Дэлгэрэнгүй
Татаж авах Docx
Дэлгэрэнгүй уншаарай
Бид хүмүүсийг хүссэн зүйлээ сонгохыг нь зогсоож чадахгүй, тийм үү? Гол нь урьд нь бид энд ирчихээд юу хүсч байгаагаа мэддэг байсан, энд ирсний дараа ар гэр, ДНК, нийгмийн нөлөө, анд найзууд, нөхцөл байдал, өөрсдийн сул талууд гээд энэ бүгд биднийг бүрхэгдүүлдэг, эдгээрийг бид энд ирэхээсээ өмнө өөрсдөө сонгож авсан юм уу, Диваажин бидэнд сонгосон байдаг. Тэгээд заримдаа та нарыг сул талууд чинь давамгайлдаг, ойлгож байна уу? Хүч тэнхээг чинь дийлдэг, тэгээд та нар олон муу зүйл хийдэг, эсвэл хүсэшгүй зүйлс хийдэг, тэгээд улам дордож тэр нь үргэлж та нарыг дарамталж дарж байдаг. Тиймээс энэ ертөнцөд та нарт багш хэрэгтэй. Хүнд бэрх үед тус болох хэн нэгэн хэрэгтэй, учир нь хүнд хэцүү үеэр та нар өөрсдийн хэн болохоо санадаггүй. Та нар өөрсдөө босож чадахгүй. Та нарын сүнс, мэдлэг дарамтлагдаж, түгжигдэж, хучигдаж, та нараас тусгаарлагдаж холдсон байдаг, тиймээс та нар бүр энд яах гэж ирснээ мэддэггүй, тэгээд ирэхээсээ өмнө өргөсөн амлалт, тангаргаа мартдаг. Энэ бол маяагийн урхи: тэд та нарыг энд ирэхийг зөвшөөрдөг ч ирсний чинь дараа тэд та нарыг өөрсдийн хяналтан дор оруулдаг. Энэ гэрээний нэг хэсэг, ойлгов уу? Та нар энд ирээд Диваажинд байдаг шигээ эрх чөлөөтэй, жаргалтай байдаггүй. Энд байхын төлбөр гэж бий. Бүр ажил үүргээ гүйцэтгэх, сүнслэг байдлаа хөгжүүлж, эсвэл хэн нэгнийг сүнслэг байдлаа хөгжүүлэхэд нь туслахад хүртэл төлөөс бий
