Суприм Мастер Телевизийн багаас пастор Брэндон Биггст илгээсэн захидал

Америкийн христийн шашны пастор Брэндон Биггс саяхан Ютюб сувагтаа нийтэлсэн бичлэгтээ ЭЗЭН түүнд веган болон цагаан хоолтон байх нь “зөв биш” хэмээн айлдсан гэж мэдэгдсэн байна. Үүний хариуд Суприм Мастер Телевиз түүнд БУРХАН бидэнд веган байхыг тушаасныг баттай харуулах Ариун Библийн эшлэлүүд болон веган хоолны ач тус, амьтан-хүмүүсийн махны хор хөнөөлийн талаарх нотолгоог багтаасан захидал илгээлээ. Захидлыг бүрэн эхээр нь хүргэе:

Хүндэт пастор Брэндон Биггс, Та зөнч үзэгдлүүдээ олон нийттэй хуваалцаж, бидний амьдарч буй аюулт цаг үеийн талаар хүн бүрд сэрэмжлүүлдэг тул манай Суприм Мастер Телевизийн баг таны Ютюб сувгийг удаан хугацаанд дэмжиж ирсэн билээ.

Тиймээс 9-р сарын 21-нд та сувагтаа веган болон цагаан хооллолтын талаар сөрөг зүйл хэлэхэд манай багийнхан ихэд цочирдлоо. Тухайлбал, та ийнхүү хэлжээ:

“Би веганчуудын талаар тайлбар хэлсэн. Тэгэхэд Эзэн надад ‘Энэ бол гажуудал. Веган байх нь зөв биш.’ гэж хэлсэн. Тэрээр ‘Брэндон, би чамд зориулж бүхнийг элбэг дэлбэгээр бүтээсэн.’ гэсэн.” “Мөн дүпү иддэг, ‘За, мах идэж болохгүй. Өндөг идэж болохгүй. Бяслаг идэж болохгүй. Амьтдыг өрөвдөн энэрдэг учраас энэ бүхнийг идэхийг хүсдэггүй.’ гэж боддог хүмүүсийн тухай Эзэн залруулга хийж үүнийг гажуудал гэж айлдсан.” “Тэрээр ‘Веган, цагаан хоолтон болох нь миний тогтоосон ёс биш. Би та нарыг ийм байхаар бүтээгээгүй.’ гэсэн. Тэгээд энэ талаар намайг маш хатуу зэмлэсэн.”

Үл үзэгдэх ертөнцтэй байнга харилцдаг хүний хувьд та хүлээн авч буй мэдээнийхээ эх сурвалжийг билиг ухаанаар ялган таних ёстой. Хэрэв сонсож буй мэдээ тань Судар, энэрэнгүй сэтгэл, аливаа учир логик, шинжлэх ухаан болон анагаах ухааны нотолгоотой зөрчилдвөл чөтгөрөөс ирснийг нь мэдэх хэрэгтэй. Ариун Библийн хаана ч хүний хүнс болгохын тулд амьтдыг хөнөөх ёстой гэж БУРХАН айлдаагүй. Үнэндээ бол яг ЭСРЭГЭЭРЭЭ юм. Зарим эшлэлийг танд сануулъя:

“БУРХАН айлдахдаа “Харагтун, би бүх дэлхий даяар үр өгдөг ургамал бүрийг, мөн үртэй жимс ургуулдаг мод бүрийг та нарт өглөө. Тэдгээр нь та нарын хоол болно. Мөн газрын араатан бүрд, тэнгэрийн шувуу бүрд, газар дээр мөлхөгч амьтай бүхэнд БИ НОГООН УРГАМАЛ БҮРИЙГ ХООЛ БОЛГОН ӨГСӨН: тийм ч болсон.” ~ Ариун Библи, Эхлэл 1:29–30

“ЭЗЭН БУРХАН хүнд тушаан, ‘ЧИ ЦЭЦЭРЛЭГИЙН МОД БҮРЭЭС ЧӨЛӨӨТЭЙ ИДЭЖ БОЛНО.’ хэмээн айлдав.” ~ Ариун Библи, Эхлэл 2:16

“Ногоон ургамлыг өгсөн шигээ би та нарт бүхнийг өгсөн. Харин АМЬТАЙ БУЮУ ЦУСТАЙ МАХЫГ БҮҮ ИД. Та нарын амь насыг төлөөсөнд нь би заавал нэхнэ. Амьтан бүрээс нэхнэ, хүнээс ч нэхнэ. Би хүн бүрийн ахан дүүгээс хүмүүний амины төлөөсийг нэхнэ.” ~ Ариун Библи, Эхлэл 9:3–5

“Махны төлөөх ходоод ч бай, ходоодны төлөөх мах ч бай БУРХАН аль алийг нь устгах болно.” ~ Ариун Библи, 1-р Коринт 6:13

“Мах тэдний шүдний завсар байж, зажлагдаж амжаагүй байхад ЭЗЭНИЙ уур хилэн ард түмний эсрэг дүрэлзэж, ЭЗЭН тэднийг маш хүнд тахлаар ниргэв.” ~ Ариун Библи, Тооллого 11:33

Гэх мэт...

БУРХАН хүн төрөлхтнийг веган байлгахыг зорьсон нь тодорхой. Тиймээс үүний эсрэгээр хэлэх нь жинхэнэ “гажуудал” юм. Амьтан үржүүлдэг харгис үйлдвэрлэлд БУРХАНЫ бүтээлүүд хүний хэдхэн хормын амтлах таашаалын төлөө насан туршдаа зовж байна. Энэрэнгүй БУРХАН ийм үйлдлийг зөвшөөрөх үү? Бид яагаад Түүнийг хүндэтгэн “НИГҮҮЛСЭНГҮЙ БУРХАН” гэж нэрлэх билээ?

Веган хооллолт хүний эрүүл мэнд, хүрээлэн буй орчин, эх дэлхийд тустайг анагаах ухаан, шинжлэх ухааны улам олон нотолгоо харуулж байна. Танд мэдээлэл, лавлагаа болгох үүднээс эдгээр баримтын заримыг хавсаргав.

“ХООЛ ХҮНСЭНД, ХАЙР АГУУЛСАН УРГАМАЛ НОГОО үзэн ядалт шингэсэн тарган үхрээс хавьгүй дээр.” ~ Ариун Библи, Онч үгс

“МАХ ИДЭЖ, ДАРС УУХЫГ ЦЭЭРЛЭЖ, ахан дүүсийг доройтуулж, шившигт хутган, унагаж болох өөр аливаа бусад үйлээс зайлсхийх нь хамгийн сайн.” ~ Ариун Библи, Ромчууд

“Тайганчуудын ханхүүгийн Даниел, Хананиа, Мишаел болон Азариа-аас дээр үзэж, сонгосон Мелзарт Даниел ингэж хэлэв: “Та минь өөрийн албатуудаа туршиж шалгагтун, арван өдөр биднийг ногоогоор хооллож, усаар ундлагтун. Тэгээд дараа нь өөрийн өмнө биднийг дуудан авчирч зүс царайг харагтун мөн хааны махнаас зооглогч залуусын царайг харьцуулж харагтун. Тэгсний дараагаар та албатуудаа яахаа мэдэгтүн.” Үүнийг тэр зөвшөөрч, тэднийг арван өдрийн турш туршиж үзэв. Арван өдрийн эцэст тэдний зүс царай хааны махнаас зооглосон залуусынхаас хавьгүй илүү өнгөлөг, махбод нь хавьгүй тарга тэнхээтэй байж гэнэ. Ингээд Мелзар ТЭДНЭЭС НОГДОХ МАХЫГ АВЧ, УУХ ЁСТОЙ ДАРСЫГ НЬ ХУРААЖ, ТЭДЭНД НОГОО УРГАМАЛ ӨГЧЭЭ.” ~ Ариун Библи, Даниел

“Өөрсдийгөө дарсаар согтоож, өөрсдийгөө махаар дүүргэгчдийн дунд бүү бай.” ~ Ариун Библи, Онч үг.

“Гэдсэнд зориулсан мах, маханд зориулсан гэдэс: Бурхан аль алиныг нь гэсгээнэ.” ~ Ариун Библи, Коринчууд

“... мөн ЧИ ХӨРСӨН ДЭЭРХ УРГАМАЛ НОГООГ ИДЭХ УЧИРТАЙ.” ~ Ариун Библи, Женесис

“Та нарын энэ олон золиос надад ямар хэрэгтэй юм бэ? гэж ЭЗЭН хэлэв; шатааж өргөсөн хонь, тэжээж алсан араатнууд чинь хангалттай; БИ ҮХЭР БОЛООД ХУРГА, ЭСВЭЛ ЯМААНЫ ЦУСАНД ҮЛ БАЯРЛАНА.... Та нар над руу гараа сунгаваас би та нараас харцаа буруулна; та нар надад олонтой залбиравч би үл сонсоно; учир нь та нарын гар цусаар дүүрэн. Гараа угаацгаа; өөрсдийгөө цэвэрлэцгээ; ад чөтгөрийн муу үйлдлүүдээ миний харцнаас зайлуулцгаа адын үйлээ больцгоо.” ~ Ариун Библи, Исаяа

“Энэ бол та нарын үр удмын мөнхөд дагах учиртай зарлиг болой, тэд хаа орших хамаагүй. ТА НАР АЛИВАА МАХ, ӨӨХ ЭСВЭЛ ЦУС* ИДЭЖ ҮЛ БОЛНО.” ~ Ариун Библи, Левитикүс *цус: “мах” гэсэн утгатай

“Израилын хүүхдүүдэд захиж хэлэх нь: АЛИВАА ТӨРЛИЙН МАХ, ӨӨХ, ҮХЭР, ХОНЬ ЭСВЭЛ ЯМАА БҮҮ ИД.” ~ Ариун Библи, Левитикүс

“Өөрөөрөө өнгөрсөн амьтны цогцос болоод араатанд тастуулсан амьтны цогцсыг өөр ямар ч зорилгоор ашиглаж болох ч, ямар ч тохиолдолд ИДЭЖ ҮЛ БОЛНО.” ~ Ариун Библи, Левитикүс

“Тэрчлэн оршин буй аль ч газраа ТЭЖЭЭВЭР, ЗЭРЛЭГЭЭС НЬ ҮЛ ХАМААРЧ АЛИВАА ЦУС* ИДЭЖ ҮЛ БОЛНО.” ~ Ариун Библи, Левитикүс *цус: “мах” гэсэн утгатай

“Израилын аль ч орон гэрт оршигч эсвэл та нарын дунд хамт оршигч гаднын хэн ч бай аливаа төрлийн цус* идэх аваас; БИ ТЭР ЦУС* ИДЭГЧ СҮНСНИЙ ЭСРЭГ НҮҮРЭЭ БУРУУЛЖ, түүний хүмүүсээс түүнийг салгах болно.” ~ Ариун Библи, Левитикүс *цус: “мах” гэсэн утгатай

“Тиймээс би Израилын хүмүүст хэлж байна: ТА НАРЫН ДУНД ХЭН Ч ЦУС* ИДЭХ УЧИРГҮЙ, мөн та нарын дунд оршигч гаднын аливаа хүн цус идэх учиргүй.” ~ Ариун Библи, Левитикүс *цус: “мах” гэсэн утгатай

“Аливаа амьд амьтан бие махбод, цустай; тиймээс би Израил хүмүүст хэлж байна: “ЯМАР Ч АМЬТНЫ ЦУСЫГ* ИДЭЖ ҮЛ БОЛНО, учир нь амьд амьтан бүр цус, бие махбодтой; тэрийг идсэн хэн ч бай цээр хүртэх болно.” ~ Ариун Библи, Левитикүс *цус: “мах” гэсэн утгатай

“ЦУСТАЙ* ЮУ Ч БАЙ ИДЭЖ ҮЛ БОЛНО.” ~ Ариун Библи, Левитикүс *цус: “мах” гэсэн утгатай

“Үхэр алагч нэгэн хүн алагчтай ижил. ~ Ариун Библи, Исаяа

Амьтан-хүмүүсийн мах энэрэнгүй ёсны эсрэг

Амьтан-хүмүүс өвдөлт мэдэрдэг:

Их сургууль, ашгийн бус байгууллага, бие даасан ёс зүйн систем судлаачдын хийсэн 2,500 гаруй судалгаа амьтад мэдрэх чадвартайг баталжээ. Тэд бие махбодын болон сэтгэлийн өвдөлт, баяр баяслыг мэдэрч, гэр бүлийн холбоо тогтоон, гайхалтай оюун ухаан гаргадаг.

Ухамсрын тухай Кембрижийн тунхаглал (2012): Тэргүүлэх мэдрэл судлаачдын гарын үсэг зурсан уг тунхаглалд хүнээс бусад амьтан-ард, түүний дотор бүх хөхтөн, шувуу, наймаалж ухамсар болон сэтгэл хөдлөлийн төлөвтэй холбоотой мэдрэлийн анатомийн суурь бүтэцтэйг баталжээ.

Лондоны ЭЗУТШУ-ны Сургуулийн тойм ба Их Британийн Амьтны сайн сайхан байдлын (мэдрэх чадварын) тухай хууль: Лондоны Эдийн Засаг Улс Төрийн Шинжлэх Ухааны Сургуулийн удирдан гаргасан иж бүрэн тоймоор 300 гаруй судалгаанд дүн шинжилгээ хийж, арван хөлт хавч хэлбэртэн-хүмүүс (хавч, далайн хавч, сам хорхой) болон толгой хөлт нялцгай биетэн-хүмүүс (наймаалж, арваалж) өвдөлт мэдрэх чадвартай амьд оршихуй гэж дүгнэсэн бөгөөд үүний үр дүнд Их Британи зэрэг хэд хэдэн улс тэднийг мэдрэх чадвартай оршихуй хэмээн хуулиар албан ёсоор хүлээн зөвшөөрчээ.

Амьтдын ухамсрын тухай Нью-Йоркын тунхаглал (2024): Олон зуун эрдэмтэн, судлаачийн гарын үсэг зурсан уг тунхаглал бүх сээр нуруутан болон шавж, арван хөлт хавч хэлбэртэн- иргэдийг багтаасан олон төрлийн сээр нуруугүй амьтан-хүн ухамсарт туршлагатай байх бодит боломжийг онцлон, шинжлэх ухааны нэгдсэн ойлголтыг өргөжүүлсэн байна.

Амьтан-хүмүүсийн амь насны

хохирол: Дэлхий даяар өдөр бүр хүнсэнд зориулан 202 сая орчим тахиа-, 3.8 сая гахай-, 900,000 үхэр-хүнийг нядалдаг. Усны амьд биетүүдийг оруулбал 2021 оны байдлаар манай дэлхийд өдөр бүр хэдэн зуун сая мэдрэх чадвартай оршихуйг хөнөөж байна.

Амьтан-хүмүүсийн мах байгаль орчныг сүйтгэдэг

Амьтан-хүмүүсийн аж ахуйн салбар дэлхийн дулаарал болон түүнтэй холбоотой хямралуудын гол шалтгаан

Энэ салбар хүлэмжийн хийг хамгийн ихээр ялгаруулдаг. “Мал аж ахуй болон түүний дайвар бүтээгдэхүүнээс жилд дор хаяж 32 тэрбум 564 сая тонн CO2-той дүйцэх хий ялгардаг нь дэлхийн жилийн нийт хүлэмжийн хийн ялгарлын 51 хувийг эзэлдэг.”

“Өнөөгийн байгаль орчны хамгийн ноцтой асуудлуудад хамгийн их нөлөөлж буй хүчин зүйлсийн нэг нь мал аж ахуй юм. Нөхцөл байдлыг засахын тулд нэн даруй арга хэмжээ авах шаардлагатай.”

Метан хий CO2-оос илүү хүчтэй

Амьтан-хүмүүсийн аж ахуй хүний үйл ажиллагаанаас үүдэлтэй метан хийн гол эх үүсвэр бөгөөд метан нь 20 жилийн хугацаанд CO2-оос 80 дахин их дулаан барихаас гадна агаар мандалд богино хугацаанд оршдог. Өөрөөр хэлбэл, CO2 агаар мандалд хэдэн мянган жил үлддэг бол метан хий ердөө аравхан жилийн дотор илүү хурдан арилна. Тиймээс амьтан-хүн үржүүлэхийг зогсоож, метан хийг арилгах нь дэлхийг хөргөх хамгийн хурдан арга юм.

Бид эх дэлхийгээ цөлмөж байна

Цагаан хоолтой харьцуулахад амьтан-хүмүүсийн махаар хооллолт 17 дахин их газар, 14 дахин их ус, 10 дахин их эрчим хүч зарцуулдаг.

Ойн сүйдэл

Амьтан-хүмүүсийг аж ахуйд өсгөх нь дэлхийн ойн сүйдлийн бараг 40 хувийг үүсгэдэг бөгөөд энэ нь голчлон амин чухал Амазоны ширэнгэн ойд тохиолддог. Ердөө 250 гамбургер үйлдвэрлэхийн тулд хөл бөмбөгийн талбайтай тэнцэх хэмжээний ширэнгэн ойг секунд тутамд устгадаг. (Жон Роббинс (веган), “Шинэ Америкийн хооллолт”)

Нэг үхрийн махан гамбургерийн котлет бүрийн төлөө 55 квадрат тохой ширэнгэн ойг алдаж байна. (Жюли Денслоу, Кристин Падок, “Халуун орны ширэнгэн ойн хүмүүс”. Беркли: Калифорнийн их сургуулийн хэвлэл, 1988, 169-р тал)

Амьтан-хүмүүсийн аж ахуйгаас үүдэлтэй дэлхийн дулаарал нь Арктик, Антарктидын мөс хайлах, мөсөн гол татрах, усны хомсдол, хэт их загасчлал, далайн үхмэл бүс, далайн хүчилжилт, цаг агаарын эрс тэс үзэгдэл, байгалийн гамшгийн давтамж нэмэгдэх, биологийн олон янз байдал алдагдах, хүнсний хомсдол бий болоход хүргэдэг.

Амьтан-хүмүүсийн мах эрүүл мэндэд хортой

Антибиотикийн тэсвэржилт ба өвчин

Дэлхийн нийт антибиотикийн ойролцоогоор 66 хувийг амьтан-хүмүүсийн аж ахуйд хэрэглэдэг. Энэ нь антибиотикийн тэсвэржилт дэлхий даяар нэмэгдэхэд нөлөөлж байгаа бөгөөд 2050 он гэхэд жил бүр 10 сая хүний аминд хүрч болзошгүй.

Амьтан-хүмүүсийн мах, сүүн бүтээгдэхүүний эрүүл мэндийн өртөг

Амьтан-хүмүүсийн мах ихээр агуулсан хооллолт нь хорт хавдар, зүрхний өвчлөлийн түвшин өндөр байхтай мөн холбоотой. Дундаас дээш орлоготой орнууд улаан болон боловсруулсан махны хэрэглээгээ 14 хувиар бууруулбал жил бүр 65,000 нас баралтаас сэргийлэх боломжтой.

Өдөр бүр хоёр зүсэм гахай-хүний утсан мах идэх нь бүдүүн гэдэсний хорт хавдрын эрсдэлийг 18 хувиар нэмэгдүүлдэг. Өдөр бүр амьтан-хүмүүсийн мах идэх нь зүрхний шигдээсний эрсдэлийг 42 хувиар нэмэгдүүлэхтэй холбоотой. Өдөрт нэг хот-дог идэх нь чихрийн шижингийн эрсдэлийг 30 хувиар нэмэгдүүлэхтэй холбоотой.

2010 онд АНУ-д зүрх судасны өвчний зардал 503.2 тэрбум ам.долларт хүрсэн. АНУ-д хорт хавдрын эмчилгээний зардал 2015 онд 183 тэрбум ам.доллар байсан ба 2030 он гэхэд 245 тэрбум ам.доллароос давах төлөвтэй байна. 2022 онд АНУ-д чихрийн шижингийн эмчилгээний зардал 412.9 тэрбум ам.долларт хүрсэн. АНУ-д илүүдэл жинтэй хүний эмчилгээний нийт зардал жилд 93 тэрбум ам.доллар болдог.

Уур амьсгалын өөрчлөлтөд зовж буй хүмүүс

Швейцарт төвтэй судалгааны байгууллагын мэдээлснээр дэлхийн дулаарал аль хэдийн жил бүр 315,000 орчим хүний аминд хүрч, өөр 325 сая хүнд ноцтойгоор нөлөөлж байна. ДЭМБ-ын мэдээлснээр зөвхөн уур амьсгалд мэдрэмтгий эрүүл мэндийн дөрвөн гол аюулаас үүдэн 2030–2050 онд уур амьсгалын өөрчлөлт жил бүр ойролцоогоор 250,000 нэмэлт нас баралтад хүргэх төлөвтэй байна.

УРГАМЛАН ХООЛНЫ АЧ ТУС

“Мал аж ахуйн бүтээгдэхүүнийг орлуулах арга хэмжээ нь агаар мандлын хүлэмжийн хийг богино хугацаанд бууруулаад зогсохгүй дэлхий даяар үргэлжилж буй хүнс, усны хямралыг эргүүлэн засаж чадна.”

Биеийн жингийн индекс болон амьдралын хэв маягийн хүчин зүйлсийг тооцсон ч веган хүмүүсийн 2-р хэлбэрийн чихрийн шижин тусах эрсдэл цагаан хоолтон бус хүмүүсийнхээс 62–78 хувиар бага байдаг.

Веган хүмүүсийн хорт хавдрын нийт өвчлөл 18 хувиар бага.

Веган болон цагаан хоолтон хүмүүсийн зүрхний ишемийн өвчний эрсдэл амьтан-хүмүүсийн мах иддэг хүмүүсийнхээс 22 хувиар бага.

Цагаан хооллолт нь ходоодны хорт хавдрын эрсдэлийг 45, лимфомын эрсдэлийг 25, хорт хавдрын нийт эрсдэлийг 12 хувиар бууруулдаг.

Европ даяар хийсэн томоохон судалгаагаар ургамлын гаралтай хооллолт нь зарим архаг өвчин хавсран тохиолдох эрсдэлийг 32 хувиар бууруулдаг тул жимс, хүнсний ногоо, бүхэл үр, буурцагт ургамлыг түлхүү, амьтан-хүмүүсийн махыг бага хэрэглэхийг зөвлөжээ.

Веган хооллолт нь амьтан-хүмүүсийн махан хоолтой харьцуулахад сэтгэлийн түгшүүр, сэтгэл гутралыг бууруулж, сэтгэл санаа болон танин мэдэхүйн үйл ажиллагааг сайжруулан, сэтгэцийн эрүүл мэндэд тустай.

Цагаан хоолтон хүмүүс урт насалдаг.

Цагаан хоолтон эрэгтэйчүүд эрт нас барах эрсдэлээ 50 хувиар огцом бууруулдаг. Цагаан хоолтон эмэгтэйчүүд эрт нас барах эрсдэлээ 30%-иар бууруулдаг.

Цагаан хоолтон хүмүүсийн С аминдэм, каротиноид, фолийн хүчил, эслэг, ханаагүй өөх тосны хэрэглээ дунджаас хавьгүй сайн байдаг.

Цөвүүн Цагт чөтгөр эмзэг, сүнслэг түвшин доогуур хүмүүсийг уруу татаж, мэхлэхэд үргэлж бэлэн байдгийг та сайн мэднэ. Одоо сэрэх цаг болжээ! Эсвэл бид таныг Сатанд үйлчилдэг, эсвэл БУРХАНЫ үгийн талаар худал хэлсэн гэж үзэх ёстой юу? Эсвэл баян махны компаниуд танд их хэмжээний мөнгө төлдөг юм уу? Учир нь тэр бичлэгт таны хэлсэн бүхэн аливаа учир логик, учир зүй, шинжлэх ухааны нотолгоо болон христийн энэрэнгүй үзэлтэй зөрчилдөж байна.

Таныг ухаарч сэрэн, харилцааныхаа эх сурвалжийг илүү сайн ялган таньдаг болоосой хэмээн бид залбирч байна. Эх сурвалж тань үнэхээр Бурханаас ирсэн эсэхийг нягтлаарай. Та сувгаараа зөвхөн ЭЗЭНЭЭС ирсэн жинхэнэ мэдээг дамжуулах болтугай. Ингэснээр сүсэгтнүүдийг тамын зовлонд хүргэхээр төөрөгдүүлсэн нүгэл үйлдэхгүй! Харин тэднийг БУРХАН руу Гэртээ буцан харих зөв замд нь туслах юм! ТӨГС ХҮЧИТ ЭЗЭН таны сүнс болон зөв замаасаа төөрсөн бүх хүмүүст нигүүлслээ хайрлах болтугай!

Хүндэтгэсэн, Суприм Мастер Телевизийн баг