Эрхэм Дээд Бурхан минь, гуйя, тэд бүгд Таны үр сад. Хэрэв би тэр бүгдийг нь төлж, тэд бүгдийн төлөө зовж болох аваас зовоож хайрла. Тэд бүгд харанхуй мунхаг байна. Тэд буруугүй. Таны Хуулийг тэд сайн мэдэхгүй, Таны Хайрыг ч сайн мэдэрдэггүй. Тэдэнд Хайраа мэдрүүлж хайрла. Тэднийг шийтгэхийн оронд сэрээж хайрла. Шийтгэл бол аймшигтай. Гэтэл тэд энэ насандаа сэрж сэхээрэхгүй бол амьд төрөлтөн болох хүртлээ хэдэн их наяд жил, тоолшгүй олон жилийг өнгөрүүлэх болно гэдгийг Та мэдэж байгаа. Хүн болох талаар бүр ярих ч юм биш. […]
Бурхан минь. Яах гэж та нар сүмд очдог юм бэ? Учир нь та нар Бурханы сургаалаас юу ч ойлгодоггүй. Сүмийн тэр санваартан ч бас ямар нэг зүйл ойлгодог гэдэгт би эргэлзэж байна. Та нарыг ямар гээч тамаас ирснийг би мэдэхгүй ч удахгүй та нар тийшээ эргээд явах болно. Бид энэ гараг дээр үүрд амьдардаггүй. Гэхдээ тэр тамд бид үүрд байх болж мэднэ. Харин энэ удаад жинхэнээсээ шүү. Ээ, Бурхан минь, энэ бүх муу ёрын удирдагчдаас гэм зэмгүй хохирогчдыг хамгаалаач. Тэд өөрсдийн чөтгөр[ийн] санаа зорилгоос өөр хэнийг ч бодно гэж байхгүй. Бурхан минь ээ, тэднийг би Таны мэдэлд үлдээе. Одоо надад Танд тэдний төлөө, тиймэрхүү хүмүүсийн төлөө өршөөл эрэх, залбирах, шалтгаан тоочих үг ч үлдсэнгүй.Одоо би зөвхөн дайнд хамаг бүхнээ алдсан гэм зэмгүй үрс, ядарсан эмэгтэйчүүд, өндөр настнуудыг л өрөвдөж энэрээч гэж Танд залбирч байна. Тэд хөөрхийлөлтэй. Тэднийг Ивээлдээ авч, харж хандаач гэж гуйя. Тэднийг тайван амьдруулж хайрла. Хэрэв тэд явах ёстой аваас амар амгалан Диваажинд хүргэнэ үү. Танд олон Диваажин бий шүү дээ. Тэдэнд заримыг нь зориулж хайрла. Амен. Бурхан Танд би хайртай. Би болон манай хүмүүс, бас дэлхийн олон сайн хүмүүс Танд хайртай. Бидний эгэл даруу хайрыг хүлээн авна уу. Учир нь бидэнд Танд өргөх өөр юм юу ч алга даа. Угаасаа бүх зүйл Таных шүү дээ. Бидний амь нас ч хүртэл. Хэрэв бид энэ дэлхийд, Таны хүүхдүүдэд илүү их тус болж чадах аваас биднийг амар тайван амьдруулж хайрла. Эс бөгөөс Та бидний амь насыг хэрхэхээ шийдэж, юу хүссэнээ хий дээ. Бид Танд хайртай, Эзэн минь. Баярлалаа. Та тааллаараа оршиг. Амен.Ээ, Бурхан минь. Заримдаа надад энэ дэлхий цаашид оршиход дэндүү хүнд санагдах юм. Гэхдээ л энэ гарагт туслах, хүмүүсийн сүнсийг аврах найдвар тээсээр л байна. Та нар бүгд эрс өөрчлөгдөн, Бурханд гэмээ наманчилна гэж би үнэхээр найддаг. Бурханаас өршөөл гуй. Дэлхий нийтээрээ ӨРШӨӨЛ ГУЙЖ, улс орныг нь, ард түмнийг нь сүйтгэснээ эргүүлэн залруул. Бурханы Ивээлээр тамаас чөлөөлөгдөж мэдэх юм. Гэхдээ өөрийн чинь үйлдсэн шиг дайн өдөөж, хүмүүсийг зовоосны улмаас бий болсон бусад төрлийн аймшигт ертөнцөөс ангид байх боломжгүй.Хүмүүсийг орон гэрээс нь, улс орноос нь зугтаалгаж, өлсгөж, шархтуулж, зэрэмдэглэн тахир дутуу болгож, гэр бүл, найз нөхдийг нь үгүй хийж буй энэ бүх үйлдлийнхээ хариуг та өөрөө энэ дэлхийд биш юм гэхэд өөр ертөнцөд мэдрэх болно. Үүрд айж мэгдэн, зугтах боловч очих газаргүй байх болно. Бусад төрөлтөнд, бусад хүмүүст дайнаар учруулсан бүх зүйлээ та өөрөө туулах болно. Бүхнийг ганцаараа туулах бөгөөд танд туслах, таныг тайтгаруулах хүн байхгүй байна. Гагцхүү таныг мөшгөх, айлгах, өвтгөх, хөнөөх, аймшигтай ихээр айлган дагжуулж, мэгдүүлэх төрөлтнүүд л хамт байх болно. Харин та үхэхгүй, нуугдаж ч чадахгүйгээр энэ бүхэн зогсолтгүй үргэлжилнэ.Үүнийг бодоод л үз... Ээ Бурхан минь, жаахан ч гэсэн ойлгоосой билээ. Унтаж байхад чинь Бурхан ямар нэг ахуй ойлголт өгч, ямар нэг зүүд зүүдлүүлэн сэхээрүүлж, хүмүүст, тэдний орон гэрт, амьтан-хүмүүс, модод, Эх Дэлхийд юу хийчхээд байгааг чинь ухамсарлуулаасай билээ. Аймшигт “хураасан үр” чинь дэндүү, дэндүү их.Амьтан-хүний махны худалдаачид, амьтан-хүмүүсийн үйлдвэржсэн аж ахуй эрхэлдэг эзэд болон ажилчид ч мөн адил. Та нар үйлдвэрийнхээ нядалгааны газар амьтан-хүмүүст яаж хандсан шигээ яг адил зүйлийг эргүүлэн хүртэх болно. Гэхдээ энэ нь үүрд үргэлжилнэ. Тийм л ялгаатай. Амьтан-хүмүүсийг хүчирхийлэгчид, тухайлбал лабораторид тэдэн дээр туршилт хийдэг, амьтан-хүний гаралтай бүтээгдэхүүн иддэг зэрэг хүмүүсийг адилхан хувь тавилан хүлээж байгаа... Тамд бол энэ бүхэн зогсолтгүй, өдөр шөнөгүй үргэлжилнэ. Амьтан-хүмүүст яаж хандсан, тэр бүхнээ та нар эргүүлээд яг адилхан хүртэнэ. Харин тамд бол үүрдийн үүрд. Тэгээд намайг та нарт анхааруулаагүй гэж бүү хэлээрэй.Анхааруулж байгаа юм биш. Сонсох чих байж юуны магад л гэж үнэнийг хэлж байгаа төдий. Одоохон өвдөг сөгдөн, бүхий л буруу үйлдээ наманчил, эргээд энэ бүхнээ залруул. Амьжиргаа залгуулах өөр зүйл хий. Хийх маш олон ажил бий. Амь хороох хэрэг байхгүй. Юу тарина, түүнийгээ хураана. Биет ертөнцийн хууль маш чанд хатуу. Даруй эрс өөрчлөгдөн, үүнээс холд. Тэгвэл аврагдаж чадна. Хэрэв өмнө зүгт явах ёстой байж хойд зүг рүү буруу явж байгаагаа мэдэх л юм бол даруй эргэ. Тэгвэл хойд зүгт болж буй бүхэн та нарт нөлөөлөхгүй. Буцаж эргээд нүгэл хилэнцээс зугтан холд. Наманчил, сайн үйл хий, Бурхнаас өршөөл эрэн залбир. Тэгээд дахин муу зүйл бүү хий. Хийх зүйл чинь ингээд боллоо. Бүгдээрээ веган бол, энх тайвныг цогцлоо. Гуйж байна. Мөн Бурханаас өршөөл гуй.Хойд насандаа үүнээс хэзээ ч зугтаж чадахгүй. Энэ насанд чинь таныг барьж авч чадаагүй байлаа ч, шүүхээр яллан шоронд түгжсэн байлаа ч хойд насандаа үзэх бүхэн чинь үүнээс хамаагүй аймшигтай байх болно. Надад та нарт худал хэлэх шалтгаан байхгүй. Та нарын тагнуул туршуул хаа сайгүй байлаа ч би аюулгүй газар байгаа. Бурхан намайг хамгаалдаг. Харгислалд чинь, дайнд чинь, хүмүүстэй болон хөөрхийлөлтэй амьтан-хүмүүстэй хийж байгаа дайнд чинь зовж шаналж байгаа хохирогчдын төлөө л би үүнийг хэлж байгаа юм.Ээ Бурхан минь, энэ гаргийг сөнөөхийг хүсдэгийг Тань би мэднэ. Гэхдээ гуйя, олон сайн хүн бий. Бүгд дайны хэнээтэн, эсвэл муу хүмүүс биш. Тэр бүү хэл дайнд оролцож байгаа байлдагчид, цэргүүдийн хэн нь ч үүнийг хүсээгүй. Тэднийг үүнд албадсан юм. Тэд явах ёстой болсон. Тэд энхийн цагт армид элссэн болохоос биш дайнд явах хэрэгтэй болно гэж төсөөлөө ч үгүй. Тэд магадгүй гэж бодож байсан байлаа ч зурвасхан бодсон уу гэхээс бус ийм цуст, аллагын аймшигт дайнд өөрсдөө орчихно чинээ санаагүй.Media Report from CBC News - Sept. 12, 2022, Correspondent: Энэ бол Павел Филатьевын Орос улстай харилцаагаа тасалсан мөч. Цэргийн үнэмлэх, орос паспортоо урж, Парисын нисэх онгоцны буудлын угаалгын өрөөний жорлонд урсгалаа. Хэдэн долоо хоногийн дараа энэ шүхэрчин агсан бидэнтэй уулзан, өөрт тохиолдсон явдлыг ярьж, жигшил зэвүүцлээ цэргийнхэнд ярьж, бүх зүйлээ эрсдэлд оруулсан юм.Pavel Filatyev: Хэрэв би амьд үлдэх аваас дайныг зогсоохын тулд, ямар нэг өөрчлөлт гаргахын тулд бүхнийг хийх болно гэж байнга бодож байсан.Correspondent: Филатьев 2-р сарын 24-ний үүрээр Украин улсын Херсон хот руу довтолсон цэргийн хорооныхны нэг байв. Гэхдээ техник хэрэгсэл орж ирэхээс нэг өдрийн өмнө цэргүүд яагаад тэнд байгаа талаар тэднийг төөрөгдүүлж байсан гэж тэр хэлсэн юм.Pavel Filatyev: Манай батальоны дарга биднийг жагсаагаад “Цуу яриа тараахаа больцгоо. Гэр рүүгээ залгаж, дэмий юм ярих хэрэггүй. Дээр хэлсэнчлэн дахиад гурван өдөр бэлтгэлээ үргэлжлүүлж, дараа нь бид бүгд гэртээ харих болно.” гэж хэлсэн.Correspondent: Гүүрийг устгах тушаал ирсний дараа л Орос Украин руу довтолж байгааг мэдсэн гэж тэр хэлсэн юм. Тэрээр дараа нь олон нийтийн сүлжээнд нийтэлсэн бичвэртээ тулалдааны талбар дахь эмх замбараагүй байдлыг дүрсэлсэн юм. Оросын арми “сайн бэлтгэл сургуулилт, дэмжлэг, орчин үеийн технологийн оронд эх оронч үзэл”-ээр тоноглогджээ. Тэрээр “Зарим цэргүүд [засгийн газрын мөнгийг] авч, энэ тамаас гарахын тулд өөрсдийгөө буудаж эхлэв.” гэж бичсэн байна.Pavel Filatyev: Оросыг одоо ямар нэг мафийн бүлэглэл эзэлчихжээ гэдгийг би хэлье.Media Report from UATV English – Mar. 2, 2022, Captive Russian Soldiers: Бидэнд “Урагш марш” гэхээс өөр зүйл хэлээгүй. Захирагч бидэнд “Та нар тийшээ явж байна.” гэж хэлсэн. Бид нэг цуваанд явж байсан. Хилээр гарч эхлэхэд би командлагчаас “Бид яагаад ингэж байгаа юм бэ?” гэж асуусан. Тэр надад дуугаа тат гэж хариулсан. Би Украин руу явах гэж байгаагаа мэдээгүй. Тэд намайг хуурсан. Тийшээ очоод буцаж ирнэ гэж бидэнд хэлсэн. Тэд биднийг хээр очиж, майхан бариад, тэндээ амьдарна гэж хэлсэн. Бид цохиулж байхдаа Украины гүн рүү яваагүй. Миний машин дэлбэрч, дэлбэрэлтийн долгион намайг тэндээс гаргаж шидсэн. Бид тэр хотод олзлогдсон. Бид буцааж буудаагүй. Бид тэр хотод олзлогдсон. Бид буцааж буудаагүй. Бид зэвсгээ нэг дор тавьсан.Биднийг хуурч, яг л амины гарзгүй сум шиг дайнд явуулсан. Би хэн нэгнийг алъя гэж бодоогүй. Би юу ч мэдээгүй. Айж байсан. Биднийг яг л амины гарзгүй сум шиг дайнд илгээж байна. Бүгд нэг зэрэг галд өртдөг. Бид нэг цуваагаар явж байсан. Тэнд байсан бараг бүх хүн үхдэг. Би тулалдахыг хүсээгүй. Би амьдармаар байна. Украины армийнхан сайн залуус гэж би хэлнэ. Тэд намайг цохиогүй, харин надад хоол өгсөн. Юуны төлөө? Энд хаа сайгүй амар тайван хүмүүс амьдарч байна. Хэн нь ч дайныг хүсээгүй. Орос руу хэн ч дайраагүй. Тэд энэ дайнаас юу хүсэж байгааг би ойлгохгүй байна.
Эрхэм Дээд Бурхан минь, гуйя, тэд бүгд Таны үр сад. Хэрэв би тэр бүгдийг нь төлж, тэд бүгдийн төлөө зовж болох аваас зовоож хайрла. Тэд бүгд харанхуй мунхаг байна. Тэд буруугүй. Таны Хуулийг тэд сайн мэдэхгүй, Таны Хайрыг ч сайн мэдэрдэггүй. Тэдэнд Хайраа мэдрүүлж хайрла. Тэднийг шийтгэхийн оронд сэрээж хайрла. Шийтгэл бол аймшигтай. Гэтэл тэд энэ насандаа сэрж сэхээрэхгүй бол амьд төрөлтөн болох хүртлээ хэдэн их наяд жил, тоолшгүй олон жилийг өнгөрүүлэх болно гэдгийг Та мэдэж байгаа. Хүн болох талаар бүр ярих ч юм биш. Ингэхийн тулд бүр ч их удна. Хүмүүний амьдрал ямар нандин гэдгийг тэд мэддэггүй. Там хэчнээн аймшигтайг тэд үнэхээр мэддэггүй. Тэдэнд бодож тунгаах, Таны Хайрыг мэдрэх цаг байдаггүй. Өршөөж хайрла. Тэд маш их төөрөлдөж, энэ хуурмаг хорвоогийн үхэл амьдралын тоглоомд дэндүү завгүй байдаг.Тэд Таныг албаар мартаагүй юм шүү, Эзэн Бурхан минь. Надад итгэж хайрла. Амьд үлдэх гэж жижиг сажиг зүйлд дэндүү завгүй байлгаж, дэндүү харалган, дүлий, хэнэггүй болгочихсон юм. Заримдаа тэгээд ч амьд үлдэж чаддаггүй. Өршөөж үзээрэй, Бурхан минь. Энд Диваажин шиг биш. Энд бүхий л төрөлтнүүд амьд, аюулгүй, сайн сайхан байхад амархан зүйл огт байхгүй. Баян, эрүүл хүмүүс хүртэл амьдралаа хэрхэхийг мэдэхгүй. Тэд та нарын ТВ-ээр харсан шиг машины осолд орж, завьтай живж, онгоцтой дэлбэрч, гэнэт үхэж болно. Та ТВ үздэг үү, Бурхан минь? Бид хүмүүст ухамсарлуулах найдвар тээн, тэдэнд харуулахаар ийм зовлонт тохиолдлуудын ихэнхийг нь жишээ болгон үзүүлсэн. Уучлаарай, би мартаж. Танд ТВ хэрэггүй л дээ. Та бүхнийг мэддэг. Та бүхнийг мэддэг, хаа сайгүй оршдог.Хөөрхий хүмүүс болон амьтан-хүмүүст энэ бүхэн тохиолдож байхад би яаж сайн идэж, унтаж чадах билээ? Тэд сайн санаа өвөртөлж байв ч үйлдэл болгож чаддаггүй байх, Эзэн Бурхан минь. Учир нь амьдрал тэднийг эцэс төгсгөлгүй шоронд хорьж, зовлон, шаналал, шийтгэл, амьд үлдэх гэсэн төгсгөлгүй хүрдэнд байлгадаг. Амьд үлдэх гэж хэрэгцээг хэлсэн юм. Тэдэнд сэрж сэхээрэх, Таныг эргэн санах тун хүнд байдаг. Энэ хэдэн арван жилд би тэдэнд сануулах гэж аль чадахаараа хичээлээ. Даанч үнэхээр давчдаж байна. Би маш олон удаа арга мухардсан. Энэ дэлхий улам бүр там шиг болоод байх шиг санагдах юм. Зарим хэсэг нь там болчихсон. Та намайг хэчнээн их адисалж байдгийг би төсөөлөөд ч барахгүй. Тэр тулдаа л хүмүүс, амьтан-хүмүүс, модод зэргийн энэ бүх зовлонг яг өөрөө юм шиг мэдэрсээр, харсаар байгаа атлаа сөхрөөд уначхалгүй тэсэж байна даа!
