Дэлгэрэнгүй
Татаж авах Docx
Дэлгэрэнгүй уншаарай
Одоо бол та нар бүх зүйлс үнэхээр тусалдаг юм байна гэдгийг мэдлээ. Та нарт аль нь юу болохыг хэлэх маш хэцүү. Яагаад гэвэл та нарт чин сэтгэл байх ёстой, ойлгож байна уу? Жишээ нь, хэрэв 1 цаг бичлэг үзэхэд чи 2000 оноо авна. Миний телевиз, миний бичлэгээс. Нэг л бичлэгийг дахин дахин үзэж байсан ч гэсэн. Та нарыг шинэ юм аваг гэж Би үүнийг хэлээгүй. Нэг цаг уншихад 800 оноо, харин бичлэг үзвэл 2000 оноо. Жишээлэхэд. […] Би юу хэлж байна вэ гэхээр зурагтын өмнө суугаад бичлэгийг үзэж, баясаад мөн жинхэнээсээ төвлөрсөн бол нэг цагт 2000 оноо авна. (Баярлалаа.) Тэр байтугай миний шүлэг, дуу ба хэлж ярьсан зүйлсийн аль нь ч гэсэн онигоо юуг ч сонсоход бас оноо авна. Шүлэг хүртэл, миний өөрөө дуулсан нэг дууг сонсоход 400 оноо. Өөр хүн дуулсан бол магадгүй 200 оноо. Миний шүлгээр өөр хүн дуулж байвал 200 оноо. Харин заримдаа богино, заримдаа урт байхаас мэдээж шалтгаална. Гэхдээ ерөнхийдөө ийм гэж би хэлж байна. Миний дуу ч хүртэл, хэрэв би дуулаад та нар сонсвол нэг дуунаас 400 оноог авна! Энэ чинь ердөө 2, 3, 5 минут. (Хөөх!) Үүнийг ойлгож байна уу? (Тийм.) Яагаад гэвэл дуу та нарыг илүү төвлөрүүлдэг учраас л тэр. Бичлэг үзэхэд магадгүй: “Өө, Тэр ярьж байна, би үүнийг аль хэдийн мэднэ, Тэр өмнө бас ярьсан” гэдэг. Харин дуу... Хөгжим хүмүүсийг төвлөрөхөд нь үргэлж дэмтэй, мөн бүх түгшүүрийг намдааж тайвшруулдаг. Ингэж байж Их Багшийн Хүч та нарт улам улам илүү их адислалыг хайрлах боломжтой болдог. Дуу, шүлэг, аялгуу хөгжмийн ямар ч зүйл сэтгэлийг үргэлж тайвшруулж тухайн хүнийг унтаа байдалд оруулж Багшид ажиллах боломж өгдөг. Тэгснээрээ та нарт маш их адислалыг өгдөг. Ойлгож байна уу? (Тийм) Тийм болохоор ямар дуу байх нь хамаагүй, тэр бүү хэл уйтгартай, хөгжилтэй ямар ч дуу байсан хамаагүй. Харин гаднын уйтгартай дууг сонсвол та нарт муугаар нөлөөлнө. Заримдаа та нарт ямар ч оноо өгөхгүй. Хэрэв сайн хөгжим байвал гаднын хөгжим ч гэсэн та нарт оноо өгдөг. Заримдаа 50 оноо, заримдаа 100 оноо өгдөг. Ямар дуу байгаагаас шалтгаална. Мөн ямар хөгжимчин, ямар ая байхаас шалтгаална. Хэрэв сонсоход сэтгэл бага ч гэсэн амарч байвал оноо авч байна гэсэн үг. Тэр хөгжмөөс биш харин сэтгэл чинь тайвширч амрахад Их Багшийн Хүч орж нөлөөлж чадаж байгаа учраас тэр юм. Их Багшийн хүчинд ихэнхдээ бодол сэтгэл саад болж байдаг. Та нарыг хэт их юм бодуулж, тэгээд хүчийг хүлээж авах чадваргүй болгодог. Харин хөгжим та нарыг тайвшруулдаг учраас хөгжим та нарт тустай. Тийм учраас би дуулж, бүжиглэж, шүлэг зохиодог юм. Энэ бүгд бол ердөө ажил юм. Одоо та нарт гэгээнтэн болоход шаардагдах бүх хэрэгсэл байна. Хэрэв та нар эдгээрийг хэрэглэхгүй залхууран хойргошиж, доогуур түвшиндээ байгаа бол ёстой шившиг. Энэ бүх нууцуудыг Би та нарт аль хэдийн хэлсэн. Өмнө нь та нар мэддэггүй, “За, тэр зүгээр урлагийн авьяастай” гэж бодож байсан. Тэр бүү хэл миний зурсан зургийг 5 минут харахад 500 оноо. (Хөөх!) Үгүй, энэ үнэн. Та нар юу гэж бодоов? Энэ гадна байгаа бүх хүмүүс яаж өргөгдөж байдаг гэж бодож байна? Энэ бүх зүйлээр шүү дээ! Холбоо тогтоодог, ойлгов уу? Зураг, хөгжим, миний хийж байгаа юу л байна бүгд л та нарын төлөө юм. Тэр бүү хэл дэнлүү. Хэрэв та нар дэнлүү харвал бас л оноо авна, 500 оноо, 1000 оноо, байдлаасаа болно. Худалдаж авалгүй зөвхөн харахад л тэр. Худалдаж авахын хэрэг ч байхгүй бүр. Тиймээс олон янзын арга хэрэгсэл байна. Хүн бүрд зориулж би бүх л төрлийн юмыг хийдэг. Тэр бүү хэл миний зураг руу хүмүүс харвал гадна байгаа хүмүүс зураг руу зэрвэсхэн харахад л магадгүй 1 минут, эсвэл хагас минут харахад л 500 орчим оноо авдаг. Жишээлэхэд ийм байна. Тэгж та нар дээшилдэг. Яаж та нар өөрийгөө дээшилнэ гэж бодоо вэ? Та нарын тэр маягаар бол орой томоо гудас зэхэж, түүн дээрээ шөнөжин сууна гэчхээд унтахад бэлдээд, тэгээд маш бага бясалгаж, их ярьж, их идэж, янз бүрийн зүйлийг та нар хийдэг. Та нар намайг өдөржин мартдаг, ажлаа хийх хэрэгтэй байдаг, намайг бүр огт дурсдаг ч үгүй. Жаахан дурсана, тийм. Цаг гарахаараа та нар санадаг. Тэгээд л хэн нэгэн нь хүрч ирж ярих эсвэл утсаар ярих, зурагтаар гоё нэвтрүүлэг гарахад л гүйцээ, Багш тэр дороо л мартагдана. Харж байна уу? Тийм байж та нар яаж дэвшинэ гэж бодоов? Тиймээс энэ бүх зүйлс бүгд л та нарт тустай. Зураг гэх мэт бүгд. Хүмүүсийг харах дуртай байлгах гэж, гаднын хүмүүст Би гоё зургууд гаргадаг. Хэн ч биш хүнийг харж байснаас сайхан эмэгтэйг харахыг та нар илүүд үздэг биз дээ, зөв үү? Тиймээс хүмүүст таалагдахын тулд жаахан оо энгэсэг тавиад сайхан харагдвал зүгээр, тийм ээ? Тийм ээ, энэ тэдэнд хэрэгтэй. Энэ бүгд ажлын төлөө юм, ойлгов уу? Ажил, ажил, ажил. Заримдаа би та нарыг ямар нэг юм хийгээд өг гэж хэлдэг, энэ бас л ажил. Энэ бол та нарын төлөө. Таны төлөө. Өөр ямар нэг юмны төлөө. Тэрнээс надад хэрэгтэйдээ биш. За? Бүх юм, ер нь бүх л юмс, би бүгдийг тэр чигт нь хүн бүхнийг дэвшүүлэхийн тулд ашигладаг. Одоо ойлгов уу? (Тийм.) Өмнө би та нарт үүнийг огт хэлээгүй учир нь Би та нарыг Намайг "юмаа зарах гэж байна эсвэл өөрийгөө магтаж байна" гэж бодох вий гэж санаа зовж байв. Одоо та нар илүү дээд түвшинд байгаа тул надад илүү итгэж байгаа. Хэрэв та нар доод түвшинд байвал илүү хянамгай болгоомжтой байдаг. “Тэр үнэхээр ингэж хэлж байна уу эсвэл мөнгө олохын тулд ингэв үү? Эсвэл...” Учир нь нийгэм та нарыг минийхээс өөр мэдээллээр хангаж байдаг. Та нар бүр хүүхэд байхаасаа эхлээд хэн нэгэн хүн юмаа борлуулах гэвэл тэр нь чамд ашигтай юм шиг харагдуулдаг байдалд сурчихсан. Бүх л худалдагч нар “Өө, энэ хувцас таныг гоолиг харагдуулна, яг загвар өмсөгч шиг болгоно” гэх мэтээр хэлдэг. “Энэ танд үнэхээр сайн шүү” гэх мэтчилэн. Энэ яг л юм худалдаж байгаа юм шиг сонсогддог. Тиймээс би та нарт хэзээ ч хэлэхийг хүсээгүй юм. Одоо би та нарт хэлж болно. Гол нь та нар үүнд итгэх албагүй. Гэхдээ оролдоод үзэхэд муу юм байхгүй. За юу? Та нарт гай болохгүй. Зурагтаар утгагүй зүйл сонсож байснаас л дээр. Эсвэл утсаар цаг үргэлж ”жав, жав, жав...” гээд утасны мөнгө төлөх гэхгүй.
