Дэлгэрэнгүй
Татаж авах Docx
Дэлгэрэнгүй уншаарай
Иймд үнэхээр зовлонгоос үүрд ангижран, илүү өндөр хэмжээст хүрч, баяр хөөр, аз жаргалыг мэдэрч, жинхэнээсээ Гэтлэгдье гэвэл Астралаас Брахмагийн Ертөнц хүртэлх үл үзэгдэгч Гурван Ертөнцийг давах ёстой болно. […] Их Багшийг оллоо гэхэд түвшин нь хэтэрхий доогуур, Гурван Ертөнцөд л хүргэх хэмжээнд, түүнээс чинагш хүргэхгүй бол нэмэргүй. Их Багш тань үнэхээр гэгээрсэн, үнэнхүү хүчирхэг Их Багш мөн бол сүйтгэгдэх Гурван Ертөнцөөс чанадад хүрэх хүртэл тань адисалсаар, үргэлжлүүлэн зааж сургасаар байж чадна. […]
Бусдад хөнөөл учруулах бүх зүйлээс татгалзах нь өөрт тань тун тустай. Ингэвэл буян тань арвижин, үйлийн үр ариусна. Гэхдээ энэ бол төгс туулан гэтлэх, Бурханы хутгийг олох, эсвэл Гэртээ, Бурхан руу одож, Бурхантай нэгдэх арга биш юм. Олон төрөлдөө бид өөр өөр төрөлтөнтэй өгөө аваатай байж ирсэн бөгөөд энэ төрөлдөө ч энэ өгөө аваагаа үргэлжлүүлсээр байх ёстой. Иймд хүнс, хувцас гээд юуг ч авч чадахаар байсан тааруулж л хэрэглээрэй. Харин өөрийгөө бүү хүчил. Туйлшрах хэрэггүй. Зарим шалтгаанаар шаардлагатай бол би үйлийн үрээс хамаарч, өдөрт нэгээс илүү удаа идэх ёстой болдог. Заримдаа нэг дор үйлийн үр хэт их байж, бүрхдэг. Би хийх ёстойгоо л хийдэг.Нэг л удаа хооллохыг яагаад илүүд үздэг вэ? Жишээлбэл: Гурван сар дияан хийхдээ би зөвхөн гүнждийн үр, бор будаа, давс, ус л хэрэглэж, өөр юу ч идээгүй. Жимс гэх мэт өөр зүйл огт идээгүй. Тэгж хооллон амьдрах нь амар хялбар, амь зогоож болж байсан учраас тэр юм. Дияаны үед хүмүүс хоол зөөж авчрах нь илүү төвөгтэй байдаг. Учир нь амар амгалан, анир чимээгүйд ганцаараа байж, дотоодын сүнслэг баялагтаа төвлөрөн, Бурханд ойртон, Бурхантай нэг байхыг хүснэ. Иймээс хоол хүнс, хувцас хунар зэргээс үүдэх яршгаас зайлсхийсэн нь дээр. Гэхдээ үүнийг хоригло гэсэн үг биш.Хэрэв Бурхан тийн Таалбал, Диваажин тушаавал, эсвэл хорвоогийн үйлийн үрээс болж өдөрт нэгээс илүү удаа хооллох ёстой болбол би тэгэх л болно. Өдөрт нэг хооллоход ч, олон хооллоход ч би хүлэгдээгүй. Бурхан хэрхэхийг Таална, би тийн үйлдэх болно. Тиймээс хэрэв та нар Бурхан өдөрт нэг удаа идэг хэмээн хүслээ гэж бодвол, мэдээж Бурхан өөрт тань тэгж айлдсан бол, эсвэл зөн совингоороо амьдралдаа ингэж явах ёстой гэж бодвол тэг. Харин болгоомжтой байж, байнга бие, сэтгэлээ ажаарай. Өөрийн тань бие махбод, мэдрэл, сэтгэл хөдлөлийн, сэтгэлзүйн, оюун ухааны биес юу хийж буйг тань зөвшөөрч байгаа эсэхийг анзаар. Эс бөгөөс өөртөө хор хүргэж мэднэ.Зарим хүн тухайлбал багштай багшгүй агааран хоолтон болох гэж туйлширдаг. Тэгээд зарим нь харамсалтайгаар амь насаа алддаг. Их Багшийнхаа зааснаар үргэлжлүүлэн бясалгаж, энэ дэлхийд үргэлжлүүлэн амьдарч, өөрийгөө, өөрийнхөө олон олон үеийг гэтэлгэн, эргэн тойрноо, мөн дэлхийг адислахад, Диваажингийн илүү өндөр хэмжээснүүдэд хүрэхэд танд бие махбод тань хэрэгтэй. Тэгэхээр бясалгах хугацаа маш чухал. Биеэ хатамжлах нь таныг гэтлэлд хүргэнэ гэх зэрэг аливаа хүсэл, зохиомол санаа, эсвэл ямар нэг төөрөгдлөөр амьдралаа богиносгох зүйлээр бүү оролд. Болохгүй шүү. Хийхээр заяагдсан юу л байна түүнийгээ зөв аргаар хийх хэрэгтэй.Бясалгал хүртэл. Дурын нэг бясалгал таныг гэтлэлд хүргэхгүй. Дэлхий дахиныг ажиглаж байхад хүмүүс бүх төрлийн аргаар бүх зүйл дээр бясалгаж байна. Тэдний ихэнх нь доод түвшний багшийн буруу аргаар бясалгал хийж, Гурван Ертөнцөөс алсарч чаддаггүй. Буруу, доод түвшний Их Багш та нарыг оюун санааны хувьд төдийгүй олон талаар хохирооно шүү!!! Гурван Ертөнцөөс алсарч чадахгүй байна гэдэг нь бие махбодод, биет амьдралд, энэ гарагт байна уу, Ертөнцийн өөр нэг гарагт байна уу дахин төрөх ёстой болно гэсэн үг. Харамсалтай нь маш олон сувдаг чөтгөр хүртэл, мөн астрал чөтгөрүүд өөрсдийгөө мөргөлч, лам, гэлэнмаа, оюун санааны багш мэт дүр эсгэж, олон хүнийг оюун санааны доод замаар оруулан, төөрөгдүүлдэг. Үүнийг хараад би их шаналдаг. Харин та ямар ч үйлийн үртэй байсан хамаагүй, хэрэв ямар нэг гайхамшиг тохиолдон, гэгээрсэн Их Багштай учирч, Гурван Ертөнцөөс чанадад жинхэнэ Гэтлэлд хүргэх жинхэнэ, найдвартай, баталгаатай сүнслэг бясалгалын аргыг олж авахгүй л бол амьдрал ийм маягаар үргэлжилнэ.Бид хүний хорвоог оруулаад Дөрвөн Ертөнц гэж хэлж болох юм. Хүний хорвоо, Астрал Ертөнц, Шалтгаан Үр дагаврын Ертөнц болон Брахманы Ертөнц – эдгээр Ертөнц одоо биш ч хэзээ нэг цагт устана. Буддын шашны нэр томьёонд үүнийг Будда “Гурван Ертөнц” гэсэн бөгөөд бидний харж, хүрэлцэж, сонсож болдог биет ертөнц үүнд ороогүй. Энэ бол өөр. Астрал, Шалтгаан Үр дагаврын, Брахмагийн Ертөнц гэсэн өөр Гурван Ертөнц хүний нүдэнд үзэгдэхгүй. Урьд насны үйлийн үр, сүнслэг холбоо зэргээс хамаарч заримдаа эдгээр Ертөнцийг харж болно. Гэхдээ ихэнх хүн Гурван Ертөнцийг хардаггүй. Эдгээр Гурван Ертөнцийг даван байж, гэтлэгдэх учиртай. Тэгснээр энэ биет ертөнцөд юм уу өөр хаа нэгтээ байдаг биет ертөнцөд хүн, амьтан(-хүн), мод, ургамал гэх зэрэг болохгүй, чөтгөр, тэнүүл сүнс, тамын төрөлтөн ч хэзээ ч болохгүй гэсэн үг. Иймд үнэхээр зовлонгоос үүрд ангижран, илүү өндөр хэмжээст хүрч, баяр хөөр, аз жаргалыг мэдэрч, жинхэнээсээ Гэтлэгдье гэвэл Астралаас Брахмагийн Ертөнц хүртэлх үл үзэгдэгч Гурван Ертөнцийг давах ёстой болно.Гурван Ертөнцөөс чинагш хүргэх Их Багшийг олно гэдэг маш хэцүү. Их Багшийг оллоо гэхэд түвшин нь хэтэрхий доогуур, Гурван Ертөнцөд л хүргэх хэмжээнд, түүнээс чинагш хүргэхгүй бол нэмэргүй. Их Багш тань үнэхээр гэгээрсэн, үнэнхүү хүчирхэг Их Багш мөн бол сүйтгэгдэх Гурван Ертөнцөөс чанадад хүрэх хүртэл тань адисалсаар, үргэлжлүүлэн зааж сургасаар байж чадна. Харин хатамжлалаар үүнд хүрч бараг чадахгүй дээ, нээрэн шүү. Зүрх сэтгэл тань ариун, шийдсэн байх учиртай. Чадлаа гэхэд үнэхээр хүнд хэцүү байх болно. Учир нь тийн дадуулж байхад эргэн тойрны тань бусад хүмүүс таныг бас бохирдуулсаар байх болно. Тэдний энерги, тэдний үйлийн үр, тантай холбогдохдоо төвөг учруулж, миний та нарт уламжилсан Арьяабалын Аргын нэгэн адил илүү өндөр хэмжээст холбогдоогүй л бол өөрт тань илүү дээд хэмжээст хүрэх боломж олгохгүй. Энэ бол дээд хэмжээснүүдэд хүрэх зөв, шулуун Ном юм. Удаан эсвэл хурдан явахаа та шийднэ. Харин энэ бол илүү өндөр ертөнцийн шууд холбоос юм. Хэрэв та үнэхээр өндөр түвшнийх, цэвэр ариун бөгөөд өмнө нь хэдэн мянган эринд бясалгал хийж үр дүнд хүрээгүй бол энэ насандаа гэтлэгдэх юм уу бүр Будда болох нь баталгаатай байх болно.Амьтан(-хүмүүс) хүртэл сүнслэг бясалгал хийдэг. Зарим могой-хүн бясалгасан нь бий. Тэд маш сайн, чин сэтгэлээсээ бясалган, хүн болж чадахаар болж, эсвэл урт хугацаанд, үүрд хүн шиг харагддаг болж чаддаг. Гэхдээ энэ бол өөр хэрэг. Зөвхөн нэг зүйлээс өөр нэг түвшний зүйл болох гэсэн бясалгал. Харин дээд Диваажинд хүрэх, гэтлэх, Будда болох, Бурхантай нэгдэх зэрэг өндөр түвшинд хүрэх нь биш. Үүнд хүрэх нь л хүсэж болох хамгийн дээд зам мөр юм. Арьяабалынх шиг Аргаар л байж болох хамгийн өндөр хэмжээстэй шууд холбогдоно. Мөн тэр Замын аль ч түвшинд хүрэх боломжтой. Энэ нь таны урьд насны үйлийн үр, бясалгал, чин сэтгэл, цэвэр ариун байдал, таныг халамжлах гэж үргэлж хичээж байдаг бүхий л Диваажингуудын адислал зэргээс хамаарна.Хэрэв өөрөө Их Багш биш, мөн ганцаараа бясалгадаг бол амар хялбар байна. Хийх ёстой зүйл тань ердөө Гэртээ харихыг, Бурханыг танин мэдэхийг чин сэтгэлээсээ хүсэн, Их Багшаас авшиг хүртэх явдал. Тэгээд эцэст нь та гарцаагүй, 100% баталгаатай үнэхээр үүнийгээ хүртэнэ. Бусад аргын тухайд Их Багшийнх нь түвшин хэр өндөр байгаагаас хамаарна. Арьяабалын аргын тухайд ч гэсэн хэрэв хэн нэг хүн хагас дутуу, эсвэл бага зэрэг суралцаад Их Багшийн дотоодын ажлыг өмнө нь ч, дараа нь ч хараагүй, тэгээд авшгийн үед зөвхөн аниргүй дамжуулалтаас илүү юм хараагүй болохоороо ийм л юм байдаг юм байна гэж бодсон шавь гэгдэгч хүн хүртэл бас дотоод Диваажингийн Гэрэл болон дотоод Диваажингийн Үг, Аялгуу, Хэлбэлзлийг хүлээн авдаг.Өөрөөр хэлбэл бие махбодоороо ч Диваажинг харж, Бурханы Үгийг сонсож, Ертөнцүүдийн Хэлбэлзлийг мэдэрч, өдөр бүр илүү гэгээрч, материаллаг ертөнцдөө ч улам бүр ая тухтай болох болно. Яагаад гэвэл Их Багш та нарыг өсөж торнин, Диваажингийн аюулгүй Ертөнцүүдэд хүртэл тань сүнслэг хүчээр тэтгэдэг. Иймд зорилгодоо хүрэх гэж зөвхөн хатамжлалд найдах хэрэггүй. Болохгүй. Арьяабалын Аргаар бясалгаж байгаа бол тэгэх шаардлагагүй.Эрт дээр цагт Хятадын нэгэн Зэн Их Багш (Наньюэ Хуаиран) шавь (Мазу Даои) нь хийдийн шалан дээр суугаад өөрийн аргаар бясалгах гэж хичээж байгааг харж гэнэ. Тэрээр шавийнхаа өмнө тоосго өнгөлөхийг хичээж суутал “Та юу хийгээд байгаа юм бэ?” гэж асуужээ. Тэр “Би толь хийх гэж хичээж байна.” гэхэд тэрээр “Та хэчнээн их зүлгээд ч ийм тоосгоор толь хийж чадахгүй шүү дээ.” гэж хэлж гэнэ. Тэгэхэд нь Наньюэ Хуаиран) түүнд “Тэнд суулаа гээд гэгээрэхгүйтэй чинь яг адилхан.” гэж хэлсэн гэдэг. Зүгээр суугаад байвал үгүй. Яагаад гэвэл Тэр гэгээрэлд хүрэх, гэгээрлийн зам мөрийг мэддэг байж. Зөв зам мөрөөр явахгүй бол хүсэж буй газраа хүрч чадахгүй. Эсвэл үүний төлөө асар олон мянган жил, эсвэл олон эрин үеийг зөв зам мөрөө олох гэж туулах болно. Төөрдөг байшинд тойрон эргэлдсээр л байх болно. Та нарынх шиг дотоодын ахуй ойлголтгүй гаднах хүмүүст энэ талаар хэлэх хэцүү. Иймд үнэндээ та нарт л сануулах үүднээс энэ бүхнийг ярьж байгаа юм.Photo Caption: Таамаглаагүй Байрлалд Угтана!
