Их Багш Бейнса Доуно-ын (цагаан хоолтон) бичсэн ‘Шим Тэжээлийн Хууль’ номоос “Бүх амьд төрөлтнүүдийг Өөр шигээ хайрла: Хоол – Амьдралын Хэв Маяг,” 2 цувралын 1-р хэсэг

Даян дэлхийн Цагаан Ахан дүүсийн залгамж халааг Болгар улсын Их Багш Беинса Дуно буюу Петр Константинов Дынов 1897 онд үүсгэн байгуулсан. Даруу зан, дуулгавартай байдал, шударга зан, нинжин сэтгэл, ухаалаг байдал, эрхэм чанар зэрэг нь сүнслэг дадалд байдаг тэргүүлэх чанарууд юм гэж Их Багш Беинса Дуно сургадаг. Хүн Хайр, Билиг ухаан ба Үнэний зам мөрөөр явах ёстой гэж тайлбарладаг. Даян дэлхийн Цагаан Ахан Дүүс нь Бурхан бүх зүйлд: чулуунд, ургамалд, усанд, агаарт, амьтанд ба гэрэлд оршдог гэж итгэдэг. Ахимса буюу хүчирхийлэл үл үйлдэх зарчмыг дагадаг Их Багш Беинса Дуно нь цагаан хооллолтыг дадуулж, номлодог. Их Багш нь мөн чадварлаг хөгжимчин, олон сүнслэг дуу ба хөгжмийн зохиолч байсан.

Бид одоо Их Багш Беинса Дуногийн Шим Тэжээлийн Хууль” нэртэй номын “Хоол бол Амьдралын Хэв Маяг” бүлгээс уншина. Үүнд нигүүлсэнгүй Их Багш бид бүхний найз, зэрэгцэн орших дэлхийн оршин суугч болох амьтдад хайр найргүй хандах хүн төрөлхтний хандлагаас болж байгаль тэнцвэр, эв зохицлоо алдаж байгааг анхаарахыг биднээс хүсжээ.

“Хүмүүст тохиож буй бүхий л өвчин зовлон бол өмнө нь эсвэл одоо үйлдэгдэж буй гэмт хэргийн үр дагавар юм. Юу ч шийтгэлгүй өнгөрөхгүй! Хүний бие махбодыг хордуулж буй бактер бол үхэр, тахиа, хонь зэрэг амьтад алуулж үхэх үедээ хүмүүсээс айсан, тэднийг үзэн ядсан сэтгэлийн хор юм. Ийм байх боломжтой юу? Боломжтой. Үүнтэй адилаар, доромжилсон үг хүний биеийг хордуулж, алж чадна, хүний алсан амьтдын айдас ба үзэн ядалт хүний биеийг хордуулж чадна. Таны туссан тодорхой өвчин, муу муухай бодол хүслүүд нь тодорхой амьтдаас болж үүссэн байдаг. Тэдгээр бүх зовлон шаналлаас салахын тулд, та бүхэн амьтдад хандах хандлагаа зөөлрүүлэх ёстой.”

Ой модыг огтолж, хөхтөн амьтдыг хөнөөснөөс болж хүмүүс өөрсдөдөө тусалж чадахгүйгээр асар их зовлонд нэрвэгддэг. Амьтад ба ургамал нь хүний өсөлт хөгжилийн амин чухал хүч чадлын усан сан гэдгийг тэд мэддэггүй. Хөхтөн амьтдыг устгаснаар тэдний амин чухал хүч нь сансарт тархдаг. Хүмүүс байгалийн хүч чадалтай шууд холбогдож чадахгүй хэвээр байгаа үед, тэд амьтадаас авах тэрхүү хүчнээсээ хагацсан байдаг. “Хөхтөн амьтдыг асар их хэмжээгээр устгах нь байгальд хэвийн бус байдлыг үүсгэдэг. Ихэнх өвчнүүд нь хөхтөн амьтан, шувуунууд алагдсанаас болдог. Энэхүү устгал зогсохгүй байгаа тул тэдний хувьсал, тэдний сайн сайхан байдлыг бүрдүүлэх бүхий л хүчнүүд ашиглагдаагүй хэвээр үлдэж улмаар дэлхий дээр эмх замбараагүй байдал үүсч янз бүрийн өвчний шалтгаан болж байна.”

Хүн хичнээн өлсөж байсан ч өөрийн хөлөөсөө эсвэл өөр нэг газраасаа нэг зүсэм ч мах огтлохгүй. Хүн өөрийнхөө махнаас хэзээ ч өөрийгөө идэхийг зөвшөөрдөггүй. Хэрэв хүн өөрийнхөө махнаас нэг хэсгийг тасдаж аваад идэх гэж оролдвол өөртөө маш их жигшмээр санагдах болно. Хэрэв танд ийм зүйл тохиолдоход ийм муухай жигшмээр санагдаж байгаа бол яагаад бусдыг адил гэж мэдрэхгүй байгаа юм бэ?