Зөвхөн өөрийгөө эрэгтэй, эсвэл эмэгтэй, эсвэл бисексуал, лесби, гомо, трансвестит эсвэл трансвестит биш, өөрийгөө өөрчилсөн эсэхийг санаж, мэдэхгүй болсон бол, энэ бүхнээс үнэхээр хэтийдэх аваас, Будда болж чадна.
Сайн уу. Хэт хүнд байна уу? Хүчтэй залуу. Одоо би яагаад дэлхий дээр эрчүүд байдгийг мэдлээ. Охид та нар эдгээрийг өргөөд явж чадахгүй учраас тэд байдаг юм байна. (Сайн уу!) (Сайн байна уу, Багш аа.) Сайн уу. Нүд маань сайнгүй байгаад уучлаарай, тийм учраас ийм нүдний шил зүүх ёстой байгаа юм. Намайг харж байна уу? (Тийм.) Нүдийг минь харж байна уу? Хайртай шүү. Хөвгүүдийн тоо нэмэгдэж байна, тийм үү? (Баярлалаа, Танд.) Өрсөлдөөнтэй болж байна шүү. Та нар настай эгч нарыг ард суухаар зохицуулсан уу? (Тийм.) Тэд яагаад ийм цөөхүүлээ байна вэ? Сайн уу. (Сайн байна уу, Багш аа.) Зүгээр. Хүмүүсийг хармаар байна. Ау Лак (Вьетнам), юу? Тийм үү? (Тийм.) Хятад уу? Ау Лак уу (Вьетнам)? ( Тийм, Ау Лак (Вьетнам). ) ( Сайн байна уу, Багш аа. ) Сайн уу. ( Сайн байна, Багш аа. ) Юу байцгаана даа? Сайн уу. (Багшийн амрыг айлтгая) Сайн уу, сайн уу, Лам нар аа.
Намайг энд суувал ихэнх нь харж чадаж байна уу? Тийм үү? (Тийм.) Та нар хэрхэн амьдралаа авч явж байгааг би их биширч байна. Өдөр бүр яаж ингэдгийг мэдэхгүй. Би нэг л Ням гаригт ингэхэд хэдийнээ маш их хичээл зүтгэл гаргасан мэт санагддаг. Өдөр бүр яаж ингэдэг байна аа? Ажилдаа яваад эргэж ирээд, хоолоо хийж, угаалга хийж, дэлгүүр явж, нөхрөө үнсэж, эхнэрээ үнсэж, орондоо орж, хүүхдүүдээ үнсдэг. Зүлгээ тэгшилнэ, цэцэрлэгээ усална. Тэр бүхнийг хийдэг. Яаж энэ бүхнийг хийдэг юм бэ? Бүр өдөр бүр шүү. Өдөр бүр та нар ажилдаа яваад, эргээд ирдэг ч, өөр ажил хийдэг, тэгж л амьдардаг. Дээрээс нь өдөр бүр хоёр цаг гучин минут бясалгадаг уу? Үгүй. Хоёр, цаг гучин минут, магадгүй. Хөөх. Дээш дэвшихэд үнэхээр хэцүү байгаад гайхах зүйл алга. Буддаг амьд байхад түүний шавь нар нь бүгд лам нар байсан, хоёр мянган лам, хоёр мянга гаруй лам байсан. Хэн ч юу ч хийдэггүй байсан. Ажил хийдэггүй, эхнэргүй, хүүхэдгүй, санаа зовох зүйлгүй. Надад энэ хэрэггүй. Намайг харж байна уу? Үгүй? ( Бид Таныг харж байна. ) Энд харж байгаа ч, тэд бол үгүй.
Нүд минь өвддөг, хамраас минь нус гарч эхэлсэн, намайг “За, би явах ёстой.” гэж хэлэхэд, энд ирэх ёстой гэж хэлмэгц л хамраас нус гараад эхэлсэн, нүд өвдөөд эхэлсэн. Сүүлд тийм ч муу байгаагүй, гэвч авшгийн үйлийн үр дараа нь аажмаар ирдэг. Заримдаа эхлээд ирдэг; заримдаа яг авшгийн өдөр ирдэг; заримдаа хагас нь эсвэл талын тал нь эхэлж ирээд, мөн авшгийн үед ирж, дараа нь зарим нь ирдэг. Заримдаа дараа нь ирдэг. Тэгээд хөөх, би энд энэ бүх гоёл гэх мэттэй ирэх гэж маш их хичээл зүтгэл гаргадаг. Өөртөө ямар санагдсаныг бодоод би өөрийгөө Супер эмэгтэй гэж боддог. Би үнэхээр наймаалцахыг хичээсэн. Би хүн бүрээс, “Хэчнээн хүн бэ% Барууныхан хэд вэ? Хэдэн шинэ хүн байна? Надтай өмнө нь уулзаж байгаагүй хүн байна уу, тийм хүн хэсэг байх уу, ахиад хэдэн өдөр, ахиад 7 хонох уу?” гэж асуудаг. Би тохиролцож, маргааш нь эсвэл нөгөөдөр нь дээрдсэнийхээ дараа тэдэнтэй уулзаж болох эсэхийг хардаг. Гэвч үгүй, хэн нэгэн маргааш харих гэж байдаг. Хоёр, эсвэл гурав нь явж, ахиад хоёр нь нөгөөдөр явж, дараа өдөр нь дахин тав нь явахаар байдаг. Би ялагддаг. Та нар ялдаг, та нар ялдаг, та нар ялдаг. Би... хүсэж байна...
Магадгүй та нар бүгд үсээ хусаад, ийм болчихвол дээр байх. Тэгвэл өдөр бүр, би та нарыг бадар бариулахаар гаргаад, эргээд ирэхэд тань би хэдийнээ дуг хийчхээд, сэрж, та нартай ярина. Тэгвэл би ч бас үсээ хусна, та нарт тийм ч таагүй байлгахгүйн тулд, хамт үсээ хүснэ. Ямартай ч, надад хийж чадах зүйл их байхгүй. Заримдаа, би самадигаас амархан гарч чаддаг; заримдаа бол үгүй. Өнөөдрийнх шиг гарч чадахгүй байгаа үед гарахад тун хэцүү байдаг. Өнөөдөр, би алхаж, ярьж байгаа автомат тийм зүйл. За, би энд хэдийнээ ирсэн байгаа учраас ажилдаа орцгооё. Өнөөдөр би нүүрээ будаж байгаад, мөн нэг зүйлээ товчлох гээд ч билүү, дэгээдэж, үнэт эдлэлээ ч билүү зүүх гэж байсан юм. Гэтэл тэдгээр зүйлс нь, дэгээ нь болохгүй байсан, зарим товч нь дэндүү шинэ болохоор болж өгөхгүй, мөн бусад өмд энэ тэр нь таарахгүй байсан ба гутлууд амаа нээгээд над руу инээж байсан. Шинэ гутлууд! Энэ биш, энэ биш. Энэ бол өөр гутал. Хуучин гутал. Эрт дээр үед, хүмүүс гутал хийдэг байхад, насан туршид нь байдаг байсан. Өнөөдөр, миний олон гутлууд амаа нээгээд над руу инээгээд байдаг болсон. Магадгүй аз жаргалтай гутлууд байх. Урьд нь би “Аз жаргалтай Иогч” гэдэг хувцасны загвар бүтээдэг байсан. Гэтэл одоо тэд намайг дуурайж, эдгээр аз жаргалтай гутлуудыг бүтээсэн- ‘Аз жаргалтай Иогч’ гутлууд байх. Энэ арай дээр харагдаж байна, та нарыг харж байна. Уншихад надад жаахан том хэрэгтэй, гэвч би бас ингэж уншиж чадна. Зүгээр л нүдний шилтэй байхад илүү хялбар, тэгээд л гүйцээ, уншдаг шил. Миний энэ насан дээр, нүд маань тийм ч муугүй. Энэ олон жил буруу ашигласан байхад, муугүй шүү. Арьяабалын Аргын ач тус.
Тэгээд, намайг тэгж хувцаслаж, товчилж байгаад би, “Өө, Шагжамуни Будда, Түүний зөв байж. Түүний зөв байж.” гэж бодсон. Тэр, “Зөвхөн эрчүүд л Будда болоод, жаргалтай байж чадна.” гэсэн. Та нар тэгж боддог. Хэрвээ эрэгтэй хүн бол, та нар бас Будда болж чадахгүй, бас Будда болж чадахгүй. Яагаад гэдгийг мэдэх үү? Би та нарт хэдийн хэлсэн. Хэрэв та эрэгтэй хүн бол, Будда болж чадахгүй; эмэгтэй хүн бол, Будда болж чадахгүй; гомо бол Будда болж чадахгүй; лесби бол Будда болж чадахгүй; бисексуал бол Будда болж чадахгүй. Хэн ч чадахгүй. Зөвхөн өөрийгөө эрэгтэй, эсвэл эмэгтэй, эсвэл бисексуал, лесби, гомо, трансвестит эсвэл трансвестит биш, өөрийгөө өөрчилсөн эсэхийг санаж, мэдэхгүй болсон бол, энэ бүхнээс үнэхээр хэтийдэх аваас, Будда болж чадна. Гэвч би физик аргын талаар бодож байлаа. Эрчүүд юу ч өмсөх шаардлагагүй, зүгээр л ирэхэд л болно. Энэтхэгт олон Гүрү нар, зарим гэгээрсэн Гүрү нар бас их зүйл өмсдөггүй. Миний харсан зарим нэг нь их зүйл өмсдөггүй байсан. Эсвэл зүгээр л бүсэлхийгээрээ даавуутай байх юм уу эсвэл нэг зүйл ороодог. Их амар. Тэгснээр би тэр бүх Синдерелла гутлуудыг өмсөж, тэр бүх үнэт эдлэл гэх мэтийг авч чадна. Тэгснээр үнэхээр амар болж, цаг хэмнэнэ. Шагжамуни Буддагийн зөв байсан гэж би бодсон. Хэрэв би эрэгтэй хүн байсан бол, надад илүү дээр байсан. Би үргэлж юутай ч хамаагүй эсвэл бүр юу ч үгүй ирж болно. Та нар мэднэ, тийм үү? Энэтхэг хүмүүсийг мэднэ, тийм үү? Гүрү нар, тоодоггүй. Энэтхэгт, тэд тоодоггүй. Мөн хэрэв би харахгүй бол... Би эрэгтэй хүн байсан бол, мөн одоогийнх шигээ үзэсгэлэнтэй биш байсан бол, нүүрэн дээрээ жаахан үс ургуулахад л зүгээр болох байсан. Гүрү шиг хүндтэй харагдана.
За хов жив болно. Би хэдийнээ энд байна. Хамгийн хэцүү хэсэг бол бэлэн болох. Энд хэдийнээ байгаа үедээ би сэрүүн болдог. Одоо илүү дээрдэж байна, анх ирснээсээ илүү сэргэг болсон мэт санагдаж байна. “Би юу хийхээ мэдэхгүй.” гэж бодож байсан. Өнөө өглөөний байгаа байдлаараа би үнэхээр өөрийгөө сэрээхийг хүссэн. Би сэрүүлэгтэй цаг энэ тэр бол тавьсан. Зүгээр босож чадсан. Би энгийн байх гэж хичээн явсан. Зарим нэг (веган) шарсан талх хүртэл хийгээд, гэдсээ тайвшруулах жаахан шарсан талх идье гэж бодсон. Эдгээр өдрүүдэд надад тийм ч таатай биш байна. Тэгээд нэг шарсан талх хийгээд; нэг талх түлчихсэн. Ахиад нэгийг хийтэл, ахиад л түлчихсэн. Дахиад нэгийг хийтэл гурав дахь нь түлэгдчихсэн. Дөрвөн талх дөрвүүлээ, танихын аргагүй түлэгдчихсэн. Би, “За, өнөөдөр миний талх шардаг өдөр биш байна.” гэсэн. Тэгээд би юу ч хамаагүй барьж аваад, уусан. Цай хийх гэж оролдсон ч, дараа нь мартчихсан. Би цай тавьсан ч, уухаа мартчихсан.
Тэр шинэ газар. Би ийш тийш нүүж, их үймээнтэй, ядармаар байсан, учир нь надад өөрийнхөө зүйлсийг зохицуулах цаг байгаагүй. Мөн би хэн нэгнээс туслаач гэж асуухаас эмээж байна. Учир нь заримдаа тэднээс тусламж хүссэнээс өөрөө хийсэн дээр байдаг. Эсвэл оронд нь тэднээс өөр бусад хог авах болдог ба зүгээр л болж өгдөггүй. Тийм учраас, би материаллаг зүйлсээр хүрээлүүлсэн мэт санагддаг. Хувь тавилан маань одоогийнхоос жаахан хөнгөн байсан ч болоосой гэж хүсдэг, Баба шиг, эсвэл Бабу ч бил үү, эсвэл Энэтхэгийн Матажи шиг, зүгээр л суугаад, хүмүүсийг тэвэрч, толгойг нь үрнэ, тэгээд л болоо. Энэ төрөлд миний хувь тавилан, харамсалтай нь, тун ээдрээтэй: хэт их ажил, дэндүү хэцүү, хэт богино хугацаа, хэт ээдрээтэй. Гэрээ орхивол амьдрал маань түүнийх шиг, эсвэл түүнийх шиг маш энгийн болно гэж бодсон. Хоёр, гурван хос хувцастай байхад л болно, үсээ ч самнах шаардлагагүй. Үстэй байна гэдэг бас нэг асуудал. Тос энэ тэр түрхэх ёстой болно. Тэгэхгүй бол, ингээд бззз, бззз болдог. Мөн үнэт эдлэлийн загвар бүтээх ёстой. Би хэдийнээ тэнд байна гэж бодсон ч, хараахан тэнд биш байгаа. Энэ гараг дээр байхад заримдаа надад үнэхээр хэцүү байдаг. Маш хэцүү. Та нарын бодож байгаагаас ч хэцүү.
Маш их зай байсаар байна. Энд ахиад олон хүмүүс ирээд сууж болно, за юу? Ау Лакчууд (Вьетнамчууд) энд гарч ирээд сууж болно. Зай үлдэхгүй бол дээш нэмж гарч ирэх хэрэггүй. Тасалбар нь зарагдаад дууссан бол, болиорой. Би, “Ахиад зай байхгүй. Тасалбар дууссан.” гэж хэллээ. Тэр юу вэ? Тасалбар дууссан. Таалагдаж байна уу? Долоо хоног бүр дуусдаг. Азаар би бүжигчин эсвэл дуучин энэ тэр биш. Үгүй бол, бусад уран бүтээлчид бүжиглэж, дуулж, магадгүй зүгээр өөр ажил олох ёстой болох байх. Та нар хэр удаан виз-тэйгээ байж чадах вэ? (Бид Лхагва гаригт явна.) Мэднэ ээ, гэхдээ виз тань хэдэн хүртэл байсан бэ? (Нэг л сар.) Нэг сар! Муугүй шүү. Хэрэв би Энэтхэг рүү явбал надад хэр удаан байх зөвшөөрөл өгөх вэ? Их Британийн паспорт. (Нэг сар байх.) Нэг сар аа? Адилхан юм. Урьд нь зургаан сар байсан. Нэлээд олон жилийн өмнө нэг жил болгож сунгаж болдог байсан, хаа нэгтэй бяцхан иогч байхад сунгаж болсон, харин одоо бол хэцүү. Элчин дээр очиж, виз авах шаардлагатай. Урьд нь бол зүгээр л буугаад виз авчихдаг байсан. Үнэндээ олон хүмүүс хүсвэл байж болдог ч, одоо үед хэцүү болсон. Учир нь зарим нэг зүйл болсон юм. Зарим нэг гаднынхан ирээд, Энэтхэг хүмүүсийн сайхан сэтгэлийг нь ашигласан. Учир нь Энэтхэг хүмүүс дэндүү зочломтгой. Их зүйлгүй байлаа ч бүхнээ өгдөг. Хэрэгтэй бүхнийг тань өгдөг. Тиймээс засгийн газар нь энэ буруу ашиглалтыг зогсоохыг хичээсэн. Би тэднийг буруутгахгүй. Юу вэ гэвэл, магадгүй гаднынхан тэдний сайхан сэтгэлийг буруугаар ашиглах гээгүй байх. Энэтхэгийн уламжлалыг л ойлгоогүй байх. Тэдэнд өгөөд л, өгөөд л өгөөд л байсан болохоор тэд зүгээр гэж бодсон байх. Тэд өгөх их дуртай, тэдэнд байгаа учраас тэд өгч байна гэж бодсон байх. Гэвч тийм биш. Тийм биш. Яг л намайг өгөөд байхаар хүмүүс надад их байдаг гэж боддог шиг. Заримдаа үнэн, заримдаа тийм биш. Хамаагүй. Ямартай ч би боломж гарах бүрд өгөх их дуртай. Энэтхэг хүмүүс зүгээр л өгдөг. Шаардлагатай байна уу, үгүй юу, хамаагүй, тэд Бурхан мэт ханддаг. Ийм уламжлалтай. Тийм байдаг. Энэтхэгт тийм байдаг. Маш олон Энэтхэг номын ах, эгч нар тань надаас Энэтхэгт ирээч гэж асуугаад байдаг. Тиймээс би яаж тийш явах вэ? Нэг сар байгаад, дараа нь нисээд, эргээд ирэх үү? Тэгээд л нааш, цааш, нааш цааш яваад байх уу? ( Бид сайн мэдэхгүй байна, Багш аа. Британийн паспортоор хэр удаан байж болохыг нь бид сайн мэдэхгүй байна. Магадгүй шалгаад үзье... ) Магадгүй ихдээ гурван сар байх, тийм үү? (Магадгүй.)
Олон жилийн өмнө, би... очиж байсан. Намайг Пүнэ-д ч билүү урьсан учраас, мартсан байна... тэд гурван сар өгдөг санагдаж байна, гэхдээ виз байх ёстой. Яваад визний өргөдөл өгөх ёстой байдаг. Гурван сар ч их хугацаа биш. Би хэдхэн... суусан мэт, яг л хэдхэн цаг суугаад, гурван сар өнгөрчихсөн мэт санагдсан. Уддаггүй. Цаг хугацаа маш хурдан өнгөрдөг. Өдөр бүр л би унтаж амжаагүй байж байтал нар хэдийнээ мандчихсан мэт. Мөн би юу ч хийж амжаагүй байтал хэдийнээ нар жаргадаг! Жишээлбэл тийм. Энэ дэлхийд, бидэнд цаг хугацаа, цагны асуудал байдаг. Тэр нь биднийг хөгшрүүлж, товлосон хугацаанд санаа зовоход хүргэдэг, төлбөр төлөх, ажилдаа цагтаа явах, сургуульдаа цагтаа явах гэх мэтэд санаа зовоход хүргэдэг. Бүх зүйлс хугацаатай; маш их дарамт өгдөг. Та нар ажиллаж, гэр бүлээ өсгөж, бясалгаж, мөн Ням гаригт эсвэл хоёр гурван долоо хоногтоо энд ирж чадаж байгааг би үнэхээр биширч байна. Та нар супер хүн эсэхийг мэдэхгүй. Энэ нь та нарт үнэхээр сайн. Та нараар бахархаж байна. Бахархаж байна. Өөрөөрөө би тэгж их бахархдаггүй, учир нь би бас уран бүтээлчийн хандлагатай, оршихуйдаа тийм бөгөөд заримдаа уран бүтээлч байдал нь намайг хөтөлдөг. Би энд ирж та нартай уулзахын оронд хаа нэгтэй явж, фото зураг авч, зарим нэг видео бичлэг энэ тэр хийхийг хүсдэг. Гэвч өнөөдөр би энд байна. Сайн. Сайн.
Би өөрийгөө бас нохой сайн харгалзагч гэж боддоггүй. Урьд нь би тэднийг бүгдийг нь эргэн тойрондоо байлгадаг байсан. Сүүлийн үед, нэг удаадаа хоёрыг л эсвэл гурвыг л харж хандаж чаддаг. Илүү байвал би амархан ядарч, үрчийж, хөмсгөө зангидаж, хүүхдүүдтэй байхад хурдан хөгширдөг. Тэдний ээлжлүүлэх ёстой байдаг. Жишээ нь шөнөөр хэн хэн, өглөө хэн хэн, өдөр нь хэн хэн бэ гэж. Тэгж. Тэгээд тэр ээлжилдэг. Тийм ч муугүй. Оргүйгээс дээр гэж бодож байна. Би чадах бүхнээ хийдэг ч тийм л зүйл хийж чадна.
Нэгэн зоогийн газрын тухай онигоо байсан. Гаднаа тэд, “$5 доллар төлөөд хүссэнээрээ идэж болно” гэж бичсэн байдаг. Америк, Европт ийм олон газар бий. Европт байдаг эсэхийг мэдэхгүй ч Америкт их байдаг... Би тэнд байхдаа олноор нь харж байсан. Тэнд нэг зоогийн газрын тухай онигоо байдаг, гаднаа тэд, “$5 доллар төлөөд аль чадахаараа ид” гэж бичсэн байдаг. Тэгтэл нэг залуу орж очоод идээд л, идээд л байж, тэгээд очоод нэмээд авах гэтэл эзэн нь гарч ирээд түүнийг зогсоожээ. Тэр, “Үгүй! Ахиад үгүй!” гэв. Хариуд нь нөгөө эр, “Гэхдээ гадна тань, ‘$5 доллар төлөөд хүссэнээрээ ид” гэсэн байсан.’” гэхэд эзэн нь, “Та ийм хэмжээгээр л идэж болно.” гэв. “Хүссэнээрээ ид. Ийм хэмжээгээр л идэж болно.”
За бүгдээрээ Эзэн Махавирагийн түүхийг үргэлжлүүлье, сүүлд талыг нь байна. “Худалдаачны сэтгэл хөдөлжээ” эрхэм ариун сэтгэлтэй охин тийм хүнд байдалд байгааг хараад сэтгэл нь хөдөлж. Тэр дорд зэрэглэлийн, эсвэл зүй зохисгүй нэгэн биш байв. Тиймээс тэр, “‘Охин минь, би худалдаачин Данава байна. Би Ниргрант Шраманы дагагч бөгөөд энд амьдардаг билээ. Асуудлыг тань хараад сэтгэл минь хямарлаа. Хэрэв та эмсийн хүрээлэнгийн хатагтайтай явахыг хүсэхгүй бол би тэгэхийг зөвшөөрөхгүй. Зуун мянган ширхэг алт төлөөд чамайг би худалдаж авъя. Чи надтай хамт явах уу? Надтай хамт охин минь болж амьдрах уу?’” гэв. Тиймээс мэдээж. “Өнчирч хоцорсон гүнж, боол болж зарагдаж, худалдаачин Данава-н гэрт нь иржээ. Гэтэл түүний эхнэр,” ахиад л, өөр нэг, Мула, түүний эхнэр, “Мула, гэгээн үзэсгэлэнт охин гэрт орж ирэхийг хармагцаа эргэлзэв.” Би өөртөө хөвгүүд рүү харна гэж амласан ба өнөөдөр тэгэх гээд үзье. Би үргэлж ийш хардаг, шударга бус. “Мула орж ирмэгц,” эхнэр нь, “Васумати-г хармагцаа, нөхрийнх нь тааллыг хүртэх өрсөлдөгч хэмээн харав. Шулуун шударга эрдээ ч эргэлзэх үр суужээ.” Угтаа тэр түүнийг шулуун шударга эр нөхөр, үнэнч нөхөр гэж итгэдэг байсан. Гэтэл одоо тэр тийм үзэсгэлэнтэй охиныг ордонд нь орж ирж байгааг хараад, түүнд ч эргэлзжээ. Магадгүй түүний үзэсгэлэн гоо, нөхрийнх нь сэтгэлийг илбэдэн татсан байх гэж бодов. Тийм байх боломжтой, учир нь эрэгтэй хүн гоо үзэсгэлэнд дуртай.
Би ч мөн дуртай. Би эрэгтэй хүн биш ч, үзэсгэлэнтэй бүхэнд дуртай. Би гадагш гарч тэр бүх цэцэгсийг хараад, “Өө, та нар үнэхээр үзэсгэлэнтэй юм. Би та нарыг энэ камераар зургийг тань авахад та нар мөнхөрнө. Таалагдаж байна уу?” гэж асуусан. Тэгэхэд тэд бүгд, “Тийм, тийм, тийм!” гэсэн. Тэгээд өнөөдөр бүх шувууд ирээд, яагаад ч юм, их сайхан дуу дуулсан. Энд ирснээсээ хойш харж байгаагүй, зөвхөн өнөөдөр л харлаа. Тэд маш чанга, үнэхээр чанга, их жаргалтайгаар дуулсан. Тэд зарим нэг зүйл дуртайяа иднэ гэж бодож байлаа. Би хэдэн (веган) талх гаргаад тавьсан. Тэд идээгүй. Зүгээр л дуулаад байсан. Ийм зүйл, ийм олон шувууд нэг дор цугларахыг би Шихү-д ч харж байгаагүй. Жижиг мөчир бүр дээр шувуу байсан ба тэд өнөөдөр маш жаргалтай дуулж байсан. Энэ нь намайг илүү жаахан сэрээсэн учраас тэдэнд талархсан.
