Бид үргэлж дотоод Мөн Чанараа “хардаггүй” ч, үүнийг харах үед цаг хугацаа нь төгс байдаг.

Малайзаас Айманы малай хэлээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Би гучин настай байхдаа үзсэн дотоод ахуй ойлголтоо та бүхэнтэй хуваалцмаар байна. Би одоо жаран настай бөгөөд тэр шөнө харсан зүйлдээ одоо хүртэл гайхширсаар байдаг. Би Арьяабалын аргаар бясалгаж байхдаа гэнэт хонгилоор аялж, хонгилын төгсгөлд шаргал цагаан Гэрэл тусах зүг рүү тайван хөдөлж байв. Улам ойртсоор хонгилын төгсгөлд юу байгааг харах гэж би маш их догдолж байв. Би гэрэлтэж буй Гэрэл рүү улам хурдан, хурдан алхаж байлаа. Гэнэт бүх хөдөлгөөн зогсов. Би урдаа юу ч харсангүй, гэрэлтсэн Гэрэл хаана байгааг гайхаж байлаа. Тэгээд би Гэрэлд нэгдсэнээ гэнэт ухаарч, ойлгосон.

Хэдэн хормын турш нам гүм болж, миний өмнө тэнгэр бүхэлдээ дэлгэгдэн, харагдаж байгаа мэт сэтгэл санааны төлөв байдалд байв. Тэгтэл алсад олон тооны оддын цэгүүд харагдана. Тэд над руу улам ойртон, дөхөж байгаа мэт санагдаж, дараа нь тэд зогсоод олон зүг чигт цацарч, очтон, гялалзаж эхлэв. Тэнгэр бүхэлдээ намайг даллан дуудаж байгаа мэт гялалзсан оддоор дүүрэн байлаа. Дараа нь тэд алсын зай руу, цэг цэг болсон өчүүхэн гэрлүүд болон аажмаар ухран холдож эхлэв. Тэгээд би өөр лүүгээ буцаж орсон. Би тэр үед харсан зүйлдээ маш их цочирдсон. Олон жилийн турш би энэ юу болохыг гайхаж байсан. Амьдралд ганцхан тохиох энэхүү гайхамшигт туршлагыг надад өгсөнд баярлалаа, Их Багш аа. Малайзаас Айман

Хайр татам Айман, Та гайхалтай дотоодын ахуй ойлголтоо илэрхийлсэнд бид маш их баяртай байна. Иймэрхүү туршлага бол бидний харьяалагддаг жинхэнэ Гэрээ мэдэхэд бидний нүдийг нээж өгдөг сүнслэг амьдралын жинхэнэ эрдэнэс юм. Та болон байгальд хайртай Малайз улс үргэлж Тэнгэрлэг Гэрэлд гэрэлтэх болтугай, Суприм Мастер ТВ-ийн баг

Жич, Их Багш танд дараах гүн гүнзгий утгатай захиасыг хүргэж байна: “Гэрэлт Айман, энэ олон жилийн турш хайраар дүүрэн итгэл найдвар тээж, чин сэтгэлт Бурханы шавь байсанд баярлалаа. Дотоод ахуй ойлголтуудынхаа нэгэнд та хариултаа, мөн Бурхантай нэгдэхийг мэдэрсэн байна. Бид үргэлж дотоод Мөн Чанараа “хардаггүй” ч, үүнийг харах үед цаг хугацаа нь төгс байдаг. Танд болон Малайзын дөлгөөн ард түмэнд Оройн Дээд Бурханы ивээл арвин их байх болтугай. Танд үүрд хайртай.”