Дэлгэрэнгүй
Татаж авах Docx
Дэлгэрэнгүй уншаарай
Сэтгэл оюунаа төгс зохиролд хүргэвэл бид аугаа ухамсрын урсгалтай нэгдэж, хувийн би-гээсээ ангижран Мөнхийн Хайрын оронд буцаж очиж чадна.Эрт цагаас чихэнд хоногшсон Энэрэл Хайрын Дууг Тэрээр чихэнд тань шивнэхэд Өөрийгөө та диваажингийн Өнгөлөг оддын эрхэм хайрт гэдгээ мэднэ!Түнэр харанхуйг хөөн зайлуулах Тун хүчтэй гэрлээрээ Тэрээр хамаг оршихуйг тань чимэхэд Та өөрийгөө алс холын галактикуудын тун чиг хайртай нэгэн гэдгээ мэднэ! Та бид бүгдээрээ Оройн Дээдийн хүүхдүүд шүү дээ Явцгаая, гүйцгээе, нисэцгээе. Нисэцгээе! Нисэцгээе! Нисэцгээе! Буцаад нутагтаа очъё. Нисэцгээе! Нисэцгээе! Нисэцгээе! Буцаад нутагтаа очъё. Нисэцгээе! Нисэцгээе! Нисэцгээе! Буцаад Диваажиндаа очъё...Мөнхийн Хайраараа Тэрээр ивээхэд Ай! Гурван Ертөнцөөс ч чинагш үргэлжлэх баяр жаргал! Та өөрийгөө Тэнгэр орны эрэмбийн Хатан Хаан гэдгээ мэднэ! Та бид бүгдээрээ Оройн Дээдийн хүүхдүүд шүү дээ Та өөрийгөө Төгс Дээд Нэгэн гэдгээ мэднэ! Та бид Төгс Дээд гэдгийг та мэднэ! Бид бол Төгс Гэгээрсэн Их Багш!Нар сүр жавхлангаа хуваалцсаар Үдшийн бүрий айлчлан иржээ. Зэрлэг цэцэрлэгт онгон цэцэг ганган дэлбээгээ хумьж, Аалз чухал тороо яаран сүлжинэ. Хайрт минь, унтаарай... Чамайг сэрүүцүүлэн дэвэхээр би энд байна! Салхи нэвтрүүлэхээр зүрхээ нээлээ. Зүүдний зуун шувуу орны чинь дэргэд цугларна. Хайрт минь, унтаарай, амгалан зүүд зүүдлээрэй. Хоёр эргийн уд мод чамд бүүвэйн дуу аяархан аялна... Хайрт минь, унтаарай... Хайрт минь, унтаарай, амгалан зүүд зүүдлээрэй. Хоёр эргийн уд мод чамд бүүвэйн дуу аяархан аялна... Өндөр модны сүүдэр хүртэл мансуурсан мэт болжээ. Уй гунигийн хэчнээн улирлыг туулан хөвсөн бол доо, чи минь? Хайрт минь, одоо миний гар дээр толгойгоо тавин амраарай. Уй гунигийн боловсорсон жимс унах чимээг надад сонсгоорой...Төрж, амьдарч, дараа нь одох нь хүмүүс яг л сансрын хүрдний төгсгөлгүй мөчлөг дэх амьдралын дэн буудалд мөнхөд ирж, буцан байдаг жуулчид шиг билээ. Уудам тэнгэр дэх борооны дусал шиг голын усанд тусах мөнгөн сарны тусгал шиг гарал үүслээ мэдэхгүй байх үед бүх зүйл түр зуурынх. Гэгээрсэн гэгээнтэн адисалж, жинхэнэ дүрээ танин, мөнх амьдралд хүрсэн хүмүүс хувь ерөөлтэй.Гатлаг онгоцоор хөвж явахад Саран авхай зүүрмэглэсээр л Гол мөрөн нь дэн буудал, Саран авхай харин хэнэггүй аялагч Гатлаг онгоцоор хөвж явахад Саран авхай залуу хэвээр Гол мөрөн харин, хэзээ нэгэн цагт Саран авхайг хөгшрөхийг мэдэхгүй.Гатлаг онгоцоор хөвж явахад Саран авхай хөгширчээ одоо Гол мөрөн хэдий санахгүй байгаа ч Саран авхай түүнд мөнхөд өртэй.Гатлага онгоцоор хөвж явахад Гол мөрний түүхийг сонсоно “Саран авхай минь, ямар хайхрамжгүй юм бэ? Хаашаа ч явсан хурдан буцаж ирээрэй.”Гатлага онгоцоор хөвж явахад Амьдрал - цэнгэлтэй наадам Дэн буудал болоод би Айлчлан ирэхийг тань хүлээж байя.Энэ газрын хажуугаар өнгөрөхдөө яагаад ингэж яарна вэ? Эргэлдэгч чулуу болоод би яг дагана, намбалаг алхааг тань.Амьдралд өөрийгөө зугаацуулан Хаанаас гаралтайгаа мэдэхгүй. Үдээс хойших модны урт сүүдэр богинослоо, минийх ч мөн адил. Амьдралд өөрийгөө зугаацуулан Хаанаас гаралтайгаа мэдэхгүй. Тэнгэр огторгуйн дор уурших борооны дусал болон хувирч байна.Зүрх дурлаж, хүслэнт хайр ойрхон ирэхэд орон зай, цаг хугацаа амилан өнгө ордог. Хайртын нүд, инээмсэглэл, вальс эргэх мэт зүрхний цохилтод хамаг хорвоо багтана.Чамайг хайрласнаас хойш энэ улс дэлхийн хамгийн үзэсгэлэнтэй газар болжээ! Миний цэцэрлэгт шувууд баяр хөөртэй жиргэнэ. Би урьд нь тэднийг яагаад сонсоогүй юм бол?Чамайг хайрласнаас хойш би өөр ямар ч хотод байхыг хүсэхгүй болсон. Бохирдол, хүн амын шигүү суурьшил гэж юу юм бэ? Тэр хэнд хамаатай гэж?Чамгүй л бол хаана ч байсан цөл л гэсэн үг. Анир чимээгүй, цэвэр агаартай байлаа ч би яаж амьсгалах билээ?Одоо би хамгийн сайхан газар бол хайртай хүнтэйгээ гүн мэдрэмж, энхрийллийг хуваалцдаг тэр газар гэдгийг мэднэ!Чи дэргэд минь байхаа больсон ч би энд итгэл найдвар тээн амьдарна! Өөр сонголт ч алга Чиний байгаа газар л миний диваажин! Чамдаа арай ойрхон байхад л хангалттай. Би явж чадахгүй! Миний хөл, сэтгэл цэцэрлэгийн мод, ургамал мэт үндэслэж, өөрийн хүслээр хөдөлж чадахгүй болжээ. Магадгүй нэг өдөр хэн нэгэн, эсвэл ямар нэгэн зүйл тэднийг өөр газар шилжүүлэн суулгах биз.Гэвч одоохондоо тэр ирээдүй дэндүү хол санагдана! Эсвэл үгүй юу?!... Бодож ч зүрхлэхгүй нь. Гэхдээ магадгүй чи нэгэн гайхамшигт үдэш эргэн ирэх ч юм билүү! Учир нь би чамд хайртай.Хөөх, хөөх, маш их баярлалаа. Үнэхээр сайхан байлаа. Баярлалаа. Гайхалтай сайхан. Гайхалтай сайхан. Баярлалаа.
