Дэлхийд бодитоор энхийг тогтоо. Бурханаас бидэнд заяасан бүх зол заяагаа өөр хоорондоо хуваалц. Хэрэгтэй үед нь бие биедээ тусал. Бие биеэ яг өөрийн гэр бүл шигээ хайрла. Тэгвэл Диваажин таалах болно. Тэр чинь Бурханы Таалал байх болно. Гуйж байна, бидэнд хэрэгтэй бүхэн маань бий. Энэ бол гайхалтай гараг. […] Гараг дэлхийдээ бас амьсгаа авах, эргэн сэргэх боломж олго. Гол мөрөнд дахин эрэг дүүрэн урсах боломж олго. Далай тэнгист бидэнд хүчилтөрөгч ялгаруулж өгөх боломж өг. Ой модонд мөн адил амьсгаа авах чөлөө олго. Бидэнд дахин хүчилтөрөгч гаргаж өгөхийн тулд тайван байх хэрэгтэй.
Иймд гуйя, гуйя, эхний шилдэг сонголтыг анхаарч үзээрэй. Нэгдүгээр сонголт бол: дайснаа уучлан, улс орноо эргүүлэн сэргээн босгох юм. Хэрэв хоёр тал, эсвэл бүх талууд эхний сонголтыг зөвшөөрвөл энэ нь энхийг цогцлоох шилдэг, хамгийн хурдан арга байх болно. Ердөө л уучлаад бүх улс оронтой урьд нь байсан шигээ бие биедээ тусалдаг харилцаагаа сэргээ. Энэ шийдвэрийг гаргахад тийм ч хүнд биш гэдгийг одоо та нар ойлгоо биз дээ. Сайн бодоод үзвэл нэгдүгээр сонголт нь хамгийн сайн шийдэл гэдгийг ойлгоно. Учир нь тулалдааны талбарт хүмүүс үхэж байгааг, Орос, Урейн (Украин) аль аль нь хэдийнээ асар ихийг алдаад байгааг ярих ч юм биш. Орос улс бүхий л холбоотныхоо дэмжлэгийг, дэлхий дахины ч итгэлийг бүхэлд нь алдсан. Украин (Урейн) ч гэсэн маш олон цэрэг, ард иргэд, үр тарианы зарим худалдаагаа алдсан бөгөөд сая сая иргэн нь Украин (Урейн)-аас хилийн чанад руу дүрвэлээ. Энэ бол сайхан нөхцөл биш.
Үүний дээр НАТО-гийн болон Европын Холбооны яах гээд байгаа нь мэдэгдэхгүй наана цаана болж байгааг ойлгох хэрэгтэй. Нэг өдөр нь тэд, “За тийм, та нар НАТО-д харьяалагдана” гэдэг хэр нь маргааш нь “Өө, үгүй, үгүй” гэдэг. Тэгээд бас нэг өдөр, “Украин (Урейн) бол ЕХ-нд харьяалагдана” гэчхээд маргааш нь тэд “Өө, үгүй үгүй. Та нар бэлдэх хэрэгтэй байгаа энэ тэр” гэж хэлдэг. Хоёр талд хоёуланд нь олон улсын давуу тал тийм ч их байхгүй. Өөрөөр хэлбэл адилхан-үзэлтэй, дэмжлэг үгүй. Хүмүүс бас бэлэн амлах юм. Даанч тэд дорвитойхон бодит дэмжлэг үзүүлэхийг төдийлөн хүсээгүй байх.
Тэгэхээр хоёр тал нөхцөл байдлыг дахин сайн бодож үзээд цаг алдахгүй байх хэрэгтэй. Оросуудыг хороохоо боль. Битгий гэж гуйя. Бас украин (урейн)-чуудыг хороохоо боль. Талуудын алиных нь ч зөв, буруу байлаа гэсэн аллага хэзээ ч зөв байдаггүй. Энхтайван бол цорын ганц шийдэл. Ард иргэдээ бодооч гэж гуйя. Энхийн хэлэлцээг даруй хий.
Украин (урейн)-чууд тусгаар тогтнолоо хадгалж үлдэх боломжтой. Оросууд байх ёстой газар руугаа эргэн явж, агуу улс гэсэн байр сууриа хадгалан дэлхий дахины хүндлэл итгэлийг эргүүлэн олж болно. Ингээд л хийчих. Энэ аль алинд чинь хамгийн сайн. Аль аль нь өөрсдийгөө бодох хэрэгтэй. Оросууд өөрсдийгөө бод. Украин (урейн)-чууд өөрсдийгөө бод. Хэрэв өөр улс та нартай нэгдэхийг хүсэх юм бол тэд нэгдэнэ. Мөн өөр ямар ч улс өөрийн хүрээлэлдээ, байгууллагадаа, холбоондоо дуртайяа багтаахыг хүсэх юм бол энэ талаар бодож үзэж болох юм. Яг одоо бол юуны өмнө энхтайвныг тогтоо, тэгээд өөрийгөө бод. Оросууд ч, украин (урейн)-чууд ч энэ талаар бодож үзээрэй гэж гуйж байна. Энэ талаар дахин бодож үзээрэй.
Үүнийг тодорхой болгож хайрла хэмээн Бурханд залбираарай. Би та нарын төлөө залбирч байна. Бурхан минь гуйя, Орост туслаач, Украин (Урейн)-д туслаач. Учир нь тэд одоо Танд л найдаж байна. Тэдэнд өөр найдаад байх зүйл байхгүй байх шиг. Эрхэм Бурхан минь, эрхэм Эзэн минь тэдэнд туслаач. Та өршөөнгүй билээ. Тэд ердөө л хүмүүс шүү дээ, эрхэм Эзэн минь. Тэд үйлийн үрээс болж, дэлхийн хүнд үйлийн үрээс болж тодорхойгүй зүйлд, үхэлд хүрч, тусгаарлагдаад байгаа. Тэдэнд туслаач, эрхэм Эзэн минь. Гуйя, гуйя, бид Танаас гуйж байна. Та үүрд хайрлагдах болтугай, эрхэм Эзэн Бурхан минь. Амен.
Дэлхийд энхийг бодитоор тогтоо. Бурханаас бидэнд заяасан бүх хувь ерөөлөө нэг нэгэнтэйгээ хуваалц. Хэрэгтэй үед нь бие биедээ тусал. Бие биеэ яг өөрийн гэр бүл шигээ хайрла. Тэгвэл Диваажинд таатай байх болно. Тэр чинь Бурханы Таалал байх болно. Гуйж байна, бидэнд хэрэгтэй бүхэн маань бий. Энэ бол гайхалтай гараг. Бидэнд маш олон үзэсгэлэнтэй, хэрэгтэй, гайхмаар нээлтүүд бий. Дундаж нэгний одоогийн ердийн амьдрал л гэхэд урьд цагийн хаадынхаас ч илүү дээр байгаа шүү дээ. Бидэнд машин бий. Онгоц бий. Амьдралыг маань маш гайхалтай, тун тухтай, эрт цагийн хаадынхаас ч хамаагүй илүү дээр болгодог бүх төрлийн хэрэгслүүд байдаг. Тэд хол замыг биед тийм ч таатай бус морин тэргээр, эсвэл морь-хүнийг унан туулах болдог байсан. Мөн нэг газраас нөгөөд очих гэж асар их хугацаа ордог байлаа. Өнөө цагт бид энэ бүхнийг тэвчих шаардлагагүй болсон. Бидэнд давуу тал олгох, тав тухыг хангах бүх зүйл бий.
Иймд энэ гаргаа амар амгалан байлгаач гэж гуйж байна. Гараг дэлхийдээ бас амьсгаа авах, эргэн сэргэх боломж олго. Гол мөрөнд дахин эрэг дүүрэн урсах боломж олго. Далай тэнгист хүчилтөрөгч ялгаруулж өгөх боломж өг. Ой модонд мөн адил амьсгаа авах чөлөө олго. Бидэнд дахин хүчилтөрөгч гаргаж өгөхийн тулд тайван байх хэрэгтэй. Бүхий л төрөлтөнд амар тайван амьдарч, зохистой чадамжаа хөгжүүлэх боломж өг. Бидэнд амар тайван амьдрах, бодох, зохион бүтээх, засаж залруулах, хөгжүүлэх, улам бүр өдөр өдрөөр сайжран амьдрах боломж олго.
Бидэнд дайнаас хожих зүйл огт байхгүй. Дайнд бид бүхнийг алдаж, энх цагт бүхнийг олдог. Үүнийг л бид хүсдэг. Сүйтгэл, хүчирхийлэлд улам бүр гүнзгий бүү живээрэй. Бидний зүрх сэтгэл үүнийг үнэндээ хүсээгүй. Дайн дэгдээсэн явдал бол хэзээ ч байгаагүй хамгийн том алдаа. Иймээс өөрсдийнхөө төлөө, үр хүүхдийнхээ төлөө, Бурханыг бодож зогсоож үз. Бурханы нэрийн өмнөөс энхтайвныг яг одоо тогтоо. Хичээж байгаад чинь маш их баярлалаа. Урьдчилаад талархъя. Бурхан бидэнд гэгээрч, энэ шилдэг шийдвэрийг гарган, энхийг тогтоож, дайныг зогсооход туслах боломжит бүх адислалыг хайрлах болтугай. Украин (Урейн)-д төдийгүй манай гараг даяар. Учир нь энхтайван бол цорын ганц шийдэл нь. Хайр бол цорын ганц шийдэл нь.
Гуйж байна. Би өдөр бүр Бурханд дахин дахин чадах чинээгээрээ залбирч байгаа. Би ч бас та бүхэн шиг маш завгүй. Гэхдээ та бүхэнд, энэ дэлхийд би анхаарал тавьдаг. Хүн ч бай, амьтан-хүн ч бай, модод ч бай хэн нэгэн зовбол би бас зовдог. Амьдралынхаа аль нэг үед та нар үнэхээр нам гүм болсон байхдаа мөн ийм мэдрэмж авч, энэ ертөнцийг бид бүгдэд хэрэгтэй бүх зүйл байдаг диваажин шиг байгаасай гэж хүснэ гэдэгт би итгэлтэй байна.
Бид өөр хоорондоо дайтахаа больж, амьдралыг сайхан болгох, хүн бүрийн амьдралыг элбэг хангалуун, ая тухтай байлгах тал дээр анхаарлаа төвлөрүүлбэл бүх зүйл элбэг дэлбэг болно. Гэхдээ бид энэ бүхнийг зөвхөн энхтайван байгаа үед л хийж чадна. Дандаа дайтаад завгүй байх юм бол чадахгүй. Тийм ч ихийг хийж чадахгүй. Бүх зүйл сүйтгэгдэнэ. Бидний чармайн хөдөлмөрлөж, бүтээж босгосон тааламжтай зүйлсээс юу ч үлдэхгүй. Мөн үйлийн үр улам бүр аймшигтай болно. Байдал улам бүр хүндэрсээр амьдрал үлдэхгүй.
Гуйж байна, та бүхэн оюун ухаанаараа маш их төлөвшсөн, оюун ухаантай, эрүүл ухаантай шүү дээ. Дахин бодоод үзээрэй. Энхтайвны талаар бодож үзээрэй. Дайн цаашид хэрэггүй, гуйя. Бидэнд дайн хэрэггүй. Энхтайван хэрэгтэй. Бидэнд амьдралаа аз жаргалтай, тухтай болгоход хайр хэрэгтэй. Тэгвэл бид хүсвэл Бурханыг олохын тулд илүүтэй гэгээрэлд хүрч чадна.
Гэгээрлээ, гэтэллээ гэхэд энэ гараг руу дахин хүн болж эргэн ирж болохгүй гэсэн үг биш. Чадна. Диваажинд хүрч чадахгүй байлаа ч гэсэн энэ гарагт эргэн ирж, дахин хүн болж, тэр тусам бүхий л хэрэгтэй зүйлс, аз жаргал, ухаалаг чанартайгаар одоогийнхоос ч илүү сайхан амьдарч чадна. Гэхдээ Диваажинд хүрэх замыг зааж өгөх гэгээрсэн Замчлагч, гэгээрсэн Найзтай учрах хангалттай золтой бол Диваажинд хүрч чадна. Цаг үлдсэн бол энэ насандаа амьдарч байхдаа ч тухлан суугаад Диваажинтай холбогдон, Бурханы Адислал болон Хайрыг илтэд тодорсон тэр л цагт нь таашаах боломжтой. Амьд байхдаа үхэж, илүү их билиг ухаантай, илүү ухаалаг, бүх төрлийн авьяас чадвартай болоод эргэн ирдэг.
Хэрэв Диваажинд хүрвэл энэ гараг руу эргэн ирж чадахгүй байх вий гэж айлтгүй. Эргээд ирэх боломжтой! Та ердөө л ирж очих илүү эрх чөлөөтэй болно гэсэн үг. Яагаад гэвэл та эрхэм ариун, ухаалаг, сайн хүн болж, хамгааллаар хүрээлүүлэн, бүхэл ертөнцийн Бурханы хүчтэй холбогдсон байх болно. Гэхдээ эгэл жирийн хүн бүрд хүссэнээрээ Диваажинд очиж, Дэлхий рүү эргэж ирэх тийм давуу тал байхгүй. Зөвхөн гэгээрсэн хүмүүст л илүү хүч байдаг бөгөөд тэд дотоодынхоо Бурханы-хүчийг хөгжүүлсэн байдаг тул хаа очихоо өөрсдөө сонгох боломжтой байдаг. Гэсэн хэдий ч хэрэв та дэлхий дээр зүгээр л сайн хүн байж, хэнийг ч хөнөөхгүй, нэг ч амьтан-хүнийг хөнөөхгүй, байгаль орчноо хамгаалж, веган хооллолттой байж чадвал хэсэг амарч байгаад Дэлхийдээ эргэн ирэх боломжтой. Хэсэг хугацаанд доод диваажинд, магадгүй астрал диваажинд хэсэг хугацаанд, магадгүй ганц, хоёр зуун жил, мянган жил ч байж болох юм. Тэгээд Дэлхий рүү хүн болж эргэн ирж чадна. Эсвэл буянтай, жишиг хэмжээний буянтай амьдарвал эргэн хүн болж төрнө. Үүний тулд заавал гэгээнтэн шиг, ариун нэгэн байх шаардлагагүй. Тэгж байж дахин нэг төрөлдөө хүн болж эргэн төрөөд бүхий л шилдэг ая тух, давуу талыг эдлэн таашаана. Өвдөх ч шаардлага гарахгүй. Тэгтлээ их ажиллах ч хэрэггүй. Хүнд хэрэг болдог бүх зүйл танд байх болно. Тэгэхээр энхтайван хийгээд хайр бол бидний амьдралдаа, эсвэл Диваажинд ч хүсэж болох бүх зүйлийг өгдөг.
Гуйж байна, та нарт өөр юу гэж хэлэхээ мэдэхгүй байна. Би илүү уран үгтэй байсан ч болоосой. Би та нарт Бурханыг харж чаддаг миний шавь гэгддэг хүмүүсийн хардаг шиг Бурханыг харуулж чаддаг ч болоосой. Гэхдээ өөрсдийн амьдралаар амьдарсан ч зүгээр. Та нар миний шавь байх албагүй. Амьдралын буянтай зам мөрийг л сонго. Учир нь зөвхөн үүнийг л таны ухамсар Дэлхий, Диваажин, Бурхан хүлээн зөвшөөрнө. Та Диваажинг хүссэн ч бай, үгүй ч бай, Дэлхий дээрх зохистой, эрхэм ариун хүн байхыг хүснэ. Гэхдээ энэ бол таны байх ёстой, байхыг хүсдэг хүн. Та дайны алуурчин, дайны хэнээтэн байхыг хүсэхгүй, мөн өөр хэнд ч, тэр дундаа өөрийн ард түмэнд зовлон шаналал, уй гашуу авчрахыг хүсэхгүй. Эрхэм ариун төрөлтөн, боловсон эр, хатагтай байхыг хүсдэг. Та нар ингэж л хүсдэг. Өөрөөрөө бахархаж, зан байдал, хувийн онцлогтоо, амьдралын хэв маягтаа сэтгэл хангалуун байхыг хүсдэг. Та нар бүгдээрээ ийм байхыг хүсдэг гэдэгт би итгэлтэй байна.
Иймд дайныг зогсоо гэж гуйя. Та нарын хийх зүйл ердөө энэ. Дайснаа уучлах нь энхтайвныг цогцлоох хамгийн хурдан арга юм. Эс бөгөөс амьдралд чинь, зүрх сэтгэлд чинь амар амгалан гэж байхгүй, өөр шиг чинь харагддаг, өөр шиг чинь хооллодог, өөр шиг чинь унтдаг, өөр шиг чинь инээдэг бусад хүмүүсийг яаж алах вэ гэж өдөр бүр завгүй байхаас өөр юу ч хийж чадахгүй. Тэд өөр шиг чинь уйлдаг, бас л гэр бүлтэй болохыг хүсдэг, ая тухтай амгалан амьдрахыг хүсдэг. Иймд тэдэнд өг. Тэд яг та нартай адил тул дэлхийн иргэдэд энхтайвныг бэлэг болгон өг. Бид бүгдээрээ Бурханы үрс. Анхаарч үзээрэй. Дотооддоо байгаа Диваажингийн мөн чанартаа эргэн ир. Дайныг зогсоо. Энхтайвныг цогцлоо. Улс орноо эргүүлэн сэргээхэд нь бие биедээ тусал. Ард иргэдэд аз жаргалтай, аюулгүй, бие биеэсээ айх айдасгүй амьдрахад нь тусал. Гуйя Бурхан минь, бидэнд туслаач. Гуйя Бурхан минь, биднийг адислаач. Гуйя Бурхан минь, биднийг хамгаалаач. Гуйя Бурхан минь, биднийг илүү өндөр ухамсрын түвшинд хүрч, Таны Тааллыг биелүүлэн, Дэлхий дээрх, Диваажин дахь сайн үр хүүхэд болтол дэвшүүлж өгөөч. Амен. Бүгдэд нь хайртай шүү.
