“НҮБ-ын Уур амьсгалын өөрчлөлтийн талаарх эцсийн анхааруулга: Дэндүү оройтохоос нь өмнө яг одоо арга хэмжээ ав” 2-ын 1-р хэсэг

Өнөөдрийн нэвтрүүлгээр бид бүхэн УАӨЗГХХ-ны 2023 оны үнэлгээний тайлангийн зарим үр дүн болон яагаад НҮБ-ээс уур амьсгалын “цагтай бөмбөг” цохилж байгааг сануулсныг харуулах болно. Болж буй дэлхийн дулаарлын талаар энэхүү тайланд дурдсан хамгийн санаа зовоож буй зүйлийн талаар дурдъя. Дэлхийн дундаж температур Цельсийн 1.1 хэмээр үйлдвэрийн хувьсгалаас өмнөх үеийнхээс нэмэгдсэн бөгөөд дэлхийн сүүлийн 125,000 жилд байгаагүйгээр дулаарсан юм. Энэхүү тайлангаар ирэх арван жилд дэлхийн температур үйлдвэржилт эхэлсэн үеэс хойш Цельсийн 1.5 хэмээр үргэлжлэн нэмэгдэх магадлалтайг анхааруулдаг.

Өнөөгийн Целсийн 1.1 хэм өсөлт, уур амьсгалын өөрчлөлт нь хүн төрөлхтний сүүлийн үеийн түүхэнд таамаглаж байгаагүй гамшгийг бий болгож байна. НҮБ-ийн тооцоогоор өнөөдөр үүний нөлөөлөлд 3 тэрбум гаруй хүн эмзэг байдалтай байна гэжээ. Нэн ялангуяа, бид Цельсийн 1.1 хэмийн дулаарлын энэ үед хүн, ургамал, амьтан-хүний дасан зохицож чадах дээд хязгаарт хүрсэн. Үүнээс цааш температур нэмэгдэх нь нүүлгэн шилжүүлэлтийг ихэсгэж эсхүл хүмүүс болон амьтан-хүмүүс үхэж олон экосистемүүд нуран сүйрэлд хүргэх юм.

Уур амьсгалын өөрчлөлтийн өөр нэг аюултай нөлөөлөл бол далайн түвшин нэмэгдэх явдал юм. Хойд туйлын мөс түүхэнд байгаагүйгээр нимгэрч, Гринланд болон Өмнөд туйлын мөс урьд байгаагүй хурдаар хайлж байна. Үүний үр дүнд далайн түвшин хорин жилийн өмнөхөөс хоёр дахин хурдтайгаар нэмэгдэж далайн эргийн олон хотууд болон нам дор газар байрлах улсууд аюул дарамтад орж байна. УАӨЗХХ-ны тайланд уур амьсгалын өөрчлөлт нь дэлхийн эрүүл мэндэд мөн нөлөөлж байна гэж онцолсон байна. Дэлхийн температур нэмэгдэхийн хэрээр халуунаас болж цус харван нас барах хүмүүсийн тоо нэмэгдэж, халдвар тээгчээр дамждаг малари, баруун Нилийн вирус Лайм өвчин ихсэж байна.

УАӨЗХХ-ны эрдэмтэд. үйлдвэржихээс өмнөх үеэс температур Цельсийн 1.5 хэмээр ихсэх нь аюулын босго гэжээ. Эрдэмтэд хэрэв бид дулаарлыг Цельсийн 1.5 хэмээр нэмэгдүүлбэл уур амьсгалын өөрчлөлтийг зогсоож чадахгүйд хүрч мөн хүн төрөлхтөн оршин тогтнолын аюул заналд орно гэж анхааруулж байна. Үнэлгээний тайланд нэг хэмийг бүрдүүлдгээс жижиг нэгжээр дэлхий дулаарах тусам хүн төрөлхтний ирээдүйд онцгой нөлөөтэй гэж сануулсан байна.

2025 оноос оройтохгүйгээр Цельсийн 1.5 хэмийн дулаарлыг хязгаарлахын тулд хүлэмжийн хийн (ХХ) ялгарлын ихсэлтийг зогсоох ёстой гэж тайланд онцолжээ. Бид ХХ-ийн ялгарлыг 2019 оны түвшинтэй харьцуулахад 2030 он гэхэд 43%, 2035 он гэхэд 60% бууруулах замаар түргэн тогтвортой, их хэмжээгээр. бууруулах ёстой.

Энэ тайлангаар чулуужсан түлш хэрэглэхээс түргэн татгалзаж нөхөн сэргээгдэх эрчим хүчийг өргөнөөр ашиглаж, илүү тогтвортой хөдөө аж ахуй руу шилжиж, ойжуулалтыг эрчимжүүлж, хамгийн чухал нь дэлхий даяараа ургамалд суурилсан хоол руу шилжих зэрэг хэд хэдэн зөвлөмжийг боловсруулсан. “Энэ тайлан нь улс үндэстэн бүр, салбар бүр цаг ямагт санаж явах тов тодорхой уриалга юм. Товчхон хэлэхэд манай дэлхийд уур амьсгалын өөрчлөлтийг зогсоох арга хэмжээ газар сайгүй зэрэг хэрэгжүүлэх хэрэгтэй юм.”