Дэлгэрэнгүй
Татаж авах Docx
Дэлгэрэнгүй уншаарай
Та веган байх ёстой. Будда болохын тулд хэн нэгэн ариун оршихуйн махыг иддэг байх ёсгүй. Ийм л юм. Хэрэв та энэ дэлхийд хэтэрхий их өртэй бол дээш явж чадахгүй. Веган хооллолт нь өдөрт 2,5 цаг бясалгаад арилгаж болох бага муу үйлийн үр тарьдаг, ургамалд суурилсан хооллолт юм. Мах идэхээс үүдэх муу үйлийн үр арилах боломжгүй юм. Учир нь махыг ухамсартай, сэрэл мэдрэхүйтэй, амьдрах чин хүсэлтэй, үхлээс айдаг амьдралын томоохон төрөлт амьтдаас авсан байдаг. Бүх амьтад амьдрахыг хүсэж үхлээс айдаг. Хэрэв бид тэднийг хүчээр алах юм бол бид Аялгууны Бясалгал (Дотоодын Диваажингийн) хийгээд ч амар арилахааргүй асар хүнд муу үйлийн үр хураадаг. Бид зүгээр алдаг оног бясалгадаг; Огт бясалгаж байгаагүй хүмүүсийг дурдаад ч хэрэггүй. Тэгэхээр мах идэх нь баталгаагүй, таны чөлөөлөгдөхөд саад болох зүйл.Гуан Инь аргаар бясалгадаггүй байсан ч гэсэн сүнслэг бясалгагчид тодорхой түвшинд хүрэхээрээ мах идэгчид, эсвэл мах иддэг бясалгагчид хэрхэн шийтгэл хүртэж байгааг тодорхой харж чаддаг. Үүнийг хараад бид маш их айж дахин мах идэж чадахгүй болно. Энэ үйлийн үрээс гарах арга гэж байхгүй юм. Энэ бол шалтгаан, үр дагавар. Би худлаа хэлээгүй.Та нар өндөр түвшинд хүрэх юм бол мах идэж зүрхлэхгүй гэж би та нарт амлаж чадна. Би та нарт хэлсэн хэлээгүй та нар үмх төдий мах идсэн хүмүүс ямар шийтгэл амсдагийг өөрсдөө харж чадах болно. Тэднийг би шийтгээд байгаа юм биш. Шалтгаан үр дагаврын хууль юм. Зарим хүн бар, морь, үнээ, тахиа зэрэг амьтан болж эргэн төрөөд амтлах таашаалынхаа үйлийн үрийг төлж дуусахаас өмнө тоо томшгүй олон удаа төхөөрүүлэх болдог. Ийм хөөрхийлөлтэй амьтад болж төрөхийг хүсээгүй л юм бол мах идэхээ боль.Би Гуан Инь бясалгагч мах идэж байхыг хэзээ ч хараагүй. Манай ном нэгт бясалгагчид хайрын үүднээс веган байдаг. Би чанга хатуудаа та нарыг хүчлээд байдаг юм биш. Хэрэв бид өөрсдийнхөө сүнслэг бясалгагчийн, хүмүүний, Бурханы оршихуйн үнэ хүндийг бодох аваас сул дорой жаахан амьтадыг хайрлах ёстой юм. Энэ бол шалтгаан нь. Бид хайрлах сэтгэлээ хөгжүүлэх хэрэгтэй. Хэрэв бид Бурхантай нэг болохыг хүсэж л байгаа бол, Бурхан мэт хайрлаж, Будда мэт энэрэн нигүүлсэх л учиртай. Харин мах идвэл үйлийн үр их хийгээд хүнд байх болно. Бид үхэх төрөхийн тойргоос гэтлэхийг хүсэж байгаа ч маш их үйлийн үрийг, эсвэл том ачаа тээгээд явбал уул өөдөө мацаж чадахгүй шүү дээ. Бид уул өөд мацахдаа аль болох хөнгөн ачаа тээх хэрэгтэй. Веган хоол идэх нь бас л үйлийн үртэй боловч хамаагүй бага. Мах идэх нь бидэнд төлж барахад дэндүү их үйлийн үр тарьдаг.Тэд уул, гол, Будда, эсвэл Бодисадва нарыг тахин шүтэхээр хаашаа явах нь хамаагүй, мах иддэг хүмүүс Гурван Ертөнцөөс чанагш явж чадахгүй. Би та нарт амлаж байна. Бясалгагч хүний хувьд хэрэв би худал хэлбэл, там руу явна. Мах идэгчид диваажин руу явж чадахгүй, Гурван Ертөнцөөс чанагш явж чадахгүй. Тэд ахин төрөл авч доош унана. Тэдний идсэн амьтад хүн болж төрж тэднийг иднэ. Тэд амьтдыг иднэ, дараа нь амьтад тэднийг иднэ. Хэзээ энэ дуусах вэ? Хүмүүний бие маш эрхэм, иймд, хичээнгүй бясалга цагаа сайн ашигла. За юу? (За.)Та бүхэн оюун санааны их удирдагчдын хувьд хүн төрөлхтний хэрцгий зан авир, харгис зуршлаас үүдсэн уур амьсгалын хурдацтай өөрчлөлттэй шууд холбоотой, манай гараг дэлхийд тохиолдоод буй гамшгийг мэднэ. Үүнийг хайрын сэтгэлээр ганц удаа хандаад л өөрчлөхөд тийм ч их хүндрэлтэй биш. Өөрсдийн итгэгчдэд энэ үнэнийг хэлж өгнө үү. Тэдэнд хэлсээр, сануулсаар байгаарай. Би та бүхний хийснийг мэдэх ч бид илүү ихийг хийх хэрэгтэй байна. Баярлалаа. Бид зөвхөн өөрчлөгдөх ёстой. Бид өөрчлөгдөх ёстойг тэдэнд хэлнэ үү. Хэрвээ бид хүн гэдгээ, ирээдүйн Будда гэдгээ, Бурханы хүүхдүүд гэдгээ баталъя гэвэл өөрчлөгдөх ёстой! Учир нь БИД БУРХАНЫ БУСАД ХҮҮХДҮҮДИЙГ ХӨНӨӨЧХӨӨД ӨӨРСДИЙГӨӨ БУРХАНЫ ХҮҮХДҮҮД ГЭЖ ХЭЛЖ ЧАДАХГҮЙ. Хүний төрхтэй ч бай, амьтны төрхтэй ч бай ИРЭЭДҮЙН БУСАД БУДДАГ ХЯДЧИХААД БИД ИРЭЭДҮЙН БУДДА ГЭЖ ӨӨРСДИЙГӨӨ ЗАРЛАХ БОЛОМЖГҮЙ.Бурханы бүтээлийг аврахад туслагтун. Гэм зэмгүй амьтдын зовлонг эцэслэхэд туслагтун. Бид нэг нэгэнтэйгээ дайн хийж, мөн амьтадтай дайн хийж байна. Энэ бүгд зөв биш. Энэ үйлдлүүд зөв биш. Энэ үйлдлүүд Бурханы сургаал болон хүслийн эсрэг байна. Итгэлт хүмүүстээ сануулна уу. Энэ агуу өөрчлөлтөд чиглүүлэх Дээрхийн Гэгээнтнүүд болон Эрхэм гүн бишрэлт та бүхний билэг ухаанд итгэж байна! Бид өөрчлөгдөх ёстой. Энэхүү агуу өөрчлөлтөд чиглүүлэх Дээрхийн Гэгээнтэн, Эрхэм гүн бишрэлт, бүх эрхэм гүн бишрэлт та нарт итгэж байна.
