Юу гээч? Маяа байхгүй болсон! Та нарт хэлэхээ мартчихаж. Би энэнд их дуртай байна. Хөөх, маш их ажил, гэвч би үнэхээр тэр залууг ахин тэвчиж чадахгүй болсон. Миний хувьд бүх зүйл хуурмаг үзэгдэл гэдгийг мэднэ; гэвч бүх төрөлтний хувьд энэ хуурмаг биш Тэд жинхэнэ зовлон, өвдөлт, шаналал, гай түйтгэр, гасланд бий.
Хүүхдүүд ирээд энд сууж болно, энэ хавьд суугаарай. Би тийм ч том биш учраас надад алхаад гарах ийм л зай үлдээгээрэй, тийм байхад болно. Хүүхдүүд нааш ир. Хүүхдүүд, намайг харж байвал, намайг харж чадахгүй байвал жаахан урд суугаарай. Болох газраа суугаарай. Энд урд бас сууж болно. Надад ийм том зай хэрэггүй. Үнэндээ, ном хамгаалагчид надаас илүү зай эзэлдэг. Би ингэж л алхдаг, харин тэд хоёр талаар алхдаг. За. Сайн тийм үү? Намайг илүү дээр харж байна уу? Шинэ авшигтнууд бас энэ орон зайг эзэгнэж болно. Нааш ир. Наадахаа зүүгээрэй, тэгвэл намайг сонсож чадна. Хэрвээ сонсохыг хүсэхгүй байвал бас зүгээр. Та нарт дотоод Их Багш бас бий, бид дотооддоо холбоотой. Дотооддоо ярьдаг ба тэр нь хамгийн сайн. Үнэндээ бид хэл ашиглахгүй бол хамгийн сайн, учир нь заримдаа хүмүүстэй ярихад үнэхээр бухимдмаар байдаг, ба дараа нь зөвхөн өөртэйгөө ярьж байгаагаа ухаардаг. Хэн ч сонсдоггүй.
Та тэнд зүгээр үү? Гүнгийн авхай. Та бол миний гүнгийн авхай. Би танд тэгж хандсан. Та тэнд зүгээр үү? Бид ярьж болох уу? (Тийм.)
Сайн байна, эцэст нь. Эзэн Махавира энэ түүхийг үнэхээр удаан хүлээсэн. Бид маш удаан хойшлуулсан. Та нарт хэлж болох надад үнэхээр олон зүйлс байгаа ч, бидэнд хугацаа бага байна. Даяанд, би их олон зүйлс олсон, эсвэл олж нээсэн ч үргэлж та нарт хэлээд байж болохгүй. Өө, зарим сонирхолтой зүйлс. Та нар үнэндээ даяан үүрд хийх боломжтой гэдгийг мэдэх үү? Учир нь гадна байдаг зүйлстэй харьцуулахад дотоод ертөнц сонирхолтой зүйлсээр дүүрэн. Үүнийг бид сүүлд хэдийнээ ярилцсан. Би бусад бүгдийг харж хандаад дэндүү завгүй байсан учраас яараад шинийг нь гэртээ орхисон байна. Даяаныхаа үеэр би маш олон зүйлс бичсэн ч, та нарт хэлж болох эсэхийг мэдэхгүй байна. Хүмүүс, амьтад гээд бусад олон зүйлсийн тухай. Өө Бурхан минь.
Сүүлийн үед, та нарын зарим тань надаас одоо өдөр бүр хэчнээн түвшин туулж байгааг асуусан. Үүнийг одоо тоолох боломжгүй болсон. Үгүй. Үнэхээр их, хязгааргүй мэт. Тиймээс заримдаа бүр, надад Өндөр Диваажингаас ямар нэг зүйл анхааруулсан, эсвэл ямар нэг зүйл хэлсэн мессеж ирвэл олон хэсэг болж, хуваагдан ирдэг. Учир нь би хоёр, гурван секунд тутамд тоолшгүй олон оршихуйг би дамжин өнгөрдөг учраас дамжин өнгөрөх явцдаа би ярьж болдоггүй. Би дотооддоо ч юм уу гадна аа, ямар нэг байдлаар харилцаж болдоггүй. Тэгээд, магадгүй би мессеж хүлээн авбал, жишээ нь, “Өнөөдөр Шинэ Газар руу бүү яв, яагаад гэвэл...” Тэгээд зогсдог. Би бусад бүсүүд рүү нисэж дуусах хүртлээ хүлээх ёстой болж, тэгээд эргээд ирдэг. “Яагаад гэвэл...” тэгээд “Яагаад юу гэж?” “Энэ, тэр болон бусад асуудлаас болоод.” Тэгээд зогсдог. “Ямар асуудал?” “Хараахан мэдэж болохгүй.” Зогсдог. Тэгээд өөр оршихуйд очоод эргээд ирдэг. “Хэлээрэй.” “Бла, бла, бла” Зогсдог. Заримдаа, Тэд үнэхээр их хамгаалдаг. Тэд надад, “Ийм, ийм газар очвол могой Таныг хазах учраас битгий яв.” гэж хэлсэн. Могойнууд. Надад могойтой муу барилдлага байхгүй, могойноос айдаггүй гэж хэлсэн. Би урьд нь хэд хэдэн удаа могой аварч байсан учраас тэдэнтэй муу барилдлага байхгүй гэж бодож байна, гэхэд тэд, “Эдгээр нь бол өөр могой. ...удирдлагатай.” гэсэн.
Дашрамд хэлэхэд, юу гээч? Маяа байхгүй болсон! Та нарт хэлэхээ мартаж. Надад үнэхээр сайхан байна. Үнэхээр их ажил, гэвч, би тэр залууг ахин тэвчиж чадахгүй болсон. Бүх зүйлс миний хувьд хий хуурмаг гэдгийг мэдэх ч, хамаг төрөлтнүүдийн хувьд хий хуурмаг биш. Тэд жинхэнэ өвчин зовлон, уй гашуу, хэлэхийн аргагүй зовлон шаналлыг туулж байдаг. Мөн тэр бас үргэлж миний ажилд оролцдог байсан. Намайг удаашруулахыг хүсэж, нохдыг минь ашигласан, хүмүүсийг ашигласан, намайг зогсоох гэж төрөл бүрийн зүйлс ашигласан. Бас нэг удаа, сүүлийн удаа би түүнээс, “Чи яах гэж ийм зүйл хийсэн юм? Энэ удаад, чи яагаад үүнийг хийв?” гэж асуухад тэр, “Таныг хөнөөх гэж.” гэсэн. Намайг шууд хөнөөчихгүй, зүгээр л ядраан туйлдуулах гэж. Энэ тэр асуудлаар. Бас нэг зүйл бол сөрөг хүч бас үгүй болсон. Баяртай! Сайн байна! Тийм ээ! Магадгүй ирээдүй үеийнхэн манай үеийнхнээс илүү дээр байна байх. Илүү хөнгөн. Үнэнийг амархан ойлгож, үнэнд амархан итгэж, Үнэнийг амархан дадуулан бясалгана. Ахиад нэг зүйл. Мөн үйлийн үрийн хүч? (Үгүй болсон.) Байхгүй болсон! Баяртай! Энэ гурван зүйлсийг би зохицуулсан.
Гэвч өөр асуудал байсан гэдгийг мартсан байж. Одооноос эхлээд та нар юу ч хийсэн, хэн ч юу ч хийсэн, энэ гараг дээр ямар нэг төрөлтөн юу ч хийсэн байсан, түүний өөрийнх нь хариуцлага. Ахин ямар ч шалтаг байхгүй болсон. Энэ л асуудал. Энэ бол нэг асуудал. Урьд нь маяа жолоодож, асуудал тарьж, та нарыг уруу татах, хууран мэхлэх гэх мэт зүйлсийг хийдэг байсан, тиймээс та нар ямар нэг алдаа гаргахад уучлах шалтгаан байсан. Одоо бол үгүй. Тиймээс сайн, муу талтай ч надад таалагдаж байгаа. Би эдгээр залууст дургүй. Гэсэн ч тэд бүрэн цэвэрлэгдсэн гэсэн үг биш.
Энэ нь Диваажингийн мэт энергийн эхлэл юм. Аль эрт эхлэх учиртай байсан. Гэвч би дэндүү завгүй байгаад, тэр залууг араар юмс хийгээд байгааг дандаа мартдаг байсан. Тэр үргэлж миний ажилд оролцдог байсан. Намайг доош татаад зогсохгүй, ядрааж, өөр зүйлсээр өвчлүүлж, эсвэл энд тэнд намайг хөнөөхийг хүсэж байсан, бас дундуур ордог байсан. Жишээлбэл, сайн ба муу, баруун ба зүүн гарын сахиусан тэнгэр байдаг. Хэрэв би, “Тэр хүн таалагдаж байна. Тэр нохойн минь сайн туслах болох байх.” гэж хэлэхэд тэр шууд л, “Үгүй, үгүй.” гэдэг. Тэгээд тэр хүний төрөл бүрийн түүхийг надад хэлж, үнэхээр, үнэхээр сөрөг, маш, маш муу зүйл хэлж, намайг мэдээж эргэлзэхэд хүргэдэг. Тэр хүнийг оруулахыг хүслээ ч, нэгдүгээрт би эргэлздэг. Хоёрдугаарт, түүний хэлсэн зүйл үнэн эсэхийг, юу үнэн бэ гэдгийг шалгах ёстой болж, маш цаг гарзаддаг! Ийм зүйлд л би дургүй. Тийм учраас би энэ залууд дургүй гэж та нарт хэлдэг юм. Харин одоо сөрөг хүч үгүй болсон, маяа үгүй болсон, тамд үүрд түгжигдсэн, ядаж л одоогоор, маш, маш, урт, урт, урт хугацаагаар. Түгжигдсэн. Гэвч надад бүү таларх. Би бол ердөө л ерөнхий командлагч. Бүх хүчээ нэгтгэсэн бүх Бурхад, Ертөнцийн бүх Төрөлтнүүдэд таларх; Тэд хүчээ нэгтгээгүй бол боломжгүй. Сүүдрийн Бурхад ба Сүүдрийн Диваажин ямар ч нэмэргүй. Тиймээс бүгд Анхдагч ба түүнээс чанадаас хийгдсэн зүйлс.
Нэг өдөр нохой маань их өвдсөн байсан учраас би үнэхээр их уурласан. Түүнд бүр хүч, өөрийн энерги, хүч гэх мэтийг өгөх гэж хичээсэн ч, Тэр эдгэхгүй байсан юм, Түүнийг уйлахад зүрх минь эмтэрсэн. Тэгээд нэг өдөр би үнэхээр уурласан. Энэ драма-г хэрхэн ахин дахин ярихаа мэдэхгүй ч хичээе. Би нохойтойгоо шалан дээр сууж байв. Нохой минь уйлж, би ч уйлж, тэгээд гэнэт би маш ихээр уурласан. Би, “Хөөе!” Үүн шиг чанга биш л дээ; микрофон байгаагүй. “Хөөе чи. Чамайг би болихгүйг чинь мэдэж байна, тиймээс одоо чамайг устгах л ёстой боллоо. Намайг уучлаарай. Намайг дайрахаас өмнө чамайг мэдэг гэж анхааруулж байна.” гэж хэлсэн. Тэгээд би бүх Ертөнцөд хэлсэн. Одоо уургүй байгаа болохоор яг үзүүлж чадахгүй байна. Гэвч би үнэхээр чанга, үнэхээр их шаналан, үнэхээр бухимдалтайгаар, дотооддоо маш их ууртайгаар хэлсэн. Магадгүй та нарын заримд намайг уурласан байгааг харсан бол, тэр юу ч биш. Тэр бол юу ч биш. Өчүүхэн хумхын тоос ч биш. Тэнд би нохойтойгоо ганцаар уурласан байсан. Яг ямар байсныг харуулж чадах эсэхээ мэдэхгүй юм. Ичмээр болов ч, уурласан байхад минь өөр байсан. Би юу гэж хэлснээ мартсан ч, маш чангаар, үнэхээр ууртай хэлсэн. Бурхдад би яг юу гэж хэлснээ мартсан байна. Захирсан зүйл л хэлсэн. Би, “Та нар бүгд намайг сонс!” гэсэн. Би маш ууртай, чангаар, үүнээс ч илүү ууртай байсан. “Та нар бүх хүчийг нэгтгэ, бүгд, яг одоо! Тэр маяаг устгаадах. ОДОО!” гэж хэлсэн. Тэгээд мэдээж Тэд тэгсэн. Их хугацаа ороогүй. Өө, би их гайхсан. Би гурван удаа давтсан, “Та нар бүгд, бүх хүчийг нэгтгээд, нийлж төвлөрөөд маяаг устга. Яг ОДОО!” гэж хэлсэн. “ОДОО! ОДОО!” Гурван удаа нэг зүйлээ давтаж хэлсэн. Гэвч хоёр дахь удаа нь хэлж байхад, Тэд хэдийнээ хийчихсэн байсан. Гурав дахь удаа нь би... Аяндаа л гараад байсан учраас яг л галт тэрэг мэт урсаж байсан. Хэдийнээ гарч байсан учраас би талд нь зогсоогоогүй. Миний хүч, уур бухимдал, энерги маань зүгээр л урсан гарч байсан ба, зогсож чадахгүй байсан учраас зүгээр л гурав хэлсэн. Тэгээд тэднээс, “Хийчихсэн үү?” гэхэд, Тэд, “Тийм,” гэсэн. Тэд бүгд үсэрч байсан, ертөнц даяараа, өө, хязгааргүй олон төрөлтнүүд, хэчнээн гэдгийг ч харахын аргагүй. Урд нь байсан хэд л үсэрч, уйлж “Маяа байхгүй болчихлоо, маяа байхгүй болчихлоо, маяа байхгүй болчихлоо!” гэж буй нь харагдсан. Тэд маш их, үнэхээр их жаргалтайгаар үсэрч, уйлж байсан.
Бас, сөрөг хүч мөн адилхан. Гэхдээ нэг өдөр биш. Би сөрөг хүчний талаар бодоогүй. Бас нэг үймүүлж асуудал тарьдаг нэгэн байдаг. Нэг өдөр, хэдэн өдрийн дараа би тэр санаанд орж ирсэн. Тэр ямар нэг зүйл хийсэн. Зүгээр ч нэг оршихуй биш. Өөртөө агуулж явдаг хүч. Яг л би энд зогсож байгаа ч энэ нь би биш, биедээ агуулж явдаг хүч байдаг шиг. Бид тэр оршихуйг бас мөн хүчийг нь ч сөнөөх боломжтой. Жишээлбэл, би өөд болбол магадгүй жаахан энерги үлдэх ч, байхгүй болно. Би ахин юу ч хийж чадахгүй. Тиймээс махан бие үнэхээр чухал. Харин энэ залуу, намайг үймүүлэх гэж маш олон бие махбод ашигласан. Тийм! Та нар төсөөлөхгүй. Тэр юмсыг хэрхэн хийдэг талаар би та нарт төрөл бүрийн түүхүүд хэлбэл ч, надад унтаж, хооллож, бясалгаж, эсвэл та нар руу харах ямар ч цаг гарахгүй. Тэр маш их зүйл хийдэг.
Сөрөг хүч бас үгүй болох ёстой, тэгснээр хамаг төрөлтнүүд одоо автоматаар дэвшиж, харж хандахад илүү хялбар болно. Тэгвэл хойч үе хавьгүй дээр байна. Юу гээч, манай үеийнхэнд хэдийнээ төрөлхийн гоц ухаантай төрсөн олон хүүхдүүд бий, бүрэн телепат чадвартайгаа, мөн олон онцгой хүчтэй төрсөн олон хүүхдүүд байна. Заримдаа би ТВ-ээрээ үзүүлдэг, одоо үед хүүхдүүд супер болсон. Гэвч ирээдүйд, илүү дээрдэнэ. Тэгэхээр магадгүй Нам Са-го-гийн хэлсэн зүйл үнэн байх, “Диваажингийн суурь зүйлс бий болно.” Суурь зүйлс, бүхэлдээ Диваажин шиг биш. Учир нь бидэнд энэ тархи байсаар байна. Бидэнд бие байсаар, бие махбод хүсэл, шунал, уур хилэн, уй гашуу, санаа зовнил гэх мэт олон зүйлтэй байхаар программчлагдсан. Доод түвшинд байхдаа зөн совингоо, “би” үзлээ, сөрөг хандлага, программчилсан сөрөг ул мөрөө дагасаар байдаг.
Энэ нь хараахан бүрэн арилаагүй. Учир нь энэ нь хэдийнээ төрөлхийн зүйл; одоогийн үеийнхэнд хэдийнээ дотоодод нь суулгаатай байгаа бөгөөд магадгүй ирээдүйн хэдэн үе хойчид, бүх эд эс, ДНХ, цусны бүлэг, бүх зүйлс өөрчлөгдөж, үгүй болж, цэвэрлэгдэж, угаагдах хүртэл бүрэн арилахгүй. Гэсэн ч, би үнэхээр баяртай байна. Үнэхээр жаргалтай байна. Гэвч мэдээж дээрдэнэ. Хэдийгээр эдгээр сөрөг ул мөр дотоодод тань байх юм уу, шигтгээтэй байдаг бол, эсвэл гаднын хүмүүст байдаг байлаа ч ихэнх нь хавьгүй хөнгөрч, илүү гэрэл гэгээтэй болно Илүү өөрсдийнхөөрөө, бодох, үйлдэх, амьдралаа цэгцлэх илүү эрх чөлөөтэй байж, эргэн тойрныхоо хүмүүст, гэр бүлийнхэндээ хайраа илэрхийлж, үүнийгээ урьдынхаасаа илүү ойр ойр илүү энэрэнгүйгээр, илүү хайр энэрэлтэйгээр хийх болно. Та нар харна аа. Үр нөлөөг нь үнэхээр мэдрэх хүртэл ахиад хэдэн долоо хоног болно. Яг л сүүлд, бид машиныг сөнөөхөд, хянагч машиныг сөнөөхөд, хоёр сарын дараа үр нөлөө нь гарсан шиг юм. Үүнд хэдэн 7 хоног шаардах байх, гэхдээ хэрэгжинэ. Та нар ялгааг нь харна, том ялгаа, илүү дээр ялгааг нь харж, илүү хөнгөн болж, бясалгахад илүү амар, тайван болсон байна. Бүх зүйлс сайжирна. Гэвч одооноос эхлэн өөрсдийнхөө үйлдэлд хариуцлагатай бай. Буруутгах маяа байхгүй болсон. Тэр түгжигдсэн. Хөдлөхгүй. Бүх сөрөг оршихуй хүчний хувьд мөн адил, хүмүүсийн сөрөг хандлагыг хөдөлгөдөг, хүмүүсийг хүслийнхээ эсрэг муу зүйлс хийхэд уруу татдаг бүхэн үгүй болсон. Тэд бүр нохдыг хүртэл шахан зодолдоход хүргэдэг байсан. Нэг гэр бүл байсан ч тэр. Үүнээс болж би уурласан. Ээж охин хоёр хүртэл. Охин нь ээжийгээ хазахыг хүсэж, түүнийг шархдуулсан. Тэр нь л намайг улам уурлуулсан. Тэгээд энэ нь буцалсаар, буцалсаар, тэсэрсэн! Нэг 7 хоногийн дотор би та нарын болон өөрийнхөө хамгийн том гурван дайсныг устгасан. Та нарын дайсан бол миний дайсан.
Үнэхээр тийм. Та нарт хэлнэ гэж бодоогүй ч, хэлчихсэн, тийм үү? Үргэлж л адилхан. Та нар, та нарын нүд, чих намайг хянахаас өмнө, өөрийнхөө юу ярьж байгааг мэдэхээс өмнө зүгээр л надаас юмс татаж гаргасаар байдаг. Тун тоогүй. За хамаагүй. Эдгээр нь муу зүйлс биш. Гэвч одооноос эхлэн бид өөрсдөдөө хариуцлага хүлээх ёстой. Дотоодод үлдсэн, бид бүгдийн дотоодод байдаг сөрөг ул мөрөө захирах хэрэгтэй. Бид эерэг болон сөрөг талуудтай бөгөөд одооноос эергийг илүүтэй ашиглана. Ямар ч сөрөг зүйл байсан, тэр нь та нар гэдгээ мэдэх учиртай. Ямар нэг буруу зүйл бодвол нэн даруй өөрийгөө засаж, “Үгүй, энэ биш биш! Энэ би биш. Би биш. Би ийм зүйл хүсэхгүй байна.” гэж хэлээрэй. Үүнээсээ сал. Бурхдад залбираарай, Тэд та нарт тусалж чадна.
Би Анхдагч Ертөнцийн бүх Бурхдыг, Огторгуйн Төрөлтнүүдийг ч бас дуудсан. Тэдэнд, “Шаардлагатай бол надаас жаахан хүч зээлдээрэй. Бүхнийг Чадагчийн Агуулахаас ч хүртэл жаахныг аваарай, Бүхнийг Чадагчийн Энергийн Агуулах. Тэндээс ав! Хэрэгтэй бүхнээ ав. Зүгээр л яваад тэр залууг яг одоо сөнөөгөөдөх гэж хэлсэн!” Өө, Тэд үнэхээр хурдан байсан! Бидний энд байлаг ажил шиг хугацаа ордог зүйл биш юм.
Би эрт хийгээгүйдээ харамссан. Магадгүй зүгээр цаг нь болсон байх. Нэг талаараа нохойн минь зовлон надад тусалсан. Учир нь би нохойноосоо “Чи яагаад ээжийгээ энэ удаад хазсан юм бэ? Тэр чиний ээж гэдгийг чи мэднэ. Тэгж болохгүй шүү дээ. Яагаад тэгсэн юм бэ?” гэж асуусан. Би түүнд уурласан байсан. Тэр, “Тэгэхийг хүсээгүй. Үнэхээр хүсээгүй. Зүгээр түлхэгдэж, сөрөг хүч намайг хүрээлж, буландуулж хийлгэсэн.” гэсэн. Тэд бол ердөө л ноход. Тэдэнд хүч мэдээж байдаг. Жаахан ид шидийн хүч бий. Сайн хүч бий. Тэдэнд нохойн хүч бий. Гэвч үүнтэй, сөрөг хүчтэй харьцуулшгүй. Үүнтэй харьцуулшгүй. Хүмүүс бид ч үүнтэй тэмцэж чадахгүй, миний жижиг нохойг ярилтгүй. Тиймээс би түүнийг шийтгэх гэж байсан юм, өөртэйгөө уулзуулахгүй, зууш өгөхгүй, амттай зүйлс өгөхгүй байя гэж бодож байсан ч, түүнийг тэгж хэлсний дараа, мөн тэр үнэхээр их, маш их харамсаж байна гэсний дараа би, “За санаа зоволтгүй. Би тэр залууг зохицуулна. Би зохицуулна. Чи бол ердөө л хохирогч. Чамайг уучилж байна. Би чамайг үнэхээр уучилж байна, мөн чамд хайртай.” гэж хэлсэн. Тэгээд бид тэврэлдэж, эвлэрсэн. Гэхдээ би, “Би та нарт амлаж байна, би энэ маяа ба сөрөг хүчийг үнэхээр зохицуулна гэж амлая” гэж хэлсэн. Тэгээд хийсэн.
