Дэлгэрэнгүй
Татаж авах Docx
Дэлгэрэнгүй уншаарай
Амьтны мах идэх нь үрэлгэн явдал юм. Энэ нь энерги, улсын сан, мөнгийг үрж, дэлхий дээрх өлсгөлөнг бий болгож байна. Бид бүх үр тариа, нөөцөө хураан авч, үхэр тэжээх тэдэнд өгөөд зөвхөн нэг хувийг нь л иддэг. Нэг килограмм үхрийн мах хэр их зардал гаргадаг вэ? Нэг зүсэм үхрийн жигнэсэн маханд тэднийг харж харгалзахад зориулсан маш олон тонн үр тариа, уураг, ус, цахилгаан, эм тариа, эмчийн зардал зарцуулдаг.Махны үйлдвэрлэл тийм ч унацтай бизнес биш бөгөөд цахилгаан, усны зардал маш ихтэй, орлуулж болох “хүнс” гэж нэрлэгддэг зүйл үйлдвэрлэхийн тулд тэр хэмжээний үр тариаг дэмий зарлагаддаг. Бидэнд махнаас илүү сайн хүнс бий. Жишээ нь: Гамбургерт, махны үйлдвэрлэлд мөнгөн тусламж үзүүлдэггүй байсан бол, засгийн газар ямар ч тохиолдолд мах үйлдвэрлэхэд зориулж ямар ч мөнгөн тусламж өгдөггүй байсан бол ой модыг огтлон байж хүмүүсийн хүнсэнд зориулан үйлдвэрлэж байгаа гамбургер Энэтхэгт л гэхэд 200 ам. долларын өртөгтэй байх байсан. Та нарын зарим дэлгүүрээс худалдан авдаг 99 центийнх биш. Гамбургерийн жинхэнэ үнэ 200 ам. доллар байх байлаа.Одоо АНУ-д гахайн ханиад гахайн аж ахуйн бизнест цохилт өгөхөөс ч өмнө гахайн махны үйлдвэрлэл хэдэн тэрбумыг алдаж байсан. Яагаад? Яагаад гэвэл тэжээл нь өндөр өртөгтэйн улмаас тэд мал сүргээ тэжээх үр тарианы үнийг төлж дийлэхгүй байсан. Хоол хүнсний үнэ өнөө үед улам л нэмэгдэж байна. Тэгэхээр тэд яаж тэсдэг вэ? Таны татварын мөнгө засгийн газарт очдог, засгийн газар тэднийг тэтгэдэг. Ингэж л тэд тэсэж гардаг. Та өөрийнхөө мөнгийг идэж байгаа хэрэг юм.Эдгээр гамбургер, үхрийн махны бургерт хаанаас гаралтай нь мэдэгдэхгүй тийм амьтны бүх хэсгээс авсан мах орсон байдаг. Бас бүх төрлийн бактери, бүх төрлийн өвчин, урхаг тарьж байгаа. Бид махны үйлдвэрлэлд мөнгөн тусламж өгөхөд татварт маш их мөнгө төлдгөөс гадна хайртай хүмүүсээ эмнэлэгт хэвтүүлэх, сүүлчийн замд нь үдэхэд маш их татварын мөнгө төлж, олон хайртай хүнээ алдсаны төлөө насан туршдаа зүрх сэтгэлдээ гашуудал тээж, төлөөсөө төлөх ёстой болно.Засгийн газар мөнгөөр тэтгэдэг учраас махны үнэ маш хямдхан байдаг. Тиймээс та татвараа идэж байгаа байх нь. Та өөрийнхөө мөнгийг идээд, биедээ өвчтэй, дааврын хэвийн бус түвшинтэй, мөн холестерин болон энэ бүх хортой антибиотиктой болж байна. Бид антибиотик хэрэглэсэн ч гэсэн зөвхөн хэрэгтэй үед нь бага зэргийг л хэрэглэх ёстой байдаг. Гэтэл тэд амьтдыг үүгээр тэжээсээр байна. Яагаад гэвэл малыг бохир заваан аж ахуйд өсгөдөг тул тэд амархан өвчилдөг. Тиймээс маш их антибиотик үргэлж өгч байдаг. Тэр бүхнийг иднэ гээд төсөөл дөө!Энэ бүх зовлон шаналал, энэ бүх татварын мөнгийг дахин дахин төлөөд, амьдралаа залгуулахаар, ердөө өөрийгөө аргацаахаар өдөр шөнөгүй ажиллаж байхад энэ бүх мөнгө өөр чиглэлд явж байдаг. Энэ танд огт тус болохгүй. Энэ зүгээр л нөөц, санхүү, үндэсний хүч, хүний эрүүл мэнд, аз жаргалыг дэмий үрж байна. Энэ ердөө үр ашиггүй зардал. Тун тааруу, маш муу бизнес. Ингэхэд та бүхэн харж байгаа. Махны үйлдвэрлэл бол аймшигтай, төсөөлж болохуйц нөхцөл бүрд, төсөөлж болохуйц ямар ч байдалд бидэнд маш их хор хөнөөлтэй. Тэднийг дэмжих гэж мөнгөн тэтгэмж олгодоггүй байсан бол мал, амьтан өсгөдөг салбарын аж ахуйтнууд бизнесээрээ амьдралаа залгуулж чадахгүй. Тэд энэ бизнесийг эрхлэхгүй байх байсан. Тиймээс мал аж ахуйн салбарт дахин тэтгэмж өгөхгүй байхыг засгийн газарт санал болгож байна. Үүний оронд тэдэнд веган тариаланч болохыг санал болго.Хүний гараар хийсэн нуур шиг бүх хиймэл цөөрмүүдийг тэд амьтнаас ялгардаг энэ бүх ялгадсыг агуулахын тулд ухаж бий болгодог. Тэнд нь бохирдсон ялаа хийгээд бусад шавж үржиж, ойр хавьд нь амьдардаг хүмүүс амьдрахын аргагүй болдог. Эргэн тойрны нэг бээр, эсвэл дор хаяж нэг километрийн эргэн тойронд маш муухай үнэртэй. Тэгээд бүх ялаа, шавж байшин, цонхыг нь бүхэлд нь бүрхдэг. Энэ нь их хар харагддаг. Энэ бүх хаягдал хаанаас бий болдог вэ? Бидний төлдөг татвараас шүү дээ. Татвар төлөгчдийн мөнгө, тийм ээ. Учир нь засгийн газар мал аж ахуйн салбарыг маш их хэмжээний мөнгөөр тэтгэдэг. Тэгээгүй сэн бол гамбургер 30-100 ам. долларын үнэтэй байх байсан. Бүр 200 ам. доллар байх байсан. Түргэн хоолны салбарт зардаг шиг 1 ам. доллар биш. Тийм ээ. Оронд нь 30-200 ам. доллар байх байсан. Одоо 99 центийн л үнэтэй. Бидний хэлдгээр 1 ам. доллар. Тэгээд хүн бүр үүнийг их хямд гэж боддог. Хямд!? Таны мөнгө шүү дээ! Засгийн газар мөнгийг тань махны үйлдвэрлэлд мөнгөн тэтгэмж өгөхөд ашигладаг. Учир нь заримдаа тэдэнд оршин тогтнох хангалттай мөнгө байдаггүй. Яагаад гэвэл хүмүүс үүнийг нь худалдаж авдаггүй тул засгийн газар худалдан авч тэдэнд мөнгө өгдөг бөгөөд махны үнээс илүү үнээр тооцож өгдөг. Учир нь заримдаа өвчин юм уу тахлын дараа хүмүүс гэнэт мах идэхээ больчихдог, худалдаж авахаа больчихдог. Тэгээд махны үйлдвэрлэл мөнгөө алдана. Харин засгийн газар нэмэлт мөнгө өгдөг. Үргэлж нэмж өгдөг. Өвчин байхгүй байсан ч засгийн газар махны үйлдвэрийг үргэлж мөнгөөр тэтгэж байдаг.
