Дэлхийд маань энэрэнгүй зүрх сэтгэл, халамжит сүнс, дуртайяа ажиллах хүмүүс хэзээ хэзээнээс илүү хэрэгтэй байна.

Вьетнам буюу Ау Лак-аас Нят Нам-ийн аулак (вьетнам) хэл дээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

ХАМГААС ЭНЭРЭНГҮЙ ИХ БАГШ АА, Таны Нигүүлсэл, Урам зоригийн ачаар дэлхий ертөнцийг ерөөж, хамгаалах залбирлыг цацан хүргэх зорилгоор манай багийнхан, би Хамгийн Хүчирхэг Өдөр Тутмын Залбирлыг дамжуулах төхөөрөмжийн талаар хэлэлцэж, хамтран боловсруулсан юм. Уг төхөөрөмж нь нэгэн зэрэг ажиллах 50 чанга яригчтай. Төхөөрөмж нь нэг бүхэл цутгамал их бие, тусгайлан зохион бүтээсэн хэлхээний хавтан бүхий авсаархан загвартай бөгөөд ингэснээр бүх 50 чанга яригчийг нэг төхөөрөмжид нэгтгэн суурилуулах боломжтой болсон. Уг төхөөрөмж нь блютүүт холболттой тул Суприм Мастер Телевиз Максыг тоглуулж, бүх 50 чанга яригчаар дууг нь зэрэг гаргах боломжтой. Чанга яригч бүрийг тус тусад нь бэхэлж суурилуулсан бөгөөд ингэснээр дууны өндөр чанарыг хангаж, дуу гажих, хүнгэнэх болон бусад төрлийн саад, шуугиан үүсэхээс сэргийлдэг!

Энэ төхөөрөмжийн загвар гаргах болон хэвэнд цутгах ажил одоо бүрэн дууссанд би маш их баярлаж, талархаж байна! Энэ бүтээгдэхүүн үнэхээр сайн, ач тустай байна гэдэгт чин сэтгэлээсээ найдаж байна. Их Багш аа, энэхүү туршилтын загвар төхөөрөмжийг Танд хүндэтгэлтэйгээр өргөн барья! Төхөөрөмж нь 9×9×13 см хэмжээтэй, авсаархан тул хаана ч хялбархан авч явж болно! Эргэн Нэгдсэн Хамгаас Хүчирхэг Гуравт чин сэтгэлээсээ талархаж байна. Мөн Хамгийн Хайртай Их Багш Тандаа гүнээ талархаж байна. Таны Адислал, Ивээлийн ачаар энэ төхөөрөмжийг бүтээж дуусгах боломжтой болсон!

Одоогоор амьдарч буй газартаа Суприм Мастер Телевиз Максыг тоглуулдаг 40 гаруй төхөөрөмж, Хамгийн Хүчирхэг Өдөр Тутмын Залбирлыг дамжуулдаг 300 гаруй төхөөрөмж ажиллуулж байна! Би Хамгийн Хүчирхэг Өдөр Тутмын Залбирлыг нэвтрүүлэх төхөөрөмжүүдийг асааж мөн ойр орчмын хөршүүдийнхээ гэрт байрлуулдаг. Их Багш аа, тэд надад маш сайхан, нинжин сэтгэлээр ханддаг!

Их Багш Таныг үргэлж эрүүл энх, амар амгалан байгаасай хэмээн хүндэтгэн хүсье; Таны бүх ажил үргэлж саадгүй, сайхан бүтэх болтугай; Дэлхий бүрэн энх тайвныг олж, веган дэлхий удахгүй цогцлон, ингэснээр амьтан-хүмүүс болон хүмүүс мөнхийн аз жаргалыг эдлэх болтугай! Хүн төрөлхтөн АРЬЯАБАЛЫН БЯСАЛГАЛЫГ хялбар хүртэж, үнэ цэнийг нь ойлгон, бясалган дадуулах боломжтой байж, ингэснээр үүрд чөлөөлөгдөх болтугай! Эрхэмсэг ЕРӨНХИЙЛӨГЧ Трамп эрүүл энх, аюулгүй байж, БУРХАНЫ түүнд даалгасан эрхэм үүргийг амжилттай биелүүлээсэй хэмээн хүндэтгэн хүсье! Мөн дэлхий даяарх Суприм Мастер Телевизийн багийнханд эрүүл энх, амар амгаланг хүсье. Багийн бүтээсэн бүх нэвтрүүлэг Их Багшийн таалалд үргэлж нийцэж, тэдгээрээр дамжуулан Дэлхийд маань хамгийн их ач тусыг хүргэх болтугай! Хүндэтгэсэн, Ау Лак (Вьетнам) шавиас Нят Нам

Нухацтай Нят Нам аа, энэхүү гайхалтай мэдээ сонсоод бид үнэхээр баярлаж, уг төхөөрөмж удахгүй илүү олон хүнд хүрч, ач тусаа өгнө гэж найдаж байна. Их Багш танд баярт хариу илгээв:

“Ухаалаг Нят Нам аа, БУРХАНД үйлчилж, ТҮҮНИЙ ивээлийг дамжуулахын сацуу дэлхий дээрх амьдрал хэмээх бэлгийг хүндэтгэх юутай сайхан арга зам бэ. Эх дэлхийгээ хамгаалж, эдгээхэд тусалж байгаад баярлалаа. Дэлхийд маань энэрэнгүй зүрх сэтгэл, халамжит сүнс, дуртайяа ажиллах хүмүүс хэзээ хэзээнээс илүү хэрэгтэй байна. Тэнгэрлэг Ертөнцүүдийн хязгааргүй Адислал та болон Ау Лак (Вьетнам)-ын дөлгөөн ард түмнийг ивээх болтугай. Танд болон бүх багийнханд нь БУРХАНЫ хайрыг илгээе”.