Дэлгэрэнгүй
Татаж авах Docx
Дэлгэрэнгүй уншаарай
Түүхийн туршид хойд төрлийн тухай түүх үргэлж сонирхол татам байсаар ирсэн бөгөөд учир шалтгаан, үр дагаврын хуулийн итгэл үнэмшилтэй нотолгоо болж, үүнийг гэгээрсэн Их Багш нар сургаалдаа ихэвчлэн онцлон тэмдэглэдэг байв. Эдгээр түүхийн дотроос 1980-аад онд Хятадад өгүүлсэн, Бишрэгдсэн Их Багш Чинь Хун (цагаан хоолтон)-д тохиолдсон явдал хамгийн тод жишээ болдог. Тэрээр гүн бясалгалынхаа ачаар 600 жил үргэлжилсэн төрөл авалтынхаа замналыг харж чадсан байна. Чинь Хун лам феодал Лигийн гэр бүлд төржээ. 1989 оны гуравдугаар сард эхнэр, хүүхдүүдийнхээ зөвшөөрлөөр хорвоог огоорч, Бурхны шашинд орсон байна. Өмнөх амьдралдаа гүйцээгээгүй хувь тавилан юм шиг яагаад үүнийг хийх ёстойгоо тэрээр өөрөө ч бүрэн ойлгосонгүй. 1992 оны 8-р сарын 25-ны орой Чинь Хун ламд яагаад ертөнцийг огоорч, лам хуврагийн замаар явах тавилантай байсан юм бэ гэсэн асуултынх нь хариулт тодорхой болов. Чинь Хун лам Буддад хүндэтгэл үзүүлснийхээ дараа бясалгалын гүн самадид оржээ. Түүний дотоод ахуй ойлголт нээгдэн, өмнөх төрлүүдийнхээ өөр өөр амьдралыг харах боломжийг түүнд олгосон байна. Тэрээр анхны төрөлдөө хорьхон настай залуу лам байсан агаад гурван их сахил хүртэн, 20 гаруй жил хичээнгүйлэн бясалгажээ. Буддын шашинд суралцаж, бясалгал номд шамдаж байхдаа тэрээр олон сайн үйлс үйлдэж, буян хураасан байна. Гэхдээ түүний бие сүм хийдийн амьдралд орсон хэдий ч сүнс нь эгэл ертөнцөд хүлэгдэн, бүрхэг хэвээр үлдэж, хүний амьдралын таашаалыг хүсэх хүсэлд автсаар байв. Тууштай сэтгэл дутсан тэрээр эцэст нь үхэх төрөхийн хүрдний зургаан ертөнцөөс зугтаж чадалгүй тамын үүдэнд унаж, зовлон зүдүүрийг тэвчих ёстой болжээ. Энэхүү бясалгалын үеэрээ Чинь Хун лам анхны төрөлдөө лам байсныхаа үр шимийг хүртэж буй хоёр дахь төрөл авалтынхаа талаар мөн ахуй ойлголттой болсон байна. Тэрээр чинээлэг язгууртны гэр бүлд дахин төрж, залуу язгууртан ноён болжээ. Тэрээр өдөр бүр зугаа цэнгэл, тансаглалд автдаг байсан бөгөөд найман шивэгчин түүнд үйлчилдэг байлаа. Гэхдээ энэ нь бас бүх зүйл биш байв. Тэрээр мөн алдар нэр, эд баялагт хэт шуналтай байсан бөгөөд олон гэмт хэрэг үйлдсэн байна. Гурав дахь төрөлдөө тэрээр хүчирхэг, чинээлэг гэр бүлд дахин төрж, нэг хүний дараа орох боловч тоо томшгүй олон хүнээс илүү хүчирхэг жанжин болжээ. Гэсэн хэдий ч эрх мэдлийн төлөө цангаж, харалган болсон тэрээр харгис хэрцгий, хүнлэг бус үйлдлүүдийг хийж, үүний үр дүнд түүний хуримтлуулсан бүх буян бүрмөсөн барагдаж гэнэ. Тэр үед тэрээр 24 шивэгчинтэй байсан ч амьдрал нь дуулиан, зөрчилдөөнөөр дүүрэн байв. Тэрээр хэмжээлшгүй их эд баялаг, тансаг хэрэглээнээс гадна тансаг амттан таалж, юугаар ч дутдаггүй байжээ. Нэгэн цагт нэр хүндтэй, эрхэм ариун жанжин байсан тэрээр өөрийгөө хянах чадвараа аажмаар алдсаар байлаа. Эцэст нь таашаал авах хүсэлдээ донтож, зөвхөн өөрийн хүслийг хангахын тулд олон хүнийг шийтгэхийг тушааж, асар их нүгэл үйлдэв. Тэр бүү хэл зөвхөн хөгжилдөх гэж гэмгүй хүмүүсийн толгойг тастаж, гол руу шидэж, хэт хол явжээ. Чинь Хун лам өмнөх хоёр төрөлдөө хуримтлуулсан хүнд үйлийн үрийнхээ улмаас нас барсныхаа дараа тамын гурван үүдэнд хаягдаж, олон олон төрөлдөө янз бүрийн амьтан-хүний төрөл авсан байна. Эдгээр хатуу шийтгэлүүд нь түүний өнгөрсөн амьдралдаа үйлдсэн гэмт хэргийнхээ төлөө төлөх ёстой төлөөс байсан юм. Эдгээр өмнөх төрлүүдийнхээ дунд тэрээр гурван удаа бах болон төрж байжээ. Тэрээр генерал байхдаа олон хүний толгойг тасалсан учраас хүзүүгүй бах болсон байна. Түүнээс гадна тэрээр урд төрлийнхөө өрийг төлөхийн тулд зодуулж, амьдаараа баригдаж, толгойгоо тастуулж, арьсаа хуулуулах гэх мэт янз бүрийн аймшигт шийтгэлийг тэвчсэн юм. Түүгээр ч барахгүй ховдоглож иддэг зуршилтай байсныхаа уршгаар тэрээр цаашдын тарчлалыг тэвчих болсон ба энэ нь дөрвөн удаа зэрлэг тахиа-хүн болон дахин дахин төрж, хэцүү нөхцөл байдалд өөрийгөө хамгаалж, бусад төрөлтний идэш болж явжээ. Амьтан-хүний долоон төрөл авахдаа тоо томшгүй олон зовлон зүдүүрийг туулсан ч үйлийн үрээ бүрэн барагдуулаагүй байсан нь өмнөх буруу үйлдлийнхээ үр дагаврыг үүрэхийн тулд гахай-хүний төрөлд дахин гурван удаа төрөхөд хүрсэн байна. Хоолонд ховдог, мөн хоол хийхдээ залхуу байсныхаа уршгаар тэр зүгээр л хэвтэж, өөрт нь хоол өгөхийг хүлээдэг байв. Тэрээр зөвхөн хаягдал, муудсан хоол идээд зогсохгүй өмнөх хоёр ч төрөлдөө ховдог шунахай байсныхаа үр төлөөсөнд гахай болж төрөхдөө зодуулж, нядлуулах гэх мэт тэвчихийн аргагүй зовлон амсжээ. Эхний төрөлдөө бясалгаж дадуулахад хичээл зүтгэл гарган олж авсан номын буяныхаа ач үрээр хэдийгээр тэр үед тэрээр бүрэн чин сэтгэлээсээ байгаагүй ч дараагийн хоёр төрөлдөө адис хүртэж, сайн сайхныг эдэлсэн хэвээр байсныг бид харж байна. Гэсэн хэдий ч чухам эдгээр адис ерөөл нь түүнийг өөрийгөө өөгшүүлж, доройтуулахад хөтөлж, аймшигт үр дагаварт хүргэсэн тоо томшгүй олон бузар муу үйл үйлдэхэд нь нөлөөлж, дараагийн арван төрөлдөө амьтан-хүний төрөл рүү унахад нь хүргэжээ. Зургаан зуу гаруй жил арван гурван төрөл авсныхаа дараа Чинь Хун лам шалтгаан, үр дагаврын хуулийн талаар гүн гүнзгий ойлголттой болсон юм. Одоогийн төрөлдөө түүний зүрх сэтгэлд сайн сайхны үр дахин соёолж эхэлсэн нь түүнд хувьтай санагджээ. Энэ сэхээрэл нь түүнийг дахин бясалгалын зам руу хөтөлж, Буддагийн сургаалын дагуу энэ ертөнцийг огоорч, гэтлэх чин хүсэл эрмэлзэлд хүргэсэн байна. Буддизмын сургаалд “Хүн Ариун Оронд төрөхийн тулд багахан сайн удам угсаа, буян заяа, хувь ерөөлд найдаж болохгүй.” гэж сургадаг. Энэ нь зөвхөн багахан хэмжээний сайн үйлийн үр, буян заяа, хувь ерөөлөөр Ариун Оронд төрөл авах боломжгүй гэсэн үг юм. Зарим хүний хувьд нас барсныхаа дараа дахин хүний төрөл авах нь үнэхээр хэцүү байдаг. Хүний төрөл авахад тоо томшгүй олон бэрхшээлтэй тулгардаг тул яагаад чин сэтгэлийн бясалгал дадлын замаар явж, үнэн сэтгэлээсээ гэтлэхийг хичээж болохгүй гэж? Чинь Хун ламын түүх хүний амьдралын ач холбогдлын талаарх бидний ойлголтыг гүнзгийрүүлж өглөө. Энэхүү нандин оршихуйгаараа эрх чөлөөг эрэлхийлэн, Жинхэнэ Би рүүгээ буцахын тулд хичээнгүйлэн бясалгаж дадуулцгаая. Төгс Гэгээрсэн Их Багш Чин Хай (веган) шалтгаан, үр дагаврын хуулийн ач холбогдлыг байнга онцолдог билээ. 1999 оны 5-р сард Грекийн Афин хотноо айлдсан айлдвараас нь энэ сэдвийн талаарх Түүний гүн ойлголтыг сонсоцгооё. Та өмнө нь бидэнд хойд төрлийн тухай, сүнс дахин төрөх эсэхээ сонгох боломжтой талаар ярьж байсан. Тэд чөлөөт сонголттой. Тэгвэл үйлийн үрийн хууль (шийтгэл) гэж юу вэ? Мөн бид төрөл болгондоо ямар хичээл, сургамж авах ёстой вэ? Үнэндээ бид энд юу ч сурах шаардлагагүй. Бид аль хэдийн мэддэг зүйлээ л санах хэрэгтэй. Мөн үйлийн үр (шийтгэл)-ийн тухайд гэвэл энэ дэлхийд бидний хийж байгаа юу ч байсан бидэнд нөлөөлж, буцаж ирдэг. Зарим нь энэ амьдралын дараа ч биднийг дагадаг. Мэдээж хэрэг бид гэгээрэхгүй бол энэ хаа сайгүй дагах болно. Тиймээс шалтгаан, үр дагаврын хуульд юу тарина, түүнийгээ хурааж авна гэдэг. Гэхдээ заримдаа үр нөлөө нь үхэхээс өмнө хангалттай хурдан ирдэггүй тул энэ нь хэвээр байдаг. Иймд бид үүнийг анхаарч үзэх хэрэгтэй. Үхэх мөчид сүнс хүссэн газраа дахин төрөхийг сонгох боломжтой бөгөөд энэ нь үргэлж хүчинтэй хэвээр байна. Гэхдээ сүнс өөрөө бүхий л мэдлэг, бүхий л шударга ёс учраас амьдралынхаа туршид илүү өндөр ухамсарт, дээд хэмжээст үл нийцэх зүйлийг хийсэн гэдгээ мэдэж байгаа бол тэрээр өөрөө, сүнс өөрөө энэ өрийг буюу энэ нүглийг төлөхөд тохиромжтой нөхцөл байдал байгаа газар дахин төрөхөөр шийддэг. Тийм учраас л би зөвхөн гэгээрсэн хүмүүст илүү өндөр, эсвэл бага сонголт байдаг, учир нь тэр (тэд) үнэхээр сонголт хийж чадна гэж хэлдэг.
