Дэлхий веган л болж байвал, мөн амьтадын зовлон багасаж, зовлонгүй болж, дайн дажингүй болж л байвал хүмүүсийн ухамсар илүүтэй сэрж, оюун ухаанаа илүүтэй эргүүлэн олж авна. (За.) Тэгээд бид дэлхий улам бүр дээрдэнэ гэж найдаж байна.
( Байна уу! Байна уу, Багш аа! ) Та нар бэлэн үү? (Тийм. Тийм, Багш аа.) Миний үс таалагдаж байгаа гэж найдъя. (Дандаа үзэсгэлэнтэй.) Үнэндээ, би юу ч хийгээгүй. Харин цаг хугацаа л их давчуу байна. Яг байгаагаараа л байгаа. Би үсээ ягаа ч үгүй. Дээш нь босгох эсвэл чимэглэх цаг байхгүй. Та нарыг тайвшруулах гээд зүгээр наргисан юм. Бүгд сайн уу? ( Тун сайн, Багш аа. Баярлалаа, Багш аа. ) Бүх зүйл сайн биз дээ? ( Тийм, Багш аа. ) Таалагдаж байна шүү. Охид сонсож байна уу? ( Тийм, Багш аа. ) Хөөх, сүүлийн үед өндөр технологитой болж. Одоо хавьгүй дээрдсэн байна. (Тийм, Багш аа.) Сайн байна. Охид, хөвгүүд бүгдэд чинь хайртай шүү. (Баярлалаа, Багш аа) Тийм. Бүхнийг ганцаараа хийхэд ахиад л их зүтгэл орлоо. За. Та нарт хэдэн асуулт байгаа гэж сонссон. Тийм учраас залгасан юм. (За, Багш аа.) Хүсвэл одоо эхэлж болно.
( Багш аа, олон улс орнууд залуучууд архи, мансууруулах бодисоос ангид байгаа талаар мэдээлсэн. Бид мөн хүүхдүүд амьтдын төлөө санхүү босгох үйл ажиллагаа зохион байгуулахыг харсан. Энэ нь манай гараг дээр энэ цаг үед илүү өндөр түвшний төрөлтнүүд төрж буй болохоор тэр үү? )
Тийм ээ. Гэвч бас хүмүүс эдгээр зүйлсийн хор хөнөөлийг илүү мэддэг болсон. Сүүлийн үед цар тахал хүмүүсийг сэрээж байна. Үүнээс гарч буй цорын ганц сайн зүйл бол энэ. Хүмүүсийг сэрээж, эрүүл мэнддээ ач тустай илүү чухал зүйлсийг тэд судлахад хүргэж байна. (За.) Цар тахал юунаас болсныг тэд мэдэхийг хүсэж байна. Яаж зайлсхийх вэ. Учир нь судлаачид мөн тамхи татдаг, архи уудаг хүмүүс КОВИД-19-р халдвар авах магадлал илүү өндөр байгааг хэлсэн. (Тийм.) Мөн халдвар авбал эдгэхэд илүү хүнд байдаг. Тиймээс хүмүүс одоо үүнийг илүү мэддэг болсон. Үүнээс гарч буй нэг сайн зүйл нь энэ юм. Би баяртай байна. Алсдаа энэ бүх хэмжигдэхүүн нь хүмүүст сайн. (За Багш аа.) Мөн КОВИД-19 туссан хүмүүс, явах ёстой бол явдаг. Би тэдний сүнсэнд, тусалж чадах сүнснүүддээ тусалдаг. Тэд гэмшилтэй байвал шүү дээ. Зүрх сэтгэлдээ залбирч байвал. Дэлхийн энэ асуудалтай цаг үед, мөн өөд болох үедээ тэд залбирч, гэмшинэ гэдэгт итгэлтэй байна. Тэр нь бас сайн юм. Тэгвэл туслахад илүү амар байдаг. (За, Багш аа. Баярлалаа, Багш аа.) Тийм тэдний сүнсэнд туслах нь илүү чухал. Бид эрт орой хэзээ нэгэн цагт үхнэ, гэвч сүнс гэтэлгэгдэх бол хамгийн сайн зүйл. Тэгэхээр цар тахал ямартай ч олон хүнийг сэрээж буй. (За. За, Багш аа.) Сүнснүүдийг сэрээдэг. Хүмүүс амь үрэгдэх нь сайн зүйл гэсэн утгаар хэлээгүй юм шүү. Гэвч ямартай ч тэдний сүнс тусламж авч байгаа. (За, Багш аа. Баярлалаа, Багш аа.) За. Баярлалаа. Ихэнх хүмүүс, ийм нөхцөл байдалд, хэдийгээр өмнө нь бурхангүй үзэлтэн байсан ч, Бурханд залбирч байх болно. (За.) Энэ нь тэдэнд сүнсээ гэтэлгэхэд нь тустай байж мэдэх юм. Ингэвэл сүнсийг нь аварч, гэтэлгэхэд хялбар байдаг. (Ойлголоо, Багш аа.)
( Багш аа, КОВИД-19 дэлхийн өнцөг булан бүхэнд нөлөөлж байна. Дэлхийн Эрүүл Мэндийн Байгууллагын даргын хэлснээр бол бид “нэг дайсантай тулалдаж байна.” гэсэн. Бид дэлхий дахинд илүү уялдаатай ажиллаж буйг харсан. Жишээ нь боломж тааруу орнуудын өрийг өршөөх, эмчилгээ судалгааг хамтран хийх гэх мэт. Энэ чиг хандлага үргэлжилж, дэлхий нягт сүлжээтэй бүлэг хэвээр үлдэх болов уу? )
Мэдээж. Тэд сайн зүйл хийх дадалтай болохоороо тэгнэ. (За.) Сайн зүйлс, муу зүйлс бүгд дадал. Хүмүүс үүнд дасчхаад, үүний сайныг нь ухаарч, үргэлжлүүлэх болно. (За, Багш аа.) Зөвхөн засгийн газрууд ч биш, хүмүүс нь. Хүмүүс гарч, гудамжны амьтдыг хооллож, гарч хөршүүддээ тусалж, ердийн амьдралаа өөрчилнө. Тэд гараа холбогдох биш, хүмүүст туслах ямар нэг арга олох болно. Жишээ нь, би та нарын төлөө мэдээ үзэж байгаад хэдэн бичлэг харсан, хүмүүс хөршүүддээ маш шинэлэг аргуудаар тусалж байгаа бичлэг харсан. Жишээ нь тэд сагсанд хүнс хийхэд, хөрш нь зүгээр л татаад авчихдаг. (За.) Эсвэл хэрэгтэй зүйлсийг нь. Тэд тэгдэг. Энэ нь тун сайн. Одоо хүн бүр илүүтэй сэрсэн байгаа бөгөөд өөрсдийн дотоод сайн мөн чанараа олж буй. Энэ нь Их Багшийн хүч тэдэнд туслахад тун сайн. (За, Багш аа.)
( Багш аа, шинжлэх ухаан технологи хөгжихийн хэрээр бид ертөнцийн талаар улам их зүйл сурч байна. ) Тийм. ( Энэ нь хүмүүсийг сүнслэг байдлыг сонирхоход хүргэж, Үнэнийг эрэлхийлэхэд хүргэх үү? ) Аа! Тийм. Би бас ийм асуулт асуумаар байна. Найдаад, залбирч байя. (За, Багш аа.) Бид залбирч байя. Учир нь ертөнцүүдийн бусад олон гаргууд дээр, шинжлэх ухаан, технологи болон төрөл бүрийн материаллаг тав тух үнэхээр хөгжсөн байдаг. Гэвч энэ нь хүмүүсийг сүнслэг амьдралын хэв маягийг эрж хайхад хүргэдэггүй. (За, Багш аа.)
( Багшаа, Веган Дэлхий, Амгалан Дэлхийн төлөө залбирахдаа бид харахыг хүссэн дэлхийгээ төсөөлөх учиртай юу? Жишээлбэл, хүмүүс байгальтай зохицолтой амьдарч буй веган дэлхий, далай тэнгис, гол мөрөн нь цэвэрхэн, мөн дэлхийг тэжээх органик жимс ногооны талбай, ой модтой гэх мэт. Нөгөөтээгүүр, одоо үед органик-бус, гений өөрчлөлттэй үр тариа бүтээж, хор хөнөөлтэй шавж устгагч химийн бодис ашиглаж, мөн оршин суугчид хоол хүнсний нийлүүлэлтээ өөрсдөө хянахаас сэргийлсэн гений өөрчлөлттэй үрийн патент гаргаж байгаа том корпорацууд нэмэгдэж байгаад зарим хүмүүс зовниж байна. Хүнсний салбар хөдөө аж ахуйд худалдаалагддаг химийн бодисоор ашиг олдог эмийн салбартай ихэвчлэн холбогддог ба эдгээр химийн бодис нь эргээд вакцин шаардлагатай өвчлөлийг үүсгэж, улмаар эмээс хамааралтай хүм амыг бий болгодог. ) Тийм ээ, би мэднэ. ( Дэлхийн хүнсний нийлүүлэлтийг ийм корпорацууд хянаж байгаад бид санаа зовних учиртай юу? Лабораторид ургуулсан болон веган мах мөн ялгаагүй. Веган ирээдүйн зүг урагшлахдаа бид үүнд санаа зовних учиртай юу? Эсвэл дэлхий веган болсны дараа, аллагын энерги үгүй болсноор, юу ч байсан, бүх зүйлс аяндаа өөрсдөө засагдах уу? )
Тийм ээ, би мэднэ. Бид залбирах л боломжтой. (За, Багш аа.) Учир нь дэлхий ухамсрын түвшинд илүү дэвших тусам, магадгүй тэдгээр зүйлс улам багасах байх. (За, Багш аа.) Мөн хүмүүс юу сайн, юу муу гэдгийг илүү ухаарч мэдэх байх. (За.) Яг одоо бид бүх асуудлыг зохицуулж чадахгүй. Хүмүүс сүнслэгээр өндөр хөгжөөгүй байгаа учраас энэ дэлхийд нэг бүлэг асуудал эсвэл өөр нэг бүлэг асуудал байх л болно. (За, Багш аа.) Гэвч дэлхий веган л болж байвал, амьтад зовох нь багасаж, зовохгүй болж байвал, дайн дажингүй л байвал хүмүүсийн ухамсар илүүтэй нээгдэж, оюун ухаанаа илүүтэй эргүүлэн олж авна. (За.) Тэгээд дэлхий улам бүр дээрдэнэ гэж найдаж байна.
Би зүгээр л та нарт хэлж байна, нэг талаараа би маш их уйлж байгаа, бараг л өдөр бүр зовж буй амьтдын төлөө уйлж байгаа, харгислал харах бүрдээ уйлдаг. Гэвч нөгөө талаар, хэрэв би үүнээс гарчихвал, энэ дэлхий үнэндээ зүгээр л мөн чанартаа хий хуурмаг гэдгийг байнга ухаардаг. Уй гашууд, зовлон, харанхуй мунхагт автсан хүн амьтдын төлөө л бид чадах зүйлээ хийнэ. Тэгээд тэд энэ хий хуурмаг зүүднээсээ сэрж, сүнснийхээ төлөө илүү сүнслэг эмчилгээ эрж хайх болно. Юу гэх гэсэн бэ гэвэл, сүнслэг ухамсрынхаа төлөө, жинхэнэ “Би”-хээ дотоод хөгжлийн төлөө. Тэгэхгүй бол оюун бодол, тархи болон тэдний эргэн тойрны нөлөө нь тэднийг бүх үнэнд сохор, дүлий, хэлгүй болгодог, яг өмнө нь тавьсан байлаа ч тэр. (За, Багш аа.) Тэгэхээр бид Веган Дэлхий, Амгалан Дэлхийг шийдчихвэл, бусад зүйлс зүй ёсоор хөгжих болно. Манай дэлхий улам бүр сайжирна. (За, Багш аа.)
( Багш аа, Трампын засгийн газар Судан болон Израйл улсууд харилцаагаа хэвийн болгохоор зөвшилцөлд хүрсэн хэмээн зарласан. Түүнээс өмнө нь Бахрейн болон Арабын Нэгдсэн Эмират улсууд Израйлтай харилцаа тогтоосон. ) Тийм. ( Энэ нь Ойрх Дорнодын улс орнууд болон Хойд Африкийн бүс нутаг солонгос шиг энх тайван тогтооход бэлэн болсон гэсэн үг үү? ) Тэд хэдийнээ бараг л бэлэн болсон. Нэлээд олон нь бэлэн. Бусад нь дагана гэж найдъя. (За, Багш аа.) Надаас болор бөмбөлөг рүүгээ харж, ирээдүйг зөгнөөч гэж бүү асуу. Би та нарт хэлээд байхыг хүсэхгүй байна. (Ойлголоо, Багш аа.) Та нар харах болно. Хэдийнээ хэлсэн шүү дээ. Цаг нь болохоор харна, юу болохыг харна. (Ойлголоо, Багш аа.) Дараагийнх нь.
( Багш аа, доогуур Диваажингийн бурхад буянаараа өөрсдийн байр сууриа хүртсэн. Нигүүлсэлгүй Брахма-д буяны үр нь Гурван Ертөнцийг бүтээж, захиргаадах эрх мэдлийг өгсөн. Аливаа төрөлтөн бүтээл бүтээж, захиргаадахаасаа өмнө тодорхой Бурханы Хайртай байх ёстой гэж Диваажингаас тогтоодог уу? )
Өө, тэдгээр нь бүхэлдээ өөр зүйлс. Тэдэнд байдаг ч, хязгаартай. (За, Багш аа.) Яг л надаас суралцаж байгаа шавь нар та нар шиг. (За.) Би та нарт, ийм зүйл, тийм зүйл хий гэж хэлж байсан. Ёстой биш ч, хийх учиртай. Жишээ нь веган байх, нигүүлсэнгүй байх, хайр энэрэлтэй, эелдэг байх. Гэвч тэд хичээж байгаа. (За, Багш аа.) Та нар хичээнэ. Гэвч энэ нь хангалттай гэсэн үг биш. (За.) Их Багшийн ивээлд л найдаж дээш явдаг. Та нарт байдаг хайр үнэхээр нимгэн, шавь нарыг хэлсэн юм, өөрсдөд нь байдаггүй гэдгийг ухаарахын аргагүй нимгэн. (За, Багшаа, ойлголоо.)
Тэгэхээр Брахма өөрөө бас хайр энэрэлтэй байхыг хүсдэг, Бурхан түүнд юу гэж зөвлөснийг хийхийг хүсдэг. Гэвч энэ нь түүний хайр хангалттай гэсэн үг биш. Хангалтгүй. Дээрээс нь, бас ямар ч хайр энэрэл байдаггүй доод Диваажингууд байна. Түүнээсээ болоод тэд хүн, амьтад буруу зүйлс хийх бусад зүйлсийг тэд бүтээдэг. Тэгснээр тэдний сүнсийг үргэлжлүүлэн захирч, хүн амийг үүрд захирдаг ба ингэснээр эдгээр сүнснүүд хэзээ ч гэтэлгэгддэггүй, ертөнцөд хаа нэгтэй дээш явдаггүй. (За, Багш аа.) Яг л Брахма шиг, тэр өөрийн эзэмшил бүсээ эрхшээлээсээ гаргахыг хүсдэггүй. Мөн тэр надтай маргаж, 93.9 ертөнцийг захирахыг хүсэж байна гэж хэлсэн. (Хөөх.) Та нарт өмнө нь хэлсэн, тийм үү? (Тийм, Багш аа.) Тийм. Би, “Гэхдээ чиний захиргаадаж байгаа чинь үнэхээр замбараагүй, дээрээс нь чиний доод бурхад тань сүнснүүдийг үүрд хорих гэж муу зүйлс хийсээр байна. Тэдний хийж байгаа буруу зүйл бүхэн, чиний төлөвлөгөөний нэг хэсэг, тэднээр буруу зүйл хийлгэж байгаа нь чиний буруу. Тэгэхээр систем тань надад таалагдахгүй байна. Нэг бол үүнийгээ орхиж намайг дага, эсвэл өөрийнхөө болон бусад сүнснүүдийг аврахад надад нэмэр бол, тэгвэл би чамд захиргаадахыг зөвшөөрье.” гэж хэлсэн. Гэвч тэр хүсээгүй. Шунал түүнийг эрх мэдлээсээ татгалзах хүсэлгүй болгодог, учир нь тэр нэгэнт үүнд орвол, мартчихдаг. Яг л, заримдаа хүмүүс удирдагч сонгож, тэр магадгүй маш том зорилготой ирдэг – өөрсдийгөө зорилго, сайн санаа агуулж байна гэж боддог ч, тэр эрх мэдэлд хүрээд, үүнийгээ мартсаар байдаг. Эсвэл зорилгоо, анхдагч зорилгоо маш бага хэрэгжүүлдэг. Тэгээд зүгээр л урсгалаар нь байж, мөн туслахууд нь, хүн бүр тэдэнд сөрөг үзэл санаа, мэдээлэл өгсөөр байдаг нь, тэднийг мартахад хүргэж, улмаар тэд зүгээр л буруу зүйлс хийж, анхдагч үзэл зорилгоо мартдаг.
Зөвхөн Брахма ганцаараа ингэдэггүй, бусад доогуур түвшний доод бурхад мөн адил, жишээ нь Хоёрдугаар түвшний бурхан, Асурын бурхан. (За, Багш аа.) Мөн чөтгөрүүд, Асурын ойролцоо байдаг чөтгөрийн хаан. Учир нь Асурын Түвшин жишээлбэл, зарим хэсэг нь Диваажин, зарим хэсэг нь там ба чөтгөрүүд. Тийм учраас тухайн бурхан үүнийг дарах хангалттай хүчтэй байхаас нөлөөлөл нь хамаардаг; үргэлж хангалттай хүчтэй байдаггүй. Учир нь бурхан заримдаа чөтгөртэй дайтаж ялагддаг, яагаад гэвэл тэд илүү олуулаа. Тэд хэдийнээ төрөл бүрийн муу сөрөг чанаруудыг хүмүүст суулгасан байдаг учраас хүмүүс үл үзэгдэх байдлаар, мэдэхгүйгээр бас тэдэнд тусалдаг. Тэгээд тэдэнд хүч нэмж байгаа энэ бүх сөрөг хүчинд тулгуурлан Асурын Түвшний Диваажингийн бурхныг ялдаг. Энэ нь бас Хоёрдугаар Түвшинд болон Брахма-д нөлөөлдөг, тэр олон ертөнцийг захирдаг болохоор мөн тэднээс татгалзах эсвэл тэднийг ялах хангалттай хайр билиг ухаангүй болохоор тэгдэг. Ингэж тэд бүгд хамтдаа унадаг. Жишээлбэл, манай дэлхийд сайн хүмүүс байдаг. (Тийм.) Гэвч бидэнд бас муу хүмүүс байдаг. (Тийм.) Сайн засгийн газар, мөн муу засгийн газар бий. Сайн ерөнхийлөгч, мөн муу ерөнхийлөгч бий. Тийм учраас манай дэлхий бас сайн муугийн холимог. Яг л Асурын Түвшинтэй адилхан. Тэнд Диваажин ч, там ч байдаг. Ойлгов уу? (Тийм, Багш аа.)
