Өнөөгийн Дэлхийн Нөхцөл Байдал: ‘Хайр бол Цорын Ганц Шийдэл’ Төгс Гэгээрсэн Их Багш Чин Хайн (веган) номоос, 2-ын 2-р хэсэг

Байгаль Орчин “Та нар байгаль орчинд учруулж буй эдгээр аюул, гамшгийн үндсэн шалтгаан юу юм бол гэж асуух байх? Санаанд оромгүй нь гэвэл, энэ нь нүүрсний уурхай, эсвэл машин, онгоц, галт тэрэг, усан онгоц биш юм. Энэ бол мал аж ахуйн салбараас голчлон ялгардаг метан хий юм.”

Ертөнцийн Хуулийг Хүндэтгэхүй “Бурхан ертөнцөд хууль тогтоох үед, мөрдөх ёстой нэг тодорхой дүрмийг заасан. Яг л бид замын хөдөлгөөн эсвэл тээвэрлэлтийг илүү тав тухтай болгохын тулд хурдны зам эсвэл замуудыг барих үедээ, хүмүүсийг, жолооч нарыг, явган зорчигчдыг хамгаалахын тулд нийгмээрээ дагаж мөрдөх тодорхой замын хөдөлгөөний хууль гаргаж, замын хөдөлгөөнийг зохицуулдагтай адил.

Тиймээс хэрэв бид Бурханы Хуулийг дагаж мөрдөхгүй бол, бид асуудалд ордог. Тэрхүү хуулинд: Аллага үйлдэж болохгүй гэж хэлдэг. Гэвч олон зууны турш бидний өвөг дээдэс юу хийсээр ирснийг хар, мөн бидний зарим ах дүүс одоо ч гэсэн үүнийг хийсээр байгааг хардаа. Бүр Бурханы нэрээр, бүр Есүсийн нэрээр хүртэл, тэд бие биенийхээ эсрэг дайн хийж зүрхэлж байна, энэ нь туйлын харамсалтай хэрэг, учир нь энэ нь Бурханы таалал биш юм, мөн Есүс Христийн ч санаа биш байсан.

Одоо цаг агаарын өөрчлөлт, өлсгөлөн, бүх төрлийн өвчин зэрэг манай дэлхийг зовоож буй зарим үйл явдлууд гарч байна. Тиймээс итгэл үнэмшил бага зарим хүмүүс дахиад Бурханыг буруутгадаг. Миний лекц уншихаар очсон газар бүрт хүмүүс надаас ‘Хэрэв Бурхан гэж байдаг юм бол яагаад ийм тийм гамшиг болсон юм бэ?’ гэж асуудаг. Гэвч Бурхан тэдгээр бүгдийг хийгээгүй гэдгийг тэр хүмүүс санах учиртай; тэдгээр бүх асуудлуудыг бий болгосон хүн нь бид юм.”

Өөрсдийн Баатарлаг Нигүүлсэнгүй Дээд Би-гээ хамгаалахуй “Бид хүн төрөлхтнийг болон хүний нигүүлсэнгүй зүрхийг аврах ёстой - энэ нь хамгийн чухал. Бид өөрсдийн эрхэм зан чанараа хадгалах ёстой. Би үргэлж дахин дахин сануулдаг, бид зөвхөн энэ дэлхий дээрх физик оршнолыг аврахыг хүсэхээс гадна хүүхдүүдээ хамгаалахыг хүсдэг. Ингэснээр бид өөрсдийн эрхэм Дээд Би-гээ, баатарлаг нигүүлсэнгүй Дээд Би-гээ хамгаална, энэ нь бидний жинхэнэ Мөн Чанар юм. Хэрэв бид тэдгээрийгээ алдвал, гарагаа алдахаас ч дор юм. Бид хайр энэрэлт зүрх сэтгэлээ хадгалах ёстой.

Бид эрхэм бөгөөд үнэнч, хайрын сэтгэлтэй, мөн хүүхдүүд болон сул дорой, өөрсдийгөө хамгаалах чадваргүй амьтан-хүмүүс зэрэг сул дорой, өчүүхэн нэгнээ хамгаалах сэтгэлтэй байх ёстой. Бид өөрсдийн эрхэм Мөн Чанараа хамгаалах ёстой. Бид амьдарч, алхаж, амьсгалж буй Бурханы хүүхдүүд байх ёстой, Будда нарын шавь байх ёстой.”

Хайр хайрыг төрүүлдэг Хайрыг төрүүлэхийн тулд бид юуны өмнө хайрыг дадуулах хэрэгтэй. Эцэг шигээ бүхнийг агуулж, хайрлахын тулд бид хамаг амьтныг хайрлах учиртай. Энд л веган хоолтон байхын учир шалтгаан юм. Энэ нь эрүүл саруул, эсвэл Есүс ингэж хэлж, Будда хориглосон учраас тэр биш юм- ердөө л бид хайрын биелэл байх ёстой.

Энэ гараг дээр бид алхаж буй Будда байх ёстой. Бурханд ойр байхын тулд... Бурхан шиг бид амьдрах ёстой. Бурхан биднийг шийтгэхгүй. Ижил ижлээ төрүүлдэгтэй адил. Хэрэв ямар нэг зүйлтэй ойр байхыг хүсвэл бид адил чиглэлд тийшээ явах ёстой. Тиймээс, Бурхан бүхнийг бүтээсэн ба тэднийг жам ёсоор үхэхийг зөвшөөрсөн. Бид ч мөн адил. Бид бүтээж чадахгүй бол ядаж бид сүйтгэх ёсгүй. Библид: “Та бүү хөнөө” гэж тушаасан байдаг. Энэ нь “ Та зөвхөн хүмүүсийг бүү ал” гэж хэлсэнгүй. Энэ нь ‘Та бүү хөнөө’ гэжээ. Хөнөөсөн бол хөнөөсөн.”