Дэлгэрэнгүй
Татаж авах Docx
Дэлгэрэнгүй уншаарай
Хайрт Их Багш аа, Танд даруухнаар хандаж, үүнийг асууж буйдаа уучлалт хүсье, гэвч би өөр гарц олж чадахгүй байна, өршөөнө үү. Их Багш аа, би Перугаас мэндчилж байна, саяхан манай улсад Перугийн улс төр, эдийн засгийн хүчин болон уугуул, даруухан иргэдийн хооронд аймшигт хямрал болсон. Мөн хүчний байгууллага үргэлж мөнгөөр, тун шударга бус, маш ичгүүргүй, үнэхээр их мөлжлөгтэйгөөр бүх зүйлсийг хянадаг. Саяхан тэд арми болон арьсны өнгө зэрэг зүйлсийн улмаас үргэлж ялгаварлан гадуурхагддаг иргэдийн хооронд мөргөлдөөн өдөөсөн. Эдгээр мөргөлдөөн нь туйлдаа хүрч, маш олон хүнийг хайр найргүйгээр алсан. Нэг охин, 13, 15, 17 настай хүүхдүүд, залуу, хөгшин хүмүүс амиа алдсан. Тэд өнөөг хүртэл 25 хүн нас барсан гэж хэлж буй ч хүмүүс илүү олон хүн байгааг мэдэж байгаа; алга болсон хүмүүс хүртэл бий. Энэ тун их зүрх шимшрүүлж байна; маш олон хүн шархадсан. Энэ хүмүүсийн ээж нар, гэр бүлүүдийн шаналал, тайтгарахын аргагүйгээр уйлахыг бид харж, сонсож байна, энэ бүхний өмнө ямар ч хүчгүй байгаагаа мэдэрдэг. Бидэнд үлдсэн цорын ганц зүйл бол ахин дахин уйлах, учир нь гомдоллох юм бол тэд сонсдоггүй. Тэдний хувьд аллага юу ч биш. Их Багш аа, энэ нь улс орны хувьд хамтын үйлийн үр гэдгийг бид мэдэж буй учир өршөөгөөрэй. Шаналал зовлон, хүчин мөхөс байдлын мэдрэмж бол ичгүүргүй, шударга бус байдал, авлигал, эдийн засгийн нөлөөллийн гэмт явдлын өмнө үнэхээр тоймгүй байгааг эс тооцвол энэ нь Таны бидэнд хэлсэн шиг юм. Тэднээс хэрхэн хамгаалах вэ? Ямар ч гарц алга. Магадгүй бидний бүлгээрээ хийдэг залбирал, улс орны төлөөх нэг цагийн залбирлын улмаас, энэ Зул сар, Шинэ Жилийн баярын улмаас иргэд 1-р сарын 3 хүртэл дайныг түр зогсоохоо зарласан байх. Эсэргүүцэл энэ мөчид зогссон, хүний эрхийн төлөөх төрийн ажилтан тэд тэмцлээ 1-р сарын 3-нд дахин эхэлнэ гэж хэлсэн. Бид юу тохиолдохыг мэдэхгүй ч олон перучууд шударга бус байдлын гашуун амтыг шуудхан мэдэрч, туулж байна. Хайрт Их Багш аа, энэ шалтгааны улмаас бид Танаас улс орон, ард түмний маань төлөөх Ариун Залбирал, бидний сэтгэлийг эргэлзээгүй тайтгаруулах Ухаалаг Зөвлөгөөг Тань хүсэж байна. Даруухнаар Танд талархъя, баярлалаа, баярлалаа. Перу улсаас Ессика Итгэлт Ессика, Перу дахь яаралтай байдлын талаар сэрэмжлүүлсэнд баярлалаа. Мөргөлдөөн тайвнаар, хурдан шийдвэрлэгдэх болтугай хэмээн чин сэтгэлийн залбирлаа илгээе. Их Багш таныг тайтгаруулах хайрын захиагаа илгээлээ: “Нигүүлсэнгүй Ессика, Перу улсын энэхүү мэдээг сонсоод сэтгэл шимширч байна. Дэлхийн энэ цаг үе бол өнгөрсөн үеийн зөгнөлүүдэд удаан хугацаанд зөгнөсөн эргэлтийн цэг юм. Харанхуйг ялах цорын ганц арга бол Гэрэлтэй хамт байх. Бясалгаж, дотооддоо анхаарлаа төвлөрүүлсээр байвал танд Диваажин хором бүрд юу хийхийг заах болно. Эргэн тойрны хүмүүсээ анхаарч халамжлаарай. Энэ хүнд цаг үед тэдэнд Бурханыг эргэн санаж, Түүн рүү эргэхэд нь туслаарай. Бидний Украин (Урейн)-д харсанчлан Тэр ийм нөхцөлд ихэд тусалдаг. Ард иргэд тань Бурхантай холбоотой хэвээр байх тусам илүү их хамгаалалт, дэмжлэг бэлэн байх болно. Хайр минь, танд илүү сайн зөвлөгөө өгч чаддаг ч болоосой. Учир нь эдгээр нь туйлын хүнд нөхцөл байдал гэдгийг би мэднэ. Энэ аймшигт хүчирхийллийг үүрд дуусгахын тулд энэ дэлхий одоо сэрж, веган болоосой гэж залбиръя. Би тантай үргэлж хамт. Үүнийг санаарай. Бурханы Тэнгэрлэг Ивээл таныг, нинжин сэтгэлт перучуудыг илүүтэй сэхээрүүлж мөнхөд хамгаалж байг. Хайртай шүү. Перугийн төлөө залбиран хайрлаж байна. Бүх залбирал эх оронд тань хүрэг. Бид бүгд дэлхийн төлөө боломж бүрд залбирдаг. Нэг цаг гэдэг нь хүмүүст дэлхий асар хүнд үймээнд байгааг сануулах зорилготой. Бид бүгд угтаа Бурханы жинхэнэ үр сад байх учиртай юм шүү!!”
