“Эмэгтэй хүн байхын бишрэм тал” 20 цуврал лекцийн 18-р хэсгийг

Ихэвчлэн ухамсрын өндөр төвшинд хүрэхэд танай овгийн, гэр бүлийн олон үе бас чөлөөлөгдөж, тамд унахгүй. Гэвч магадгүй цөөн хэд нь, эсвэл хэд хэд нь Буддын шашныг дагадаггүй, Христийг ч юм уу бусад Их Багш нарыг дагалгүй муу зүйлс хийж байсан бол тамд шийтгүүлэх ёстой болдог. Тэгээд дараа нь Буддагийн Орноос та нар Диваажин, газар дэлхийг нэвт харж, магадгүй нэг хамаатан тань, гэр бүлийн тань гишүүн, эсвэл бүр магадгүй аав тань, ээж тань тамд зовж байгааг хараад бууж ирээд золиос гарган тэдэнд тусалж болно.

Жишээ нь Молон Тойн шиг. Тэр бол Буддагийн шилдэг арван шавь нарын нэг ч гэлээ ээж нь муу хүн байсан. Тэрээр нохой-хүмүүсийн махтай хоол хийгээд лам нарт өгч, үүнийгээ веган хоол хэмээн лам нарыг хууран идүүлдэг. Мэдээж лам нар санаатай идээгүй учраас тэдний үйлийн үр тийм ч муу байгаагүй. Тэгээд ч тэд өдөржин бясалгадаг, ямар ч муу юм хийдэггүй учраас өөрсдийгөө хурдан цэвэрлэх боломжтой. Гэвч Молон Тойны ээж завсарлагагүй тамд унах ёстой болсон. Авичи там хэмээдэг. Энэ нь нэгэнт тэнд очвол үүрд тамлагдана гэсэн үг. Оршихуйнхаа хором мөч бүрд тамлуулна. Хэзээ ч амрах боломжгүй. Зарим тамд амрах боломжтой, завсарлаж, түр амсхийж болох ч завсарлагагүй тамд бол үгүй. Тийм учраас “завсарлагагүй там” гэж нэрлэдэг. Хэрэв танд туслах хэн ч байхгүй бол үүрд тэндээ үлдэнэ. Буддагийн тэргүүн шавь нарын нэг лам хүртэл ээждээ тусалж чадаагүй.

Тэгэхэд нь Будда Түүнийг чуулганд буй бүх лам нарт таван төрлийн жимс, олон төрлийн хоол хүнс, төрөл бүрийн зүйлс өргөл болгон барьж, бүх лам нарын хамтын хүч, буянд найдан ээждээ тусал гэж хэлдэг. Энэ л цорын ганц арга нь. Будда өөрөө ч ганцаараа чадаагүй. Эсвэл магадгүй Будда чадах байсан ч тийм хялбар байлгахыг хүсээгүй байх. Мөн ээж нь эргэж ирээд зөвхөн Буддаг Их Багш, Будда болохоор нь хүндлэх биш, энгийн лам нарыг ч бас хүндэлж байг гэж Будда хүссэн байх. Ингээд ээж нь аврагддаг.

Тиймээс жил бүр бид хийдэд очиж, аав ээжийнхээ төлөө залбирч, лам гэлэнмаа нарт, хийдэд, хийдийн засварт хандив өгөх юм уу хоол хүнс аваачиж өгдөг босон. Тэгээд тэр өдрийнхөө хуримтлуулсан буяныг аав ээждээ шилжүүлдэг. Юмыг яаж мэдэх вэ, тэд доод түвшинд, эсвэл тамд байвал магад ач тусыг нь хүртэн, зовлон нь нимгэрнэ. Буддын шашинд тэгдэг. Бусад шашнуудад бас эцэг эхдээ зориулсан тийм өдөр байдаг байх. Хятадад “Булш цэвэрлэх баяр” гэдэг өдөр байдаг. Хаврын улиралд, гурван сарын үед тийм өдөр бүх хүүхдүүд гарч гэр бүлийн гишүүд, эсвэл эцэг эхийнхээ булшийг цэвэрлэн, хоол хүнс, цэцэгс өргөж, тэдний төлөө залбирдаг. Зүгээр л бэлгэдэл төдий.

Сүнс бол эрх чөлөөтэй. Сүнс үргэлж булшиндаа байдаггүй. Гэхдээ зарим сүнс Диваажин руу явах эрх чөлөөгүй байх юм уу бүр амьтан-хүн ч болох боломжгүй, эсвэл буян нь хүрдэггүй учраас эргээд хүн ч болж чаддаггүй. Тиймээс тэд булшиндаа үлддэг. Энэ нь тэдний гэр орон мэт болдог. Тийм учраас би сүүлд та нарыг оршуулгын газарт бүү оч гэсэн юм. Ялангуяа шөнөөр бүү оч. Яагаад гэвэл шөнө тэд амрахаар тийш буцаж очдог. Яг л бид өдөржин энэ тэрүүгээр явж байгаад шөнө гэртээ эргэж ирдэг шиг тэд өдөржин энэ тэрүүгээр явбал, шөнөө тэнд байгаа булш руугаа эргээд очдог. Тэд гэтлэгдээгүй, хаа нэгтээ эрх чөлөөтэй болоогүй бол буцаад булшин дээрээ бусад сүнснүүдийн хамт очдог. Мэдээж тэд хоорондоо ярьж чадна. Тэр үед та нар тэдний булшин дээр очиж суух юм уу унтвал тэдний гэр оронд дураараа орсонтой адил. Хэн нэгний гэрт орохдоо бид эхлээд зөвшөөрөл авах учиртай. Зарим хүн биднийг сайн шалтгаанаар ч юм уу оруулна, харин зарим нь оруулахгүй. Гэрээр нь дамжаад гарахыг зөвшөөрдөггүй.

Цагдаа нар хүртэл хэн нэгний гэрт очиж, хэн нэгнийг шалгах ёстой болбол, шүүхийн захирамж байхгүй бол орох эрхгүй. Гэрийн эзэн цагдааг оруулахгүй байх эрхтэй. Гэх мэт. Үүнтэй адилаар оршуулгын газарт зарим булш сүнснүүдийнх байдаг. Тэд тэнд байрладаг. Өөр очих газар байдаггүй. Тиймээс хэрэв та нар шөнөөр тэнд очиж, тэдний булшин дээр байрлах юм уу дээр нь унтвал... Учир нь зарим булшийг жижиг байшин болгосон байдаг, Жишээ нь: Жижигхэн саравч хийсэн байдаг ба тэнд нь унтаж ч болно. Зарим баян хүн бүр том байшин барьдаг. Эсвэл булшны дээр хийд бариулсан байдаг. Хэрэв та нар булш руу очиж, тэнд унтах юм уу суувал, эсвэл ямар нэг зүйл хийвэл өдрийн цагаар байсан ч, тэндхийн сүнсийг үймүүлэх учраас тэд өөрт тань асуудал тарьж мэднэ. Гэхдээ та нар үүнийг мэдэхгүй.

Эсвэл хангалттай хүчгүй бол, зүрх сэтгэл тань хангалттай ариун биш бол тэд бүр та нарыг эзэгнэх боломжтой. Тиймээс нэг өдөр маш сайн байж, сайхан зүйл ярьж, өөр нэг өдөр маш муу ярьж, хүмүүсийг доромжилж, над шиг сайн бясалгагчдыг хүртэл доромжилдог. Тийм зүйл болж байсан учраас би мэднэ. Энэ бол бодит түүх. Би мэднэ. Гэхдээ би хэн нь хэн бэ гэдгийг ахиж хэлмээргүй байна. Магадгүй сүнс та нарыг өдөржин шөнөжин эзлэхгүй ч заримдаа тэгдэг бөгөөд сүнслэг тамир тэнхээг тань сулруулж, буяныг тань багасгаж, улмаар та нар улам бүр дордсоор байдаг. Ингээд та нар тэдэн шиг болж мэднэ. Өөд болсныхоо дараа, эсвэл бүр өөд болохоосоо ч өмнө тэдэнтэй нэгдэж магад. Зарим сүнс, чөтгөр бүр амин хүчийг тань сорж, та нарыг өвчлүүлэх боломжтой. Тэгвэл та нар үхнэ. Тухайн үед хэт сул дорой болсон байх учраас та нар тэд болно. Та нар Гэгээнтнүүдтэй, Будда нартай, эсвэл Диваажин, Бурхантай ойр байхаа больдог. Тэдэнтэй илүү ойр болдог учраас тэд чирээд оруулдаг. Эсвэл магадгүй бодож сэтгэж, үйлдэж байгаа тань тэдэнтэй маш адилхан болох учраас тэдэнтэй автоматаар нэгддэг.

Тиймээс оршуулгын газар руу бүү яваарай. Өөр хэчнээн олон хүн тэгэхийг харлаа ч битгий дуурай. Учир нь өөрт тань хэр их хүч байгааг та мэдэхгүй. Оршуулгын газраар ихэвчлэн байдаг чөтгөр, хий үзэгдлүүдийн бүлгийн хамтын хүчийг сөрөх хэр их буян, хэр их сүнслэг тамир тэнхээ өөрт тань байгааг та мэдэхгүй. Учир нь хэт хөл хөдөлгөөнтэй хүмүүний хотод тэдний хувьд удаан байх илүү хэцүү. Магадгүй тэнд байв ч тэдэнд илүү хэцүү байдаг. Яагаад гэвэл хүний энерги илүү хүчтэй, амьд хүний энерги илүү хүчтэй. Яагаад гэвэл тэд өөрсдөө мэдэхгүй байлаа ч хүмүүсийн дотоодод Бурхан, Будда бий. Тэдний энерги өөр. Ялангуяа энэ гараг дээрх хүмүүсийнх. Тэд бол онцгой төрөл зүйлийн хүмүүс, онцгой төрөлтнүүд. Тэд маш үнэ цэнтэй. Маш олон хий үзэгдэл, чөтгөр тэднийг эзэгнэж, сүнсийг нь боолчлохыг хүсдэг. Тэр л асуудал.

Тиймээс тэдний “гэрт”, булшин дээр нь очиж, тэдэнд боломж бүү олго, өөрт тань төвөг удах шалтаг бүү өг. Таныг тэдний гэрт очиход өөрөө ч мэдээгүй байхад тань хэрэв тэд чадахаар бол биеийг тань эзэгнэдэг. Ингээд тэд биеийг тань эзэгнэж, тантай хамт, биетэй тань хамт явдаг. Нэг биед хэд хэдэн сүнс байх боломжтой. Хий үзэгдэл үргэлж биед тань байх шаардлагагүй. Биеийн тань дэргэд байж, гэр рүү тань дагаад явдаг. Юм идэж байхад тань тэд бие рүү тань орж таашаал мэдэрдэг. Ялангуяа амьтан-хүмүүсийн мах энэ тэр идэж, дарс уувал тэд эдгээр зүйлст дуртай. Тэд биеийг тань эзэгнэдэг болохоор яг л өөрсдөө биетэй мэт байдаг тул үүнд үнэхээр дуртай. Тиймээс биеийг тань эзэгнэсээр байдаг. Тэр л асуудал.

Тэгэхээр өөрсдийгөө сайн харж хандаарай. Яагаад гэвэл та нар бол Будда, ирээдүйн Будда нар. Хараахан Будда болоогүй бол ирээдүйн Будда. Будда болсныхоо дараа та нар үнэхээрийн их буянтай, агуу, гайхалтай болж, өөрөө очилгүйгээр, өөрийнхөө буянаар биш, өөрөө туслалгүйгээр тамд унасан үй олон сүнсэнд тусалж чадахуйц гайхалтай болдог. Тиймээс та нар бол үнэхээр эрхэм. Та нар Бурханы хийд, Бурхан дотоодод тань оршдог учраас биеэ бодоорой. Будда Чанар дотоодод тань бий. Тиймээс та бол унтаа байдалд байгаа, мөн чанар нь идэвхгүй Будда. Дотоодод тань буй Бурхан мартагдчихсан. Нэг л өдөр та нар

санах болно. Арьяабалын Арга шилдэг нь. Будда Чанараа сэрээж, Бурханыг шууд таних хамгийн хурдан арга. Бурхан бол Гэрэл. Бурхан бас (дотоод Диваажингийн) Аялгууны Урсгалаар илэрч байдаг, яг л хөгжим шиг. Гэхдээ чихээр сонсогдохгүй. Тиймээс дэргэд сууж буй хэн ч бай таны дотооддоо сонсдог зүйлийг сонсдоггүй. Энэ бол сүнсний ажил, сүнс сонсож байгаа. Тиймээс дэргэд тань байгаа хүн, нөхөр тань хүртэл, аав ээж, хүү тань юу ч сонсдоггүй. Арьяабалын Аргад авшиг хүртсэнийхээ дараа зөвхөн та л сонсох боломжтой. Автобусанд суусан ч Үүнийг сонсох боломжтой. Таксинд суусан ч сонсдог. Гудамжаар алхсан ч сонсож байдаг ч өөр хэн ч сонсдоггүй.

Тийм учраас би та нарыг дотоод ахуй ойлголтоо бүү ярь гэдэг юм. Их хэрэггүй. Хааяа нэгтээ зүгээр байж болох юм. Гэхдээ өдөр болгон гараад дотооддоо юу хардгаа, ямар ахуй ойлголттой, юу сонсдогоо, Бурхан юу гэж хэлснийг, Будда нар юу гэснийг хүн бүрд хэлээд байж болохгүй. Болохгүй. Хэн ч итгэхгүй. Таныг галзуу хүн мэтээр л харах болно. Олон хүнийг үүнээс болоод, гэр бүл нь тэднээс татгалзаж, галзуугийн эмнэлэгт аваачдаг. Яагаад гэвэл хэн ч итгэдэггүй. Тиймээс ахуй ойлголтоо өөртөө л хадгал. Ахуй ойлголтоо ярих үед... Түр хүлээгээрэй. Ахуй ойлголтоо ярих үед тань би та нарыг хамгаалах тор бэлтгэх ёстой байдаг. Үгүй бол та нарт илүү их асуудал гарч мэднэ. Ямартай ч та нарыг ярих үед би сонсвол илүү хамгаалалттай. Харин би сонсож хамгаалаагүй байхад та нар гадаах хэн нэгэнд хэлбэл асуудалд орж мэднэ. Тиймээс болгоомжтой байгаарай.

Photo Caption: Хавар нүдийг баясгаад зогсохгүй сайхан.

Зураг татаж авах