Хэрхэн амар амгалан амьдрах вэ?

Өнөөдөр 2026 оны 6-р сарын 21. Ахиад л намайг БУРХАНЫ Үгэнд хангалттай төвлөрөөгүй байх бүрд Диваажингийн маш олон хөгжмийн зэмсгээр өөр өөр Аялгуу эгшиглүүлсээр байна. Бидний харилцан ярианд яригдсан бүхнийг би ахиад бичихийг хичээе. Нэгдүгээрт МАПА “Дэлхийн төрөлтнүүд Танд хайртай.” гэсэн. Тэгээд дараа нь би ахиад л зүүрмэглэх үед Аялгуу орж ирж, намайг сэргээдэг. БУРХАН “Одоо дэлхий энх тайван болсон.” гэв. Тэгтэл би ахиад л сарниад зүүрмэглэх үед БУРХАНЫ Үгэнд төвлөрсөн хэвээр байлгахын тулд ахиад л Аялгуу эгшиглэдэг. Бурханы өөр нэгэн илчлэл гэвэл “Дэлхийн энх тайван Таных.” гэж хэлсэн. Тэгээд намайг зүүрмэглэхэд дахиад л Аялгуу, БУРХАНЫ Үгс орж ирэн, “Энэ дэлхийн төрөлтнүүдийн төлөөх Таны хайр дэлхийг аврах болно.” гэсэн.

БУРХАНЫ аврал. Бүхнийг Чадагч БУРХАНД талархъя. Дэлхийн хүмүүс, дэлхийн төрөлтнүүд бүгд Таныг хайрладаг, Таныг хайрладаг, зөвхөн Таныг л хайрладаг. Учир нь зөвхөн Та л бүхнийг болгоож бүтээдэг. Намайг байх ёстой шигээ сайн багаж биш байгаад уучлаарай, уучлаарай, Эрхэм ээ. Бие минь миний сонсох гэж хүссэнийг тэр бүр сонсож өгөхгүй байна.

БУРХАН, бид хоёрын хооронд, эсвэл Хаад, зарим Гэгээнтэн Мэргэд, бидний хооронд ямар нэгэн харилцан яриа өрнөхийн өмнө би үргэлж Бурханаас надад зөвхөн Үнэнийг хүлээн авахад тусалж, орчныг минь хамгаалж өгөөч гэж гуйдаг. Мөн БУРХАНЫ Нэрийн Сүр Жавхааг хуурамчаар ашигладаг, эсвэл энэрэнгүй Хаад, Гэгээнтэн Мэргэдийн Нэрийг хуурамчаар ашигласан хэн бүхэн тамд үүрд шатаж, хумхын тоос болж, устаж үгүй болно гэдгийг би бүх муу төрөлтөнд анхааруулсан.

БУРХАНЫ Үгсийг, Гэгээнтэн Мэргэдийн Үгсийг хүлээн авах үнэхээр хэцүү. Надад хэцүү байдаг. Би та нартай ингээд ярьж байгаа шиг Тэд ярьдаггүй. БУРХАНЫ Үгсийг, Гэгээнтэн Мэргэд, сайн Хаадын Үгсийг үсэг үсгээр нь л барьж авах л боломж байдаг. Дэлхий нийтийн үйлийн үр үнэхээр асуудалтай. Боломжийг янз бүрийн байдлаар үнэхээр хязгаарладаг. Бас мэдрэлийг тань ядраана. Тиймээс би хамаг чадлаараа, бие махбодынхоо чадах хэмжээнд үнэхээр төвлөрөх ёстой байдаг. Заримдаа богино харилцан яриа үнэхээрийн урт байж, туйлдуулна. Учир нь би байж болох хамгийн дээд бурханлаг оршихуйд байхын зэрэгцээ материаллаг оршихуйд мөн байх ёстой. Тэнцвэрийг нь хадгална гэдэг сорилт болдог. Тиймээс БУРХАНЫ яриа, БУРХАНЫ Үгсээс миний дамжуулж чадах зүйлд та бүхэн үнэхээр талархана гэж найдаж байна.

Гэхдээ надад эдгээрийн талаар илүү тухтай бичлэг хийх боломж байгаа нь сайн хэрэг. Учир нь өмнөх шигээ сараачин бичиж авсан бол бүр ч хэцүү байх байлаа. Би гэрэл асааж болдоггүй. Гэрэл асаах болгонд холбоо сарниж, Диваажингийн Төрөлтнүүдтэй, Хаад, Гэгээнтэн Мэргэдтэй, ялангуяа БУРХАНТАЙ эргээд холбогдох гэж ихээхэн хүч зарцуулах ёстой болдог. Би БУРХАНТАЙ нэг ч гэлээ бие махбодод бодол санаа сэргэг байх шаардлагатай байдаг учраас энэ нь амаргүй болгодог юм. Та нар ойлгосон гэж найдъя, би ойлгомжтой болгосон гэж найдъя. Дэлхий дээр би сайн багаж байх боломжтой хэвээр байгаадаа БУРХАНД хязгааргүй их талархаж байна. Мөн ТҮҮНИЙ ариун Үгсийг та бүхэнд, сонсохыг хичээн итгэсээр буй хэн бүхэнд дамжуулахад тус болох энэ бүх технологи, өндөр технологийн багаж хэрэгсэл байгаад БУРХАНД хязгааргүй их талархаж байна.

Амьдрал энгийн шүү дээ, ойлгож байна уу? Зүгээр л БУРХАНЫГ хайрла, БУРХАНЫГ шүт, БУРХАНД залбир, БУРХАНЫГ магт, Түүний Тааллын дагуу амьдар. Ингэх үнэхээр амархан. Хамаг чадлаараа БУРХАНЫГ хайрла, БУРХАНД та нараар хайрлуулах шаардлага байдаг юм биш, харин өөрсдөд тань л хэмжээлшгүй тустай. Мөн бусдад өөртөө ханддаг шигээ сайн ханд. Хэрэв та нар алагдахыг, алуулахыг, ямар нэг байдлаар тамлуулахыг хүсэхгүй бол бусдад тийм үйл бүү үйлд. Тун энгийн байгаа биз?

БУРХАНЫГ хайрла, БУРХАНД найд, санаж буй хором мөч бүрдээ БУРХАНД залбирч, зөвхөн хүмүүс ч гэлтгүй бүх төрөлтөнд өөр бусдын зүгээс өөрт тань хэрхэн хандахыг хүсэж байгаа шигээ ханд. Өөрөө хэрхэн хайрлуулахыг хүсэж байгаа шигээ бусдыг хайрла, хэрхэн хүндлүүлэхийг хүсэж байгаа шигээ бусдыг хүндэл. Ийм л энгийн. БУРХАНЫГ хамаг чадлаараа хайрла. Өөртөө яаж хандуулахыг хүсдэг шигээ бусад бүх төрөлтөнд тэгж хандаарай. Тийм ээ. Тэгвэл амьдрал тань амгалан тайван байдалд, тухтай байх болно, тэгээд өөд болоод Диваажинд очих болно.

Хаадын харилцан яриа надад байгаа ч бие махбодын хувьд би энэ талаар ярьж чадахааргүй байдалд байна. Учир нь өмнө нь би хэдэн үг, хэдэн өгүүлбэр энд тэнд бичиж авсан. Яг л харилцан ярианыхаа зарим нэг гол санааг өөртөө сануулах гэж товч тэмдэглэл хийдэгтэй адил юм. Тиймээс та нарт хэлж өгье гэвэл би дахин цэгцлэх шаардлагатай, бас хооронд нь холбоод та нарт ойлгомжтой яриа болгох хэрэгтэй.

БУРХАН үнэхээр зөөлөн, бас өршөөнгүй. Тиймээс өнөөдөр ч надтай уулзаж, ярилцахыг хүссэн алс тэртээх аль нэг Хаантай ямар ч цаг товлоогүй байгаа. Би хамаг чадлаараа хичээж, БУРХАНААС ‘энх тайван дэлхий, аюулгүй дэлхий болон хүмүүсийн сайн сайхан л бодол санаанд минь эн тэргүүнд тавигдаж байгаа учраас гуйж байна, би чадна. Өдөр бүр, эсвэл боломж гарах болгонд намайг алс холын Хаадтай ярихыг зөвшөөрч, зохицуулж өгөөч.’ гэж гуйсан. Учир нь Тэд надтай ярилцах гэж дэлхий рүү үнэхээр хол замыг туулан ирдэг. Тиймээс өчигдөр БУРХАН намайг нэг Хаантай яриулсан. Өө биш ээ, өчигдөр биш, хэд хоногийн өмнө юм байна. Би юу ч хийсэн бүхнийг та нарын төлөө хийдэг. Тиймээс тэвчээртэй байгаарай. Надад дэндүү их ажил өгөгдсөн болохоор бүгдийг нь нэг өдөрт хийж чадахгүй.

Хамтын хичээл зүтгэлээрээ нэвтрүүлгүүдээ сайтар бэлтгэж байгаа гайхалтай багууд, та нарт бүгдэд нь баярлалаа. Миний хяналт хийх хугацаа багассан. Суприм Мастер Телевизээ дөнгөж эхлүүлж байх үетэй харьцуулахад та нартай ажиллах хялбар болсон. Бусдаар бол хэрэв тэр янзаараа үргэлжилсэн бол би амьд үлдэх боломжгүй. Бүгдэд тань дахин баярлалаа. Хийж байгаа зүйл тань үнэхээр их буянтай бөгөөд БУРХАН та нарт хайртай. БУРХАН та нарт хязгааргүй хайртай. БУРХАН та нарт үүрд хайртай. Би бас адилхан хайрладаг. Хайрлагд, адислал хүрт, олон хүний хийж чадахгүй агуу ажлыг хийж байгаадаа баяртай бай. Та нараар үнэхээр их бахархаж байна. Хамт ажиллаж байгаадаа үргэлж баяртай байдаг.

Photo Caption: “Бие Махбод Бол Дээш Дэвшихэд Зориулагдсан Ариун Багаж юм”

Зураг татаж авах