Ихэнхдээ бидний сэтгэлийн амар амгаланг үгүй хийдэг зүйл бол бидний өөрсдийн эго байдаг. Та үүнийг ухаарч, өөрийн эго, гомдол, уур бухимдлаас дээгүүр байж, илүү ухаалаг, тайван хариу үйлдэл үзүүлж Пию Будда Хааны Ивээлээр хамтрагчтайгаа үүссэн таагүй байдлыг намжаах арга замыг олсныг мэдэхэд урамтай байна.

Хойд Европоос Түи Ань-ийн швед хэл дээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Эрхэм Хамгаас Агуу Төгс Гэгээрсэн Их Багш Чин Хай болон Суприм Мастер Телевизийн гайхамшигт Гэгээнтнүүд ээ! Би Аулак (Вьетнам)-аас гаралтай бөгөөд одоо Хойд Европт ажиллаж, амьдардаг. Их Багш бусад Ертөнцийн Будда Хаадтай хийсэн харилцан яриагаа хуваалцаж буйд би үнэхээр хязгааргүй баярлаж, туйлын их талархаж байна. Эдгээр ярианы ачаар надад Ди Ертөнцийн Пию Будда Хааны гайхамшигт Бэлгийг ашиглах боломж олдсон. Энэ завшааныг ашиглан үзэсгэлэнт Дэлхийд маань энэхүү нандин Бэлгийг хайрласан Будда Хаан Пию болон Ди Ертөнцөд чин сэтгэлийн гүн талархлаа илэрхийлье.

“Нөхөрлөлийн Ертөнцийн Эрхэм Дээдэс Будда Хаан Пию, 2-ын 1-р хэсэг” хэмээх Их Багшийн яриа Онцлох Мэдээгээр гарахаас өмнө би ажлын газрын нэг хамтрагчтайгаа үл ойлголцож, бидний хооронд ихээхэн таагүй байдал үүссэн юм. “Нөхөрлөлийн Ертөнцийн Эрхэм Дээдэс Пию Будда Хаан, 2-ын 1-р хэсэг” нэвтрүүлэг цацагдангуут би үзээд, Пию Будда Хааны нандин Бэлгийг хэрхэн ашиглах тухай Их Багшийн Зааврыг хүлээн авсан. Тэр орой би бясалгаж, энэхүү хэрэггүй үл ойлголцлыг шийдэхэд Бэлгийг ашиглах боломж надад олдоосой хэмээн залбирлаа.

Маргааш нь ажлын газрын өөр албан тушаалд ажилладаг нэг хамтрагч өвдсөн тул нөгөө хамтрагч маань хоёр хүний ажлыг зэрэг хийх шаардлагатай болов. Өдрийн эцэст хийх ажил маш их үлдсэн байлаа. Ийм үед бусад бүх хүмүүс гэртээ харьсны дараа хамтрагчаа бүх ажлыг ганцааранг нь хийлгэх сэтгэл надад төрсөнгүй. Тэр надад хэчнээн уурласан хэвээр байж болох ч, би очиж тусалсан. Тэр орой би бясалгаж, Пию Будда Хааны нандин Бэлгийг ашиглах боломж олгохыг үргэлжлүүлэн залбирлаа. Маргааш нь өдрийн хоолны дараа, ажлаа үргэлжлүүлэхээр буцаж ирэхэд гар, хөл минь гэнэт хачирхалтайгаар их сульдаж, ажлын маань явц удаашрав. Гэтэл хамтран ажиллагч маань гэнэт гарч ирээд, үлдсэн ажлыг дуусгахад минь тусалсан. Бид ажлаа дууссаны дараа би түүнээс “Хэд хоногийн өмнө болсон явдалд надад уурласан хэвээр байгаа юу?” гэж асуув. Тэгээд яг тэр өдөр бүх асуудал шийдэгдсэн. Бид дахин бие биетэйгээ найрсаг, хөгжилтэй харилцдаг болсон. Үнэндээ бид бүр ч илүү аз жаргалтай болж, бүр үл ойлголцлын өмнөхөөс ч илүү дотно, бие биеэ илүү сайн ойлгодог болсон.

Би Цаглашгүй Хүчирхэг Нэгдсэн Гуравт чин сэтгэлийн гүн талархлаа өргөе. Хамгаас Хайрт Их Багш Тандаа баярлалаа. Бусад Ертөнцийн Будда Хаадад гүнээ талархъя. Мөн Пию Будда Хааны нандин Бэлэгт чин сэтгэлээсээ талархъя. Их Багш минь үргэлж амгалан тайван, эрүүл энх байж, ямагт МАПА болон Сүр жавхлант Диваажингийн Ертөнцүүдийн хязгааргүй Хамгаалалд байхыг хүндэтгэн хүсье. Хүндэтгэсэн, Таныг маш их санасандаа үргэлж уйлдаг шавь тань, Хойд Европоос Түи Ань,

Нөхөрсөг Түи Ань, Ийм утга учиртай түүхээ хуваалцаж, бидний бодол санаа, үйлдэл маань амьдралд эерэг сайхныг авчрах хүчтэйг сануулсанд баярлалаа. Энэ явдал таныг хамтрагчтай тань бүр ч илүү дотносгож, та хоёрын холбоог бэхжүүлснийг мэдээд бид баяртай байна. Хязгааргүй Ивээлээрээ манай гарагт бидний хүртэх гавьяанаас хавьгүй давсан Бэлгийг соёрхсон нигүүлсэнгүй Будда Хаан Пию-д чин сэтгэлээсээ талархъя. Та болон Хойд Европын үзэсгэлэнт нутаг орон мөнхөд хамгаалагдах болтугай, Суприм Мастер ТВ-ийн хамт олон

Жич: Их Багш танд ийнхүү халамжтай хариуллаа: “Гярхай Түи Ань, заримдаа тухайн мөчид түр зогсоод, аливаа зүйлийг тайван тунгаан бодох нь бухимдал, уур хилэнг дотроо тээж явахаас хавьгүй амар байдаг. Уур бухимдлаа сэтгэлдээ тээгээд явах нь болсон явдлыг өөрчилж чадахгүй; харин бидэнд зөвхөн дарамт хүнд ачаа болдог. Ихэнхдээ бидний сэтгэлийн амар амгаланг үгүй хийдэг зүйл бол бидний өөрсдийн эго байдаг. Та үүнийг ухаарч, өөрийн эго, гомдол, уур бухимдлаас дээгүүр байж, илүү ухаалаг, тайван хариу үйлдэл үзүүлж Пию Будда Хааны Ивээлээр хамтрагчтайгаа үүссэн таагүй байдлыг намжаах арга замыг олсныг мэдэхэд урамтай байна. Бардам зангаа дагахын оронд бусдыг ойлгохыг сонгох, гомдол хорслын оронд амар амгаланг сонгоход чимээгүй атлаа хүчирхэг нэгэн хүч оршдог. Танд болон Хойд Европын хүмүүст амьдралын Бэлгийг баярлан тэмдэглэж, нандигнан хайрлаж, эрхэм дээдээр үнэлэх олон сайхан агшин тохиох болтугай. БУРХАН таныг мөнхөд хайрладаг.”