Дэлгэрэнгүй
Татаж авах Docx
Дэлгэрэнгүй уншаарай
Хэрэв та миний Бурханы-шавь бол хэлсэн зүйлийг минь, эсвэл бүх шашны сударт дурдсан зүйлийг л хийх учиртай. Тэдгээрийг уншаад баталж болно. Орж ирээд, өөрийнхөө байр суурь, надаас хулгайлсан өчүүхэн мэдлэгээ ашиглахын тулд л миний шавь гэж өөрийгөө зарлаж, хүмүүсийг хууран мэхэлж, хүсэл зорилго, би үзлээ тэжээх юм бол маяа таныг өөрийнхөө үр дүнтэй хэрэгсэл болгох болно. Тэгээд түүний туслах болчхоод түүний хэлсэн хэлээгүй есөн шидийн зүйл хийх болно. Тийм ч учраас Рума буюу Трань Там, за нэр нь ямар ч байсан хамаагүй, тэр энэ бүхнийг хийж байна. Тэр Католик шашны санваартнууд шиг бусдыг гомдоож, хүүхдүүдийг хүртэл хүчиндэхдээ огтхон ч эргэлздэггүй. Манай бүлэгт ийм зүйл болохгүй гэж бодож байсан ч ийм зүйл болсон. Наад зах нь Трань Там буюу Румажи энэ тэр гэгч энэ этгээд байна.Энэ гунигтай зүйл л дээ. Гэвч хүн төрөлхтөн сайн сайхан, өндөр мэдлэг, жинхэнэ билиг ухааныг тийм ч амархан олж сонсдоггүй. Маяагийн бэлдсэн янз бүрийн зүйлд уруу татагдаж, амар хялбар амьдралд орох нь маш амархан бөгөөд нэгэнт орсон хойноо гарахад хэцүү байдаг. Гэхдээ цаг хугацаа байсаар байна. Би энд байгаа цагтаа та нарыг дуртайяа хүлээн авч, хэрэв чин сэтгэлээсээ, үнэхээр Бурханд мөргөж, Бурханы Оронд, Гэртээ харихыг хүсэж байвал зааж сургах болно. Та нарыг ямагт найр тавин угтана. Таны үйлийн үрийг ямар ч төлбөргүй, юу ч авахгүйгээр бүгдийг цэвэрлэж өгнө. Та нараас хэзээ ч юу ч нэхэхгүй.Би жаахан бизнес хийдэг. Гэхдээ шударга бизнес, гадуурх бизнесээс ч илүү шударга. Бид зөвхөн 10%-ийн ашигтай ажилладаг. Ингэж байж бид үргэлжлүүлэн, бусдад туслах болно. Тиймээс би та нарын боддог шиг тийм ч баян биш. Баян л даа. Гэхдээ бусдад тусалдаг учраас сүрхий баян биш. Би тийм ч их орлого олдоггүй. Гэхдээ л илүү их мөнгөтэй ч өгдөггүй хүмүүсээс илүү ихийг өгдөг. Ямартай ч энэ бүхэн Бурхны мөнгө. Энэ бүхнийг өгөхдөө би Бурханы нэрээр өгч, үүний төлөө Бурханд талархах ёстойгоо мэддэг. Бурхан намайг ямар нэг шалтгаанаар дахиж өгүүлэхийг хүсэхгүй бол би зогсоох хэрэгтэй болно. Яг одоо Бурхан нэмж буяны хандив өгөхийг минь хүсэхгүй байна. Учир нь Тэрээр шүүлт шударга, шулуун байх ёстой гэж хэлсэн. Гаднын хүчин зүйл, хуулийг мушгин гуйвуулах нь тус болохгүй. Бурхан та нарыг ийш илгээсэн ч, энд ирэхийг зөвшөөрсөн ч Бурхан бас шударга байх ёстой. Жишээлбэл: Хэрэв та америк хүн бөгөөд хориглогдсон улсад очсон бол ерөнхийлөгч тань тухайн хориглогдсон улсад ямар нэгэн хориотой зүйл хийхийг зөвшөөрөхгүй. Хэрэв та хориглогдсон улсын хориглосон хуулийг зөрчвөл тэр танд тусалж чадахгүй. Гэхдээ бид Буддын шашны дагуу хамгийн том буяны үйлсийг хийж чадна. Би та нарт хэлье.Та энэ дэлхийд буянтай үйл хийдэг байлаа ч цэвэр ариун биш, сайн биш байж болохгүй. Тийм ч учраас таны буяны үйлс, түүнээс үүдэлтэй би үзлийг тань ашиглан, маяа таныг шийтгэх болно. Учир нь чөтгөрүүд өөрсдийнх нь бүтээлийг, өөрсдийнх нь иргэдийг энэ дэлхий дээр хөнөөж байна, мөн идэхийн тулд амьтан-хүмүүсийг нь хөнөөж байна гэж танд хэлэх болно. Мөн таныг шударга бус бизнес хийж, хэтэрхий их зүйлийг авдаг гэнэ. Жаахныг олдог атлаа хэт их авч, шударга бусаар баяжсан гэх болно. Дараа нь тэр таныг шийтгэхийн тулд, там руу чирэхийн тулд, эсвэл таныг өөрсдийнхөө бүлэгт элсүүлээд илүү бузар муу үйл хийлгэхээр энэ бүхнийг ашиглах болно. Ингэснээр тэд танд итгэж, шүтдэгээсээ болоод таныг дагаж муу зүйл хийсэн бусад хүмүүсийг шийтгэх болно. Ийм л байна даа.Буддын шашинд мөн ариун сэтгэлээр өгч, түүнийг хүлээн авсан хүн бас цэвэр ариун байх үед хоёулаа буян хураана, эс бөгөөс үгүй гэж Будда хэлсэн байдаг.Лианг Вү-Ти, Лиан Эзэн хаан үнэхээр бахархаж байсан. Тэрээр олон сүм хийд барьж, олон лам нарыг хооллон Буддын шашинд суралцуулж байсан учраас өөрийгөө оргилд нь байгаа гэж бодсон. Тэгээд Агуу Их Багш Бодидармагаас олон хийд барьж, лам нарыг хооллож байгаа зэргээрээ тэр хэр их буян хурааснаа асуухад Агуу Их Багш Бодидарма түүнд, “Юу ч үгүй, та юу ч хураагаагүй.” гэж хэлдэг. Тийм учраас үүний дараа Эзэн Хаан Лианг ихэд уурлаж Бодидармаг дахин хүлээн авахаа больдог. Түүнтэй ахин уулзахыг хүсдэггүй. Бодидарма маш эелдэг байсан. Тэр зүгээр л, “Та юу ч хүртээгүй” гэж л хэлсэн. Лианг Эзэн Хааныг бусад олон харгис хэрцгий үйлдлүүдээсээ болж тамд унана Тэр хэлэх учиртай байсан юм. Хэрэв веган биш бол бүр баттай. Өөрийгөө лам нарыг хооллодог, өөрийгөө хийдүүд барьж буй гэж бодсон бол тэр Бурханы, Буддаг доромжилсон болно.Хэн түүнд тэр бүх мөнгийг өгсөн бэ? Бурхан өгсөн. Хүмүүст сайныг үйлдэг гэж Бурхан түүнд хаан ширээг даатгасан. Энэ бол хэвийн зүйл. Түүнд ийм зүйл хийх боломж олдсон учраас Тэр Бурханд талархах учиртай. Ийм зүйл хийх нөхцөл нь түүнд байна. Гэвч бүх мөнгө татвар төлөгчдөөс ирсэн. Үүнийг хүртэх сайн зүйл тэр огт хийж байгаагүй. Тийм учраас анхнаасаа түүнд ямар ч буян байгаагүй. Гэвч хэрэв тэр Бурханд, Буддад буянд нь талархаж, энэ бүх сайн үйлийг үйлдэж байгаа нь өөрийгөө биш гэдгээ даруухнаар мэдэж байсан бол тэрээр асар их буян хурааж, гэгээрэлд хүрэх байсан. Бодидарма эзэн хаанд агшин зуур гэгээрэх Арьяабалын Аргыг заах байсан ба, тэр зүгээр л гадаад төрхөөр төдий бус жинхэнэ гэгээнтэн болох байсан. Гэвч мэдээж, хаан болохын хувьд бардам байгаад дадсан байдаг, хүмүүсийн тэнгэрт тултал нь магтах магтаалд дадсан байдаг учраас даруу байх үнэхээр хэцүү.Олон хаан, олон агуу удирдагч тамд унасан. Тэдний ихэнх нь. Үнэн учраас ингэж хэлэхдээ би харамсахгүй байна. Даруухан, ард түмэндээ сайн үйлчилдэг, бүхий л сайн санаагаараа, Бурханд, Буддад бүх талархал, алдар гавьяаг өргөдөг хаан л Диваажинд очно. Бүр Арьяабалын арга гэх мэт гэтлэх аргыг зааж өгөх төгс Их Багштай учрах азтай ч байж магадгүй юм. Гэвч өнөөг хүртэл тэдний хэн нь ч тиймгүй. Тиймээс тэд ядаж л даруухан, Бурханд талархаж, өдөр бүр бүх зүрх сэтгэлээрээ, даруухнаар Бурханыг магтаж байгааг нь би сайшаадаг. Хүлээн авсан болон хүлээн авч буй бүх зүйлийнхээ төлөө Бурханд талархаж, Гэгээнтэн Мэргэдэд талархаарай. Би ядаж зүрх сэтгэлдээ тэд үүнийг хийнэ гэж найдаж байна. Гэхдээ амаргүй, амаргүй. Албан тушаал өндөр байх тусмаа бардам зантай болдог. Зөвхөн албан тушаалаар шүү! Өндөр албан тушаал бардам занг дэвэргэж, таны оршихуйд, оюун ухаанд, тархинд тань шингээж, таныг ингэж их зантай болгодог. Энэ бол маяа маягийн ердийн үзэгдэл, өндөр албан тушаалд байсны ердийн үр дүн юм. Тийм болохоор урьд нэгэн цагт би хаан биш байгаадаа таларх гэж та нарт хошигнон хэлж байсан даа.Тийм ч учраас бардам хүмүүс бүгд тамд очдог. Нэг нь ч мултрахгүй Клиник үхэлд ороод энэ тэр юм үзэж харсан хүмүүс ядаж их зантай байдаггүй. Тиймээс тэдэнд дахин дэлхийдээ буцаж ирэх боломж олгогдон, тэд Диваажин, тамын тухай үнэнийг хуваалцаж, дэлхийгээ илүү сайхан газар болгохын тулд бидний хийж чадах бүх зүйлийг хэлж өгөн, эсвэл ядаж амьдралаа илүү сайн болгоход туслахаар дахин буцаж ирэхийг сонгодог юм. Дээгүүр харан алхаж, том том юм ярьдаг хүмүүс, Бурханд “маш их сүсэг бишрэлтэй, үнэнч” гэдгээ гайхуулдаг хүмүүс бүгд тамд унасан. Шалтгаан нь тэд өөрсдийн хувийн ашиг сонирхлын үүднээс Бурханы Хүч чадал, Бурханы Нэрийг урвуулан ашигласан явдал юм. Тийм учраас та бүхэн Бурханыг хэзээ ч элэглэж болохгүй. Та өөрийн хувийн ашиг хонжоо, алдар нэрийн төлөө Бурханы хүч, Бурханы алдар сууг хэзээ ч урвуулан ашиглаж болохгүй. Энэ бол таны хийж болох хамгийн муу зүйл!Буддизмд мөн адил зүйл байдаг. Хэрэв та Будда болоогүй байж, өөрийгөө Будда гэж байгаа бол үүрд тамд унана! Энэ бол хийж болох хамгийн том нүгэл. Яг үүнтэй адил хэрэв та Бурханы хүч, Бурханы нэр, Бурханы алдар сууг өөртөө би үзлийн тор, тансаг байдал бий болгох гэж ашиглавал гарцаагүй шийтгэгдэнэ. Хачирхалтай нь шийтгэлийг Бурхан өгөхгүй, харин маяа өгнө. Учир нь та энэ дэлхий буюу маяагийн эзэнт гүрэн рүү ороод өөрийгөө Будда буюу эсрэг чиглэл, эсрэг хүч гэж зарладаг. Энэ нь танд байхгүй гэдгийг маяа мэднэ. Тэгээд мэдээж тэд таныг доош нь татна. Та хэтэрхий хөөрхийлөлтэй болчихсон тул ямар ч шалтаг хэлэх шаардлагагүй. Танд юу ч байхгүй хэр нь та хүмүүсээр шүтүүлж, тэднээс өргөл барьц авахын тулд, эсвэл бүр хүмүүсийг захирч, дарангуйлж, бусад хүмүүсийг хүчирхийлж, мөнгө, алдар нэр олохын тулд, жигшүүртэй, дорд, ядуу амьдралын хүслийнхээ төлөө өөрийгөө агуу гэж зарладаг. Энэ нь дараа нь мэдээж маяа таныг там руу чирэхэд хангалттай. Учир нь танд өөр хамгаалагдах хүч байхгүй.Photo Caption: Үнэнч Байх нь Өнгө Төдий Биш, Эрхэм Ариун Зүрхний Угсаа Юм
