Дэлгэрэнгүй
Дэлгэрэнгүй уншаарай
Үүнд Бонни, Жаред болон Их Багш 1993 оны 11-р сарын 27-нд Сан-Франциско хотод болох Их Багшийн олон нийтэд зориулсан айлдвар болон авшиг хүртээх ёслолын талаар ярилцана. Мөн Их Багш өнгөрсөн үеийн Гэгээрсэн Багш нарын сургаал, үйлийн үрийн эргэлтийн цаана юу байдаг, клиник үхэл зэрэг сэдвээр сонсогчдын асуултад хариулна.Bonnie: Ярилцлагадаа эргэн оръё. Утсаар холбогдсон та бүхний олонх нь ихэд баяртай байлаа.Jared: Их Багш аа, утсаар ирсэн асуултуудаа үргэлжлүүлэхийн өмнө Тантай дахин мэндчилье. Энэ өглөө манай нэвтрүүлэгт оролцож буйд тань баяртай байна. (Баярлалаа.) Зарим хүн, ялангуяа өрнийнхөн, дорнынхон буюу Азийн орнуудын хүмүүс биднээс илүү сүнслэг мөн чанартайгаа холбоотой байдаг гэж боддог. Та үүнийг үнэн гэж бодож байна уу? Âу Лак (Вьетнам), Энэтхэг зэрэг оронд хүмүүс илүү сүнслэг байдаг гэж Та бодож байна уу? Эсвэл бид бүгдэд нь адил бэрхшээл тулгардаг гэж бодож байна уу?Master: Өрнө, Дорнын хооронд их ялгаа байдаг гэж бодохгүй байна. Зүгээр л хүмүүс үүнийгээ өөр өөрөөр илэрхийлдэг байх. Учир нь надад үнэхээр сайхан сэтгэлтэй, чин үнэнч, ариун гэгээн америк шавь гэгддэг хүмүүс олон бий. Тэдний хайрлах байдал нь, хайр нь зүгээр л ундарч байдаг. Үнэхээр сайхан. Үнэндээ тэд чин сэтгэлээсээ итгэвэл илүү хүлээн авах чадвартай, бүр ч илүү хайр энэрэлтэй, илүү итгэлтэй байдаг гэж би боддог. (Бас их хүсэмжилдэг байх, гэхдээ...) Хүсэмжилдэг, тийм ээ, тийм. Яг зөв үг байна. Тэднийг миний эргэн тойронд байхад нь та харсан ч болоосой. Тэгвэл та уйлах байсан. Тэд уйлдаг. Би сэтгэлийг нь хөндсөн зүйл хэлэхэд тэд Дорнынхноос ч илүү уйлдаг.Bonnie: Их Багш аа, Таныг Сан-Францискод ирэхэд хүмүүсийг Тантай уулзахаар урьж байна. Та 11-р сарын 27-ны бямба гарагт оройн 7-10 цаг хүртэл Сан-Францискогийн Дүрслэх урлагийн ордонд үнэ төлбөргүй лекц уншина. (Тийм ээ.) Үүнтэй холбоотойгоор нэг зүйл асууя.Их Багш аа, Таны лекц, авшиг хүртээх нь үнэ төлбөргүй юу? (Үргэлж, үргэлж, өмнө нь ч, явцад нь ч, дараа нь ч тийм.) Тийм ээ, бас гишүүнчлэлийн хураамжийг (Үгүй.) Таныг дагадаг хүмүүс, Таны шавь нараас шаарддаггүй. Тэгвэл Та ийм олон хүнд хэрхэн санхүүгийн тусламж үзүүлдэг вэ?Master: Бурханы тус л гэж бодож байна. Надад зураг зурах, гар урлал хийх, дуулах, хөгжим зохиох зэрэг Бурханы хайрласан авьяас бий. Эдгээрийнхээ ачаар би санхүүгийн хувьд тогтвортой байдаг. Учир нь миний амьдрал маш энгийн, шавь нарын маань амьдрал ч бүгд тун энгийн бөгөөд тэд өөрсдийгөө тэтгэдэг тул бид олсон бүхнээ өгч чаддаг.(Та сүм барьдаггүй биз дээ? (Үгүй.) Барилга байгууламж ч гэсэн?) Үгүй. Бид бүх хүнийг багтаахуйц том барилга хэзээ ч барьж чадахгүй. (Тийм ээ.) Хүн дэндүү олон учраас би тэднийг багтаах тийм том газартай болж чадахгүй. Тиймээс бид зүгээр л юу ч барьдаггүй.(Хүмүүс гэгээрэл, авшиг, сүнслэг байдлын тухай сонсохыг хүсэмжилдэг гэж бид ярьсан. Олон сонсогч утсаар холбогдож байна. Их Багш аа, Маунтэйн Дьюгээс нэг хүн залгасан, нэрийг нь мэдэхгүй байна. Таны бичсэн, эсвэл Таны тухай ном худалдаанд байдаг уу гэж асуужээ.) Худалдаанд тун ховор байдаг байх. Гэхдээ манай аль ч Төвтэй холбогдож болно. Хүсвэл тэд танаас асууж болно, тэгээд та хаягийг нь өгөөрэй. (За.) Бид тэдэнд сар бүр үнэгүй сэтгүүл, товхимол болон олон төрлийн үнэгүй мэдээлэл илгээж болно. Харин зарим том номыг хэвлэлийн өртгөөр нь, дуу, дүрс бичлэгүүдийг хоосон хуурцгийн үнээр борлуулдаг.(Би одоо харж байна... Энэ нэг жишээ нь юм уу... Тийм байна. Энд олон улсын тайлан байна. 60, 70 орчим хуудастай товхимол бөгөөд хавтсан дээр нь Төгс Гэгээрсэн Их Багш Чин Хайн маш сайхан зураг байна. Бас сар тутмын мэдээллийн товхимол байна. Энэ нь сар тутмын мэдээллийн товхимол юм. Үнэхээр сэтгэгдэл төрүүлэхүйц сар тутмын товхимол байна.) (Тийм ээ, үнэхээр.) Тийм ээ, тийм. (Маш сайхан.) Баярлалаа. Бид энэ бүхнийг хэнд ч, хүссэн хүн бүрд үнэгүй илгээдэг.(Менло Паркаас холбогдсон Жүди: “Клиник үхэл Таны үзэл сургаалтай хэрхэн нийцдэг вэ? Клиник үхэлд орж үзсэн хүн Та юу хэлэх вэ?” гэж асууж байна.) Тийм ээ, клиник үхэл бол үнэндээ үхлийн туршлага мөн. Гагцхүү сүнсийг маань бие махбод хэмээх хэрэгсэлтэй холбодог мөнгөн утас гэгддэг холбоос нь хараахан тасраагүй байдаг. Тиймээс тэд үнэхээр үхлийг мэдэрдэг. (Тийм ээ.) Амьдралдаа буянтай, мөс чанар сайтай явсан хүмүүс хурц гэрэл, олон сайхан орон хэмжээсийг хардаг. Энэ бол үнэн. Бясалгах үед ч мөн адил. (Тийм ээ.) Харин бясалгах үед та энэ туршлагын хугацааг уртасгаж, эсвэл хүссэн үедээ дахин мэдэрч, улам дээд хэмжээс рүү тэлж чаддагаараа л ялгаатай. Тийм ээ. Тиймээс бясалгал ч бас үхлийн туршлага юм. Иймээс гэгээнтнүүд: “Би өдөр бүр үхдэг.” гэж хэлдэг. (Тийм ээ.) Тийм. (Гэгээн Паул тэгж хэлсэн байх аа.) Тийм ээ. Та биеэсээ гарч, илүү дээдийн гоо сайханд хүрээд, хүссэн үедээ буцаж ирдэг. Жаахан дадлага хэрэгтэй. (Жаахан дадлагаар уу?) Тийм ээ. (Тийм ээ, үнэхээр.) Тийм ч удаан биш. Зарим хүн авшиг хүртэх үедээ л үүнийг мэдэрч, түүнээс хойш үргэлжлүүлэн мэдэрдэг.(Яг одоо сонсож буй хүмүүст авшиг хүртэх хүсэл төрвөл яах ёстой вэ?) За, тэд лекц дээр ирж бидэнтэй уулзаж болно. Дараа нь бид шууд авшиг хүртээнэ. Бас үнэ төлбөргүй, ямар ч нөхцөл, хүлээсгүй. Бүх талаар чөлөөтэй. Хүлээс ч бас байхгүй гэсэн үг. Илүү ихийг танин мэдэхийн тулд өдөр бүр бясалгана гэж өөртөө үүрэг хүлээлгэхээс өөр ямар ч үүрэг байхгүй.(Тэгэхээр баруун гараа өргөөд, хэн нэгэнд, эсвэл ямар нэг зүйлд үнэнч байхаа тангараглах шаардлагагүй юу?) Үгүй, үгүй, үгүй. Гэхдээ дараа нь зарим зүйлийг дагах хэрэгтэй. Учир нь би шавийнхаа тоог өсгөх гэж бус, тэднийг үнэхээр сургахыг хүсдэг. Тиймээс цааш үргэлжлүүлэхийг хүссэн хүн бүр веган хоол идэж, амьтан-хүмүүсийг оролцуулаад хэнд ч хүчирхийлэл үйлдэхгүй байх зэрэг хайрын хуулийг дагах ёстой. (Тийм ээ.) Тиймээс бид үүнийг чанд дагаж, бясалгах ёстой. Өөр зүйлгүй. (Бас бясалгана.) Тийм ээ.(Констансаас нэгэн эмэгтэй Сан-Хосегоос утсаар холбогдож байна. Түүний хэлснээр мягмар гараг бүрийн оройн 5 цагт телевизийн 11-р сувгаар Төгс Гэгээрсэн Их Багш Чин Хайн яриа, асуултад хариулсан бичлэгийг нэвтрүүлдэг юм байна. (Өө, тийм үү?) Би үүнийг мэдээгүй юм байна. (Би ч бас.) Ер нь хүн тэр бүр мэдэхгүй шүү дээ...) Тийм ээ. (...Та хаана гарахаа хэзээ ч мэдэхгүй.) (Сан-Хосегийн TCI Cablevision-ий 11-р сувгийг хэлсэн байх. Мягмар гараг бүрийн оройн 5 цагт Сан-Хосегийн сонсогчид оо, та бүхэн Төгс Гэгээрсэн Их Багш Чин Хайн яриа, асуултад хариулсан бичлэгийг үзэж болох нь ээ. Бид түр завсарлаад, Төгс Гэгээрсэн Их Багш Чин Хайтай хийх ярилцлагаа үргэлжлүүлнэ.)Jared: Дахин тавтай морилно уу. Биднийг сонсож буй та бүхэндээ дахин мэнд хүргэе. Дөнгөж сая сувгаа тааруулсан бол энэ бол Радио 2000-ийн “Чанадыг харахуй нь” нэвтрүүлэг. Төгс Гэгээрсэн Их Багш Чин Хайтай ярилцаж буй энэ өглөө бидэнтэй хамт байгаад тань баяртай байна. Их Багш Чин Хай, дахин тавтай морилно уу. Хамт байгаад Тань баяртай байна. Маш олон хүн утсаар холбогдсоор байна.Одоо Боулдер Крикээс холбогдсон Ричардын асуултад оръё. Үнэндээ энэ бол миний ч ярилцахыг хүссэн сэдэв юм. Ричард Буддын шашны БУРХАНЫ тухай ойлголтыг асууж байна. Үүнийг хөндсөний дараа асуултынх нь 2 дахь хэсэг нь “Үйлийн үр, үхлийн мөчлөгийн цаана юу байдаг вэ?” гэсэн асуулт юм.Master: Ердөө 2 асуулт байна. (Тийм ээ, 2 асуулт.) За.(Тэр Буддын шашны БУРХАНЫ тухай ойлголт (За.) болон үйлийн үр ба үхлийн мөчлөгийн цаана (Тийм.) юу байдгийг мэдэхийг хүсэж байна.) Бас үхлийн, үйлийн үр ба үхлийн цаана уу? За. (Тийм ээ.) Тэгвэл эхний асуултад хариулъя. Буддын шашинд БУРХАНЫГ Агуу Ухамсар гэж үздэг. Бид Түүнийг БУРХАН гэдэг. Харин Буддын шашинтнууд Үүнийг Агуу Ухамсар буюу Агуу Мөн чанар гэдэг. Заримдаа хүмүүс Буддагаас БУРХАН байдаг уу, үгүй юу гэж асуудаг. Тэгэхэд Будда: “Би БУРХАН байдаг ч гэж хэлэхгүй, байдаггүй ч гэж хэлэхгүй. Харин бүх зүйл Түүнээс үүсэж, Түүн рүү буцдаг Нэгэн зүйл бий гэж хэлнэ.” гэдэг. Тэгэхээр та үүнийг хүссэнээрээ нэрлэж болно. (Энэ хариулт надад таалагдлаа.) Тийм ээ.Одоо 2 дахь асуулт буюу тэр мөчлөгийн цаана юу байдаг вэ гэвэл бидний мэдэж болох хамгийн Агуу Мэргэн Ухаан, хамгийн дээд Жаргалан байдаг. Тэр бол бидний жинхэнэ Хаант улс. Учир нь тарьснаа хураах хуулийн цаана Хайрын Хууль бий. Тэнд зөвхөн Хайр, Жаргалан л байдаг. Үйлийн үрийн мөчлөгөөс гарвал бид амьдрал ч үгүй, үхэл ч үгүй, үйлийн үр ч үгүй, зөвхөн аз жаргал, сэтгэл ханамж орших тэрхүү хэмжээс рүү очдог. Гэхдээ хүний хэл амархан буруу ойлголт төрүүлдэг, маш хязгаарлагдмал учраас ингэж ярих нь түүний үнэ цэнийг бага зэрэг бууруулж байгаа мэт санагддаг. (Зарим зүйлийг үгээр дүрслэхийн аргагүй.) Тийм ээ. (Тийм биз дээ?) Тийм ээ, тийм. Та үүнийг мэднэ. (Тийм ээ.) Эрэгтэй, эмэгтэй хүний хоорондох жирийн хайрыг ч гэсэн яаж дүрслэх вэ? (Яг тийм.)(Пасифик Гроуваас холбогдсон Шалона Кирпал Сингхийн сургаалыг мэдэх эсэхийг Тань асууж байна.) Тийм ээ, тийм. Маш сайн мэднэ. (Аан, тийм үү.) (Та энэ талаар жаахан дэлгэрүүлж ярьж болох уу?) Тэр төстэй зүйл заадаг байсан. (Аан, тийм үү.) Би Түүнтэй уулзаж байгаагүй. Гэхдээ Түүний тухай ном уншсан бөгөөд адилхан зүйл заадгийг нь мэднэ.(Сан-Францискогоос холбогдсон Ланг асуужээ... Харъя. Яг одоо биднийг эфирт ярьж байхад Сан-Францискогийн Дүрслэх урлагийн ордонд лам нар элсэн мандала бүтээж байгаа гэнэ. Та үүнийг мэдсэн үү?) Үгүй, мэдээгүй. (Гэхдээ Та тэр нь юу болохыг мэднэ биз дээ?) Тийм ээ. (Тийм ээ. Буддын шашны уламжлалд элсэн мандалаг хэрхэн ашигладаг вэ?) Үүнийг голдуу Төвөдийн уламжлалд ашигладаг. (Тийм ээ.)Ерөөл айлдах томоохон ёслол эсвэл хамтын залбирлын үеэр янз бүрийн өнгөөр маш сайхан бүтээдэг. Ертөнцийн энергийг л бэлгэддэг. (Тийм ээ. За, Их Багш аа, элсэн зураг, элсэн мандалагийн тухай ярих зуур өөр нэг асуулт санаанд минь орлоо. Манай улсын Уугуул Америк Индианчууд болох Навахочууд үүнийг эмчилгээнд хэрэглэдгийг би мэднэ. Та... Өөрөөр хэлбэл, олон хүн эдгээх шаардлагатай олон асуудалтай ирдэг. Та Өөрөө анагаагчийн хувиар тэдэнд тусалдаг уу?)Үгүй. Би хүмүүсийг эдгээхдээ бие махбодод үйлчлэх арга хэрэглэдэггүй. Хүмүүс зүгээр л аяндаа эдгэрдэг. Нөхцөл нь тохирсон, цаг нь болсон, эдгэрэх нь тэдэнд зохистой бол тэд аяндаа эдгэрдэг. Жишээлбэл, заримдаа зүгээр л шавь болсноороо, заримдаа авшиг хүртсэнийхээ дараа, эсвэл миний нэрийг бодох төдийд эдгэрдэг. Гэхдээ энэ нь өөрийгөө хэт магтсан мэт сонсогдож байна. Намайг уучлаарай. (Бид Таныг уучилна.) Баярлалаа. Та асуусан болохоор би шууд хариулахаас өөрөөр яаж хэлэхээ мэдэхгүй байна. (Яг тийм.) Тийм ээ. (Яг тийм.) Би тэр хүний дэргэд байх шаардлагагүй. Бид бие махбодыг эдгээхэд анхаардаггүй ч хүмүүс бас эдгэрдэг. Би үүнийг онцлохыг хүсдэггүй. Яагаад гэдгийг мэдэх үү? Учир нь хүмүүс биеэ эдгээх зорилгоор ирээсэй гэж би хүсдэггүй. Харин илүү мөнхийн, үүрдийн БУРХАНЫГ чин сэтгэлээсээ хүсэн тэмүүлж ирэх ёстой. Энэ нь тэдний бие, сэтгэлд ч тустай.(Их Багш аа, Та Тэнгэрийн таалал гэж нэрлэдэг зүйлийнхээ тухай олонтоо ярьдаг. Өнөөдөр ч энэ талаар ярилаа. (Тийм ээ.) Бидний зарим нь үүнийг “хувь тавилан” гэж нэрлэж болох байх. Гэхдээ Тэнгэрийн таалал гэдэг нь надад илүү сүнслэг өнгө аястай санагддаг. (Тийм ээ.) Харин чөлөөт сонголтын тухайд?) Чөлөөт сонголт. Энэ бол бидний бие махбодод төрөхөөс өмнө болон энэ биетэй амьдрах хугацаандаа хийдэг сонголт юм. Гэхдээ энэ насандаа буян хураагаагүй бол өөд болсныхоо дараа бид сонгож чадахгүй. Жишээлбэл, энэ ертөнцөд төрөхөөсөө өмнө бид юу болох, ямар хүн болохоо сонгох боломжтой. (Тийм ээ.) Гэвч энд ирснийхээ дараа нөхцөл байдал, нийгмийн нөлөөгөөр тэр сонголтоо өөрчилдөг. (За.) Тэгээд чөлөөт сонголтоо ч бас алддаг. Бид өөрсдийгөө эрх чөлөөтэй гэж боддог ч үнэндээ тийм биш.Photo Caption: “Энэ Гоо үзэсгэлэн Танд ДИВААЖИНЫ ЦЭЦЭРЛЭГИЙГ санагдуулж байна уу?”
