“Өвдөлт, үйлийн үр бага тарь: идэж болох ургамлууд,” 5 цуврал лекцийн 4-р хэсгийг

Бусад бүгдийн адил би мөнгө олох ёстой бөгөөд бизнес хийж, өөрийнхөө юмсыг хийх ёстой, үнэт эдлэл, хувцас, уран зураг гэх мэт бусад зүйлсийг бүтээх ёстой. Гэтэл хүмүүс бас намайг бизнес хийж байгааг шүүмжилдэг. Намайг “Сүнслэг Их Багш, бясалгагч байж огт бизнес эрхэлж болохгүй” гэдэг. Би гудамжинд бадар барих аяга аваад гарах ёстой бололтой, тийм үү? Орчин үед тэгж амьдрах тийм ч таатай бус. […] Миний мөнгө бол “миний” мөнгө биш. Миний буяны ажил миний шийдвэр биш. Би бүхнийг Бурханы Тааллын дагуу хийдэг. Тийм учраас би үргэлж Бурханд талархдаг. Мөнгө олж чадаж байвал бас л Бурханы Ивээл, Диваажингийн дэмжлэгт талархдаг. […]

Учир нь бие махбодын асуудал заримдаа оюун ухаан, сэтгэл санааны асуудлууд шиг төдийлөн хүнд байдаггүй. Яагаад гэвэл тэд маяа болон муу муухай бүхнээс, эргэн тойрны таагүй муу энергийн урхинаас яаж гарахаа мэддэггүй. Хүмүүс үнэхээр өрөвдмөөр. Тиймээс л Бурхан үргэлж Гэгээнтнүүдээ, Хүүгээ бидэнд туслуулахаар илгээдэг юм. Гэхдээ бид бүгдээрээ сонсох нь үгүй. Ихэнх маань сонсдоггүй. Тийм учраас л дэлхий иймээрээ байсаар, улам бүр дордсоор байгаа юм. Тэгээд л улам олон гамшиг нүүрлэж, сүүлийн үед улам их бэрхшээл тулгаран, улс орнууд өөр хоорондоо дайтаж байна. Дараа нь юу болохыг бид бүр мэдэх ч үгүй. Ихэнх маань мэдэхгүй. Хэдийгээр Гэгээнтнүүд, Мэргэд, зөн билигтнүүд бидэнд “Улам их бэрхшээл нүүрлэхээс зайлсхийе гэвэл зөв амьдар, амь бүү хороо, хулгай бүү хий.” гэж хэлсээр байтал ихэнх хүмүүс өөрсдийгөө аюулгүй, эрүүл, ердийн, жинхэнэ хүн байлгахын тулд үүнийг сонсож, эдгээр энгийн зарчмуудыг хэрэгжүүлж чадахгүй байсаар байна. Харин ч тэд Их Багш нарыг гүтгэж, эсвэл Тэднийг байж болох янз бүрийн аргаар хохироосоор байна. Эрт дээр үеэс хойш ийм зүйл болсоор ирсэн.

Энэ дэлхий дээр хэчнээн олон Их Багш, хэчнээн олон агуу гүн ухаантан, Гэгээнтэн, Мэргэд хохирсныг мэдэж байна уу? Түүхийн жагсаалтаас хараад Тэдний нэг нь ч сайхан амьдраагүй гэдгийг харж болно. Жинхэнэ Их Багш нар тэгж амьдраагүй. Хуурамч нь бол тийм. Тэд олон дагагчтай, маш их баялагтай, олон хүн тэднийг шүтэж, хэрэгтэй бүхий л зүйлийг нь өгдөг. Тэд сайхан, эрүүл, баяр жаргалтай харагддаг. Жинхэнэ Их Багш нар бол зовдог. Зөвхөн жинхэнэ Их Багш нар

үнэхээр зовдог. Энэ дэлхийгээс өөр юу ч хүлээлтэй билээ? Энгийн жишээ дурдахад: Долоо хоногт хэдхэн зуун доллар олох гэж өдөр бүр маш шаргуу ажиллаж хөлс, нулимсаа дуслуулдаг ч өвчтэй гэж дандаа чөлөө авч болохгүй. Үүнээс гадна татвараа төлөх ёстой. Татвараа төлөхгүй бол шоронд орох ч юм уу эд зүйлээ хураалгахад хүрч болно. Түрээс юм уу зээлээ төлөх мөнгөгүй бол бодож байгаагаасаа ч хурдан хугацаанд гудамжинд гарах болно. Тааварлаагүй зүйлс болж, ажлаа ч алдана. Өвчин тусаж болно. Эмнэлэгт зарцуулах мөнгө байхгүй бол байшингаа алдахад хүрнэ. Орон гэргүй бол ажилд орж чадахгүй. Энэ бол маш хэцүү.

Гэтэл мөн л хуулиа мөрддөг, дүрэм журмыг нь дээдэлдэг, татвар төлдөг хүмүүсийн хөдөлмөрлөж олсон энэ бүх мөнгө хаачиж байна вэ? Энэ бүхэн амьтан-хүмүүсийг хөнөөж идэхэд, мөн дайныг дэмжихэд юм уу дайны эсрэг зарцуулагдаж байна. Дайныг дэмжсэн ч, дайнд тулалдсан ч мөнгө зарцуулагддаг. Харин энэ мөнгө хаанаас гаралтай вэ? Татвар төлөгчдөөс. Дайн болон амьтан-хүмүүсийн салбарт ганц долоо хоногт юм уу ганц сард олон тэрбум доллар зарцуулдаг. Нэг жилд зарцуулдгийг бүр ярих ч юм биш. Дайнд өдөрт хэр их зардал гаргадаг болохыг, мөн амьтан-хүний аж ахуйд тэтгэмж олгоход таны төлсөн татвараас хэр ихийг зарцуулдгийг интернэтээс уншиж болно.

Excerpt from “The Economics of Meat Production” by Climate One – Mar. 25, 2014, David Simon, JD (vegan): За, би номдоо муж улсын засгийн газар болон холбооны засгийн газраас энэ улсын мал аж ахуйд жил бүр олгодог нийт тэтгэмжийг тооцсон. Энэ тооцоо ойролцоогоор 38 тэрбум ам. доллар (2023:59 тэрбум ам. доллар) болж байна. Үүнээс үзэхэд энэ нь өнгөрсөн жил бүх муж улсад ажилгүйдлийн тэтгэмжид зарцуулсан мөнгөний тал орчим хувь юм. Энэ тоо нь малын гаралтай хүнсний бүтээгдэхүүнд олгодог тэтгэмжийн талаар хүмүүсийн ихэвчлэн боддогоос хамаагүй өндөр тоо байж магадгүй. Гэхдээ энэ нь миний дурдсанчлан энэ улсад бид газар нутгийнхаа талаас илүү хувийг тэжээлийн ургамал тариалахад зориулж, бид тэрхүү тэжээлийн үр тарианд ихээхэн тэтгэмж олгодог учраас үйлдвэрлэгчид ашиг олдог. Бид малын гаралтай хүнсний бүтээгдэхүүнд олгодог тэтгэмжийг тооцохдоо тэжээлд олгох тэтгэмжийг оруулах ёстой. Үүнд зөвхөн газар тариалангийн даатгал зэрэг зүйлс биш, харин муж, холбооны түвшинд олгодог усалгааны мөнгөн тэтгэмж орно.

Харин татвараа төлөхөө мартсан, эсвэл яаж төлөхөө мэдэхгүй байгаа бол асуудалд орно. Хэдхэн зуун долларын төлөө шоронд орох юм уу том асуудалд ордог. Гэтэл тэр мөнгийг тэгж зүдэрч олсон байтал үр шимийг нь өөрөө болон үр хүүхэд тань хүртэлгүй дайнд шатааж, эсвэл амьтан-хүмүүсийг үржүүлэх салбарт цусан гол, цусан нуур болгоод урсгачихдаг.

Энэ дэлхийд шударга бус зүйл олон бий. Хаа сайгүй шударга бус зүйл. Хэн ч сонсохгүй болохоор бид гомдоллож ч чаддаггүй. Мөн Их Багш нар зэрэг сайн хүмүүс ихэвчлэн дандаа л бэрхшээлтэй нүүр тулж байдаг. Хүмүүс Тэднийг доромжилж, муу нэр өгч, аль болох Тэднийг унагах гэж юу л бол юу хийж, эсвэл Тэднийг хороохыг оролдон, муу нэр зүүлгэх гэдэг. Их Багшийг зовоож, шаналгаж, шоронд хийх гэж тэдний зохиосон бүх зүйл, эсвэл тохиолдуулсан бүх зүйл Их Багш нарт сайнгүй бөгөөд тэр бүү хэл дагагчид нь Тэдэнд 100% итгэх эсэх талаар бүр ярих ч юм биш.

Тиймээс л Есүс (Эзэн) маш хэрцгийгээр хороолгосон юм. Будда хөлийн хуруугаа огтлуулж, олон удаа үхэлтэй нүүр тулж байв. Бусад олон Их Багш нар ердийн тогтолцоонд хүлээн зөвшөөрөгдөлгүй чимээгүйхэн, эсвэл олны өмнө ил байдлаар гэмт хэрэгтэн ч тэсвэрлэх аргагүй гэмээр байдалд амиа алдсан. Тэд шоронд өнгөрч, хордож, эсвэл загалмайд цовдлуулж, үгүй бол тамлуулж, гүтгүүлж, амь насаа алдацгаасан. Тэр бүү хэл нэр төр нь хүртэл Тэдэнтэй хамт дууссан байдаг. Дараа нь хүмүүс сүм хийд, ашрамууд барьж Их Багш нарыг шүтэцгээдэг. Харин Тэднийг тарчилж нас барах үед хэн ч тусалж чаддаггүй. Тэднийг хэн ч аварч чаддаггүй.

Их Багш нарт амьдрал, үхэл нь төдийлөн чухал биш боловч Тэд амьд байх аваас илүү олон төрөлтөнд зааж сургах боломжтой. Тэд биднийг оюун санааны дэвшил, хөгжилд хөтлөн, улмаар дэлхийн бүхий л төрөлтнүүд илүү амар амгалан, илүү аюулгүй, сайхан амьдрах илүү эрүүл нийгмийг бий болгож чадна. Даанч хүмүүс Тэднийг тайван байлгадаггүй, Тэдэнд амар амгалан, ая тухтайгаар ажлаа хийх боломж

өгдөггүй. Жирийн нэг багш бол цалин аваад, амралтаа аваад, тэр бүү хэл мөнгөн тэтгэвэр авдаг шүү дээ. Гэтэл жинхэнэ Их Багш, ай хөөрхий! Алуулчихгүй л бол азтай санагдана. Шавь нарынхаа өргөл барьцыг хүлээж авбал тэд “Өө, Та тэдэнд зааж сургаад л ходоодоо цатгаад, эсвэл сайхан байшинтай болж.” гэнэ. Мөнгө олдог бол мөнгөний төлөө өөрийгөө болон халамжлах ёстой хүмүүсээ тэжээхийн тулд, эсвэл номлолоо айлдаж, бүх сургалтынхаа зардлыг төлж бизнес хийдэг бол тэд “Аан! Та жинхэнэ бясалгагч биш байна. Учир нь Та шуналтай, мөнгө олохыг хүсдэг болохоороо л бизнес хийж байна.” гэх мэтээр ярих болно. Тэгэхээр Их Багш энэ дэлхийд үнэлэгдэнэ гэж үгүй. Ихэнх Их Багш нар тийнхүү зовж өөд болдог. Та нар мэднэ дээ. Тэдгээр бүх шашны түүхийг унших юм бол та нар мэдэж авна.

Надад хүртэл иймэрхүү асуудлууд бий. Бусад бүгдийн адил би мөнгө олох ёстой бөгөөд бизнес хийж, өөрийнхөө юмсыг хийх ёстой, үнэт эдлэл, хувцас, уран зураг гэх мэт бусад зүйлсийг бүтээх ёстой. Гэтэл хүмүүс бас намайг бизнес хийж байгааг шүүмжилдэг. Намайг “Сүнслэг Их Багш, бясалгагч байж огт бизнес эрхэлж болохгүй” гэдэг. Би гудамжинд бадар барих аяга аваад гарах ёстой бололтой, тийм үү? Орчин үед тэгж амьдрах тийм ч таатай бус. Буддын шашинтай улс орнуудад хүртэл хүмүүс тэгдэггүй. Азийн зарим улс оронд зарим нэг уламжлал бий. Өдөрт нэг удаа гадагшаа гарч бадар барьдаг бөгөөд Буддын шашны сүсэгтэн олон тэдэнд хоол өгдөг. Энэтхэгт, уламжлал нь хэвийн хэвээр, лам нарт мөнгө байдаггүй учраас энэ тэрүүгээр явж сүсэгтнүүдийн өгсөн хоол хувцсаар амьдардаг. Гэвч орчин үед хүмүүс төрөл бүрийн итгэл үнэмшилтэй болж уламжлалыг яг таг хадгалдаггүй. Тиймээс олон лам нар ямар ч хоолгүй олон өдөр явж байгааг би мэднэ.

Өөрийн маань хүмүүс хүртэл намайг нүүрэн дээр минь зэмлэдэг. Гамшигт нэрвэгдэгсдэд юм уу ямар нэг байгууллагад $20,000 доллар өгье гэвэл тэд намайг шүүмжилдэг. Тэд, “Та $40,000 доллар өгөх ёстой” гэнэ. Эхлээд тэд “$50,000” гэсэн. Дараа нь “Үгүй, боломжгүй.” гэчхээд” “40 мянга” гэсэн. Ингээд нааш цааш маргаад байдаг. Би, “Надад тийм их мөнгө байхгүй” гэж хэлсэн. Би яг л баян хүн шиг сайхан хувцаслаж, үнэт эдлэл зүүдэг ч, энэ бүхнийг өөрөө хийдэг учраас тэр юм. Тийм учраас миний хувьд зүүхэд хямд байдаг, гэвч би өөртөө хадгалдаггүй. Ямар шинэ зүйл гарсныг хүмүүс хараад худалдан аваг гэсэн сурталчилгаа гэж хэлж болно. Учир нь хэрэв тэдэнд хувцас зарахгүй бол, ийм хувцас, үнэт эдлэл зохион бүтээхгүй бол хүмүүс тэртээ тэргүй гаднаас худалдаад авна. Гаднаас үнэт эдлэл худалдан авахад мөнгөө зарцуулна. Хувцас, үнэт эдлэлийн загвар бүтээлүүдээ би үнэхээр үзэсгэлэнтэй гэж боддог. Тиймээс тэд худалдаж авахыг хүсвэл болж л байна. Тэртээ тэргүй тэд надаас авахгүй бол гаднаас авах л байсан, ялгаагүй.

Энэ бүх мөнгөө би Суприм Мастер Телевиз-д болон гамшигт нэрвэгдэгсдэд зарцуулдаг. Би байгаа зүйлээ л ашигладаг. Банканд өртэй байхыг хүсдэггүй учраас үүнээс илүүг хэрэглэхийг хүсдэггүй. Боломждоо тааруулж хэрэглэдэг ч энэ нь надад их байдаг гэсэн үг биш. Их байдаг л даа, гэвч бүр хэт их гэсэн үг биш. Бидэнд хангалттай бий - хангалттайгаас жаахан илүү, гэвч таашгүй шүү дээ. Жишээ нь цар тахлын үед хүмүүс ирж юм авдаггүй учраас нэг их мөнгө олохгүй ч их хэмжээний зардал гардаг. Гэх мэт. Яаралтай үед зориулагдана. Зөвхөн надад ч биш, бүгдэд нь зарцуулах жаахан мөнгө хадгалах ёстой. “Гэнэтийн зүйлд зориулж хадгал” гэсэн үг бий. Бүгд мэднэ. Суприм Мастер Телевизээ жишээ нь байнгын ажиллагаатай байхад би анхаарах ёстой. Үнэн, Номыг дэлгэрүүлэх ажил маань үргэлжилнэ. Мөн гамшигт нэрвэгдсэн хүмүүст тусламж хэрэгтэй бол бид боломжийнхоо хэрээр хандив өгдөг – бас Диваажингийн зөвшөөрсөн хэмжээнд. Учир нь би илүүг өгвөл тэдэнд ямар ч тусгүй байж мэднэ. Тэд өөр үйлийн үртэй болох ч юм уу асуудал гарч мэднэ.

Миний мөнгө бол “миний” мөнгө биш. Миний буяны ажил миний шийдвэр биш. Би бүхнийг Бурханы Тааллын дагуу хийдэг. Тийм учраас би үргэлж Бурханд талархдаг. Мөнгө олж чадаж байвал бас л Бурханы Ивээл, Диваажингийн дэмжлэгт талархдаг. Олон хүмүүс надаас илүү авьяастай байж, бас үнэт эдлэл, хувцас хийдэг байж болох ч тийм их хэмжээний мөнгө олдоггүй. Эсвэл бизнес нь амжилт олдоггүй. Тиймээс бүх зүйл Бурханы Таалал байдаг, би амжилттай мөнгө олох эсэх ч мөн адил. Бид Суприм Мастер Телевизийг үргэлжлүүлэх эсэх гээд бүх зүйл Бурханы Тааллаар болдог.

Би хандив авах дургүй. Дагагч нараасаа, шавь нар, итгэгчдээсээ ямар нэг зүйл өгөөч гэж гуйх дургүй, учир нь тэд ч бас хүнд амьдралыг туулж байгаа. Шавь нар маань хэр их мөнгө олдгийг би огт мэддэггүй. Хэр ихийг олдог вэ гэж би хэзээ ч асуудаггүй. Юу хийж амьжиргаагаа залгуулдгийг ч асуудаггүй. Сүүлийн үед Суприм Мастер Телевиз байдаг болсон болохоор хүмүүс бид бүгдийг засгийн газраасаа мөнгө хараад суудаггүйг, эсвэл татварыг нь иддэггүйг хараг гэсэндээ ямар ажил эрхэлдгийг нь танилцуулдаг болсон.

Бүхнийг бид ил тодоор хийдэг. Тийм учраас хөтлөгч нар ямар ажилтайг хэлдэг болсон юм. Гэхдээ зөвхөн нэвтрүүлэгч нь, ажлын багийн хүмүүс нь зөвшөөрсөн тохиолдолд. Үгүй бол, хэрэв тэд хүсэхгүй байвал нэвтрүүлэг хөтлүүлдэггүй. Тэд бүгд өөрсдөө хийхийг хүсдэг. Дээрээс нь бас тэдний хувийн орон зайг хамгаалах үүднээс тэдний бүх мэдээллийг, бүрэн мэдээллийг өгдөггүй.

Тэгэхээр харж байна уу, би мөнгө олсон ч хүмүүс шүүмжилдэг. Өөрийнхөө мөнгийг өгсөн ч шүүмжилж, яагаад ийм жаахан өгнө вэ гэдэг. Би илүү хэмжээгээр өгч чаддаг ч болоосой. Илүүг өгч чадахгүй байгаадаа би үнэхээр ичдэг. Гэвч бид бүгд чадах зүйлээ л хийнэ, тийм үү? Тиймээс багаар өглөө гэж, эсвэл мөнгөө өөрөө оллоо гэх мэтээр тэд намайг шүүмжлэх учиргүй. Бид бүгдэд гүйцэлдүүлэх өөр өөрийн үйлийн үр бий, хийх ёстой ажил үүрэг бий. Энэ дэлхийд ийм байдаг.

Photo Caption: Хайраар Бороо Орж Байна уу? Өө Тийм!

Зураг татаж авах