Тамд унагадаг хамгийн ноцтой шалтгааныг Бурхан илчиллээ, 11-ын 9-р хэсгийг

Заримдаа биднийг ядарсан хүмүүст туслахад зарим засгийн газрууд биднийг бүлэгтээ хүмүүс “оруулах” гэж байна, хүчээр тэднийг Суприм Мастер Телевизээрээ гаргах гэж байна гэж гүтгэдэг. Яах гэж вэ? Миний ярианаас болоод, миний ятгалаг, сэтгэлийг нь татсанаас болоод тэд дурамжхан телевизээр гарлаа ч энэ нь тэдэнд сайн. Тэд буян хүртэнэ, хэмжээлшгүй буян хүртэнэ, яагаад гэвэл тэд ямар нэг муу юм хийгээгүй, манай телевизээр тэдний талаар ямар ч муу юм гарахгүй. Зөвхөн сайн зүйлс л гардаг.

Хүмүүсийг телевизээрээ гаргахын тулд буяны байгууллагад мөнгө өгч байна гэж яаж аль нэг засгийн газар намайг гүтгэдэг байна аа? Үнэхээр утгагүй, IQ муутай үйлдэл. Уучлаарай, би хэлэх ёстой. Эдгээр хүмүүс засгийн газартаа муу нэр зүүж байна. Ийм зүйлс хэлж, засгийн газартаа муу нэр зүүж буй учраас тэд тийм албан тушаалд байх учиргүй, засгийн газар нь ч тийм зүйл хэлүүлэхийг хүсэхгүй. Төв засгийн газрыг нь хэлсэн юм, засгийн газрын удирдагчид нь хүмүүсээ, албан тушаалтнууд, ажилчдаа бусдыг иймэрхүү зүйлээр гүтгэж, худал гүтгэхийг хүсэхгүй. Би яаж танихгүй хүмүүсийг ТВ-ээр хүчээр гаргаж чадах вэ? Яаж? Би тэнд ч байгаагүй.

Манай өөрийн хүмүүс ч, Бурхан-шавь нарын маань зарим ТВ-ээр гарах дургүй. Тэд ичимхий, бүрэг ичимхий ч юм уу эсвэл бизнесийн компанитай болохоор, нийгэмд нэр хүндтэй, эсвэл засгийн газарт ажилладаг болохоор нүүр царайгаа харуулахыг хүсдэггүй. Тэр тохиолдолд бид тэднийг хүчилдэггүй. Бүгд л сайн дурынх. Тэд өөрсдөө ТВ-ээр гаръя гэж сайн дураар анкетаа өгдөг. Дээрээс нь муу үйлийн үрээс нь болж, эсвэл үг яриа нь тод биш, үйл хөдлөл нь тохиромжгүй гэх мэт шаардлага хангахгүй тохиолдолд заримыг нь би бүр ТВ-ээр гарахыг зөвшөөрдөггүй. Тэгэхээр хүн бүр манай Суприм Мастер Телевизэд орж хөтлөгч хийх ч юм уу хамаарал бүхий ямар нэг ажил хийх боломжгүй. Хэрэв тэд сахилаа сайн сахидаггүй бол би нийтийн бясалгалд ч суухыг нь зөвшөөрдөггүй.

Үнэнийг хэлэхэд хэрэв тэд манай бусад шавь нарыг хохироосон бол, манай нийгэмлэгийн бус гаднын бусдыг хохироосон баримт надад байвал би бүр засгийн газарт мэдэгдэж, бусдыг хохироох үйлсийг нь зогсоохыг хичээдэг. Олуулаа болохын тулд бид олон хүн хүлээн авдаг юм биш. Үгүй үгүй, та нар мэднэ. Олон арван жил миний жинхэнэ шавь байсан хүмүүс, олон арван жил, ажлыг минь эхлэх үеэс шавь байсан хүмүүс үүнийг мэднэ. Ямар ч засгийн газар надад мэдэгдэлгүй ямар ч шавиас минь ярилцлага авч, өнөөдөр, бас дандаа хэлж ярьдаг бүхэн минь үнэн эсэхийг асууж болно. Нийгэмлэгийн маань бүх хүн, миний Бурхан-шавь нар бүгд үүнийг мэдэх учраас би энэ бүгд үнэн гэдгийг баталж чадна. Зарим шавь нарыг нийтийн бясалгалд суухыг нь зөвшөөрдөггүй тэд бас мэднэ. Тэд буруу хийсэн бүхэндээ чин сэтгэлээсээ гэмээ наманчилсан тохиолдолд бол ирж болно.

Харин Тран Там эсвэл Румажи ч билүү - дэндүү олон нэртэй - энэ нэг нэр нь, тэр манай оюун санааны бүлгээс олон арван жилийн өмнө хөөгдсөн. Тэр сахилаа сахиагүй болохоор, сахилаа зөрчиж, зөвхөн миний гэлтгүй Буддын шашны дагуу муу үйлс үйлдсэн болохоор хөөгдсөн хүн. Бусдыг ямар нэг байдлаар хохироодог хэн ч бай, ямар нэг байдлаар дүр эсгэж, сайн хүн, лам хүний дүр эсгэчхээд муу зүйлс үйлддэг хэн бүхнийг Нийгэмлэгээсээ хөөж, бас би хамгаалахаа больдог. Гэвч би ингээд л боллоо гэж бодож байтал саяхан хэдхэн сарын өмнө түүнийг байсаар байгааг, алимыг муутгах өт нь болж явааг олж мэдлээ. Олж мэдсэнийхээ дараа би түүнд захидал бичихэд тэр надад хариулаагүй. Түүний бараа бологч нь хариулсан. Магадгүй ойрынх нь лам туслах байсан байх. Тэд “ойрын бараа бологч нь” гэж надад хэлсэн. Тран Там түүнийг хүчиндэх хүртэл түүнд тусалдаг байсан байх. Энэ бүх хатуу хэллэгийг минь уучлаарай. Гэвч өөр юу гэж хэлэх билээ? Энэ үгийг илүү сүр жавхаатай болгох юм уу өөрөөр орлуулах аргагүй, тохирохгүй шүү дээ.

Диваажинд ямар сахил байдаггүй, яагаад гэвэл хүмүүс бүгд автоматаар сайн үйлс үйлддэг, тэдний сүнс нь цэвэрлэгдсэн байх учраас бүхнийг мэдэж байх болно. Тэд ямар ч биед, ямар ч оршихуйд байсан тэндээ бие махбодын болон сүнслэг төвшинд зөвхөн цэвэр ариуныг дадуулдаг.

Бид олон биетэй. Энэ материаллаг оршихуйд бид бие махбодтой байх ёстой. Харин Асурын Ертөнцөд Асурын бие байдаг. Шалтгаан Үр Дагаврын Ертөнцөд Шалтгаан Үр Дагаврын бие буюу Хоёрдугаар Ертөнцийн бие бий. Брахма Ертөнцөд, Брахма биетэй.

Бид илүү өндөр дээд Диваажинд очвол, зүгээр Асурын дээд хэсэгт, эсвэл Шалтгаан үр дагаврын юм уу Брахма биедээ очиход л ямар ч муу юм хийхээ болино. Учир нь муу үйл хийвэл шууд л доод төвшин рүү юм уу там руу хөөгдөх болно. Гэвч тэдгээр дээд ертөнцүүдэд муу юм хийх талаар боддог ч үгүй. Тэгээд ч хэн ч тэнд ямар ч муу юм хийдэггүй. Бүгд сайныг үйлдэнэ. Хэрэв сайн Их Багштай бол бүгд сүнслэгээр бясалгаж Багш нь тэдэнд үргэлжлүүлэн заадаг. Өндөр дээд Диваажингийн, Брахма Диваажингийн зарим хүмүүст зааж сургах Их Багш байдаггүй. Тиймээс сайн үйлийн үр нь дууссаны дараа үйлийн үрийн урсгал тэр үед тэдэнтэй хаана л учирна тийш буцаад явдаг.

Үйлийн үрийг голтой зүйрлэж болох юм. Голын зарим нэг жижигхэн хаагдсан хэсэг байдаг, зарим нэг сайн урсгалтай хэсэг бий, нарийн урсах хэсэг бий, нуугдмал газар доогуурх хэсэг бий, зарим нь урсаад нуур болдог. Тэгэхээр үйлийн үрийн урсгалын төвшний хаана байгаагаас хамаарч тэнд очдог. Эргээд хүн болж болно, баян чинээлэг, сайхан, алдартай хүн болох юм уу энгийн, дундаж давхаргын эсвэл ядуу хүн болно, эсвэл зовж зүдэрсэн хүн болох юм уу өвчтэй, тахир дутуу хүн болно, гэх мэт олон төрөл бий. Эсвэл бүр амьтан-хүн болж мэднэ, муу амьтан-хүн, эсвэл сайн амьтан-хүн болж өөр өөр байдлаар зовох юм уу эсвэл шууд тамд унах бас боломжтой. Урьд төрөлдөө үйлдсэн сайн муу үйлээсээ хамаардаг. Илүү дээд Диваажинд сайн үйлийн үрээ дуусгаад тэд дараа ийм зүйл хүлээн авдаг.

Диваажингийн зарим Хаад хүртэл бас адилхан тавилантай. Сайн үйлийн үр нь дуусахад зохих ёсоор өөр өөр төвшинд төрөл авах ёстой болдог. Тийм учраас Диваажингийн Хаад үргэлж Буддаг шүтдэг, Дэлхийд буун ирсэн ямар ч Буддаг шүтдэг. Яагаад гэвэл Дэлхий тэдгээр Диваажингуудтай илүү ойр. Тэд Гуравдугаар-Төвшний Диваажинг давж, үүрд эрх чөлөөтэй болоогүй байдаг, бүр Дөрөвдүгээр Төвшин гэх мэт доогуур төвшинд ч хүрээгүй байдаг. Тэнд очих боломжгүй. Тиймээс Дэлхийд Будда ирвэл тэд Тэр Буддаг шүтэж, Тэдэнд ирж мөргөл үйлддэг. Тэднийг даяан хийх үед эсвэл хаа нэгтээ лекц айлдах үед нь тэд тэрхүү Будда нарыг үзэж, сонсдог. Статусаа дэвшүүлж, үйлийн үрээ цэвэрлэхийн тулд тэд Буддагаас зааж сургахыг хичээнгүйлэн гуйна.

Тэгснээр хаан байх буян нь дууссаны дараа тэд доод төвшинд юм уу тамд унахгүй байхын төлөө юм. Үргэлжлүүлэн Буддагийн шавь байх боломжтой. Тэгээд бүх Диваажин даяар Будда хаа л очно тэд тухайн Диваажинд, доогуур төвшний Диваажинд Буддагийн лекцэд суух боломжтой. Ингээд тэд өөрсдийгөө зүлгэсээр байгаад илүү өндөр төвшний Диваажинд очдог. Уучлаарай. Бие тийм ч сайнгүй байна, хэт их үйлийн үр.

Диваажингийн Хаад хүртэл ямар нэг Будда ирснийг мэдвэл, ирсэн гэдгийг мэдэхийг зөвшөөрвөл Буддаг шүтдэг, очиж Будда нарыг шүтдэг. Тэд очих боломжтой газар болгондоо очно.

Диваажингаас Дэлхийд ирэх илүү амархан. Брахма Төвшнөөс Дэлхий рүү тэдний хувьд ямар ч үед хувилгаан дүрээрээ ирэх амархан байдаг, гэхдээ мэдээж богино хугацаагаар ирнэ. Хэрэв Будда лекц айлдаж байхдаа хэмжээлшгүй Хүчтэй байж, бүгдэд нээлттэй байвал чөтгөр, ад зэтгэрүүд хүртэл ирж сонсож болдог, аймшгийн муу, маяад үйлчилдэг нь л биш бол болно. Дэлхий дээр тэд ирээд Буддагийн лекцийг өөрийн биеэр сонсох боломжтой, яагаад гэвэл тэдний хувьд бууж ирэх илүү амар байдаг. Гэвч Буддатай уулзахын тулд тэд илүү дээд төвшинд очих

боломжгүй. Хэрэв Будда, жишээ нь Дөрөвдүгээр Төвшинд Дөрөвдүгээр Төвшний Төрөлтнүүд зааж байвал, эсвэл Тавдугаар Төвшний төрөлтнүүдэд зааж байвал Гуравдугаар Төвшнөөс, Брахма Төвшнөөс Асурын төвшин хүртэлх, эсвэл хүний төвшин хүртэлх төрөлтнүүд дээш очиж сонсох боломжгүй. Гэгээнтэн биш бол шүү дээ, мэдээж, эсвэл Бурхан-шавь, Их Багшийн өндөр дэвшсэн Бурхан шавь биш бол боломжгүй. Хэрэв мөн бол мэдээж тэд бүр Их Багшийнхаа айлдварыг сонсохоор Таваас өндөр төвшинд очих боломжтой. Гэвч доод Диваажингийн төвшнүүдэд Будда тийм ч ойр ойрхон гарч ирдэггүй болохоор тэд хичээнгүйлэн бясалгах ёстой. Яг л Будда Дэлхий дээр ойр ойрхон ирдэггүй, тийм ч амар танигддаггүйтэй адил юм. Тийм учраас олон хүн Христийг таниагүй, эсвэл Буддаг, Гүрү Нанакийг, Зөнч Мухамедыг, Тэрээр амгалан байг, бүх Их Багш нар амгалан байг, таниагүй. Тэднийг таниагүй.

Photo Caption: Эргэн Тойрноо Үзэсгэлэнтэй Болгох Дуртай

Зураг татаж авах