“Өөрийгөө Майдар Бурхан хэмээн худал зарласан сувдаг чөтгөр” 9 цуврал лекцийн 3-р хэсгийг

Тэд (Као Дай-измын Гэгээнтнүүд) надаас “Као Даи-изм Хүэ Бюуг буруушаагаад удаж байна. Тэр боломж олдохыг удаан хүлээсний эцэст гарч ирээд өөрийгөө Будда гэж худал мэдүүлсэн. Энэ бол түүний хийсэн маш том нүгэл.” гэдгийг дэлхий дахинд хэлж өгөхийг хүссэн юм. Ямартай ч тэр юу хийж чадах вэ? Амьдралынхаа туршид тэр юу ч хийгээгүй. “Као Даин дагагчдыг мөлжиж амьдарч байна! Дараа нь Буддын шашинд орж, тэгээд Нийгэмлэгт сэм шургалж... Энэ Зам мөрийг болон энэ бүхнийг олох гэж мэрийсэн гэж тэр өчжээ. Үгүй, тэр зүгээр л ашиг хонжоо хайж, алдар нэр, эд баялаг, тав тухыг олохын тулд Као Даи-измийн сүмд очсон. Мөн тэр яг ийм шалтгаанаар Таны авшиг хүртээх бүлэгт сэмхэн орсон.”

Гэгээнтнүүд юуны талаар гомдоллож байгааг харцгаая. Би энд санахын тулд бага зэрэг тэмдэглэж бичсэн. Одоо Тэдэнд дөрвөн шалтгаан бий. Би Тэднээс ямар шалтгаан байгааг асуулаа. Нэгдүгээрт, Тэд “Хүэ Бюу гэдэг нэрийг олон нийтэд хэлнэ үү.” гэж надаас хүссэн. Учир нь би хэлмээргүй байсан юм. Түүний тухай мэдээд, орон гаран юм бичсэнийг нь уншаад, судар номыг өөрчилж, бүр өөрийгөө Майдар Бурхан гэж зориглосон зэрэг үйлдэл хийж байхыг нь хараад би түүнд эргэлзэж эхэлсэн. Бас тэр миний нэрийг барьсаар л байна. Би Као Даи-измийн Гэгээнтнүүдээс “Гэвч тэр намайг өмнө нь магтаж байсан. Тэр үнэхээр надаас урвах гэж байгаа бол яагаад ингэх болов?” гэж асуулаа. Энэ эхэндээ надад ч гэсэн ойлгомжгүй байсан. Би энэ талаар нэг их бодоогүй. Түүний сүүл хожим гарч ирсэн!

За, тэдгээр Гэгээнтнүүд намайг яагаад хүмүүст хэлээсэй гэж хүсэж байгаа шалтгааныг авч үзье. Гэгээнтнүүдийн надад хэлсэн зүйл дөрвөн хэсэгтэй. Эрхэмсэг Дээд Хаан энэ бүгдийг зөвшөөрсөн. Илтгэгч уг чуулган дээр тэнд байсан бүгдэд хандан үг хэлж, дараа нь Эрхэмсэг Дээд Хаан бүгдийн өмнө хэлсэн – Энэ бол Као Даи Орны Эрхэмсэг Дээд Хааны айлдвар: Нэгдүгээрт Тэд “Хүэ Бюуд битгий итгэ гэж бие биедээ хэлээрэй хэмээн хүмүүст хэл. Учир нь тэр өмнөх аль ч төрлөө хараагүй байж худал хэлсэн. Тэр ингэж зарлан тунхагласан. Тэр Майдар Бурхан шиг олон төрөл авсан гэж хэлсэн. Энэ нь тэр бол Майдар Бурхан гэсэн үг.” гэдгийг дамжуулахыг надаас хүссэн. Тэр өөрийгөө гэж бодох дуртай. Тэр нь Будда байхтай ямар ч хамаагүй. Ийм утгагүй, тэнэг нийгэмлэгт хэн ч итгэхгүй. Оюун ухаанаа доромжилсон болно! “Хэдийгээр тэр хоёр дахин олон төрөл авсан байсан ч тэр нь Будда байхтай огтхон ч хамаагүй.” Гэгээнтнүүд надад ингэж тайлбарласан. Яг л Девадатта буюу Мара шиг Шагжамуни Буддаг төрөл авах бүрд үргэлж хамт төрөл авч, Түүнийг байнга зовоож байсан шиг. Буддаг төрөл авах бүрд Девадатта бас төрөл аван ирж байсан. Гэхдээ энэ нь тэр бол Будда гэсэн үг биш юм.

Нэг чухал зүйлийг онцолж хэлье: Дамжуулагчаар ажилладаг хүн бол Гэгээнтнүүдийн сургаалыг дамжуулагчтай л адил юм. Гэгээнтнүүд бууж ирээд, дагалдагчдадаа, сүсэгтнүүддээ Гэгээнтнүүдийн дор үргэлжлүүлэн суралцахын тулд үүнийг бичих, эсвэл бичлэг хийх үүрэгтэй хүмүүстэй ярихын тулд түүний амыг ашиглан заах болно. Учир нь Гэгээнтнүүд бие махбодод оршдоггүй учраас сүсэгтнүүдтэйгээ ярихын тулд дамжуулагч бие махбод ашигладаг. Ийм зүйл болсон, энэ нь боломжтой. Энэ талаар би дараа дэлгэрэнгүй ярина аа. Тиймээс энэ Хүэ Бюу дэндүү олон аргаар худал хэлсэн.

За. Тэд надад дөрвөн зүйл хэлсэн. Эхнийхийг нь та нар сонссон. “Хүэ Бюуд битгий итгэ гэж бие биедээ хэлээрэй хэмээн хүмүүст хэл.” гэснийг. Хоёрдугаарт, бие биедээ хэлээрэй гэж хүмүүст хэлэхийг Тэд яагаад надаас хүсэж байна вэ гэвэл “Хүэ Бюу Као Даин дэлхий даяарх нэр хүндийг сэвтүүлсэн.” Гуравдугаарт: “Тэр өөрийн алдар нэр, зол завшааны төлөө сургаалыг нууцаар, хуурамчаар үйлдсэн.” Одоо дөрөвдүгээрт, “дэлхийн энх тайванд саад учруулж буйн улмаас” Тэд түүнд цаашид итгэхээ больсон гэдгийг хүмүүст мэдүүлэхийг хүсэж байна. Дөрөвдүгээрт ийм байна. Тэгэхээр:

Као Даин Гэгээнтнүүдийн дэлхийн хүмүүст мэдэгдэхийг хүссэн Хүэ Бюугийн талаарх дөрвөн зүйл:

1. Хүэ Бюуд бүү итгэ

2. Хүэ Бюу дэлхий дахинд Као Даин нэр төрийг сэвтээсэн

3. Хүэ Бюу өөрийн алдар хүнд, эд баялгийн төлөө номлолыг нууцаар гуйвуулсан

4. Дэлхийн амар амгаланд Хүэ Бюу саад учруулсан тул Тэдний сүсэгтэн биш болсон

Тиймээс би ямар сургаал болохыг асуусан юм. Учир нь би зөвхөн Буддын сургаалыг л хардаг. Тэд түүнийг бас ... Юу? “Тэр Као Даи-измийн сургаалыг мөн нууцаар хуурамчаар үйлддэг” гэж Тэд хэлсэн. Үүнийг би хэлж чадахгүй нь. Би энэ талаар тийм ч сайн мэдэхгүй. Мэддэг байлаа ч хэлэхэд хэтэрхий уртаас урт сургаал юм. Ямартай ч тэр интернэтээр юу ч ярьж байсан Као Даи Орны Гэгээнтнүүдээс ирсэн Као Даин сургаалын дагуу байдаггүй гэдгийг Тэд хэлэхийг хүсэж байгаа байх гэж бодож байна. Учир нь тэр үүнийг өөртөө тохируулан хуурамчаар үйлддэг. Жишээ нь гэвэл тэр Аватамсака Судрыг хуурамчаар үйлдсэн. Майдар хэмээх цолыг тэр өөртөө авч, өөрийнх нь “компанийн нэрийг” авах гэсэн хэнийг ч, түүний дотор намайг “шүүхэд өгнө” гэж сүрдүүлсэн. Майдар хэмээх цолыг өөртөө авсан гэсэн үг. Бурхан минь, тэр Буддагийн нэрээр бизнес хийж байна шүү дээ! Тэр Буддаг худалдаж байна!

Excerpt from “Is Suma Ching High the Female Grand Master in the Avataṃsaka Sūtra?” by Huệ Bửu – Sep. 2, 2023: Залуу Судхана бол Вьетнамд төрөл авсан Шүтээн Майдар Бурханы дүр юм. Залуу Судхана бол Шүтээн Майдар Бурханы дүр бөгөөд Тэрээр Даог эрэлхийлэх аян замдаа Агуу “Васуматра”-тай (ЖИЧ: Буруу бичсэн. Түүний жинхэнэ нэр нь ВасуМИтра.) учирсан юм. Мэдээж хэрэг тэд асар их буянтай “Васуматра”-д (ЖИЧ: Буруу бичсэн. Түүний жинхэнэ нэр нь ВасуМИтра.) итгэдэггүй. Иймд тэд Шүтээн Майдар Бурханы дүр болох залуу Судхана “Васуматра”-тай (ЖИЧ: Буруу бичсэн. Түүний жинхэнэ нэрийг ВасуМИтра гэдэг.) уулзахыг хүсэн, Таог эрэлхийлснийг хараад залуу Судханаг өрөвдөн, өршөөнгүйгээр хайрлажээ. Шүтээн Майдар Бурханы дүр залуу Судхана “Васуматра”-г (ЖИЧ: Буруу бичсэн. Түүний жинхэнэ нэрийг ВасуМИтра гэдэг.) эрж хайж явсныг тэд мэдээд ихэд баярлав.

Тэр зүгээр л Арьяабал Бодисадвагийн бараа бологч Судханагийн дээр Майдар Бурханы нэрийг тавьж, дараа нь өөрийгөө бараа бологч Судхана гэж зарласан! Тэр уг дүр дээр нэмсэн. Тэр Майдар Бурханы “дүр” нь байгаа бөгөөд тэр нь Судхана гэж хэлсэн.

2024 оны 8-р сарын 23-нд Хүэ Бюу фейсбүүкт нийтэлсэн нь: “Майдар Бурхан залрахуй судар”-аас гадна Шагжамуни Будда “Аватамсака судар”-ын 39-р бүлэгт “Номын Оронд орохуй”-д Судхана өмнө зүгт Дээдийн Ном эрэхээр аялж буй талаар бошиглосон байдаг. Төгс Гэгээрсэн Их Багш Чин Хай буюу “Хатагтай Васумитра”-тай Судхана тааралдана. Тэдгээр нь Судханагийн Үнэн номыг эрэлхийлэх хүнд хэцүү замд буюу өөрийнх нь эцэс төгсгөлгүй олон төрөл дамжсан амьдрал Хүндэт Майдар Бурханы эцэс төгсгөлгүй олон төрөл дамжсан амьдралаас ялгаагүй гэдгийг Судхана ухаарч, гэгээрлийг олох хүртэлх замд нь тааралдсан “Сүнслэг зөвлөх Гэгээнтнүүд” байв.

Тун ойлгомжгүй, авцалдаа огт байхгүй. Ямар ч тийм юм байхгүй. Та нар “Аватамсака судар”-ын эх хувийг уншаад үзвэл тийм биш гэдгийг мэдэх болно. Тэр үүнийг ингэж нэмсэн. Тэгж тэр өөрийгөө Майдар Бурхан гэж баталж болно. Ээ Бурхан минь! Гэхдээ мэдээж би “Тэр яагаад ингэх болов?” гэж асуусан. Тэдгээр Гэгээнтнүүд надад “Тэр Марагийн Хаанд, Марагийн төлөө зүтгэдэг учраас тэгсэн. Тэр бол Марагийн албат. Тэр зүгээр л Марад ажилладаг дунд зэрэглэлийн сувдаг сүнс.” гэж хэлсэн.

Дараа нь тэр бүлэгт Судхана Майдартай уулздаг бөгөөд энэ хоёр болон Хүэ Бюу нар гурван өөр төрөлтөн. Иймд Хүэ Бюу өөрийгөө Судхана, бас Майдар гэж хэлж байгаа нь гурван хүнийг нэг хүн болгож байгаа хэрэг бөгөөд энэ бол ГАЛЗУУ хэрэг.

СУДХАНА, МАЙДАР БУРХАН ХОЁР БОЛ “Аватамсака судар”-ын 39-р бүлгээс үзвэл (хятад хэлнээс Томас Клери орчуулав) ХОЁР ӨӨР ТӨРӨЛТӨН ЮМ

Судхана, Майдар Бурхан хоёр бол өөр өөр хүмүүс гэж тайлбарлажээ: “Судхана Майдар Бурхантай уулзахыг хүсэмжлэн, тэрхүү агуу Гэгээрүүлэгчийг харахыг хүсэж цамхгийн доор зогсож байв. Тэгээд Тэрээр Майдар Бурханыг цамхгийн гадна, өөр газраас ирж байхыг харжээ. […] Майдар Бурханыг хараад Судхана сэтгэл нь хөдлөн, маш их баярлаж, Майдар Бурханы өмнө алсаас мөргөлөө.”

Судхана, Майдар Бурхан хоёр өөр өөр хотоос гаралтай: “Судхана өгүүлрүүн: “Та хэр холоос ирээ вэ?” […] Майдар Бурхан айлдав: […] Би энд өөрийн төрсөн нутаг, маладачуудын нутагт орших Кути тосгоноос хүрч ирлээ.”

Харин гэтэл Судхана Даньякара хотоос ирсэн тухай өмнөх бүлэгт дурдсан байдаг: “Хотын [Даньякарагийн] хүмүүс Манзушир ирээд ойн сүмд байрлаж байгаа тухай дуулав. […] Тэгээд гарамгай хүү Судхана таван зуун шилдэг хөвгүүний хамт […] Манзушир руу очиж, Түүнд мөргөн, тойрч гороолоод, нэг талд нь суулаа.”

Судхана Вайроканагийн цамхгуудтай холбоотой Диваажингийн ахуй ойлголт харахад тэр нь Түүний гаднах сүнслэг оршихуйтай адил болж, Тэрээр дараах зүйлийг харах боломжтой болжээ: “Сүнс шүглэсэн хүн янз бүрийн зүйлсийг харж, түүнээс асуусан зүйлийн талаар өгүүлдэгтэй адил Судхана гэгээрүүлэгч Төрөлтөн [Майдар]-ий мэдлэгийн хүчээр их зүйлсийг харсан байна.”

Майдар Бурхан Түүнээс ахуй ойлголт харсан эсэхийг нь сүүлд асуухад Судхана батлан, ийн хариулав: “Ариун Хутагт минь, ивээлт [Майдар Бурхан]-ийн авшиг оюун санааны хүчний ачаар би харсан.”

Судхана дараа нь Вайроканагийн эцсийн цамхагт Майдар Бурханы хязгааргүй олон төрлийн амьдралыг, тэр болгонд Өөрийгөө “Майдарын өлмийд буйг” харжээ: “[Судхана] бусад бүх цамхгаас илүү том, гоёл чимэглэлтэй нэгэн цамхгийг харжээ. Тэр цамхагт [...] Тэрээр гэгээрүүлэгч Төрөлтөн Майдар Бурхан хэрхэн бадамлянхуа цэцгийн цоморлогт мэндлэхийг харав. Тэрээр мөн Индра, Брахма хоёр харж байхад Майдар Бурхан долоо алхаж, арван зүг рүү харахдаа арслан архируулахыг үзэж, хүүхэд насны бүх үе шатыг нь харж, […] гэгээрэхээр сэрж сэхээрсэн, гэгээрлийн модыг тасралтгүй ширтэж, Брахмагаас заахыг гуйн, сургаалын хүрдийг эргүүлж, гэгээрүүлэх номын хүрдийг эргүүлэн, гэгээрүүлэгч сургаалын янз бүрийн илрэлүүдээр тэнгэрийн оронд оржээ. […] Судхана Өөрийгөө хаа сайгүй Майдар Бурханы өлмийд байгаагаар мэдэрсэн байна.”

Ийнхүү Судхана туулсан тоолшгүй олон төрөлдөө “Майдар Бурханы өлмийд” шавь нь болж суусан хэмээн сударт тодорхой өгүүлсэн байдаг.

Тэр галзуу ч байж магадгүй. Энэ талаар түүнээс дахиж дуу шуугиан гарахгүй л гэж найдаж байна. Тэгвэл бид амарч, сүнслэг дэвшлээ үргэлжлүүлж чадна! Яг одоо аюулд ороод буй дэлхийдээ ч бас анхаарна!

Гэхдээ дараа нь гарч ирэх өөр олон зүйл бий. Энэ тийм ч энгийн зүйл биш. Тэр боломжийг хүлээж байсан. Сүүлд, сүүлийн хэдэн жил би дэлхийн төлөө золиос гаргасныхаа улмаас бараг үхэх шахсан. Өөр нэг удаа, өөр тохиолдолд би хүлээн авахад бэлэн биш байсан хар шидтэнээс болоод дахиад үхэх шахсан. Тиймээс тэд бүгдээрээ энэ боломжийг ашиглан намайг хөнөөж, Ажлыг минь авахыг оролдож, энэ дэлхийг устгахыг хүссэн! Мөн хүмүүсийг хуурч, чөтгөрийг шүтүүлэх гэсэн!

Тэр эмэгтэй миний шавийн эхнэр байсан тул би эргэлзээгүй. Тэр бас энэ Хүэ Бюу, Трань Там нар шиг шавь болж орж ирсэн байсан. Өө, би үүрд хэлээд байж чадах ч энэ хэтэрхий их хөдөлмөр, хэт их цаг хугацаа шаарддаг. Би саяхан буюу шавь нарын бүлэг дотор л эдгээр чөтгөрүүд, (сувдаг) сүнснүүдтэй уулзсан юм биш, тийм биш. Намайг бага байхаас үеэс л ийм байсан. Энэ бүхэн олон кино шиг юм. Уртаас урт түүх болно! Сонирхолтой, аюултай, цочирдуулам түүх шиг.

Тэгээд одоо Хүэ Бюу. Энэ бол Тэдний нэр хүндийг гутаасан, сургаалыг нь хуурамчаар үйлдсэн, Дэлхийн Энх тайванд саад учруулсан гэх мэтээс болж Као Даин Гэгээнтнүүд түүнд өгсөн гомдол, шийтгэл байсан. Би Тэднээс эдгээр бүх сэдэв, бүх шийтгэлийн талаар сүүлд нь хэдэн асуулт асуусан. Иймд арай илүү ярилцана аа. Эмх цэгцгүй байлаа ч намайг өршөөгөөрэй. Би хэдэн тэмдэглэл бичсэн ч бүхэлд нь ингэж бэлтгэж бичээгүй. Ер нь би юу ч бичдэггүй. Тэгээд илүү чөлөөтэй ярьдаг. Тэмдэглэл харахаар чөлөөтэй байж арай л болдоггүй. Ингэхэд хурлын тайзан дээр Марагийн Эрхэмсэг Дээд Хаан, Сувдаг Чөтгөрүүдийн Эрхэмсэг Дээд Хаан, Сувдаг Сүнснүүдийн Эрхэмсэг Дээд Хаан, Харанхуй ертөнцөөс ирсэн Хар шидтэнүүдийн Эрхэмсэг Дээд Хаан, Үйлийн үрийн Эрхэмсэг Дээд Хаан, Аюулгүй байдлын Эрхэмсэг Дээд Хаан байсан. Тэд асуудлыг дараа нь зохицуулж магадгүй учраас сонсох гэж тэнд ирсэн байв. Дараа нь та нар харах болно.

Ээ Бурхан минь, бүгдийг нь уншиж чаддаг ч болоосой... За. Тэгэхэд би Марагаас “Тэр чиний албат уу, чиний төлөө ажилладаг уу?” гэж асуухад Марагийн Хаан “Тийм.” гэсэн. Ээ Бурхан минь, би юуг ч мартаагүй гэж найдъя. Тиймээс би “Энх тайванд ямар саад бэрхшээл байна вэ?” Тэр юу хийж чадах вэ?” гэж асуув. Гэгээнтэн “Таныг өөд болохоор тэр хүмүүсийг шууд удирдаж чадахаар болно. Мара бол Христийн шашны Сатан, чөтгөр гэсэн үг юм.” хэмээв. Би шалгах хэрэгтэй байна. Заримыг нь би өмнө нь бичсэн, заримыг нь дараа нь нэмж бичсэн юм. Тэгэхээр энэ этгээдийн талаар та нар одоо ямартай ч мэддэг боллоо.

Photo Caption: Налах Хүчтэй Итгэл!

Зураг татаж авах