Дэлгэрэнгүй
Татаж авах Docx
Дэлгэрэнгүй уншаарай
Аугаа, Энэрэнгүй Төгс Гэгээрсэн Их Багш Чин Хай! Дотоодын дайсны (засгийн газрын) эзлэн түрэмгийлэл Иранд ямар таагүй нөхцөл байдал үүссэнийг Та сайн мэдэж байгаа гэдгийг хэлэх нь илүүц биз. Энэ нутгийн ард түмэн олзлогдсон бөгөөд Орост цэргийн зэвсэг худалдахын зэрэгцээ тэдний гар (засгийн газрын гар) Украин (Урейн)-ы гэм зэмгүй ард түмний цусанд будагдсан байна. Иймээс энэ эмх замбараагүй байдал, хүчирхийлэл, үймээн самуунтай энэ цаг үед энэ нутгийн гэм зэмгүй хүмүүсийг шоронд хорьж, тамлан зовоож, цаазалж буйг өдөр бүр гэрчилж байгаа би азтай авшигтны хувьд дунд нь ямар үүрэг гүйцэтгэх вэ гэсэн хачин уулзварт орлоо. Нэгдүгээрт: Түрэмгийлэгч дайсны эсрэг хариу арга хэмжээ авах уу? Хоёрдугаарт: Бясалгал хийхээр сууж, амар амгаланд хүрэхийн тулд залбирах уу? Энэ хоёр дахь сонголт нь энэ үймээн самуунтай, үрэвссэн эрин үед маш хэцүү, ядарсан ажил юм. Энэ хүнд байдлаас ангижрахын тулд энэхүү үйлийн үрийн нөхцөл байдлыг хүчирхийлэлгүй, сөрөг үйлийн үр үүсгэхгүйгээр хэрхэн даван туулах тухай итгэл найдвар бүхий захиасыг би Танаас хүлээн авах хэрэгтэй байна. Мөн хүндэт Суприм Мастер Телевизийн багт мэндчилэн ихэд талархаж буйгаа илэрхийлье. Иран улсаас Хушан. Хушан, Таны сэтгэгдэлд бид талархаж байна. Танай улс орон энх тайван байхын төлөө бид залбиръя. Их Багш тантай ухаалаг үгсээ хуваалцаж байна: “Итгэлт Хушан, Хайр минь, чин сэтгэлийн тэврэлт, хайрыг минь тусламж маш их хэрэгтэй үедээ мэдрээрэй. баярлалаа. Улс орны тань аймшигтай нөхцөл байдал сэтгэлийг минь гуниглуулж, дэлхийг чичрүүлж байна! Дэлхий даяар бүх хүчирхийлэл төгсгөл болог гэж, бас Энхтайван тогтнож бүгдийг хамраг хэмээн залбиръя. Гэхдээ энэ бүхэн болохын тулд бүхэл дэлхийн ухамсар илүү өндөр түвшинд хүрэх ёстой!! Дэлхийн энэ бүх зовлонг хараад Диваажин бас гуниглаж байгаа. Бүхий л Их Багш үүнийг анагаах арга замыг санал болгосоор ирсэн. Бурхан ба Диваажингаас илгээсэн Гэгээнтэн Мэргэдийн билиг ухаант сургаалыг сонсоход нь Хүмүүст туслаач хэмээн Аллахаас гуйн залбиръя. Дэлхийд маань янз бүр байдлаар өрнөх харгислал өдөр бүр гарч байгаад зүрх сэтгэл минь зовлонгоор дүүрч шаналж байна!! Хэдийгээр хүчирхийллийн хариу арга хэмжээ авах хүсэл хүчтэй байж болох ч энэ нь танд болон танай улсын иргэдэд илүү их үйлийн үр, бэрхшээлийг бий болгоно гэдгийг та мэднэ. Харанхуйг өөрчилж чадах цорын ганц хүч бол гэрэл юм. Иранд гэрэл гэгээ нь байж, чин сэтгэлээсээ залбирч, бясалгаж байгаарай. Үзэн ядалт нь үзэн ядалтыг арилгадаггүй, зөвхөн хайр л арилгана. Өөр хэн ч хүсэхгүй байсан ч эрхэм Хушан та хайр нь байгаарай. Аллахын хязгааргүй амгалангаар таныг, энхтайванч Ираны ард түмнийг ивээг ээ."
