Буддад тоолшгүй олон сүнсийг аврах Хүчийг Бурхан өгч, бүх Орчлон Ертөнц зөвшөөрсөн Будда, Их Багш гэдэг Зүгээр ч нэг нэр цол төдий биш! 10 цуврал лекцийн 2-р хэсгийг

Будда гэдэг бол зүгээр нэг цол биш. Энэ бол агуу их, буян, золиос, хайр, өршөөл, нигүүлслийг хамтад нь, түүнээс ч илүүг, мөн билиг ухааныг илэрхийлдэг. Энэ бол цол биш. Дэвадатта өөрийгөө “Будда” гэж өргөмжилсөн ч, бусад мунхаг шавь нар түүнийг нь хүлээн зөвшөөрөөд дагасан ч түүнд юу ч байгаагүй! Түүнд Буддагийн Хүч байгаагүй. Будда хүмүүсийг адисалсан, тэд чөлөөлөгдсөн. Девадатта хүмүүсийг уруу татсан, тэд бүгд түүнтэй хамт там руу явсан! Бүх дагагчид түүнийг санах хэрэгтэй. Бүх шавь нар, та бүхэн өөрийн түвшнээ мэдэж, хараахан хүрч амжаагүй байхдаа өөрийнхөө амжилтаар сайрхан, бусдад хор хөнөөл учруулахгүй байх ёстой.

Тэр (Девадатта) хэнд ч, яаж ч тусалж чадаагүй. Алс холын улс орнуудад гэж ярих нь бүү хэл нэг дүүрэгт байгаа хүний үсийг ч холоос өргөж чадаагүй. Гэтэл Будда бол тэр бүхнийг хийж чадах байсан. Зарим Бодисадва хүртэл чадна. Буддын үлгэр домогт төрөл бүрийн түүх байдгаас би нэлээдгүй олныг уншиж өгсөн. Бусад олон шашны ардын үлгэртэй бас адилхан. Бас л олныг уншиж байсан. Та нарт уншиж өгсөн. Тэгэхээр зөвхөн Будда биш. Төрөлтнүүдийг өрөвдөн энэрч, хайрын төлөө олон Гэгээнтэн Мэргэд золиос гаргасан, мөн Бурхан Тэднийг хүнд хэцүү, зовлонт ертөнц рүү буун ирж, Бурханлаг шатлалын системд бусад ах эгч нарт нь туслуулахын тулд буулгахаар томилсон учраас тэр юм.

Энэ бол цол биш – Бурхан минь! Өөрийгөө Будда гэж бодлоо ч юу ч биш л гэсэн үг! Юу ч мэдэхгүй байж яаж Будда байх юм бэ? Харин заримдаа та Буддагаас ирсэн захиасыг хүлээн авах тогтолцоонд найдаж болох юм. Гэхдээ хэтэрхий доод түвшинд байвал сайн сонсож ч чадахгүй. Эсвэл таны доод түвшин таны нэр төрд дуртай БИ ҮЗЭЛ-ийг хог хаягдлаар тэжээхдээ ихэд баярлаж, дараа нь тань руу инээх чөтгөрүүдийг л гагцхүү татна! Тэр чигт нь алдаатай, буруу сонсоод тэр чигт нь буруу ойлгоно. Тэгээд бүх сүсэгтнүүдэд огт буруу зүйл түгээж мэднэ. Тэр аяараа буруу байгаа нь гол асуудал юм. Яагаад гэвэл бид өндөр түвшний сүнслэг хөгжилд хүрээгүй учир буруу зүйл олныг хийдэг.

“БУДДАГИЙН ЗӨВ БАЙСАН: Дээдийн Номын төгсгөл тун ойрхон байж магадгүй” айлдвараас эшлэв АМЬД БУДДА БАРИВЧЛАГДЖЭЭ : Буддагийн төрсөн нутаг, үзэсгэлэнт, нууцлаг Балба улсад төрсөн. Рам Бахадур Бомжон дөнгөж 16 настайдаа гэрээс гарч, лам болсноор дэлхий даяар алдартай болсон билээ. Зургаан сарын турш юм идэж уухгүйгээр хөдөлгөөнгүй бясалгах чадвараараа алдаршсан Бомжоныг Балбын оюун санааны удирдагч гэж үзэж байв. Газар бүрээс олон мянган хүн түүнтэй уулзахаар ирж, түүнийг шүтэн биширч, Буддагийн хойд дүр хэмээн үзэж, “Будда хүү” хэмээн нэрлэж байлаа. Гэвч 20 жилийн дараа “Будда хүү”-г бэлгийн хүчирхийлэл болон бусад санаанд оромгүй хэргээр баривчилж, 10 жил шоронд хорих ялаар шийтгэхэд олон хүн цочирдсон юм.

Ихэнхдээ амьд Будда хэмээн хүндлэгдэж байсан Бомжон зугтахыг завдаж байхдаа баривчлагджээ. 34 настай эр өмнө нь өөрийн ашрамд гэлэнмаа болон амьдарч байсан насанд хүрээгүй охинд бэлгийн хүчирхийлэл үйлдсэн хэргээр буруутгагдсан байна. Цагдаа Бомжоныг ажиглаж, зугтах гэж оролдох үед нь баривчилсан гэж мэдэгдлээ. Тэд мөн 10 гаруй гар утас, 5 зөөврийн компьютер, таблет, 30 сая балба рупи (225,000 ам.доллар), 22,000 ам.доллартой тэнцэх гадаад мөнгөн дэвсгэрт хураан авсан байна.

“БУДДЫН СҮМД ШИЙТГҮҮЛСЭН ЛАМ НАР”-ын хэсгээс 6 сарын 19-нд лам Тик Чан Гуанд Вьетнамын Буддын чуулганаас сахилга батын арга хэмжээ авахаа зарласан билээ. Үүний дагуу түүнийг хоёр жилийн хугацаанд ямар ч байдлаар сургаал ном айлдахыг хориглож, Тиэн Тон Пат болон өөр ямар ч байрлалд томоохон цуглаанд оролцохыг хориглолоо. Энэ шийдвэрийг Вьетнамын Буддын Чуулганы Гүйцэтгэх зөвлөлийн байнгын хорооноос өгсөн мэдэгдлийн дагуу гаргажээ. Мэдэгдэлд Вьетнамын Буддын Чуулганд Хамгаас Хүндэт Тик Чан Гуаны сургаал номлол нийгэмд төөрөгдөл үүсгэж, олон нийтийг өдөөн хатгаж, Буддын шашинд итгэх итгэлийг бууруулж, Чуулганы нэр хүндийг сэвтүүлж байна хэмээн Буддын шашинтнууд, олон нийт, болон хэвлэл мэдээллийнхнээс олон гомдол хүлээн авсан аж. Лам Тик Чан Гуан нь үйлийн үрийн талаарх маргаантай мэдэгдэл, хандив өгөхийг уриалж, бусад лам нарыг шүүмжилдгээрээ олонд танигдсан. ЮүТүб, Фэйсбүүк, ТикТок гэх мэт олон нийтийн сүлжээнээс маргаантай тайлбаруудыг хялбархан олно. Лам Тик Чан Гуаны зарим нэг маргаантай мэдэгдлүүдээс дурдъя: “Та нар өндөр үнэтэй үнэт цаас олж, хамба ламдаа өгөх ёстой. Тэгсэн цагт л хамба лам шашны ажлаа хийх боломжтой”, “Та яагаад ийм үзэсгэлэнтэй царайтай гээч? Яагаад гэвэл өмнөх төрөлдөө та хөшөө цутгах ёслолд оролцож, мөн хандив өгч байсан учраас тэр юм.”, “Шашинд чин үнэнч зүрх сэтгэлтэй хүмүүс бүр байшингаа хүртэл хийдэд өргөл болгоод өөрсдөө өөр хаа нэгтээ нүүдэг”, “Караоке их дуулдаг хүмүүс өөд болсныхоо дараа хэлгүй чөтгөр болох магадлал өндөр.” Хэрэв ноён Тик Чан Гуан дүрэм журмыг зөрчсөн нь илчлэгдвэл хатуу арга хэмжээ авах болно. Сонинд хэвлэснээр бол лам Тик Чан Гуаны онлайнд байршуулсан бичлэгт гардаг мэдэгдлүүд нь Буддын сургаал номлол, хууль дүрэм, соёл уламжлалтай нийцэхгүй ч, Вьетнамын түүхтэй ч нийцэхгүй байгаа юм. Тэрээр Буддын шашны Гурван Эрдэнийн Гэрчилгээ дэх сахилуудыг өөрчилсөн. нийцэхгүй байгаа бөгөөд Ау Лакын (Вьетнамын) түүхтэй ч нийцэхгүй байгаа юм. Тэрээр Буддын шашны Гурван Эрдэнийн Гэрчилгээн дэх сахилуудыг өөрчилсөн.

6 сарын 6-нд Вьетнамын Буддын Чуулганаас Хүндэт Тик Нүан Дүкт сахилга батын арга хэмжээ авч, нэг жилийн турш ямар нэг ном айлдахыг нь хоригложээ. Чуулганы мэдэгдсэнээр Хүндэт (Тик) Нүан Дүкийн мэдэгдэл, номлол нь олон нийтийг Буддын шашинд болон Хуврагийн Чуулганд итгэх итгэх итгэлийг мохоож буй аж. Түүний зарим нэг маргаантай мэдэгдлээс дурдвал: “Зарим хатагтай нар Буддагийн нэрийг хэт их уншсанаас болж хөл нь ядардаг. Зарим хүн өргөн өмд өмсдөг, гэтэл өөр нэгэн шувуу суллаж байвал тэр өмд рүү нисээд орчихно,” “Буддагийн нэрийг удаан хугацааны турш уншсаны дараа эмэгтэйчүүд та нар маш үзэсгэлэнтэй болдог ба миний урд суухад чинь би өөрийн эрхгүй шүлс гоождог,” “Өргөл барьж байвал амттай зүйлээр өргөл барь; лам нар сайхан хоол идэх дургүй гэж үү?”

Ба Ван Пагода-н хамба лам Хүндэт Тик Трүк Тай Мин олон жилийн турш олон түмний уур бухимдлыг төрүүлэх үй олон мэдэгдэл хийж, үйлдэл гаргасаар ирсэн. 2024 оны эхээр Хүндэт Тик Трук Тай Минг Вьетнамын Буддын Чуулганаас “Буддагийн Үсний Сувдан Чандрын” үзэсгэлэн зохион байгуулсан хэмээн зэмлэжээ. Түүнээс гадна түүнийг Гуан Нин мужийн Уонг Би хотын Иргэдийн Төлөөлөгчид энэ үйл ажиллагааг зохион байгуулснаараа Итгэл Үнэмшил ба Шашны хуулийг зөрчсөн гэж 7.5 сая VND ($300 доллароор) торгожээ. Энэ явдлын дараа Хүндэт Тик Трук Тай Мин болон Ба Ван Пагода-г нэг жилийн турш хийдэд олон улсын солилцооны үйл ажиллагаа зохион байгуулж болохгүй гэжээ. Өнгөрсөн жилүүдэд Ба Ван Пагода сүнс дуудах, үйлийн үр “цэвэрлэх” гэх мэт төрөл бүрийн ажиллагаа зохион байгуулсан аж. Ялангуяа үйлийн үрээ цэвэрлүүлэхийг хүсэгчид маш өндөр төлбөр төлөх ёстой байв. Эдгээр үйл ажиллагаа ихээхэн маргаан өрнүүлсэн юм.

Тийм учраас үнэхээр Бурхан өөрийг тань Будда боллоо гэж хэлэх хүртэл маш их бясалгаж, даруу байж, талархалтай байх ёстой. Гэсэн ч гарч бусад хүмүүсийг аврах нь та нарын ажил биш, яагаад гэвэл та нарт хангалттай хүч байхгүй. Нэг хоёрыг аварч чадаж магадгүй юм; хэр их буянтайгаас, “дансанд” тань хэр их хүч агуулагдаж буйгаас хамаарна. Мөн тэрхүү “дансанд” хэчнээн эрин галаваар хураагдаж байсныг мэдэхгүй. Тэгэхээр хэрэв Их Багш нар эхнээс нь эхэлбэл үй олон эрин галаваар төрөл авч ахин дахин бясалган дадуулах ёстой болдог. Тавдугаар Түвшинд хүрлээ гээд эсвэл арай доогуур түвшинд хүрлээ гээд дэлхийг аврах ч юм уу ядаж хэдэн хүн аврах буянтай болчихгүй.

Клиник үхэлд ороод сэргэсэн олон хүн эргэж ирээд хүмүүний хүрч болох Таван Түвшний системийн Дөрөвдүгээр Түвшин гэдгийг хүртэл мэдэж байдаг. Диваажингийн бүх түвшинд хүмүүс хүрэх боломжгүй. Тиймээс Тавдугаар Түвшнийг Их Багш нарт зориулж байгуулсан. Олон Их Багш нар тэнд амарч, Их Багш болох тавилантай бол Өөрсдийгөө бэлдэх ёстой. Ингээд Бурхан Тэдэнд маш их Хүч өгдөг бөгөөд ингэснээр Тэд буун ирмэгцээ алуулахгүй, эсвэл шууд бусдад хорлогдохгүй. Бурханы зарлигийн дагуу, мөн үйлийн үрийнх нь дагуу дагуу Тэд бусад төрөлтнүүдийг аврах хангалттай нөөцтэй байх болно.

Хэрэв та нэг алхвал Их Багш өөдөөс тань 99 алхаж, танд цааш явахад тусалдаг. Тиймээс бид өдрийн аравны нэгт бясалгалаа... 24 цагийн хоёр цаг хагаст бясалгах нь арваны нэг - энэ бол жинхэнэ сүмийн татвар төлөлт. Сүмд юм уу хийдэд, эсвэл ашрамд мөнгө өглөө гээд зөв хандив болохгүй. Үгүй, үгүй, үгүй. Тийм биш. Орлогынхоо аравны нэгийг, эсвэл эд хөрөнгийнхөө аравны нэгийг ч юм уу өгөх ёстой гэж Лаоз хэлэхийг би сонсоогүй. Үгүй. Магадгүй хожим нь зарим улс оронд, тэд дайн дажинтай эсвэл өлсгөлөнд нэрвэгдсэн байхад нь зарим Их Багш нар шавь нараа тэг гэж зааварчилсан байх. Гэвч Өөрөө идэж, зарцуулж, тансаглах гэж биш.

Зөнч Мухаммед, Тэрээр Амгалан байг - Хадитад Тэрээр дагалдагч нартаа өгч болно гэсэн байсныг уншсан, “Закат” гэдэг дээ. Орлогоосоо хувь өгөх – яг л илүү ядарсан нэгэнд туслахын тулд эд хөрөнгөнөөсөө, мөнгөнөөсөө тодорхой хувийг өгөхтэй адил. Эзэн Есүс амьд байхдаа хэзээ ч юу ч хүсэж байгаагүй. Юу ч хүсэж байгаагүй; Хөл нүцгэн алхаж, энгийн хувцас өмсдөг байв. Буддаг амьд байхад ямар ч тийм юм яригдаагүй. Хэн нэгэн хуврагийн чуулганд хандив өгье гэвэл зүгээр л шууд өгдөг. Үгүй бол Будда шидийн хүчээ ашиглан хаана эрдэнэс байгааг мэдээд, зарим хандивлагч нараа явуулж авчруулдаг байсан гэх мэт. Гэвч Будда тансаг амьдрах гэж тэгээгүй - үгүй, тэр урцанд амьдардаг байсан.

Тэд үүнийг бусад өрөөний адил, бусад урцны адил анхилам өрөө гэдэг байв. Магадгүй жаахан тусгаарлагдмал байсан байх, хуврагуудын, олон нийтийн төвд байгаагүй байх. Гэвч энэ нь хуврагуудын байрладаг бусад бүх л өрөөтэй адил, зүгээр л нэг өрөө. Заримдаа өрөө хүрэлцэхгүй бол Будда бүр - магадгүй Тэр хэлдэггүй ч байсан байж мэднэ, гэвч Будда болон хуврагийн чуулганы байгаа ашрамд том хүндтэй, ахмад лам ирж, өрөө нь хүрэлцэхгүй бол Буддагийн хүү Рахула нойлд очиж унтах ёстой болдог байв. Тухайн үед нойл нь цэвэр байсан гэж найдъя. Хөөрхий Рахула. Өсвөр насныхан болон хүүхдүүд хэрхэн ханддагийг мэдэж Түүнийг онцгой сайн болгохыг хүссэн учраас Будда Түүнд маш хатуу ханддаг байсан. Буддагийн хүүг бас өрөвдчихлөө, Тэр дэндүү балчир байсан ч бусдын адил өдөрт нэг л хооллодог байв. Рахула-г үнэхээр өрөвдөж байна. Гэвч тийм л байсан. Будда шударга үнэнч нэгэн байсан. Тэр хэнд ч хэзээ ч онцгой хандаж байгаагүй.

Анандад хүртэл - Ананд Түүний шилдэг туслах байсан ба, үргэлж Түүнд ойр байж Буддад зориулж төрөл бүрийн юмс хийдэг байв, бүр Буддагийн бүх түүх, бүх лекцийг цээжилсэн байсан - гэсэн ч Будда Түүнд онцгой ханддаггүй байв. Ананд ч онцгой хандуулахыг хүсээгүй. Хуврагийн чуулган Түүнийг Буддагийн хувийн туслах болгож санал хураахаас өмнө Тэр хэдэн нөхцөлтэйгөөр хүлээн зөвшөөрөхөөр болдог. Жишээ нь Буддагийн туслах болох байр сууринд очихоосоо өмнө Тэрээр чуулганд хандан Буддагийн хуучин хувцсыг, эсвэл Буддад өгсөн юм уу Буддагийн тарааж өгөхийг хүссэн хувцсыг Тэр өөртөө авч болохгүй. Мөн Тэрээр Буддагийн бадар барьдаг аяганаас хоол идэхгүй, учир нь Буддагийн бадар барьдаг аяганд амттанууд юм уу магадгүй адистай хоол хүнс гэх мэт төрөл бүрийн сайхан зүйлс байх болно. Тэр Буддагийн аяганаас юм идэхийг хүсээгүй, гэх мэт - үүний учир нь гэвэл Тэрээр Буддагийн туслахын байр сууринаас огтхон ч ашиг тус хүртэхийг хүсэхгүй байгаа нөхцөлийг нь хуврагийн чуулган мэдэж, хүлээн зөвшөөрөхийг Тэр хүссэн, учир нь энэ нь маш чухал. Энэ бол цорын ганц байр суурь. Гэтэл Буддад Ананд таалагдсан учраас тэр байр суурийг хүртсэн. Будда Түүнийг илүүд үзсэн юм биш. Харин урьдын олон төрөлдөө Тэр хоёр хоорондоо барилдлагатай байсан.

Буддын түүхүүдийг уншвал Будда Ананд хоёр төрлөөс төрөлд ихэвчлэн хамт байж, бусад төрөлтнүүдийн тусын тулд олон зүйлийг хамт хийж ирснийг мэдэж авна. Хэдийгээр тухайн үед Будда ил тодоор Буддагийн дүрээр ирээгүй байсан ч тийм. Гэвч Будда аль эртнээс Будда болсон байсан. Девадатта бас Бурхан Буддатай их урт хугацааны турш хамт байсаар ирсэн ч зөвхөн Буддаг гэмтээж, Түүнд саад болж, Буддаг Будда болоход нь асуудал тарих зорилгоор л оршиж байв. Эсвэл Буддаг Буддын хутагт хүрэх замаар замнаж байхад нь Девадатта яагаад ч юм үргэлж тэнд байж, Буддаг гэмтээх гээд хаа нэгтээ, ойрхон сүүдэрт нь байж байдаг. Мөн Тэрээр Буддаг доромжилж, Түүний эсрэг муу суртал ухуулга хийж, өөрийгөө сайнаар сурталчлах зүйл их хийдэг байсан.

Магадгүй энэ дэлхийн систем нь тийм байх, Их Багш болсон хэний ч бай дэргэд үргэлж маяагийн туслахыг ойрхон томилж, Түүнд саад болгож, амьдралыг нь там болгож, сүнслэг дэвшилд нь ч мөн саад болгодог байх. Энэ дэлхийд Будда байх маш хэцүү. Будда хэдийнээ Будда болоогүй байсан юм биш, харин Тэрээр буун ирээд бусад мэдрэхүйт төрөлтнүүдтэй барилдлага тогтоож байж эргэн Будда болж ирээд хангалттай Хүчтэй болсон үедээ тэднийг гэтэлгэх боломжтой. Тийм учиртай. Тийм учраас зарим Их Багш нар Нирваанаас Дэлхий рүү нааш цааш явж, тэгээд буцаад Нирваанд очдог. Тэд үнэхээрийн их, үгээр өгүүлшгүй их зовдог. Гэвч хэн ч хардаггүй... их хардаггүй.

Photo Caption: Баатарлаг эрдэнэ ба гоо сайхан. Зүрх сэтгэлийн түүх!

Зураг татаж авах