмнө оноосон тэрхүү сөрөг чанарууддаа л зөвхөн автаж, өөрөө өөрийгөө хорлон, баллах боломжийг өөртөө битгий олго, битгий хөхүүлэн дэмж.Энэ дэлхийд төрсөн хүн бүхэнд хүсэл, сонголтоос нь хамааралгүй өр төлөөс заавал бий. Энэхүү амгалан бус, хэцүү бэрх орчлонд амьдарч буйн өр төлөөс тэр юм. Учир нь та нар бүгд цэвэр ариун байвал энерги тань холилдохгүй, энэ дэлхийд харьяалагдахгүй. Та нар дээшээ дүүлэн, Тэнгэрийн орон руу буцах болно. Иймээс Багш нар / Будда нар дэлхийн үйлийн үрийн ачааг үүрэхгүй байсан ч тэд энэ дэлхий дээр үлдэж чадахгүй.Тайлбарлахад хэцүү. Тохирч магадгүй нэг энгийн жишээ авъя л даа. Ажил хайж байгаад өөртөө таарсан, таалагдсан, боломжийн сайн цалинтай аятайхан ажилд орсон байг. Тэгтэл нөгөө ажлынхаа шаардлагад нийцүүлэх гэж хэт хичээсээр заримдаа бие тань хүрэлцэхгүй ядарч, заримдаа сэтгэл мэдрэл тань үнэхээр залхаж байлаа ч огт тоолгүй ямар ч аргагүй 8 цаг, 10 цаг, бүр илүү олон цаг ажиллах хэрэгтэй байдаг. Асуудал үүнд л байгаа юм. Хүн өөрөө хүссэндээ, эсвэл хүсээгүйдээ хийдэг зүйл биш, ажилтайгаа байя гэвэл зүгээр л хийх л ёстой болдог.Махан биетэй төрөл авснаас хойш бид биеийн хүчээ үнэлж, хөдөлмөр эрхлэхээс өөр аргагүй. Эс бөгөөс өөрийгөө арчилж авч явж чадахгүйд хүрнэ. Эцэг эх, ураг төрлөөсөө ихээхэн өв залгамжлан авсан ч ялгаагүй түүнийгээ арчилж, цаашдын амьдралд тань хүрэлцэхүйц байх тал дээр ажиллах л хэрэгтэй болно. Цаашлаад, ажилгүй байх мөн л асуудалтай хэрэг. Яагаад гэвэл амьдралыг тань сонирхолтой болгох юм үгүй бол зарим тохиолдолд сэтгэл санаанд гажуудал үүсэж, дотоодоосоо, эсвэл гадна талаасаа ямар нэг сөрөг нөлөөнд автаж мэднэ.Энэ дэлхийн юм бүхэн ажил. Хувраг байлаа ч ялгаагүй хийддээ ажиллах хэрэгтэй, мөн сүсэгтэн олныхоо хэрэгцээ шаардлага, таалалд нийцэхүйц хангалттай ном мэдлэг, буян хариулалтай байхын тулд ажиллана. Бас шүүмжлэлд өртөнө, шүтэгдэн бишрэгдэнэ. Эгэл хар хүний амьдралын асуултад хариулах ажлыг хийх шаардлагатай болно. Эсвэл өөрийг тань өндөр сэнтийд залж, хэдийнээ Бурхан, хэдийнээ Гэгээнтэн хэмээн хандах агаад тэднээс ирэх хүсэлт шаардлагад эцэс төгсгөл байхгүй. Ертөнцийн жижиг сажиг бүх асуудлаар өөрт тань хандана, хэрэв та тэдний санаснаар хариу өгөхгүй, хүссэнийг нь гүйцээж өгөхгүй бол янз бүрээр сэрдэнэ.Хуврагуудын тухай гэснээс би дөнгөж сая нэг юм саналаа. Би хааяа зарим газар хувраг хүмүүсийг бусад хувраг болон энгийн хүмүүс шүүмжилж байхыг харсан. Хэрэв тэд ямар нэг буруу зүйл хэлэх юм уу Буддын ном сударт харш зүйл хэлж яривал тэднийг нүд үзүүрлэн, хасаж, хөөж туух зэрэг элдэв зүйл болдог. Хувраг байлаа гээд ялгаагүй.Та нарт гэж хэлэхэд хувраг хүмүүст муу юм хэзээ ч битгий хийгээрэй, Муу хуврагууд бий л дээ, мэдээж. Гэхдээ та нар тухайн хуврагийн тухай тийм сайн мэдэхгүй бол түүний нэр хүнд, оюун санааны үйл хэрэгт хохирол учруулахуйц юм бүү хэлж яриарай гэж гуйя. Ямар ч хувраг хүнийг бүү шүүмжил, тэднийг бүү ажилгүй болгоорой. Тэднийг өөрсдийнх нь хэмжээнд ажлыг нь хийлгэ, ялангуяа веган хоолтон лам нарыг, эсвэл ядаж цагаан хоолтнуудыг нь бас. Мөн бусад хуврагуудыг ч адил, бусад шашны номлогч, гэлэнмаа нарыг ч тэр.Та нар энэ цаг үед үйлийн үр хэрхэн боловсорч, муу нөхцөл байдал хэрхэн үйлчилж байгааг ойлгохгүй, манай гараг хэзээ ч гэнэт сөнөж магадгүйг харахгүй байгаа бол ядаж битгий улам дордуулах зүйл хийгээрэй. Лам нар, Их Хөлгөний хуврагууд, би Бага Хөлгөнийг сайн мэдэхгүй байна, ихэнх нь амьтан-хүний махыг, ямар ч төрлийн махыг, ямар ч үед иддэг. Тэд магадгүй өдөрт нэг юм уу нэгээс олон удаа иддэг. Тэгэхдээ тэд бүх төрлийн амьтан-хүний махыг иддэг.Бурхан Багш айлдахдаа мах иддэг хэний ч болов багш нь Тэр биш гэсэн. Баатараа явагч хэмээх их хөлгөн судар. (Трипитака №671). “‘Тэр үед Буддад хандан Арьяа (мэргэн) Махамати (Агуу мэргэн) Бодьсадва-Махасаттва ийн өгүүлэв: ‘Бхагаван (Дэлхийн Хүндэт Нэгэн) минь, би хамаг ертөнцөд үхэх төрөхийн хүрдэнд эргэлдэх, дайсагналцах, нүгэлт муу замд орох зэрэг нь бүгд мах идэх, үе үе үйлдэх аллага зэргээс үүдэлтэй хэмээн харж байна. Эдгээр байдал нь шунал, уур хилэнг нэмэгдүүлж, амьд төрөлтнийг зовлон зүдүүрээс зугтаж чадахгүй болгодог. Энэ маш их зовлон шаналалтай.’ […] ‘Махамати, миний үгийг сонсогтун. Хэрэв миний шавь нараас хэн нэг нь үүнийг шударгаар анхаарч үзэхгүй мах идсэн хэвээр байвал бид түүнийг кандела (алуурчин)-гийн удмынх гэж мэдэх хэрэгтэй. Тэр миний шавь биш, би түүний багш биш. Тиймээс Махамати, хэн нэгэн миний хамаатан болохыг хүсвэл тэр хүн мах идэх ёсгүй.” Миний мэдэх юм ердөө энэ.Тэгэхээр Махаяана урсгалын, өөрөөр хэлбэл Их Хөлгөний хуврагууд веган хүнс хэрэглэдэг. Эсвэл ядаж цагаан хоол иддэг. Магадгүй заримдаа сүү уудаг байх. Тэдний юу иддэгийг би сайн мэдэхгүй ч тэд цагаан хоолыг хүлээн зөвшөөрдөг. Учир нь тэд өндөгний үйлдвэрлэл хэрхэн бяцхан дэгдээхэй-хүмүүс болон тахиа-хүмүүст харгис ханддагийг мэддэггүй, мөн мал аж ахуйн үйлдвэрлэл үхэр-хүмүүсийг хэрхэн зовоодгийг мэддэггүй хэрэг. Тэгэхээр тэдэнд битгий тэгтлээ их хатуурхаарай.Тэд өөрсдийн мэдлэгийн хүрээнд чадах ядахаараа хичээж байна, хамгийн зөв зүйтэй гэж бодсоноо хийж байна. Тэдгээр хуврагууд орхимж нөмөрсөн ч гэсэн тийм их зүйл хийдэггүй, мөн Буддын сургаалыг сайн мэдэхгүй байж болох шүү дээ. Тэд өөрсдийнхөө хэмжээнд л мэдэж, ойлгож авсан байдаг. Учир нь тэдэнд сайн Их Багштай учирч, Бурханы сургаалын мөн чанар, цаад учир шалтгааныг заалгуулж авах боломж ихэвчлэн гардаггүй. Тиймээс чимээгүй байгаарай. Тэдэнд итгэдэггүй, тэднийг хүндэлдэггүй байсан ч тэднийг доромжлох юм уу амьдралыг нь хүндрүүлэх ямар нэг зүйл хийхгүй байгаарай. Учир нь тэд хуврагийн өмсгөлтэй. Энэ нь нигүүлслийг бэлгэдэж, Бурхадын сургаалыг бэлгэдэж байдаг. Энэ нь үүнийг төлөөлдөг. Наад зах нь тийм байдаг. Тэр нь зарим дагалдагчдынх нь дотоодод орших Бурханы Нинж нигүүлсэх сэтгэлийн үрийг сэрээж өгнө шүү дээ. Тэд нар лам нарыг хараад, Их Хөлгөний лам нарыг хараад ядаж санана шүү дээ. Бурхан Багш нинжин сэтгэл болон веганыг зааж сургаж байсныг санана.Би та нарт өмнө нь Баатараа явагч хөлгөн сударт Бурхан Багш сургахдаа биднийг торго бүү хэрэглэ, мөн шувууны өд сөд бүү хэрэглэ, сүү ч битгий уу, амьтны гаралтай юуг ч битгий хэрэглэ гэсэн байдаг гэж хэлж байсан даа. Одоо ихэнх хүн энэ бүгдийг мэддэггүй. Тэдэнд цаг зав байдаггүй, зааж сургах сайн Багш ч байдаггүй. Тиймээс хүлцэл тэвчээртэй байгаарай.Би та нараас илүү гэж хэлэх гээгүй юм шүү. Би бас өмнө нь залуудаа тэвчээргүй байсан. Анх гэлэнмаа болж байхдаа. Нэгэн эрэгтэй шорттой үлдэх хүртлээ хувцсаа тайлчхаад хийд дотор Буддагийн хөшөөний өмнө эргэлдэж, маяглаж байв. Тэрээр Буддагийн хийдийн хөшөөний өмнө тагтан дээр зогсож, Буддагийн хөшөөнүүд түүний ард байв. Би түүнийг их загнасан даа. Буддаг үл хүндэтгэлгүй наанаасаа нэн даруй буу гэж хэлсэн: “Чамд өөр дасгал хийх олон газар байгаа. Буддагийн өмнө зогсчхоод өгзгөө ингэж харуулж болохгүй. Энэ бол Буддын шашинтай хүний үйлдэл биш” гэсэн. Тэгээд тэр зугтаасан даа.Тухайн үед би саваагаа ашиглаж түүнийг явахгүй бол зодно шүү гэж сүрдүүлсэн. Тэгээд тэр зугтааж, Хамба лам дээр очин уйлж, “Өө Багш аа, Багш аа, Тэр намайг зодно гээд байна. Намайг зодно гэнэ” гэсэн.Миний зүгээс энэ нь буруу байсан мэт санагддаг. Мэдээж би залуу байсан ба энэ үйлдэлдээ уучлалт гуйсан – тэр хүнээс биш л дээ. Түүнд тийм зүйл хийх нь зөв гэсэн мэдрэмж төрүүлэхийг хүсээгүй юм. Дасгал хийх олон газар байдаг, хийдийн талбайд дасгал хиймээр байсан ч талбайд нь гарах хэрэгтэй. Урд нь их том талбай бий бөгөөд урдах гудам нь хоосон байсан. Их жижиг тосгон л доо. Хэн ч тэрүүгээр машинтай явахгүй. Явлаа ч гудамд зогсоод тийм зүйл хийх албагүй. Буддагийн хөшөөний урд зогсоод өгзгөө тэгж шарвах учиргүй. Ямартай ч сайхан харагддаггүй, ямар ч шалтаг хэлсэн тийм. Ингээд тэр мөчөөс эхлэн нөгөө хүн ахин хэзээ ч хийдэд эргэж ирээгүй.Photo Caption: Өндөр Дээд, Ариун Таныг Хайрлан Мэндчилье!
