Дэлгэрэнгүй
Татаж авах Docx
Дэлгэрэнгүй уншаарай
Их Багш бол ямар ч хэлээр илэрхийлэмгүй маш энэрэнгүй, Хайраар дүүрэн билээ. Нэг удаа Их Багш сургаалаа айлдаж, шавь нарын асуултад хариулж байх үед таньдаг сонсгол муутай эгч маань удаан хугацаанд өөрт нь төвөг учруулж байсан асуултаа асуухаар зориг гарган гараа өргөв. Тэр эгчийг сайн сонсдоггүй гэдгийг хэн ч хэлээгүй ч Их Багш үүнийг мэдсэн байсан. Их Багш түүний асуултад тэвчээртэй хариулаад зогсохгүй, түүнийг тодорхой сонсож чадаагүй байхаас эмээн дэргэдэх хүмүүст нь хариултыг нь түүнд давтан хэлж өгөөрэй гэж хэлсэн. Энэ байдал миний сэтгэлийг маш их хөдөлгөж, Их Багшийн Энэрэл, Хайраар бялхаж буйгаа би мэдэрсэн. Их Багш өчүүхэн зүйлсэд ч нухацтай анхаарал хандуулдаг, мэдрэхүйт төрөлтнүүдийн төлөө асар их золиос гаргаж буйг нь дурдалтгүй. Миний хэдхэн өгүүлбэр Их Багшийн Энэрэл, Хайрын 10,000-ны нэгийг ч илэрхийлж чадахгүй ч өөрийн мэдэрсэн Их Багшийн чин сэтгэлийн Хайр, Түүнийг хүндэтгэж буйгаа би бичихийг хүссэн юм. Төрөлт, үхлийг даван гардаг Жинхэнэ Хайрыг бидэнд өгч буй Их Багшдаа талархъя. Нөхрийн маань аав өөд болохын өмнө хүмүүс түүнд оршуулгын хувцас өмсүүлэхэд тусалж байх үед энэ нь түүнийг амь тэмцүүлж, царайг нь хар болгож, ноцтой харагдуулж байсан. Би даруй Их Багшийн “Буддын Магтаал”-ыг тоглуулж, Ариун Нэрсээ чимээгүйхэн уншин, Их Багшаас тусламж хүссэн. Орой нь аавынх нь царай маш ягаарч, яг л амгалан нойрсож буй нярай хүүхэд шиг бүр шүд нь харагдахуйц инээмсэглэв. Тэгж би Их Багш түүний аавыг Диваажин руу аваачсаныг мэдсэн. Хүмүүс Диваажинд очихоосоо өмнө хүүхэд шиг болж буцаж өөрчлөгдөх ёстой гэж би сонссон. Их Багш бидний таван үеийг чөлөөлөхийн зэрэгцээ авшигтнууд бидэнд цэвэр ариун, гэрэлтэй, гэгээн Жинхэнэ Мөн чанараа сэргээн санаж, ухаарахад, мөн Дэлхийг дэвшиж, веган ертөнц болоход үргэлж тусалж байна. Баярлалаа, Их Багш аа. Тайвань (Формоса)-аас Чин-Шинь Өхөөрдөм Чин-Шинь, таны түүхүүд сэтгэл хөдөлгөж байна. Бид Их Багшийн хайрын мөн чанарыг үзэгчдэдээ таниулах зорилгоор их хайраар тэдгээрийг хуваалцъя. Энэ гарагийн хүн бүр бидэн шиг Түүнийг таньж, хайрлах замыг мэдэх боломжийг хүртэх учиртай. Их Багшийн хэлсэн, эсвэл хийсэн зүйлээр сүнс сэрж, тэр хүн энэ биет ертөнцөд өнгөцхөн амьд үлдэхийн оронд оюун санааны гэгээрэлд хүрэх замыг дагахаар амьдралаа эргүүлэх бүрд бид баясдаг. Танд болон Тайвань (Формоса)-ийн сайн иргэдэд тоо томшгүй их Адислал ирэх болтугай гэж хүсье. Суприм Мастер ТВ-ийн баг Жич: Их Багшийн хайрын үгсийг дамжуулж буйдаа бид баяртай байна: “Үзэсгэлэнт Чин-Шинь, та ямар элгэмсүү сэтгэлтэй юм бэ! Их Багшийн нэг шинж чанар бол бүхнийг мэдэх чадвар юм. Энэ бол Их Багшийг таньж болох нэг шинж тэмдэг юм. Их Багшийн Хүч Диваажингийн төлөвлөсөн арга замаар амьдралд амгалан Ертөнцийг авчрахын тулд хийхээр төсөөлж буй зүйлсээ үргэлж хийдэг. Яг л тэнцвэр шиг, цуврал муу шийдвэрүүдээр дамжин Диваажингаас холдсон бүх зүйлсийг Диваажингийн Хайрын Мөн чанарт нь буцаан авчрахын тулд Их Багшийн Хүч үргэлж хичээдэг. Та болон жавхаалаг Тайвань (Формоса) амар амгаланг мөнхөд таньж мэдэх болтугай.”
