“Авралыг эрж олох шашны сайн уламжлалууд” 11 цуврал лекцийн 4-р хэсгийг

Эрт дээр үед Хаан тайлан харахыг хүсвэл их урт хугацаа шаарддаг байв – заримдаа олон өдөр, сар, жил зарцуулан байж шаардлагатай бүх тайлангаа авдаг. Орчин үед бол би Хаанаас илүү амьдарч буй мэт санагддаг. Интернэтээс шууд л хүссэн зүйлээ харчихна. Дээр үед бол Хаан мэдээ тараахыг хүсвэл олон хүн гүйх ёстой болдог байлаа, олон тайганууд яаравчлан бэлтгэж, олон морьд нутаг орон даяар давхих ёстой болж байсан. Олон хүн Хааны тушаалыг хүлээж, мөн тушаалын хариуг хүлээх ёстой болдог. Орчин үед бол хэдэн товч дараад л илгээчихнэ.

Мөн орчин үед ямар ч хуурамч мэдээллийг нягтлан шалгах тун амархан. Хүмүүс хуурамч мэдээлэл тарааж зүрхэлсээр. Жишээ нь лам утгагүй юм ярьж, бүхий л Будда нарыг үгүйсгэдэг. Мөн Тран Там байна - тэр миний гэрээслэлийг хуурамчаар үйлдсэн. Надад хэнд ч үлдээх ямар ч гэрээслэл байгаагүй. Зүгээр л миний шүлэг. Олон жилийн өмнөх сүйт залуудаа зориулж бичсэн, олон арван жилийн өмнө. Тэр үүнийг ашигласан! Үүнийг ашиглаад миний гэрээслэл гэсэн. Бурхан минь. Мөн Хүэ Бюу өөрийгөө Майдар Бурхан гэсэн. Өө, Амитуофо! Та нар түүнийг Майдар Бурхан гэж хармаар байна уу?

Бас орчин үед хэн нэгэн өөрийг тань ямар нэг зүйлээр гүтгэвэл, өөрийнхөө гэм буруугүйг батлах илүү боломжтой болсон. Өөрийн тань талаар ярьж буй ямар ч хуурамч мэдээллийг олж харвал шууд л үүнийг тодруулж, хариулах боломжтой. Саяхныг хүртэл би интернэтээс юм хардаггүй байсан болохоор тэгж байсангүй. Би зөвхөн өөрийнхөө ажил, үйл хэрэгтээ л анхаардаг. Тийм учиртай. Шавь нар та нарт надаас илүү боломж нь бий. Ямар нэг болохгүй юм байвал, хуурамч мэдээлэл байвал надад мэдээлэх хэрэгтэй, тэгвэл би зохицуулна. Эсвэл ядаж л та нарын эргэлзээг арилгаж би тайлбарлана.

Суприм Мастер Телевизийн хувьд бүрэн хуулийн дагуу байх жишээтэй. Гэвч биднийг доромжилж, худал гүтгэх арга зам олдог. Ингэж огт болохгүй. Тэд тамаас айдаггүй. Намайг Будда энэ тэр гэдэгт итгэдэггүй байлаа ч зөвхөн сайн үйл хийж, сайныг хэлж ярьдгийг та нар мэднэ. Би хэнийг ч гэмтээх гэж оролддоггүй, хэнд ч хор хөнөөлтэй зүйл хэлдэггүй, хэнийг ч худал гүтгэдэггүй. Гэтэл тэд энэ бүхнийг надад хийдэг.

Гэмгүй, сайн хүнийг гэмтээж хохироовол тамд маш өндөр төлөөс төлөх ёстой болно, тэдэнд үйлдсэн зүйлээ 10,000 дахин нугалж төлнө. Гэвч зарим лам нар там гэж байдаггүй гэдэг болохоор зарим хүн тамаас айдаггүй. Мөн Бурхан бүхнийг уучлах учраас нүглээ үйлдээд л бай гэж Пап Францис гэх мэт нь сурталчилдаг. Тийм учраас нийгэм муу байна. Нийгмийн удирдагч гэгдэгчид, шашны тэргүүнүүд, хүмүүсийн итгэдэг, итгэл хүлээлгэдэг шашны тэргүүнүүд хорон санаатай учраас төрөл бүрийн утгагүй юм хэлж, эсрэг үрийг тарьдаг. Тэд бол Ертөнцийн сөрөг талаас ирцгээсэн.

Тиймээс хэн нь хэн бэ гэдгийг мэдэж байх ёстой. Тэднийг дагаж тамд унахгүйн тулд өөрийгөө харж хандаарай. Та нарт үүнийг л сануулах гэсэн юм. Тэд хүссэн зүйлээ хийгээд там руугаа явж болно, харин та нар тэднийг дагаж тамд унах шаардлагагүй. Болгоомжтой бай. Өөрийгөө л хичээ. Ямар нэг асуудал байвал, надад интернэт дэх хуурамч мэдээллийг шалгаад байх цаг зав байхгүй. Гэвч та нар намайг бодвол илүү цаг зав, боломжтой учраас надад хэлэх хэрэгтэй. Тран Там ч юм уу Хүэ Бюу гэх мэтийн талаар би өөрөө 20 жилийн дараа олтол бүү хүлээ. Та нарын юу хийж байгааг би мэдэхгүй. Би хэзээ ч та нарт Тран Там юм уу Хүэ Бюугийн хийсэн зүйлсийг заагаагүй. Тиймээс бүгд худал

гэдгийг мэдэх хэрэгтэй. Миний хэлсэн зүйл биш юм шүү. Хэрэв миний шүлгийг уншсан бол, өмнөх шүлгийн номоос минь нэгийг авч байсан бол түүнтэй ямар ч хамаагүй гэдгийг уншаад ойлгох байсан! Хуучин нөхрөөс минь өмнө надад өөр нэг сүйт залуу байсан бөгөөд бид салснаас болж тэр шүлгийг бичсэн юм. Тэр бас эмч хүн. Надтай зоогийн газар хэдэн удаа уулзчихаад, дараа нь гэртээ, эмнэлэгтээ урьсан. Тэгээд надтай гэрлэхийг хүссэн юм. Надад бүр сав дүүрэн үнэт эдлэл, алмаз гэх мэтийг харуулж билээ. Тэгээд бүр намайг эмнэлгийн ажилтнууддаа хайртай эмэгтэй нь хэмээн танилцуулж уулзуулахыг хүссэн. Гэвч би дэндүү ичимхий. “Би тэнд юу хийх юм бэ? Тэдэнтэй ямар ч хамааралгүй шүү дээ. Эмнэлгийн тань талаар би юу ч мэдэхгүй.” гэж бодоод яваагүй. Очихоос татгалзсан. Тэгээд сүй тавьсныхаа дараа би дүрвэгсдийн лагерьд байшинд нь Аулакын (Вьетнамын) дүрвэгсэдтэй ажиллаж байсан юм. Аллак гэдэг нэртэй. A-L-L-A-C-H.

Тухайн үед Аулакын (Вьетнамын) дүрвэгчид Герман болон бусад олон улс орон руу юу ч үгүй урсан орж ирж байсан үе. Зарим нь юу ч үгүй, өмсөх хувцас ч үгүй ирж байв. Тиймээс Каритас болон тухайн үеийн Германы засгийн газраас хөнжлүүд авчирч, онгоцны буудал дээр тэднийг хүлээж тэднийг хучин, дулаан байлгаж, автобусанд суулгаж дүрвэгсдийн хүлээн авах боломжтой ямар л хоосон барилга байна тийш нь аваачиж байсан, Бурхан тэднийг адисалж, үүрд Диваажинд хүргэх болтугай. Би тухайн үед Германд хоёр лагерьд ажиллаж байсан. Эхнийх нь Аллак. Анх танилцсан эмчтэйгээ сүй тавьсан байхдаа тэнд ажилладаг байв. Тэгээд дараа нь салсны дараа... Би дэндүү их ажиллаж байсан учраас гэрээсээ нүүчихсэн.

Эхлээд хамт байсан ч дүрвэгсдийн лагерьд дэндүү их ажил байсан учраас тийшээ нүүж очсон. Тэнд байсан цорын ганц орчуулагч нь би байсан учраас өдөржин шөнөжин байдаг байв. Тэднийг эмнэлэг рүү авч явна, төрөх эмнэлэг рүү төрүүлэх гээд дагуулж явах гэх мэт тун завгүй. Тэгээд шөнөдөө заримдаа тэд хоорондоо маргах юм уу ямар ч юм шалтгаанаар зодолдоно. Дэндүү шахцалддаг байсан болохоор зарим хүн бухимдаж, өөрсдийнх амьдрал тодорхойгүй байдалд байсан. Тиймээс би тэнд өдөржин, шөнөжин байдаг байлаа. Эхэндээ надад хэдэн цагаар гэртээ харих боломж гардаг байв. Хожим нь ямар ч завгүй болсон болохоор өдөржин шөнөжин дүрвэгсдийн лагерьд байж нэг жижиг өрөөнд амьдардаг болсон. Тэндээ хоолоо хийж, идэж, унтаж, хаа шаардлагатай газар руу нь тэднийг авч явна, ихэвчлэн эмнэлэг рүү. Шүдний эмч дээр хүртэл очно, тэр үед тэдэнд төрөл бүрийн л асуудал гардаг байв. Тэд дөнгөж ирсэн байсан болохоор зарим нь өвдөж, зарим нь шүдээ далайн дээрэмчдэд хугалуулсан байсан. Тэгээд тэр нь халдварлаж, хавдаад, нялх хүүхдүүд төрөөд л төрөл бүрийн юм болно.

Би гэртээ очих боломжгүй учраас түүнийг ирээд надад туслахыг хүссэн. Тэгэхэд тэр ирээд заримдаа хүүхдүүдтэй тоглодог байлаа, тэгээд ирэх нь улам багасаж, хоорондоо уулзах нь бүр л багассаар эцэстээ салсан. Тэгээд л тэр шүлгийг бичсэн юм. Зүрх эмтэрсэн мөрт юм: “Хэрэв би маргааш өөд болбол энэ тэр зүйлээ өөрт тань өмчлүүлэхээр үлдээе.” Үнэндээ надад их юм байгаагүй. Зүгээр л шүлэг маань тийм: “Хоосон мэдрэмж төрж, амьдрал хоосорч, зүрх эмтэрч байна.” гэсэн хэсэг нь түүнд зориулагдсан. Түүний нэрийг нь хэлэх боломжгүй ч аав ээжээсээ хувийн эмнэлэг өвлөн авсан, баян гэр бүл.

Тэр намайг бүх гэрийнхэндээ танилцуулсан, амьд мэнд байгаа ах, эгч, бяцхан дүүгээ... бүр төрөөд дөнгөж сар болж байсан нялх зээгээ авчирч надад танилцуулсан. Маш чин сэтгэлтэй. Сайн хүн. Би хоол хийж мэдэхгүй мэт үргэлж надад хоол хийж өгнө. Зүгээр л хоол хийдэг байсан. Сайхан ч хийнэ. Яаж гэдгийг мэдэхгүй. Тийм герман эмч карри хийж чаддаг, Тай карри, бүр Аулак (Вьетнам) шөл гээд төрөл бүрийн хоол хийж чадна. Тиймээс зүгээр л хийлгэдэг байв.

Аулакын (Вьетнамын) дүрвэгсдийн асуудал миний амьдралд орж ирэх хүртэл бид жаргалтай байсан. Дүрвэгсдийг би орхиж чадаагүй юм. Шөнөөр хэн ч тэнд байдаггүй, бараг л хүн байдаггүй, ганц хоёр сайн дурынхан ирдэг ч, хэдхэн цагаар эсвэл нэг өдрөөр ирчхээд өөрсдийн ажил төрөл, гэр бүл гээд лагериас хол явцгаадаг. Тиймээс надаас өөр ямар ч ажилтан тэнд өдөржин шөнөжин байдаггүй. Мэдээж, эр хүн бол эр хүн. Тэр бас... ажилладаг байсан болохоор нэг сувилагч түүнийг олоод... Эмч нар заримдаа өөрсдийн эмнэлэгтээ ажилладаг ч өөр эмнэлэгт бас туршлага хуримтлуулахыг хүсдэг. Тиймээс түүнд бас надтай уулзах гэж дүрвэгсдийн лагерь руу хол машинаар байн байн яваад байх цаг зав байгаагүй. Түүнийг ирэхэд нь бас би байнга завгүй.

Заримдаа би тэнд байдаг ч үгүй. Дүрвэгсдийг би шүдний эмнэлэг, өөр өөр эмнэлэг рүү нэг өдрийн дотор авч явдаг. Ийш тийш хүргэнэ. Дараа нь тэнд очоод, энд ирж, бүгдийг нь цуглуулж аваад харьдаг байлаа. Тиймээс бидэнд аль алинд маань зав байгаагүй. Мэдээж надад сайхан байгаагүй ч өөр арга байгаагүй. Тэгтэл сувилагч түүнийг олж аваад тэр хоёр нийлсэн. Мэдээж сэтгэл минь эмтэрсэн ч би завгүй байсан. Тэр амьдралаа бодож би ч замаа хөөсөн.

Дараа нь би хоёр дахь эмч сүйт залуутайгаа учирч, түүнтэй гэрлэснийг та нар мэднэ, түүний гэрэл зураг энэ тэр нь бий. Тик Мин Тан гэх нэг ламын худал хэлээд байгаа шиг надаас ах хүн биш. Өлөн өнгийн бүслүүртэй тэр лам миний нөхрийг үнэхээр хөгшин, намайг Вьетнамаас Германд аваачсан гэж хэлсэн. Бүгд худлаа. Тэр юу ч мэдэхгүй. Эсвэл магадгүй тэр санаатайгаар тэгж хэлсэн байх, намайг хөгшин хүнд л тоогдох нэгэн гэсэн

Apr. 12, 2021, Thích Minh Tánh: Чин Хай гэлэнмаа гадаад явж, сувилагчаар ажиллаж байсан, (За.) тэгээд эмчилгээ... Вьетнамд байхдаа Тэр Герман хүнтэй учирсан ба тэр нь хөгшин хүн байсан. Тэр түүнтэй гэрлээд Герман руу аваад явсан.

утгаар. Энэ нь худлаа. Тэр надаас нэг л ах. Бид нэг өдөр төрсөн. Надаас нэг ах, бие махбодын төрсөн өдрөөр тооцвол нэг ах, гэвч миний төрсөн өдөр ч биш шүү дээ. Хэрэв тэгж тоолбол тэр надаас нэг ах. Гэвч Барууныхан магадгүй жаахан хөгшин харагддаг байх, сахалтай болохоор илүү хөгшин харагддаг байсан. Гэвч тийм биш. Надаас ганц л ах. Тэр бол байж болох хамгийн шилдэг нөхөр байсныг би олон удаа хэлсэн. Тэр сүйт залуу бас гайхалтай хүн. Бурхан минь, хэрэв та нарын хэн нэг тань энэ хоёрын нэгтэй гэрлэвэл үүрд жаргалтай байна. Өөр ямар ч эрэгтэйг хүсэхгүй, өөр эрэгтэйг харахыг ч хүсэхгүй. За тэгээд дараа нь би хоёр дахь сүйт залуутайгаа гэрлэсэн, тийм учиртай.

Photo Caption: Сайхан Зохицол Олны Амьдралыг Гэрэлтүүлдэг!

Зураг татаж авах