“Өөрийгөө Майдар Бурхан хэмээн худал зарласан сувдаг чөтгөр” 9 цуврал лекцийн 4-р хэсгийг

Өмнө нь би түүний (Хүэ Бюугийн) талаар бага зэрэг мэддэг байсан ч эргэлзэж байсан учраас зарим Шуурхай мэдээгээр ярьсан юм. Гэхдээ шууд биш л дээ. Түүний нэртэй холбоогүй. Учир нь тэр мэднэ, үүнийг уншвал мэдэх болно гэдгийг би мэдэж байсан тул бусдад хэлэх шаардлагагүй байсан юм. Тэр ердөө л эндүүрч дээ, Шуурхай мэдээн дээрх бүх тайлбарыг маань сонсоод өөрчлөгдөж, дуугүй болно гэж би бодсон. Гэтэл тэгээгүй, тэгээгүй, тэгээгүй. 8-р сарын 23, 24-нд бид хамгийн сүүлийн Шуурхай мэдээг цацсаны дараа тэр өөрийн фейсбүүк дээрээ даруй бичсэн байсан.

Үүнээс өмнө тэр шавиасаа өөрийгөө Майдар гэж тодруулахыг хүсэж, сүрдүүлчихсэн байсан. Тэгээд 23, 24-нд “Майдар Бурханы судар”-ыг зөвхөн тэр л “нууцаар”, ямар нэг нууцлагдмал байдлаар тайлбарлаж чадна, тэгээд тэр бол жинхэнэ Майдар Бурхан гэж хэлсэн. Тэр нь өөрөө гэсэн үг. Хэрэв тэр судрыг тэрээр хэзээ нэгэн цагт тайлбарлавал өөрийнхөө зорилгод нийцүүлэн “Цэцгийн чимэг судар”-ыг өөрчилсөн шиг мушгиж, гуйвуулж мэднэ гэсэн үг. “Энэ бол асар их нүгэл юм! Өөрийн нэр алдар, ашиг сонирхолд нийцүүлэн судрыг зүгээр л өөрчилж болохгүй.” гэж Као Даин Гэгээнтэн надад хэлсэн.

2024 оны 8-р сарын 23-нд Хүэ Бюу фейсбүүкт нийтэлсэн нь: Майдар Бурханыг Шагжамуни Будда таниулсан. Шагжамуни Будда Майдар Бурхан мэндлэхийг зөгнөн хэлэхдээ тухайн цаг үед маш олон хуурамч их багш өөрсдийгөө Майдар Бурхан гэж зарлахыг мэдэж байв. Тийм учраас Шагжамуни Будда “Майдар Бурхан залрахуй судар”-ыг үлдээсэн бөгөөд үүнд Өлзийтэй Эринд энэхүү тавдугаар Буддаг хэрхэн таних талаарх нууцлаг зөгнөлөө багтаажээ. Тийм учраас “Майдар Бурхан залрахуй судар”-ыг тодорхой тайлбарлаж чадах ямар ч Номын Их Багш бол жинхэнэ Майдар Бурхан, тайлбарлаж чадахгүйчүүд нь хуурамч Майдар Бурхад.

Хүэ Бюугийн хөтөлдөг “Майдар Бурхан” хэмээх фейсбүүк хуудаснаас эшлэв : Залуухан Судхана буюу Майдар Бурханыг Као Даи-измд Дамжуулагч Хүүхэд гэж томилсон. Нагац эгч Ту намайг Тань Ань хотын Хань Хау дахь Као Даин Там Тань хэмээх ариун сүм рүү хөтөлсөн. Тэнд монотеизм арга буюу дотоод шидийн хүчийг, ялангуяа Дань Ко (эмчилгээний сүнслэг арга засал буюу үижа самбар ашиглан) заадаг бясалгалын сургууль бий. […] Тэд надад Као Даи-измын Дон Тү (дамжуулагч хүүхэд) болох авшиг хүртээсэн. Одоо би Шагжамуни Буддагийн тайлбарыг Као Даи-изм дахь сүнслэг дамжууллын үүднээс дахин давтаж хэлье. [...] Майдар Бурхан Као Даи-измийн өлгийд төрж, хүмүүжжээ. Тэрээр Као Даи-изм болон Буддын сургаалыг гүн гүнзгий шингээсэн, бүх нийтийн эв нэгдлийн мөн чанартай Као Даи-измын төлөөлөл юм. Тэрээр энэ хоёр агуу шашныг дадуулдаг!

1935 онд болсон Найман Триграмын тахилын ширээн дээрх гурван өдрийн зан үйлээс: Төгс Дээд Төрөлтний захиас Өөр хэн ч биш харин Даод хүрч, Гурван Агуу шашнаас дээгүүр байдаг [газраас] бууж ирсэн хүмүүс л Надтай харилцах боломжтой. Тэр нь АМЬД ИХ БАГШ юм. Ийм Гэгээрсэн Их Багш нар та бүхний адил буян хураахаар “Агуу зам мөрийн бүх нийтийн гурав дахь агуу аврал”-д (Као Даи шашин гэж бас нэрлэдэг) НЭГДЭХГҮЙ. Харин Миний Чөлөөлөх Зорилгыг дэмжихийн тулд ҮҮНИЙ ГАДНА ҮЛДЭНЭ. […] Шавь нар минь, энэ дэлхийд Миний үүргийг гүйцэтгэдэг хүмүүс бол Гэгээрсэн Их Багш нар гэдгийг та нарт тодорхой хэлье. Гэсэн хэдий ч нуугдаж үлдсэн нэг “АГУУ ИХ БАГШ” байсаар байгаа.

Төгс Төрөлтний ярианд дээр дурдсанчлан “АГУУ ИХ МАЙДАР БАГШ” Као Даи шашныг шүтэгчдийн дунд байх боломжгүй нь тодорхой. Энэ нь Као Даин дагагч байсан Хүэ Бюу гэгч Као Даин сургаалыг гуйвуулж, худал хэлснийг харуулж байна.

Тэгэхээр түүн шиг дамжуулагч энэ захиасыг дамжуулахын тулд биеэ ашигладаг, дамжуулдаг хүн нь биш. Тэр ердөө л бие, яг л багаж хэрэгсэлтэй адил. Яг л заримдаа би гитар, эсвэл мандолин тогловол аялгуу гаргаж байгаа нь мандолин биш гэсэн үг. Мандолин ашиглан, үүнээс аялгуу гаргаж байгаа хүн нь би. Үүнтэй л адилхан. Иймд ямар ч дамжуулагч, жишээ нь Буддагийн зарим сургаалаас дамжуулдаг учраас өөрийгөө Будда гэж зарлах боломжгүй. Будда түүний биеийг ашиглахыг хүсвэл шүү дээ. Гэхдээ дамжуулагч цэвэр ариун, бүрэн дүүрэн веган байх ёстой. Гэгээнтнүүд ингэж хэлсэн: “Тэр тахиа идэж, согтууруулах ундаа ууж болохгүй.” Тэр тэгдэг. Тэр хүссэн үедээ амьтан-хүний мах идэж, дарс уудаг. Манай Нийгэмлэгт бүх гишүүд маань веган, согтууруулах ундаа уудаггүй, хулгай хийж, худал хэлдэггүй. Гэтэл тэр бүгдийг нь хийдэг. Тэр хэлснээрээ зандан хэвээр байгаа эсэхийг хэн мэдэх юм бэ? Учир нь Као Даи-измийн дамжуулагч зандан байх ёстой. Гэтэл түүнийг зандан хэвээр байгаа эсэхийг хэн мэдэх юм бэ? Гэгээнтнүүдээс энд тийм эсэхийг нь асууя. Өө, “бүр тийм биш” юм байна. Тэгэхээр мэдээж надад ямар ч нотолгоо байхгүй. Би ердөө надад хэлсэн зүйлийг л сонссон. (Амьтан-хүний) мах идэж, дарс ууж, бас явдалтай байдаг юм байна. Тэр Као Даи-измийн олон зарчмыг хэдийнээ зөрчсөн.

Худал хэлэх бол хамгийн муу нүгэл. Буддын шашинд ч бас та өөрийгөө Будда, бүрэн гэгээрэлд хүрсэн гэж худал хэлбэл энэ нь хамгийн том худал үг болдог. Та үүрдийн завсарлагагүй тамд унах болно. Хэрэв тэр үнэхээр Буддын шашныг судалсан бол үүнийг мэдэх ёстой. Тэр Као Даи-измийн чин сэтгэлт бясалгагч бол үүнийг мэдэх ёстой. Учир нь Као Даин Гэгээнтнүүд дагалдагчдадаа эдгээр бүх зарчмыг зааж сургадаг, Буддын шашинтай төстэй. Тиймээс энэ бол алдаа биш. Энэ бол зориуд хийсэн зүйл.

Тэр миний тэдэнд зориулан бүтээсэн Диваажинд очихын тулд Хаанаа дуулгавартай дагахыг хүсээгүй сувдаг сүнс. Зүгээр л цаг нөхцөөж, асуудал үүсгэхийг хүсдэг. Тэгээд Сувдаг Сүнснүүдийн Эрхэмсэг Дээд Хааныг дагахаа больсны дараа тэр одоо Марад зүтгэж байгаа. Тиймээс Мара түүнд ингэ, тэг гэж хэлсэн. Энэ хэдэн жилд би маш их бэрхшээлтэй тулгарч, бараг л үхэх шахан, зарим талаар сул дорой болсон. Тиймээс тэд энэ боломжийг ашиглан хөгжсөн хэрэг. Тэд мөн Трань Там ажлаа удахгүй дуусгах гэж байгааг мэднэ.

Яг л чөтгөр, сүнс, мангасууд өөрсдийгөө Буддын шашны болон бусад шашны лам, гэлэнмаа, энгийн дагалдагчийн дүрд хувиргана гэж Буддагийн хэлсэн шиг юм. “Эрх мэдэл нь дууссаны дараа тэд нэг бол эрх баригчдад баригдах юм уу эсвэл хүмүүсийг татах чадвар нь ердөө дуусна. Тэгвэл олон сүм хийд хоосрон, орхигдох болно.”

“Будда [Анандад] ийн айлджээ: ‘[…] Хэрэв тийм Төрөлтөн (Бодисадва, Братига-будда, эсвэл Архад) байх аваас чөтгөр лам нарын бүлэглэл Түүнийг үзэн ядаж, Түүнийг гүтгэхээр нэгдэнэ […]. Тэр хөөгдөж, цөлөгдөх бөгөөд Түүнийг тэндээ үлдэхийг зөвшөөрөхгүй. Тэр цагаас хойш тэд бүгд Зам мөрөөрөө буян дадуулах аргагүй болно. Сүм хийдүүд хоосрон эзгүйрч, цаашид засварлахаа больж, нурж сүйдэг хэмээн орхих болно. Лам нар эд агуурсад шунаж, өглөг буян болгон тараахын оронд хуримтлуулж, буян үйлдэхгүй. […] Зам мөр нь бүдгэрэн доройтох шалтгаан бол бүгдээрээ ийм төрлийн хүмүүнээс үүдэлтэй. Зарим нь миний Зам мөрд хоргодон, лам болохыг эрэлхийлж, сахил, журмуудыг эс хэрэгжүүлнэ. Билгийн тооллын сарын дунд болон адагт хэдийгээр сахилын уншлага хийх учиртай ч түүнээс залхан дургүйцэх болно. Залхуу, хайхрамжгүй тэд сонсохыг хүсэхгүй. Тэд энд тэндээс нь сонгон товчилж, бүгдийг нь өгүүлэхийг хүсэхгүй. Судар уншихгүй бөгөөд уншлаа гэхэд онцлог, үг хэллэгийг нь мэдэхгүйгээр хүчилсэн тайлбар хийж, өөрсдийн тааллаар тайлбар хийж, нотлох ба мэддэг хүмүүсээс ч үл асууна. Тэд ихэмсэг байдлаар алдар нэр хөөж, өөрсдийгөө алдаршуулахын тулд эрхэмсэг байдал гарган, хүмүүсээр өргөл барьц хүсэмжлэх болно. Чөтгөр лам нарын ийм бүлэглэл заяасан амьдралаа эцэс болоход сүнс нь Аюуш Тамд унана. ’” ~ “Дээдийн Номын эцсийн төгсгөл судар”-аас эшлэв

Чөтгөр, мангас, тэнүүл сүнснүүд хүний жишгээс өөр байдаг учраас ямар нэгэн сэтгэл татах хүч чадалтай байдаг. Хүмүүс бидэнд ч бас хүч байдаг ч бид бүх хүч чадлаа дарангуйлах зүйлс хийж байсан учраас, эсвэл маяагийн ертөнц болох энэ ертөнцөд хүчээ ашиглахыг тань зөвшөөрдөггүй тул хүч чадалгүй ажиллах тангараг тавьдаг учраас дарагдсан байдаг. Хэрэв Диваажингаас ирсэн бол, хүмүүсийг татахын тулд ид шидийн хүчийг илт ашиглахыг зөвшөөрдөггүй. Зөвхөн чөтгөр, мангас, буг чөтгөрүүд л энэ дэлхийг эрт дээр үеэс захирч байгаа учраас тэгж чадна.

Photo Caption: Хамтдаа Анагааж, Ногооруулж, Үзэсгэлэнтэй Болгож, Диваажинг Үгүйлнэ!

Зураг татаж авах