Жинхэнэ Их Багш, лам, номлогч нарыг танихуй, 10-ын 3-р хэсэг

Мөн та нарын зарим нь ямар ч ламд итгэдэггүй, өргөл барьц өгдөггүй гэдэг. Би та нарыг буруутгахгүй ээ. Ямар ламд өгвөл сайн бэ гэдгээ л мэдэх хэрэгтэй. Бас зарим лам нар мөнгөгүй болоод, багахан амьжиргаандаа, бас дагагчдадаа зориулан жаахан мөнгө гуйж байж болно. Зарим хүн лам, гэлэнмаа болох гэж тэднийг дагавал тэд халамжлах ёстой болно шүү дээ. Лам гэж ярихдаа би зөвхөн Буддын шашны ламыг хэлж байгаа юм биш шүү. Бусад шашныхыг ч хэлж байна. Очдог сүмийг тань сайн номлогч удирдаж байна уу, сайн лам мөн үү, үгүй юү гэдгийг өөрийнхөө төлөө дэнслээрэй. Тэд энэ мөнгийг муу зорилгоор ашиглаж байгаа эсэхийг харах хэрэгтэй. Хэрэв тэд энэ боломжийг, энэхүү санхүүгийн дэмжлэгийг номлолдоо, дагагч нараа сургахад зориуллаа ч зөв арга замаар номлохгүй, эсвэл ихэвчлэн ердөө ашгийн төлөө байж мэдэх юм. Тэд бясалгалыг үнэнхүү хүсэж, өөрийгөө болон бусдын сүнсийг дэвшүүлэхийг чин сэтгэлээсээ хүсэхийн оронд амар хялбар, ая тухтай амьдарч байна уу гэдгийг хар.

Муу лам нарын тухайд л болохоос бусад сайн лам нарт тусалж дэмжиж болохгүй гээгүй юм шүү. Учир нь сайн лам нарт, бусад шашны сайн номлогч нарт тусалбал... зөвхөн Буддын лам нарын тухайд биш шүү. Тэд хэрэв сайн бол Ариун Үндэслэгчийн сургаалыг айлдан, улмаар дэлхийг их, бага хэмжээгээр дээрдүүлж байдаг. Учир нь бидний хийсэн бүхэн зөвхөн бидэнд болон гэр бүлийн гишүүдэд маань төдийгүй дэлхийд бүхэлд нь нөлөөлж байдаг. Муу ламыг дэмжлээ гэхэд тэр үүнийг тань далд сэдлээр ашиглан, муу сургаал хэлж, буруу суртал, буруу үзэл ойлголтыг сургахад ашиглах болно.

“Бусдаас өргөл барьц авахын тулд ашигладаг зарим лам нарын урхийг илчлэхүй”-н хэсгээс Харилцаа холбооны сүлжээ ашиглан хөрөнгө босгон, мөнгө олохыг би санал болгож байна. Бид Зало, Вайбер гэсэн мессежний программуудыг ашиглаж болно. Энэ бол миний туршлага л даа. Би хаанаас мөнгө авдаг вэ гэхээр Зало, Вайбераас мөнгө авдаг. Жишээ нь: Буддын шашинтнууд, таньдаг хүмүүс маань уулзахаар ирэхэд бид тэдний утсыг өөрсдийн утсанд холбоно. Тэгээд л боллоо.

Тэдний төрсөн өдөр болоход энэ нь Зало дээр гарч ирдэг дээ. Би тэдэнд “Төрсөн өдрийн мэнд хүргэе” гэсэн мессеж илгээсэн юм. Гэнэт миний (утасны программын) банкны дансанд “дин дин дин” гэсэн дохио ирсэн. Миний (утасны программ) “дин дин дин” гэсэн дохио өгсөн. Бид тэдэнд “Би энд байна, би энд байна. Хатагтайд баяр хүргэе, эрхэм танд баяр хүргэе” гэж хэлж байгаа хэрэг л дээ. Хэрэв боломж бололцоотой бол найр, хурим, оршуулга, ер нь ямар ч зүйлээр өргөл өргөе гэхээр нь манайх руу шилжүүлдэг. “Дуслыг хураавал далай.” (Бага бага хандивууд хуримтлагдаад аажмаар асар их болдог.)

[Миний] хөл хэзээ ч мэдээ алдаж байгаагүй. [Тэд] 15 жил алхахдаа хэзээ ч мэдээ алдаж байгаагүй, харав уу? Энэ бол бодит нотолгоо, огтхон ч худал зүйл биш. Бусад хүмүүсийн хувьд тэд ердөө 1-2 сар, 1-2 жил алхсан. Тэгээд тэдний хөл мэдээ алдсан. Энэ нь тэдний биеийн байдалтай холбоотой, энэ бол эхний зүйл. Хоёр дахь зүйл бол тэдний оюун санааны дотоод хөгжил дутагдалтай. Би арга билгийн энергийг эргэлдүүлэх аргыг сурсан. Тиймээс би [хөлийнхөө] үхсэн эсүүдийг зайлуулж чадна.

Excerpt from “Dismantling poverty in a proper way, Connecting the wealth chain, advice from Luang Por Dhammajayo”: Өөрийгөө бэлд, бас мөнгөө сайн бэлд. Буян хураахын тулд мөнгөө бэлд. Яагаад ингэж байна вэ? Үүнийг хийснээр бид буян хурааж чадна. Буян бол ирээдүйн аз жаргал, амжилтын үндэс байх болно. Бүх амьдралынхаа туршид, хүний ертөнцөд ч, Тэнгэрийн оронд ч. Бид маш баяртай байх болно. Бид гурван эрдэнийг олж авна: Хүмүүн эрдэнэ, Тэнгэр эрдэнэ, Нирваан эрдэнэ. Үүнийг хийхгүй бол үүнийг авахгүй.

Бас (муу ламын) энерги нь муу байдаг. Үүгээрээ бусад хүмүүсийн зүрх сэтгэл, ухаан санаанд уршиг тарьж, бас дэлхийн маань энерги, уур амьсгалыг ямар нэг байдлаар сүйтгэж байдаг. Тэгээд мэдээж ингэснээрээ өөртөө муу үйлийн үр тарих болно. Мөн та ч бас, түүнийг дэмжсэн хэн бүхэн бас тэрхүү муу үр дагавар, муу үйлийн үрийг хүртэх ёстой болдог. Энэ нь таныг хаана хүргэхийг таашгүй. Бусдад ариун бус замаар, муу замаар хийсэн бүхэн эргээд өөрт тань ирнэ. Харин энэ нь маш хүнд үр дагавартай бол өргөл барьсан тэр ламтайгаа хамт тамд унана. Ийм л юм. Анхааруулах л гэсэн юм шүү.

Бас ийм лам нар... Та нарт гэж хэлэхэд ийм лам нар наманчлан, эрс өөрчлөгдөж, ариун үйлс хийдэг болж, чин сэтгэлээсээ наманчлан, үнэхээр сайныг үйлдэхийг хүсэмжилбэл гэтлэх боломжтой. Чөтгөр байлаа ч Оройн Дээд Бурханы Нигүүлслээр би тусалж чадна. Үнэхээр өөрчлөгдөөд, сайн үйл хийгээд, наманчлаад, Бурханд, бүх Их Багш нарт талархан, Тэдэнд наманчилбал гэтлэх боломжтой гэсэн үг. Цаг хугацаагаа зарцуулахдаа, чин сэтгэлийн хандиваа өргөхдөө хянуур болгоомжтой байгаарай. Учир нь хийсэн үйлдэлдээ та өөрөө л хариуцлага хүлээнэ. Хэн ч туслахгүй. Иймд яг одоо наманчлан, гэгээрлийг олж чадах газраасаа л эрж хай.

Бид энэ дэлхий дээр хамтдаа амьдарч байгаа учраас бие биедээ тусламж, дэмжлэг үзүүлэн, адислал, хайр, халамжаа зориулж, харин өөрийн ашгийг бодохгүй, бусдыг хохироохгүй, амин хувиа хичээхгүй байх учиртай. Яагаад гэвэл та нар Буддагийн сургаалд, Христийн заавар зөвлөгөөнд итгэдэггүй байлаа ч тэдгээр сургаалыг уншвал үр дагавар нь маш ноцтой, амьдрал маш богинохон юм байна гэдгийг олж мэднэ. Юу ч хожих байлаа гэсэн эцэст нь түүнийгээ алдах л болно. Тиймээс гуйя, яг одоо эрс өөрчлөгд. Сайн бай, ёс суртахуунтай, ариун журамтай бай. “Гэгээнтэн бүхэнд өнгөрсөн бий. Нүгэлтэн бүхэнд ирээдүй бий.” Эрс өөрчлөгд, гуйя. Ингэхэд та нар нэг хүн төөрөлдөж мунхран, 99 хүний амийг хөнөөснийг санаж байгаа биз дээ. Гэхдээ дараа нь Буддатай учирч, Будда түүнд нэгэн зүйлийг зааж сурган, тэр ч ойлгодог. Тэр хүн эрс өөрчлөгдөж, Будда ч түүнд тусалж чадсан. Иймд бид бүгдэд боломж бий. Боломжийг ашиглаж үз.

Би та нарт туслах л гэж энд байна. Би үнэндээ юуг ч номлох гэсэнгүй. Яагаад гэвэл би олны өмнө байх тийм ч дуртай биш. Тиймэрхүү зүйлд үнэхээр дургүй. Би эгэл жирийн хүн байж, амьдралыг таашаан, нам гүм бясалгалдаа баясан, дэлхийн ихэнх хүмүүс шиг л байхыг илүүд үздэг. Гэхдээ би та нарын хэн нь ч тамд унаж, ямар нэг байдлаар зовж байхад хэнэггүй байж чадахгүй.

Бид муу зүйл хийх тусам энэ ертөнцийн энергийг сэвтүүлэн, улмаар дэлхий сүйдэж, бүр сүйрч ч мэднэ. Ийм нөхцөлд гараг гэнэт үгүй болж, сүйрэхэд сүнстэй төрөлтөн бүгд гэнэт үхэх болно. Энэ тохиолдолд бүх сүнс төөрөн хөвж, амар заяагаа олохгүй эргэлдэн нисэлдэж, амсхийх газар ч байхгүй, газардах арга ч байхгүй хаа сайгүй тэнүүчлэн эргэлдэнэ.

Энэ бол аймшигтай нөхцөл байдал. Учир нь хөөрхий тэднийг бүхий л төрлийн чөтгөр, тэнүүл сүнснүүд элдэвлэн, тамлаж, тарчилган зовоож, тэдэнд элдэв янзын бүх аймшигтай зүйлийг хийнэ. Харин тэдэнд туслах хэн ч байхгүй. Яагаад гэвэл Эх Дэлхий шиг оршин байх газар үгүй болсон. Иймд бид бүгд энэ талаар бодож, наманчлах учиртай юм. Эртхэн эрс өөрчлөгдөөрэй. Эрс өөрчлөгдөн, наманчлах цаг хэзээд байдаг. Иймд яг одоо тэгээрэй. Бурхан, Будда нар, бүхий л Их Багш нар та нарт тусалж, сүнсийг тань дэвшүүлэн, Гэр рүү тань гэтэлгэж, энэ биет ертөнцөд оршдоггүй Жинхэнэ Гэрийг тань харуулах болтугай. Амен. Баярлалаа, Бурхан минь. Баярлалаа, Цаглашгүй Дээд Их Багш, Бурханы Хүү минь. Бүхий л зүгийн, бүх цаг үеийн бүх Их Багш нарт баярлалаа. Бид Та нарт талархаж байна.

Намайг хүүхэд байхаас минь эхлээд Бурханыг эрж хайн Энэтхэг явсан өдөр хүртлээ хамт байсан Аулакын (Вьетнамын) Буддын лам нар бүгд сайн лам нар байсныг би хэлэх ёстой. Бүгд сайн, цэвэр- үнэхээрийн цэвэр, амьдралдаа маш хичээл зүтгэлтэй байсан. Буддагийн сургаалд итгэдэг байсан болохоор тэр.

Бага байхдаа бас хэдэн номлогч нарыг мэддэг байв, тэд ч бас маш цэвэр, үнэхээрийн даруу байсан. Бага байхдаа нэгтэй нь таарч байлаа. Христийн номлогч байсан, аав маань намайг тийш нь сүмд аваачиж байв. Манайхаас жаахан хол байсан учраас ням гараг бүр очдоггүй ч, түүнтэй хэд хэдэн удаа уулзаж байсан. Тэр надад маш нимгэн сүмийн вафли өгч, аманд хийж байсан. Тэгээд дараа нь ахин уулзаж байв. Магадгүй 20, 30 жилийн дараа байх. Надад яг л хэвээрээ харагдсан. Огтхон ч хөгшрөөгүй байв. Би шууд л түүнийг таньсан. Намайг огт танихгүй байв. Үгүй байх.

Тэр баяртай гэж хэлэхдээ, “Thôi, mình về nhá.” гэсэн. Энэ нь “За, одоо баяртай гэж хэлье дээ. Би одоо харъя.” гэсэн утгатай. Үнэхээрийн найрсаг. Өөрийгөө Эцэг гэж ч хэлээгүй. Зарим хүн, “За, лам багш нь би одоо явлаа.” гэдэг. Эсвэл номлогч нар, “Thôi, Cha về nhá,” гэдэг ба энэ нь “Би, Эцэг нь, одоо та нарыг орхин одъё” гэсэн үг. Тэр бол тэгээгүй, яг л найздаа хэлж буй мэт, “Thôi, mình về nhá” гэсэн.

Маш найрсгаар, үнэхээр эгэл даруухнаар, энгийнээр хэлсэн. Надад үнэхээр таалагдаж байсан ч, түүнтэй дараа нь ахин учрах боломж гараагүй. Үүний дараа, хэсэг хугацааны дараа би хүнтэй гэрлэж, гэрээсээ явж, гэлэнмаа болж, дараа нь дэлхийд ажиллаж, хүмүүстэй илүү ойрхон байж, мөн шавь нараасаа хараат бус байж, ажлаа тэтгэхийн тулд бизнес эрхлэхийн төлөө би гэлэнмаагийн хувцсаа огоорсон.

Photo Caption: Жинхэнэ Гэрт Хүргэх Зам Сэтгэл Татам бөгөөд Хялбархан.

Зураг татаж авах