Энх тайвнаар бид Диваажинд хүрч чадна, 16-гийн 12-р хэсэг

Бид үүнийг “Төрсөн өдрийн мэнд хүргэе” гэдэг дууны аянд дуулна. Залуус та нар санаж байна уу? (Тийм ээ.) За. Бүгдэд нь Сар шинийн мэнд хүргэе гэж хэлнэ. Эхнийх нь “Диваажинд”, хоёр дахь нь “Дэлхийд”, гурав дахь нь “хамаг төрөлтөнд”, дөрөв дэх нь “амар амгалан сар шинэ” гэнэ шүү. Одоо та нар тогтоож чадав уу? Ухаалаг залуус аа? (Тийм ээ.) За. Хамтдаа дуулцгаая. Эхлээд хятадууд. Учир нь бид Тайвань (Формоса)-д байгаа. […] “Диваажинд сар шинийн мэнд хүргэе. Дэлхийд сар шинийн мэнд хүргэе. Хамаг төрөлтөнд сар шинийн мэнд хүргэе. Амар амгалан сар шинийн мэнд хүргэе.” Одоо англиар. Маш сайн байна! Бид дэлхийн энх тайвныг хүсэж байна. Тэнгэр, газарт амар амгалан. Хүн бүхэнд амар амгалан, хамаг төрөлтөнд амар амгаланг хүсье. Магадгүй энэ жил амгалан жил байх болов уу. […]

Энх тайван тогтох болно. Яг л Бурханы хэлсэнчлэн: “Гэрэл байх болно!” Мөн хэрэв Тэрээр энх тайван тогтох болно гэвэл энх тайван тогтож магадгүй юм. Ерөөл өргөе! Ерөөл өргөе! Өнөө үед бидэнд байгаа бүх мэдээллийн дагуу бид тун удахгүй амар амгалан болох юм шиг байна. Хэдийгээр энд тэнд бага зэрэг зөрчилдөөн байсаар байгаа ч магадгүй тэд урьд насандаа дайснууд байсан байж болно. Тиймээс тэд хоорондын асуудлаа шийдэж байна. Гэхдээ одоо бид урдынхаасаа илүү энх тайван байх шиг байна. Тийм байгаа биз? (Тийм ээ.) Мөн улам бүр, улам их амар тайван байх болно. Хүмүүс амьд үлдэхийн тулд ийм л байх учиртай. Учир нь бид “Дэлхий ээж” хэмээх энэ сайхан Оршихуйд асар их хохирол учрууллаа шүү дээ.

Үүнийг засаж, залруулах, ямар нэгэн байдлаар засварлах хангалттай хугацаа бидэнд байгаа гэж найдаж байна. Энх тайван тогтох учиртай. Учир нь бид энх тайвнаар улс орнуудыг сэргээн босгож чадна. Зөвхөн энх тайван байж л бид хүмүүсийн харилцааг сэргээж чадна. Амар амгалан байж л бид Диваажинд хүрч чадна.

Бид бие биетэйгээ энх тайван амьдрахаас өөр арга байхгүй. Дэлхий дээр буу бариад хэн нэгнийг буудахаас илүү чухал зүйл байдаг гэдгийг хүн бүр мэддэг. Энэ бол бидний бодож чадах хамгийн наад захын зүйл юм. Бид амьдралынхаа туршид ийм зүйлийг бүр огтхон ч бодох ёсгүй. Гэхдээ манай ах, эгч нар ямар нэгэн байдлаар энэхүү яаралтай, чухал, зайлшгүй шалтгаанаар сэрж сэхээрсэн. Энэ бол амар амгалангийн шалтгаан. Хүн бүр энх тайвны тухай ярьдаг. Гэхдээ бид хөршүүдээ хайрлаж, буруу гэж боддог, мэддэг бүх зүйлээ зогсоох замаар үүнд хувь нэмрээ оруулахын тулд ямар нэгэн зүйл хийх ёстой.

Ямар нэгэн буруу зүйл байвал бид шууд зогсдог шүү дээ. Зөв юуг ч бид шууд хийдэг. Энэ бол маш энгийн амьдралын хэв маяг юм. Хөршүүдтэйгээ болон дотооддоо амгалан байхгүй бол Диваажинг өөр хаа нэгтэйгээс хайх шаардлагагүй. Миний та бүхэнд олон удаа хэлсэнчлэн залуу эрэгтэй, залуу эмэгтэй эцэг эхийнхээ хайраас өсөж торнидог. Тэд төрсөн цагаасаа л хайрлагдаж ирсэн. Тэд төрөхөөсөө өмнө ч, төрсний дараа ч, өсөж торнихдоо ч эцэг эхийнхээ, хайртай найз нөхдийнхөө, хайртай хань, үр хүүхдийнхээ хайранд дэвжин дээшилж, өсөж томордог. Тиймээс ингэж тэд хайраар өсөж торнин, дараа нь амар амгалан амьдрах учиртай.

Тэрхүү хайрыг үзэн ядалт болгон хувиргаж, тэрхүү хайрыг устгаж, өөрт нь юу ч хийгээгүй өөр хэн нэгний хайрыг үгүй хийхийн тулд хүмүүсийг хаа нэгтээ гаргах хүн дэлхий дээр байхгүй. Энэ бол буруу. Энэ бол туйлын буруу! Хүн төрөлхтний нүдэн дээр хүртэл шүү. Бурханы Мэлмий дор байх талаар ярих ч хэрэггүй. Бид ямар нэг зүйлийг зөв хийж, бие биесийнхээ дунд амар амгалан амьдарч эхлэхээсээ өмнө Бурханыг ямар ч хэлэлцүүлэгт оруулах шаардлагагүй.

Бидэнд яаралтай хийх олон зүйл бий. Бидэнд шийдэх ёстой өлсгөлөн байна. Манайд өлсөж үхсэн хүүхдүүд бий. Өндөр настан, халамж хүртээгүй хүмүүс байна. Бидэнд үл тоомсорлогдож, хүчирхийлэлд өртсөн амьтан-хүмүүс бий. Бидэнд энд тэндгүй бүх төрлийн жижиг, том асуудлууд бий. Бид үүнийг анхаарах ёстой. Тэгвэл энэ дэлхий дээрх амьдрал илүү сайхан байх болно. Бид аллагад эрч хүч, цаг хугацаа, мөнгөө үрэх ёсгүй. Бид хайр, амар амгаланг бий болгоход цаг хугацаа, эрч хүчээ зарцуулах ёстой. Учир нь хэрэв бид дайныг яг одоо зогсоохгүй бол – бүгд мэдэж байгаа – бидэнд өөр зүйл хийх цаг байхгүй. Хэрэв манай гараг сөнөвөл дайнд ялж, ялагдагсад дайн дуусахаас өмнө үхэж магадгүй юм. Би та бүхэнд олон удаа хэлж байсан болохоор энд дахин давтах шаардлагагүй.

Гэхдээ нэг зүйл байна: Энэ бүх он жилүүдийн турш манай Нийгэмлэгийн гишүүд та бүхэндээ би талархах учиртай. Ялангуяа эдгээр жилүүдэд дэлхий даяар хүний бий болгосон болон байгалийн гамшиг их боллоо. Та бүхэн тусламж хэрэгтэй ахан дүүстээ маш их энэрэнгүйгээр, тун хичээнгүйлэн тусалсан. Би та бүхэнд маш их талархах учиртай. Би та бүхнээр маш их бахархаж байна. Өө! Уучлаарай, би бас англиар ярьчихлаа.

Хөөх! Бурхан минь! Би хятадаар ярих санаатай байсан юм. Нэгэнт эхэлсэн болохоор дуусгая даа. Дараа нь хятадаар ярья. За! Орчуулга: “Энх тайван.” Зүгээр үү? Ингээд л боллоо. Би мартчихаж. Би англиар ярьсан. Би яагаад гэдгийг мэдэхгүй байна уу? Би дараа нь хятадаар ярья. За? (За.) Учир нь энд бас гадаадынхан байгаа. Дараа нь би хятадаар ярина аа. Та нарт орчуулга байна уу? Өө, та нарт “шидэт чих” байгаа шүү дээ. За. Хятадаар ярьцгаая.

Миний хэлэх гэсэн зүйл бол энэ дэлхийн хүн бүр хоорондоо эвтэй байх ёстой. Учир нь дайн үргэлжилбэл сайхан дэлхийгээ сэргээх цаг зав бидэнд гарахгүй. Тэгвэл бидний үр хүүхэд, бидний ирээдүй хойч үе амьдрах газаргүй болно. Бид бүрмөсөн устаж магадгүй. Бид сүйрсэн ч хамаагүй л дээ. Учир нь бид өөрсдөө Бурханыг олсон. Бид даатгалтай. Гэхдээ бид ах, эгч нараа гүйцэхийг хүлээж, энэ дэлхийг хадгалсаар байх хэрэгтэй. Учир нь тэд ингээд өрөвдөлтэйгөөр гэнэт үхчихвэл сүнс нь сэрж, чөлөөлөгдөхөд хэцүү байх болно. Тийм ч учраас бид хүлээсээр ирсэн.

Хүлээж байх зуураа засаж, залруулж чадах бүхнээ засдаг. Ялангуяа авшигтанууд, нөхөд, найз нөхөд, хайртай хүмүүсээ. Бид өөрсдөөсөө эхлэх ёстой. Жишээлбэл: Бид эрчим хүчээ хэмнэдэг. Эрчим хүчинд хэмнэлттэй чийдэн ашиглах ёстой гэж би байнга хэлдэг. Үүнийгээ ч бид хийсэн. Одоо хорт хий ялгаруулахгүй тийм машинуудыг авч чадвал үргэлжлүүлэн аваарай. Ажилдаа явах, дэлгүүр хэсэх, хүүхдүүдээ сургуульд нь хүргэж өгөх гэх мэтэд нэг машинтай явж чадвал нэг машинд хамт явах хэрэгтэй. Нэг машиныг хамтдаа ашигла. Энэ нь эрчим хүч, түлш хэмнэж, хорт утааны ялгарлыг багасгах зорилготой. Бид гэртээ байхдаа дахин боловсруулж болох бүх зүйлийг дахин боловсруулдаг. Жишээлбэл: Усаа хэмнэдэг. Уг нь ус үнэ төлбөргүй байсан ч бид гэрийнхээ усыг цахилгаанаар хангадаг болохоор ус ч бас их эрчим хүч зарцуулдаг. Мөн цахилгаанд их эрчим хүч зарцуулдаг. Тиймээс бид хэмнэж чадах бүхнээ хэмнэдэг. Энэ бол зөвхөн мөнгөний асуудал биш, энэ дэлхийг аврах явдал юм. Би та бүхэнд олон удаа хэлсэн. Ойлгож байна уу? (Ойлголоо.) Одоо ч санаж байна уу? За.

Хөршүүдээ хүлээх хэрэггүй. Бид хийж чадах юу л байна түүнийгээ эхлээд хийдэг. Би энд буцаж ирэхдээ такси барьсан юм л даа. Таксины жолооч энэ тэрийг асуусаар л байв. Би түүнд: “Би эрчим хүч хэмнэж байгаа. Жишээлбэл: Манай гэрт хорт бодис ялгаруулдаггүй шинээр зохион бүтээсэн машинууд байдаг. Би бас веган. Саяхан НҮБ-аас хүн төрөлхтний хэрэглээнд зориулан амьтан-хүмүүсийг өсгөх нь манай гарагт хамгийн их хор хөнөөлтэй эдгээр хорт хийг их хэмжээгээр үйлдвэрлэх гол шалтгаан болж байна гэж мэдэгдсэн. Ихэнх хорт хий амьтан-хүмүүсийг өсгөж үржүүлснээс үүсдэг. Тиймээс л бид веган болсон.” гэсэн. Би бас түүнд “Би зөвхөн энэ шалтгааны улмаас биш, харин юуны түрүүнд энэрэн нигүүлсэхийн төлөө веган байгаа.” гэж хэлсэн. Тэгээд тэр: “Та ганцхан веган хүн нь. Харин манай арван хүн амьтан-хүний мах идэж байна. Ямар хэрэгтэй юм бэ?” гэв. Би: “Би зөвхөн өөрөөсөө л эхэлж чадна. Хэрэв хүн бүр 'Би таныг хүлээе, та намайг хүлээ.' гэж бодоод байвал бид хэзээ түүнд хүрэх вэ? Тиймээс аль нь зөв, зүй зохистой зүйл болохыг олж харвал би эхлээд үүнийг хийх болно. Хэрвээ хөрш маань миний хийж буй зүйлийг зөв гэж үзвэл тэр ч бас дагах боломжтой. Энэ нь тун сайн байх болно. Хэрэв тэр ингэхгүй бол ядаж л би үүргээ гүйцэтгэсэн, үүргээ биелүүлсэн.” гэлээ. Тийм биз? (Тийм ээ.)

Би ингэж хэлсэн: “Хэрвээ би ямар нэг зүйлийг зөв гэж хараад хийхгүй бол бусад нь ч тэгж бодно. Хүн бүр адилхан бодолтой байх болно. Хүн болгон ингэж бодвол хэн ч зөв зүйл хийхгүй шүү дээ. Үүнийг хийх нь зөв гэж харлаа ч хэн ч юу ч хийхгүй. Учир нь ‘Би л ганцаараа үүнийг хийж байна. Нөгөө арав нь тийм биш. Ямар хэрэг байна вэ?’ гэнэ. Хэрэгтэй.” Хэрэгтэй юу? (Тийм ээ.) Тийм ээ. Тэгээд би түүнд “Жишээ нь: Маш харанхуй, асар том талбайд хоёр гэрэлтэй байх нь юу ч үгүй байснаас дээр. Заримдаа маш том байшинд, маш бүүдгэр, маш харанхуй. Орж ирээд ганцхан лаа асаахад олон зүйлийг харж чадахгүй гэж үү?” гэсэн. Тийм биз? (Тийм ээ.) Том байшин харанхуйд хэдэн зуу, мянган жилийн турш байсан нь хамаагүй. Та зүгээр л нэг минут орж ирээд, лаа асаавал орчин тойрноо харж чадна. Тэгээд дараа нь өөр хүн араас тань ирээд юм харах гэж лаа асааж байгааг тань харвал тэр бас лаа асаана шүү дээ. Дахиад нэг лаа асаахад илүү гэрэл гэгээтэй болно. Ингэж л бид нэг нэгээрээ, алхам алхмаар хийж, хүн бүрд нөлөөлж байна.

Бид огт ярих шаардлагагүй. Учир нь үнэндээ, зарим үед бид хэтэрхий их ярьдаг ч хэн ч сонсохыг хүсдэггүй. Хэн ч сонсдоггүй. Заримдаа хүмүүс үүнийг тодорхой сонсож чаддаггүй. Заримдаа тун цөөхөн хүн сонсдог. Яагаад гэвэл та нар одоо Суприм Мастер Телевизэд ажиллаж байгаа, тийм ээ? Заримдаа та нар миний эртний, дээр үеийн айлдваруудын дүрс бичлэгийг тоглуулдаг. Би ч бас үзээд “Аан! Тэр Хүн маш сайн ярилаа.” гэдэг. Тэгээд би “Гэхдээ хэн Түүнийг сонсож байсан бэ? Тэр яагаад эдгээр айлдваруудыг айлдах гэж гүйгээд завгүй байв аа? Тун цөөн хүн Түүний хэлсэн үгэнд анхаарал хандуулдаг бололтой.” гэдэг.

Гэсэн хэдий ч бид өөрсдөө үүнийг үнэхээр анхаарч үзэх хэрэгтэй. Ойлгож байна уу? Энэ бол үнэхээр ноцтой асуудал. Учир нь бид дэлхий дээр байсаар байна. Энэ дэлхий дээр байх хугацаандаа дэлхийгээ, энд байгаа бүхий л мэдрэхүйт төрөлтнийг хамгаалахаар чадах бүхнээ хийх ёстой. Биднийг Диваажинд очиход энэ тухай ярих ямар ч шаардлагагүй болно. Гэхдээ бид энд байсаар байхдаа үүнийг засаж, хамгаалах ёстой. Үүний нэгэн адил хэрэв та өөр хүнд зарагдсан байшинд амьдрахаа больсон бол юу ч хийж чадахгүй. Харин байшиндаа амьдарсаар байгаа бол өөрийнхөө болон найз нөхдийнхөө аюулгүй байдлын үүднээс засвар, үйлчилгээ хийх ёстой шүү дээ. Зочдоо гэртээ ирэхийг урихад тань танай байшин сүйдэж, хэзээ ч нурж магадгүй байвал энэ нь зөв биш байх болно.

Бид материаллаг зүйлд санаа тавьж байна гэсэн үг биш. Харин бид хаана ч байсан үүнийг засах ёстой. Тийм үү? Энэ нь зөвхөн өөрсдөд маань төдийгүй дэлхий дахинд зориулагдсан юм. Эдгээр нь материаллаг талууд бөгөөд бид Гэртээ харих замаа мэддэг учраас бидний хувьд тийм ч чухал биш л дээ. Бидэнд энэ ертөнц байхгүй гэж бодъё. Бидэнд очиж болох тоо томшгүй олон ертөнц байсаар байгаа. Үүнийг бид өөрсдөө мэддэг ч олон хүн мэддэггүй. Хэдийгээр бид өөр ертөнц байдгийг мэддэг ч энэ нь бидэнд энэ ертөнцийг сүйрүүлэх эрхтэй гэсэн үг биш юм. Тийм биз? (Тийм.) Бид бас энэ дэлхий дээр байгаа гэдгийг дурдах ч хэрэггүй. Хэрэв бид Диваажинд очихыг хүсэж байвал тайван, амгалан явах ёстой, тийм ээ? “Тэсэрч”, маш их шаналан явахын оронд шүү дээ. Тайвань (Формоса)-д “Нүдээ нээлттэй өөд бол.” гэсэн хэлц үг байдаг. Тайвань (формоса) хэлээр ингэж хэлдэг. Би мэднэ.

Энэ олон жилийн турш би та нараар маш их бахархаж байгаагаа бас хэлсэн. Өөрсдөдөө жаахан алга ташаарай. Учир нь та нар Их Багшид дэлхийд туслахад нь маш их тусалсан. Багшдаа энэ дэлхийд туслахад туслаарай. Хаа нэгтээ гамшиг, зовлон тохиолдох бүрд би зүгээр хэлэхэд л та нар явдаг. Та нар хохирогчдод тусалж, тэднийг тайтгаруулахаар очдог. Ийм л байх ёстой. Хүн төрөлхтөн үүнийг л хийх учиртай.

Үнэндээ бид бахархах ёсгүй ч би та бүхнээр маш их бахархаж байна. Яагаад? Учир нь та нар шинэ суралцагчид. Та нар дөнгөж сурч эхэлж байгаа, тийм ч өндөр түвшинд хүрээгүй байгаа. Зарим нь өндөр, зарим нь доогуур байгаа. Гэхдээ өндөр ч бай, доогуур ч бай та бүхэн дэлхийн өмнө хүнд үүрэг хүлээдэг. Та нарын ихэнх нь хамаатан садантай, найз нөхөдтэй, гэр бүлтэй, үр хүүхэдтэй, ажилтай, үүрэг хариуцлага ихтэй. Та бүхэн гэр бүлээ харж халамжлан, мөнгө олж, өөртөө анхаарал тавих хэрэгтэй. Энэ бол үнэхээр их, маш их ажил юм. Гэсэн хэдий ч дэлхий дээр зовлон зүдүүр тохиолдох бүрд та нар цаг хугацаа, хүчин чармайлт, мөнгөө илүүчилж, тусламж үзүүлэхийн тулд тэнд очдог. Энэ нь та нар хаан, эсвэл маш баян хүмүүс гэсэн үг биш юм. Зарим нь маш их мөнгөтэй ч баян биш хүмүүс ч гэсэн туслахаар очдог. Бусад хүмүүст туслахын тулд мөнгө, хүчин чармайлт, эрч хүчээ өгдөг. Тиймээс би та бүхнээр маш их бахархаж байна. Гэхдээ та нар өөрсдөөрөө бахархах хэрэггүй. Ойлгож байна уу? (Ойлголоо.) Маш сайн байна. Сайн хөвгүүд, сайн охид.