Дэлгэрэнгүй
Татаж авах Docx
Дэлгэрэнгүй уншаарай
Өдөрт нэг хоол идлээ ч сүртэй юм биш. Би хэт завгүй учраас өдөрт нэг хооллодог. Зөвхөн энгийн байхыг дадуулах гэсэндээ биш дэндүү завгүй учраас юм. Өдөрт гурав дөрвөн удаа хооллоод, байнга бас зууш идээд байвал би ядарч, унтаад, энэ бүх дотоод болон гадаад ажлыг хийх цаг яаж гарах вэ? Зарим үед надад ажлаа хамгаалж, дэлхийд туслахын тулд энэ тэр байрлалаар бясалгаад байх цаг үнэндээ гардаггүй. Чадлаараа хичээдэг ч бие маань цементээр хийгдээгүй. Өдөрт нэг удаа хооллох ч сүртэй юм биш.Тэгэхээр та нар үнэхээр өдөрт нэг удаа хооллохыг хүсвэл үүгээрээ бүү бахархаарай. Үүнд сүртэй юм үгүй. Нэг хооллосныхоо дараа би шүүс ч уудаггүй. Ганц л удаа хоол иддэг, тэгээд л гүйцээ. Тэгээд цангавал ус л ууна. Үлдсэн цагт нь ажил, ажил, дотоод гадаад ажил хийдэг, бясалгал юм уу Суприм Мастер Телевиз.Өөртөө ганцаараа байнга хоол хийж, угаалга хийж, шал угаагаад байвал үнэхээр их ажил болно. Дээрээс нь би усанд их ордоггүй - заримдаа сард нэг, эсвэл хагас сард нэг удаа орно. Ойрхон ус байгаа эсэхээс юм уу хаана амьдарч буйгаас хамаарна. Заримдаа би ууланд хаа нэгтээ амьдардаг. Ус байнга байгаад байдаггүй, борооны ус ашиглах болдог. Тиймээс усандаа хүртэл гамтай байх ёстой болно. Хаашаа явахаас хамаардаг - хаашаа явах ёстой байгаагаас хамаарна. Би ажлаа илүү сайн хийхийн тулд мөн амьд гарахын тулд, илүү хүчтэй байж эсэн мэнд үлдэхийн тулд хүчирхэг сүнслэг гарцуудын араас явдаг.Өдөрт нэг хооллох бол боломжтой зүйл. Би тэгдэг учраас боломжтойг нь мэднэ. Ингэхийн тулд заавал лам байх албагүй. Амьтан-хүмүүстээ зориулж шагнал авахын төлөө гүйдэг нэгэн хатагтай байдаг. Тэр олон амьтан-хүмүүс аварсан. Англид байдаг хүн. Гүйхэд нь түүний өвдөг өвддөг болсон ч амьтан-хүмүүстээ дэндүү хайртай учраас үргэлжлүүлэн гүйсээр байгаад шагналыг нь авсан байсан. Тэр амралгүй, үнэхээрийн бартаатай замаар гүйсэн. Асфальтан зам дээр ч юм уу шороон замаар гүйгээгүй. Үгүй, үгүй, үгүй. Тэд уул, толгод руу өгсөж, элсэн цөл гэх мэт үнэхээрийн хүнд бартаат замаар явдаг. Энгийн хүмүүст хүртэл туйлын их сорилт болно, өвдөг нь өвдсөн эмэгтэй хүнийг ярилтгүй. Түүнийг бид Гэрэлт Дэлхийн Шагналтан нэвтрүүлгээрээ гаргаж байсан. Тэр өдөрт ганц л удаа орой 9 цагт хооллодог, ганц иддэг үе нь.Тэгэхээр та нар хэн нэгнийг дуурайж эсвэл намайг дуурайж өдөрт нэг хоолловол сүртэй юм биш. Үүгээрээ бүү бардамна. Та нар бусдыг дагуулж адилхан зүйл хийлгэх хэрэггүй, хангалттай хүчгүй бол, эсвэл шаардлагагүй бол тэд асуудалд орж мэднэ. Тийм учраас би та нарт, “Ухаантай бай” гэсэн юм. Өдөрт нэг удаа хооллодог байлаа ч та нар жимсний шүүс, ногооны шүүс ууж болно. Надад цаг алга – энэ бүхэнд зориулах цаг ч алга. Үүнийгээ бэлтгэж, ногоо угааж, дараа нь холигчоо угаах ёстой болно. Бурхан минь, энэ бол миний хувьд дэндүү их ажил; надад тийм их цаг байдаггүй. Дотоод ажил маш их цаг авдаг.Хувцасны шүүгээнд тань их хувцас байлаа ч та баян учраас том хувцасны өрөөтэй бол дэндүү олон... хувцаснаасаа юм эрж олох ёстой болбол шүүгээ рүүгээ ороод олох ёстой болно, явах гэж байгаа газрынхаа нөхцөл байдалд тааруулсан хувцас өмсөх гэж хувцсаа олох ёстой болно. Тэгээд толь энэ тэрд харах ёстой. Материаллаг хэдэн зүйл ярихад л үнэхээрийн ийм төвөгтэй. Биед тань нуугдсан сүнслэг хүчний талаар ярилтгүй. Энэ нь нүдний тань яг өмнө ч байдаггүй. Сүнслэг нүдээрээ эдгээрийг хайх ёстой бөгөөд төвлөрөх ёстой болно. Шууд орох боломжгүй, шууд л самадид орж юмс харах боломжгүй. Өдрийн цагаар болдог олон зүйлс, ажил дээр тань, эсвэл өдөр тутмын амьдралд тань хааяа нэг, эсвэл байн байн болдог зүйлс төвлөрөх үед тань сатааруулна. Энэ дэлхийд амьдрах хэцүү байхад энэ материаллаг ертөнцөөс хэтийдсэн зүйлсийг хайх тухай ярилтгүй; та нар үүнийг ашиглахуйц хэмжээнд хүчтэй эсэхийг ярилтгүй.Жишээ нь та нар онгоцоор нисье гэлээ ч... Нисгэгчийн хувьд энэ нь амархан, учир нь тэр үүгээр сургагдсан байдаг. Гэвч гүйж ороод шууд онгоц нисгэнэ гэвэл боломжгүй. Тиймээс ямар ч нисгэгч, танд дурласан нэгэн байлаа ч танаар онгоц хөөргүүлэхгүй, учир нь та онгоцоо унагаж, өөрийгөө ч хороож мэднэ.Тэгэхээр та нарт эдгээр зүйлсийг заасангүй гэж намайг бүү зэмлээрэй. Та нарт хэлсэнчлэн та нар маш ойрхон, нэгнийхээ дэргэд байж сурах боломжтой. Учир нь хөлийн байрлал, тавхайн байрлал эсвэл хурууны байрлал, биеийн байдлын нэг см-ийн, бүр нэг мм бүрийн өөрчлөлт нь өөр үр дүнд хүргэдэг. Бас байнга хөлөө завилж суух шаардлагагүй. Заримдаа нэг хөлөө өргөөд, нөгөө хөлөө доошлуулан хэвтэх ёстой болдог. Өөр өөр гарын мудратай, гарын байрлалтай. Тэгэхээр энэ бол зүгээр л үг хэлээр хэлж болох зүйл биш, үүнийг харах ёстой.Тэгэхээр Арьяабалын Аргыг хүртэл би нэг лам, гэлэнмаагаа та нарын байгаа газар руу илгээж байж заалгадаг. Эсвэл та нар боломжтой, тохиромжтой үед нь манай энд ирэх учиртай, аянд замд явж чадахаар бол шүү дээ, зарим хүмүүс ядуу учраас ирж чаддаггүй болохоор бид тэдэн дээр очиж заах ёстой болдог юм. Биечлэн зааварчилж, тэднийг хийж байхад нь шалгах ёстой. Хэдийгээр утсаар ярьж болох ч хангалтгүй, сайн биш. Боломжгүй. тохиромжгүй. Та нар буруу хийж мэднэ. Тэндээс бид засах аргагүй. Сүнслэг зүйлийг бичдэггүй. Судраас гадуур, Библиэс гадуур заах ёстой. Буддын уламжлалд бас үүнийг бичигдсэн номлолоос ангид гэсэн байдаг. Зүрхнээс зүрхэнд уламжлагддаг, үнэндээ сүнснээс сүнсэнд гэсэн үг. Тэгэхээр ийм нөхцөлд бас энэ нь төстэй. Надад бүр бичихийг хориглодог, учир нь үүнийг хүн бүр ашиглах боломжгүй.Хэрэв та нар өдөрт нэг удаа хооллоод, урагдсан хувцас өмсөх юм уу, гудамжнаас өмссөн хувцас, хэд хэдэн хүн дамжсан хувцас худалдан авлаа гээд юу ч биш. Будда юм уу гэгээнтэн, эсвэл ямар нэг төрлийн багш болно гэсэн үг биш. Бие махбодоо үүрд шийтгэлээ ч юунд ч хүргэхгүй – зүрх сэтгэлдээ цэвэр ариун байж, үнэхээр гэгээрлийг хайвал өөр. Та нарт зөв бясалгалын аргыг заах Будда байвал өөр л дөө. Хэрэв өөр бясалгалын аргуудаар хийсээр байвал, амьсгалах гэх мэт бясалгал хийгээд байвал унтахдаа амьсгалахаа санахгүй учраас тэр үеэр бясалгах боломжгүй. Та нар 24/7 дадуулж болох бясалгалын аргыг хайх учиртай. Би бас та нарт унтахдаа хэрхэн бясалгахыг хэлсэн. Та нар мэдэж байгаа; энэ тухай би энд ярихгүй ээ. Би та нарт дэндүү олон зүйл хэлсэн; ахин давтах шаардлагагүй. Энэ бүхний талаар сурч мэдмээр байвал эртний бичлэгүүдийг үзээрэй.Ингэхийг хичээмээр байлаа ч бахархах юм уу, үүгээрээ гайхуулах хэрэггүй. Өөрийгөө сүртэй том нэгэн бүү болгоорой. Учир нь олон лам гэлэнмаа нар, бясалгагч нар өөр улс орнуудад ингэдэг юм. Жишээ нь Энэтхэгт хүмүүс бүр юу ч өмсдөггүй. Биедээ үнс л түрхдэг, тэгээд өөрсдөө илүү наманчлал үйлддэг, жишээ нь Энэтхэгийн халуун наранд эргэн тойрондоо гал асааж суудаг, эсвэл хадаасан дээр суух юм уу, нэг хөлөөрөө дүүжлэгдэж, нэг гараасаа дүүжлэгдэх гээд олон зүйл бий. Эдгээр нь бол хэт туйлшрал юм. Магадгүй тэд ямар нэг зүйлд үнэхээр хүрэхийг хүсдэг байх. Магадгүй өөр юу хийхээ мэддэггүй байх.Гэвч ингэлээ гээд гэгээнтэн, мэргэн нэгэн болсон гэсэн үг биш. Магадгүй риши ч юм уу үзэж хардаг хүн болох байх. Бодлоо төвлөрүүлж бага зэрэг шидийн хүчтэй болж мэднэ. Гэвч энэ бол ердөө л бодлын хүч, бодлын шид юм. Хэрэв та нар бодлын энергийг цуглуулбал бас юманд хүрнэ, магадгүй дотоодоо хүчтэй болох байх. Хэн нэгэн танд муугаар хандах юм уу, таныг харааж зүхвэл тэд асуудалд орох болно, яагаад гэвэл таны төвлөрсөн бодлоос цуглуулсан шидийн хүч бас тэдэнд гамшиг авчрах болно. Гэвч энэ бол Буддын хутаг биш. Хэрэв та нар Будда болохыг хүсвэл үүрд ингэж бясалгах боломжтой, магадгүй хэдэн эрин галавын дараа магадгүй.Гэвч нэгэн насандаа гэтлэгдэж, гэгээрэлд хүрэх жинхэнэ Аргын хувьд та нар (дотоод Диваажингийн) Гэрэл харж, (дотоод Диваажингийн) Буддагийн сургаалыг сонсох ёстой. Хүмүүс үүнийг Дээд Хэмжээснээс ирсэн “Урсгал” гэдэг ба энэ нь биед тань байдаг ч та нар үүнтэй Ертөнцийн илүү Дээд Хэмжээсний Хүчээр дахин холбогдох ёстой. Үгүй бол та нар нөгөө суугаад л байдаг Зен Их Багшийн сурагч шиг мөнхөд суусан ч нэмэргүй, Багш нь түүнд тоосгыг зүлгэлээ гээд толь болгох боломжгүйг харуулдаг. Тэгэхээр та нар юу ч бясалгаж дадуулахыг хүссэн Арьяабалын бясалгалаа үргэлжлүүлээрэй, энэ нь Ертөнцийн Хүчтэй, бүх зүгийн Буддагийн Оронтой, Бурханы Тэнгэрлэг Оронтой шууд холбоотой.
