Дэлгэрэнгүй
Татаж авах Docx
Дэлгэрэнгүй уншаарай
Эзэн Есүсийн нэрээр, Бүхнийг Чадагч Бурханы нэрээр та бүгдэд хайраа илгээе. Дахин нэг жил өнгөрч Зул Сарын баяр ирлээ, маш хурдан нэг жил өнгөрчээ. Ямар гээч жил байв даа. Ямартай ч, энэ бол Зул Сарын баярын үе, бид Зул Сарын баяр ямар утга учиртайг санах хэрэгтэй. Энэ бол дэлхийн төлөө, Шавь нарынхаа төлөө бүхнийг золиосолсон Эзэн Есүсийн тухай юм. Хамгийн чухал нь энэрэл нигүүлсэл юм, Түүний бүх шавь нартаа мөн тухайн үед Түүнд итгэсэн хүмүүст уламжилсан хайр. Үүний улмаас Эзэн Есүс эдгээр бүхий л мянга мянган жилүүдэд дурсагдан хайрлагддаг, бид жил бүрийг Түүний нэрээр тэмдэглэдэг. Эзэн Есүсийн хийсэн зүйл ердөө физик зүйл биш юм. Тэр Шавь нарынхаа харалган, мунхаг байдлыг эмчилсэн. Бидний олонх нь ийм харалган байдаг, учир нь бид дотоодын Бурханаа мэддэггүй. Эзэн Есүс олон олон хүмүүсийг ердөө хооллосон юм биш, сохор хүмүүсийг зөвхөн физик байдлаар эмчилсэн төдий бус, харин Тэр Шавь нарынхаа болон тухайн үеийн хүмүүсийн сүнсийг дэвшүүлсэн, тэгснээр тэд дотоодын Бурханаа харж чадсан. Учир нь Тэр бидэнд Бурханы Хаант Улс гарт чинь бий гэж хэлсэн, Бурханы Хаант Улс таны дотор бий. Энэ бол өөр зүйл, Бурханыг ухаарахын тулд зарим зааварчилгаа болон байнгын бясалгал хэрэгтэй болдог. Өнөөдөр би зөвхөн та нарт Зул сарын баярын жинхэнэ агуулгыг сануулах гэсэн юм. Энэ нь хүмүүсийн хэдэн сая моддыг тастан унагаж, сая сая гэм зэмгүй- амьтад, цацагт хяруулуудыг алж том цэнгээн хийх баяр биш юм. Тэд амьдрахыг хүсэж байна. Тэд амьдралын амтыг хүсдэг. Тэд бас Зул сарын баярыг тэмдэглэхийг зүрх сэтгэлдээ хүсдэг ч бид юу ч бодохгүйгээр тэдний амьдралыг тасалж амийг нь хүчээр тасалж байна. Би одоо уйлахыг хүсэхгүй байна. Энэ тухай би боддог юм. Бодоод үзээрэй. Есүсийн төрсөн өдрийг тэмдэглэх гэж бид цацагт хяруулын амийг таслах шаардлага байхгүй. Тэр хэзээ ч амьтны бүтээгдэхүүн иддэггүй байсан. Тэр цагаан хоолтон байсан. Тэр үргэлжид цагаан хоолтнууд байсан Эссэнчүүдийн удмаас гаралтай билээ. Тиймээс бид Есүсийн төрсөн өдөр, Зул сарыг тэмдэглэхдээ үүнийг санах хэрэгтэй. Түүний сургаал чухал шүү дээ. Хэрвээ бид өөрсдийгөө Есүсийн дагалдагч гэж хэлж байгаа бол Эзний гол сургаал - бүхий л төрөлтнүүдийг хайрлах, энэрэх сэтгэлтэй байх гэдгийг санаж дурсаж байх ёстой. зааж байгаагүй. Тиймээс Зул сарын тэмдэглэлт энэ баярын өдөр, би та бүхэнд чин сэтгэлээсээ үнэнхүү сайн сайхныг хүсэн ерөөе. Гэвч юун түрүүнд, би танд илүү их гэгээрлийг хүсэж байна. Би та бүгдийг Эзэн Есүсийн сургаал болон бүхий л Их Багш нарын сургаалыг санаасай гэж хүсье. Учир нь энэ бол шашны жинхэнэ утга учир: Их Багшийн сургаал. Бид, дагагчид, сүсэгтэн олон үүнийг үнэхээр дагаж мөрдөх учиртай зүгээр нэг уншиж, дуулах биш, хэрэгжүүлцгээе. Тэгвэл бидний дэлхий Эзэн Есүсийн золиослол болон бүхий л Их Багш нарын золиослолуудыг даах гавьяатай болно.
