КОВИД-ын Тэргүүнээс ирсэн чухал мэдээлэл 6 цуврал лекцийн 6-р хэсгийг

Дараах захиасыг Төгс Гэгээрсэн Их Багш Чин Хай шавь нартаа зориулан айлдлаа.

Бүхий л хайрт авшигтнууд минь, та нар маань авшгийн үед миний уламжилсан зүйлийг дадуулдаггүй байлаа ч гэсэн сонсохыг гуйж байна. Цар тахал бол ердөө нэг хэсэг нь. Олон хүн, хүмүүсийн ихэнх хувь нь амьд үлдэж чадахгүй. Төгсгөл ирэх нь, бүр мөдхөн ирэх нь. Хэр мөд вэ гэдэг нь хүмүүсийн зан үйлдэл, наманчлал, эрс өөрчлөлт хийх эсэхээс хамаарна.

Харин та нар, миний авшигтан шавь нар гэгдэж байгаа та нар өөрсдийгөө сайн анхаарахыг гуйя. Хоол хүнс чинь цэвэр веган байгаа эсэхийг нягтал. Цэвэр биш бол, итгэлтэй биш бол, эргэлзэж байгаа бол идэхгүй нь дээр. Та нар тэр байтугай ургамлын гаралтай махнууд ч юм уу, амьтан-хүний гаралтай бүтээгдэхүүнийг орлуулах зүйлсийг ч худалдан авах ч албагүй. Зөвхөн ногоо идэцгээ. Авч чадах ногоогоо, амьдарч байгаа газрынхаа ямар ч ногоог идэж болно. Тэдгээр нь дүүрэн шим тэжээл, уураг зэрэг эрүүл мэндэд чинь хэрэгтэй бүхнийг агуулж байгаа.

Идэхийнхээ өмнө залбираарай. Хоолоо өнгөрсөн, одоо, ирээдүйн бүхий л гэгээнтэн, мэргэдэд өргө. Тэгээд талархал дүүрнээр хүрт. Сэтгэл зүрхнээсээ баяртай хүрт. Бие махбодоо тэжээх зүйл байсаар байгаад зүрх сэтгэлээсээ талархаж, баярлаарай. Веган биш юу ч битгий идээрэй. Мөн яг үхэх гэж байгаа юм шиг, амьсгалах агаар хүсэж байгаа юм шиг, живж байгаа үе шиг залбир. Аль болох их бясалга. Боломжтой бол хоёр цаг хагасаас илүү бясалга.

Сэтгэл зүрхнээсээ залбиран машид хичээн бясалгаарай. Гуйж байна. Миний хэлж чадах зүйл энэ л байна. Илүү зүйл чадахгүй нь. Эцсийн мөч, төгсгөл төсөөлж байгаагаас чинь, бусдын төсөөлж байгаагаас ч мөдхөн ирж мэднэ. Та нар хэдий миний шавь ч гэлээ ихэд хичээнгүй сайн бясалгах ёстой шүү. Бас чадвал бүх садан, найз нөхдөө веган бол гэж хэлээрэй. Мөн сонсдог юм бол тэднийгээ аврагдахын төлөө залбир гээрэй. Үүнийг би зөвхөн та нарт зориулж хэлж байна. Учир нь ертөнцийн хүмүүс намайг төдийлөн сонсдоггүй.

Тэдний бүгдийнх нь төлөө зүрх шархирч байна. Гэхдээ тэд сөрөг талыг сонгоод явбал надад өөр чадах зүйл үлдэхгүй л дээ. Би сайтар хичээн бясалгаж, Гэгээнтнүүдийн сургаалыг, Бурханы Адислалыг телевизээр түгээх ажлаа үргэлжлүүлэн хийж бас тэдний төлөө, бүгдийн төлөө залбирсаар байх болно. Ямартай ч та нар, миний шавь гэгдэж байгаа та нар минь хичээж үзээрэй, гуйж байна. Зөвхөн өрийгөө аврахын төлөө бус өөрт байгаа багахан адислалаа эргэн тойрныхоо бусдад туслахад зориулахын төлөө. Төгсгөл та нарын бодож байгаагаас мөдхөн ирж магадгүй. Тун удахгүй. Дэндүү мөдхөн.

Үгийг минь сонсохыг гуйж байна. Олон арван жилийн туршид миний ном сургаалыг байдаг л зүйл гэж хандсан, одоо бясалгаарай гэж гуйя. Гуйж байна, бясалгаарай.

Хэрэв хүмүүс илүү нинжин сэтгэлтэй болж, веган болж өөрчлөгдөхгүй юм бол төгсгөл дэндүү мөдхөн, хэтэрхий хурдан ирэх нь. Тэд мэдсэн ч, мэдээгүй ч гэмшиж наманчлан өөрчлөгдөх л ёстой. Ялангуяа нигүүлсэнгүй амьдралын зам мөрд орж, веган хоолтой, энэрэнгүй амьдралын хэв маягтай болж өөрчлөгдөх ёстой. Гэхдээ тэд өөрчлөгдөхгүй ч байж магадгүй. Олноороо биш. Тэгвэл төгсгөл улам хурдан ирнэ. Хэтэрхий хурдан. Хэт хурдан. Гуйя, өөрсдийгөө хамгаалаарай. Оюун санааны тал дээрээ маш сайн анхаараарай. Бясалга, цэвэр веган бай, залбир гэж гуйж байна..

Ойлгож байна уу, зөвхөн цар тахал биш. Цар тахлын үүрэг бол бүхий л муу хүмүүсийг мөрдөн мөшгиж нэгийг ч үлдээлгүй агнах юм. Цар тахлын гамшгаас амь гарч чадлаа ч гэсэн жишээ нь тэнгэрээс солир унах ч юм уу өөр гамшгууд хүмүүсийг, дэлхийг устгах гэж байна. Тэгэхээр цар тахал бол та нарын санаа зовох цорын ганц зүйл биш. Миний та нарт хэлж чадах зүйл энэ л байна. Төгсгөл тун гэнэт ч ирж мэдэх юм. Хүмүүс өөрчлөгдөхгүй бол үүнд бэлдэх ч цаг гарахгүй.

Хүмүүсээс, эсвэл Диваажингаас үүдэх энэ бүх гамшгаас амь гарсан хэнийг ч бай нэгийг ч үлдээлгүй мөшгөн намнах болно. Энэ удаад хэн ч бултаж чадахгүй. Тэд миний шавь гэгдэж байгаа хүмүүсийг хамгаална гэж амласан ч гэсэн та нар сайн, маш сайн хүмүүс, сайн бясалгагчид байх ёстой шүү. Энэ бүх жилүүдэд бясалгаагүй байсан байлаа ч гэсэн бэлдэх цаг бас ч гэж байна шүү дээ. Маш сайн наманчлаарай. Чин сэтгэлийнхээ угаас наманчлан үргэлжид дахин давт. Өөрөөр хэлбэл хурдан дахиад эхэл. Үгүй бол та нар миний шавьд тооцогдохгүй. Дахин дахин гуйя.

Та нартаа хайртай шүү. Бурхан та нарт хайртай. Гуйя, өөрсдөдөө анхаарал сайн тавиарай. Баярлалаа.