Дэлгэрэнгүй
Татаж авах Docx
Дэлгэрэнгүй уншаарай
Хүмүүс надаас түүнийг яагаад өөрийн залгамжлагчаа болгосон юм бэ гэж асууж гомдоллосон. Би яасан гэж тэгэх вэ дээ? Би яагаад Тран Тамд залгамжлагчийн байр суурь өгнө гэж? Тэр хэзээ ч надаас томилолт авч, хаа нэг газар руу авшиг өгөхөөр явж байгаагүй. Гэтэл тэр ямар нэг аргаар дуурайсан. Мөн миний өгдөг Тав дугаар төвшнөөс дээших Бэлгийг хүртэл хуулбарласан. Тэр үүнийг олж мэдэх ёсгүй байсан юм. Яагаад гэвэл бусадтай хуваалцвал хүч нь шууд байхгүй болж, өөртөө болон бусдад хохирол учруулна. Надад илүү онц сайн лам нар, гэлэнмаа нар бий. Тэд нар хүртэл залгамжлагчийн хийх зүйлийг хийж чадахгүй байхад тэр нэг сувдаг чөтгөрийг ярих ч юм биш. Тэр бие махбодтой байгаа учраас зохицуулахад хэцүү хэвээр байна.Тэгээд би Марагийн Хаанаас намайг зовоож, хүмүүсийн анхаарлыг сарниулан, халдаж болом хүмүүсийг уруу татах гэж “Тран Там” хэмээх нэрээр юунд сувдаг чөтгөр илгээснийг нь асуулаа. Мара Хаан тэр Тран Там буюу Рума гэгч чөтгөрийг өөрөө илгээсэн гэдгээ хүлээн зөвшөөрсөн.Учир нь тэрээр хүмүүсээс маш их мөнгө авсан учраас тэд надад гомдоллосон юм л даа. Тэр зохисгүй үйлдэл гаргасан ч байж магад. Тэгээд л Бурхан намайг хэл хэмээн “Дэлхийн хүмүүс мэдэх учиртай.” гэж хэлсэн байх. Түүнээс биш би юм ярихдаа бүтэн нэрийг нь хэлээгүй ч ухаалаг хүмүүс хэний талаар яриад байгааг минь хэдийнээ ойлгочихсон байх гэж бодсон юм. Энэ удаад харин Бурхан надад “Дэлхийн хүмүүс мэдэх ёстой. Рума гэдэг түүний нэрийг хэлэх хэрэгтэй.” хэмээн нэрийг нь хүртэл дурдсан. Иймд би Бурханаас зөрж чадахгүй. Хүмүүст, та нарт хэлэх ёстой боллоо.Мэдэж байгаа бусад хуурамч их багш нарын тухайд би мөн л нэрийг нь хэлдэггүй. Тэдэнд би өөрчлөгдөх боломж, нэр нүүрийг нь үлдээдэг юм. Бусад нь юу ч хэлээгүй. Харин энэ Тран Там хүмүүст өөрийгөө миний залгамжлагч гэж ойлгуулж, тэгж бодуулж, надад бүр “чук тө” байгаа гэж зарласан байна. Англиар бол намайг ажлаа өгөхийг хүссэн, өөрийгөө миний залгамжлагч гэж хэлсэн гэсэн үг л дээ. Би ердөө ч тэгээгүй. Би ажлаа хийсээр л байгаа, яагаад би ажлаа орхих ёстой гэж?Би тэтгэвэрт гарч чадахгүй. Энэ бол би хүслээ ч зүгээр л гарч болох ажил биш. Би залгамжлагч хараахан олж чадаагүй байна. Ирээдүйд ажлаа үргэлжлүүлэхэд бэлдэхийн тулд нэгийг олж чаддаг ч болоосой гэж хүсэх юм. Зөвхөн бид азтай байвал л нэгийг олж чадна. Хэрэв ямар нэгэн Их Багш амьдралынхаа туршид азтай байвал Тэр нэг сайн шавийг олж чадна гэдэг. Залгамжлагчийн тухайд ярих ч юм биш. Тэгээд ч би залгамжлагч олохыг хүслээ гэхэд, энэ этгээд лав биш. Хэзээ ч үгүй. Хэлсэн ч болно. Та нар харж, мэдэж байгаа.Гэхдээ тэр Марагийн хүчийг, өөрт нь зааварлагч боссынхоо хүчийг ашиглаж чадна. Тийнхүү хүмүүсийг харалган болгож, бага сага шид хэрэглэн, хүмүүст нэг юм өгчихсөн мэт итгүүлж, эс бөгөөс илбэдэн хуурмаг юм хийж, Хүч, Адислалыг хуурамчаар үзүүлдэг. Гэхдээ энэ бүхний төлөөсийг түүнийг дагасан хүмүүс төлөх болдог. Тран Там хэмээх Румагаас тусламж авсан хүн хүртэл тун хүндээр төлөх ёстой болдог. Яагаад гэвэл энэ бүхэн маяагаас, Марагийн Хааны хүчнээс болсон учраас тэр юм. Энэ бол жинхэнэ Буддагаас, Бурханаас ирсэн зүйл биш. Иймд тэд бүгд төлөх ёстой болж, тэдний албат, тэдний ажилчид болох ёстой болно. Тэд тэдний төлөө ажилладаг бол харамсалтай. Учир нь тэд шинэхэн эхлэгчид, залуухан, дөнгөж шинээр ирсэн хүмүүс байдаг бөгөөд тийм их хүчгүй тул олон төрөлдөө тэдний боол байх болно.Надад тун харамсалтай байна. Тэглээ гээд яалтай вэ? Эзэн Есүс Христээс хүртэл хүмүүс нь урваж байсан. Мял Богдын шавь нар урван, Түүнийг хордуулж байв. Буддагийн үеэл Девадатта бас Буддаг олон удаа хөнөөхийг оролдож, нэг удаа Буддагийн явж байсан замыг тосон, өндөр уулнаас том чулуу өнхрүүлж, хөлийн хурууг нь дайрсан байдаг. Тэгэхээр маш олон Их Багшийн шавь гэгдэх хүмүүс Тэднээс урваж, Их Багш нь тэдэндээ хөнөөлгөсөн юм. Гэхдээ Их Багшаасаа урвасан тэдгээр хүмүүс жинхэнэ шавь биш. Тэд жинхэнэ хүн байх боломжгүй, жинхэнэ шавь байх боломжгүй нь Нар мэт тов тодорхой байдаг. Тэд Марагийн Хаанаас ирсэн байдаг.Би Түүнийг ирээдүйд Эрхэм ариун Хаан болно гэж их найдаж байна. Би Түүнд “Миний эсрэг болж, энэ гарагт энэ бүх сүйдлийг авчрах ямар хэрэг байна вэ? Учир нь энэ гараг үгүй болж, ямар нэг аймшигт байдлаар сүйдэж, эсвэл хохирвол Таны төрөл төрөгсөд, найз нөхөд, үр хүүхэд, ач зээ нар хүний бие хэмээх хувцастайгаар мөн л хохирно, шатаагдана, Ертөнцийн Хуулиар аймшигтайгаар сүйтгэгдэнэ, эсвэл бүр мөсөн устгагдана. Иймд Та миний талд байж, надад туслан, Бурханы Тааллаар үйлдэх аваас Та ч бас Хаан болно. Гэхдээ эрхэм ариун, нэр төртэй байр суурьт Хаан болно.” гэлээ. Харин Тэр надад хүмүүс тун муу байна, бусад олон хүн тун муу байна, тэд муу байхад тэдэнд сайн хандаж чадахгүй гэж хэлсэн.Би “Намайг бодоод дахин бодолцож үзээрэй. Миний эсрэг байхын оронд анд найз минь байгаач. Эсрэг байснаар Та их зүйл хожихгүй. Би Танд одоо байгаа хаант улсаас Тань хамаагүй дээр Хаант Улсыг өгөх болно. Би Танд зориулан Хаант Улсыг бүтээж чадна. Эсвэл Таны хүссэнээр нэгэн Хаант Улсыг бүтээе, тэгээд Та эрхэм ариун замаар удирд. Бас хүмүүс, энэ дэлхий Таныг хүндэтгэж, Таныг хайрлах болно. Ингэвэл Та ямар ч байсан ойр орчмоор явж, бусдад хөнөөл учруулж байдгаасаа хавьгүй илүү ая тухтай, сайхан байх болно. Бурхан үүнийг хүсэхгүй, Та ч хүсэхгүй гэдэгт итгэлтэй байгаа тул дахин бодож үзнэ үү.” гэж би хэлсэн.Гэсэн хэдий ч Тэр бас сайн зүйл хийсэн учраас би Түүнд “Эрхэм Ариун Мара Хаан” гэдэг хэргэм өгсөн юм. Хэрэв та нар Түүнийг дурдахыг хүсвэл, бас түүнчлэн нэрийдээрэй. Түүнийг бусдыг хорлохын оронд тусалдаг үнэхээр Эрхэм Ариун Мара Хаан байгаасай гэж хүсээрэй.Тэгэхээр одоо давтаад хэлье: Миний шавь гэгддэг хэнд ч бай, урьд нь шавь байсан хэнд ч бай миний залгамжлагч гэдэг байр суурийг өгсөн явдал хэзээ ч болж байгаагүй шүү. Хэзээ ч үгүй. Энэ Тран Там гэгч этгээд минийх шиг байдлаар хувцаслаж, эр хүн атлаа эмэгтэй хүн шиг хувцасладаг. Миний өмсдөг байсантай адил хувцас өмсдөг нь хямдхан хуулбар шиг харагддаг. Будда яг ингэж айлдсан: “Энэ чөтгөрийн лам нар дэлхийн хүмүүсийн хувцсыг өмсөж, гайхуулах дуртай, мөн лам нарын өнгө алагласан орхимж нөмрөх дуртай. Жинхэнэ лам нарын орхимж бол нөхөөстэй байлаа ч нэг л өнгийн байдаг.
“Ананда асуултаа гурван удаа давтаж хэлэхэд Будда түүнд, ‘Намайг нирваан дүр үзүүлсний дараа, Ном Сургаал бараг л мөхөх үед, Таван Аймшигт Нүгэл дэлхийг ялзруулж, чөтгөрийн зам мөр үлэмж их цэцэглэх болно. Чөтгөрүүд лам нар болж, миний Зам Мөрийг сүйрүүлнэ. Эгэл хүмүүстэй адилаар мөн хувцаслаж, лам нарын тууз зүүнэ, олон өнгөтэй сахилын-туузаа, (кашаяа) тэд гайхуулах болно. Тэд дарс ууж, мах идэж, амьд амьтдыг хороож, амтанд дурлана. Тэд нигүүлсэнгүй сэтгэлгүй байж, нэгнээ үзэн ядаж, нэгэндээ атаархах болно.’” - Ном Бүр Мөсөн Мөхөх Судар
Ямартай ч надад тэр бүгдийг бүтээх хэрэг байсан. Өмнө нь би тэгээгүй. Би зүгээр л хаан, ерөнхийлөгч гэх мэт чухал байр суурьтай хүмүүстэй уулзахын тулд үүнийг өөртөө зориулж бүтээсэн юм. Хожим нь хүмүүст таалагдсан учраас илүү олноор хийж, тэдэнд өгөх юм уу тун таарсан үнээр худалдах болсон юм. Тэрчлэн надад жижигхэн бизнес бий. Түүнийгээ бусад зүйлдээ зориулдаг. Үнэт эдлэл, дэнлүү болон өөр бусад зүйлсийг хийгээд гэрээс гарагсдаа харж ханддаг. Надтай одоо хамт байгаа лам, гэлэнмаа нар бол сайнууд нь.Надад одоо ч олон сайн, өндөр түвшний, Дөрөв, Тавдугаар Ертөнцийн дэсийн лам, гэлэнмаа нар бий. Би өөрсдөд нь хэлсэн ч та нарт нэр цохож хэлмээргүй байна. Бусад шавь нар тэднийг сүйрүүлж, эгог нь хөөргөөд тэднийг “алаасай” гэж хүсэхгүй байгаа учраас тэр л дээ. Зөвхөн лам, гэлэнмаа нарыг өөд болсны дараа бид тэдний гэрэл зураг, цол хэргэмийг гэгээнтнүүдийн танхимд байрлуулдаг. Ингэж л тэдний хамаатан садан, найз нөхөд тэднийг мэдэж, зүй ёсоор ханддаг.Гэгээнтэн болж, Дөрөв, Тавдугаар Ертөнцөд хүрсэн лам, гэлэнмаа нар тун эгэл даруу байсан. Тэд ажлаа үнэхээр сайн хийсэн. Тэд миний залгамжлагч болоогүй байхад хийсэн олигтой зүйлгүй, хэв маяг гээд хамаг бүхнийг минь хулгайлагч, тэр бүү хэл алдар нэр, ашиг хонжооны төлөө хүмүүсээс асар их мөнгө нэхдэг доогуур дэстэй тэр чөтгөр яаж миний залгамжлагч байх вэ дээ? Бас тэгж дуулж байдаг. Бурхан минь, би санаандгүй сонсчихсон. Би өмнөөс нь хэчнээн их ичив ээ! Учир нь би сим картгүй утастай байсан болохоор багийнхны маань нэг нь хааяа би компьютероо ажиллуулахыг хүсэхгүй үед шалгаг гээд Суприм Мастер ТВ-ийг тохируулж өгсөн юм. Тэгээд Суприм Мастер Телевизийг асаахдаа заримдаа санаандгүй хуруугаараа дарахаар олон зүйл ар араасаа гарч ирдэг.Би санаандгүйгээр түүний нэрийг “Рума” гэдэг юм байна гэдгийг хэдхэн өдрийн өмнө мэдсэн. Яагаад гэвэл урьд нь би интернэтээс ер хайж байгаагүй. Дотооддоо дэндүү завгүй, бүхэл Ертөнцөд анхаарал халамж тавьж, маш их бясалган, гаднаа Суприм Мастер ТВ-ийг зайлшгүй хариуцах, мөн бизнесээ анхаарах, захидал харилцаа элдэв бүхнийг хийх гээд надад боломж гараагүй. Цаг ч гарсангүй.Тэгээд ч тархинд минь хэн нэгэн миний ажлыг хулгайлж өөрийнх гэх байх гэсэн бодол огт төрөхгүй байх байсан. Тэгээд өөрийг нь “залгамжлагч” болгож өргөмжилсөн гэж хэлнэ чинээ төсөөлөх ч үгүй. Энд тэнд, мэр сэр тодорхойгүй зүйл сонсоод тоогоогүй. Саяхан л ноцтойг нь мэдлээ. Урьд нь түүний нэрийг ч, “залгамжлагч” гэснийг нь ч огт мэдээгүй!! Хэзээ ч билээ дээ, миний жинхэнэ шавь нар надад хэлэхэд би зүгээр л ойшоолгүй “Өө битгий тоо. Хүмүүс ийм л байдаг. Тэд зүгээр л алдар нэр, эд баялгийг хүсдэг. Харин бүхэл бүтэн Ертөнцийн Хуулиар ингэж хамгийн ноцтойгоор худал хэлсэн хүмүүсийг там хүлээж байгааг мэдэхгүй л дээ” гэсэн.Photo Caption: Хөршөө Хайрла, Нэгнээ Өргөж Тэтгэ!
