Дэлгэрэнгүй
Татаж авах Docx
Дэлгэрэнгүй уншаарай
W tym odcinku Najwyższa Mistrzyni Ching Hai wyjaśnia, w jaki sposób możemy nawiązać kontakt z BOGIEM, który mieszka w nas.БУРХАНыг таньж мэдсэнээр бид амьдралынхаа замд чимээгүйхэн Христийн шашинтан, Гэгээнтнүүд байх болно. Мөн бид бас хүмүүсийг чимээгүйхэн адислах болно. Үүнийг хэн ч мэдэхгүй. Бидний ихэнхэд нь хэдийнээ гэр бүл, найз нөхдийнхөө өмнө хүлээсэн үүрэг байгаа тул хайртай хүмүүсээ орхилгүй, тэдэнд санаа тавьж, үүргээ үргэлжлүүлэн биелүүлнэ. Ингэж бид БУРХАНы тухай мэдлэгийг дадуулж, дэлхийг, өөрсдийгөө адислахын зэрэгцээ тун аниргүй, эгэл жирийнээр амьдарч чадна.Эзэн Есүс Өөрийн хийдэг бүхнийг бид ч бас хийж чадна гэж амласан. Энэ тухай Библид бий. Энэ бол миний үг биш. Тэрээр: “Миний хийж чадах бүхнийг та нар ч бас хийж чадна.” гэж хэлсэн. Тэр бүр: “Та нар үүнээс ч илүүг хийж чадна.” гэсэн. Тэгэхээр би та бүхэнд хэрхэн хийхийг харуулъя. Учир нь Эзэн Есүсийн Сургаал, үгээр илэрхийлэгдээгүй Сургаал нь энэ дэлхийд өнөөг хүртэл оршсоор байна. Би тэр Сургаалыг хэрхэн эргүүлэн олж авахыг та бүхэнд үзүүлэх болно.Эзэн Есүс дахин амилснаасаа хойш биднийг орхиогүй учраас Түүнтэй хэрхэн шууд ярилцахыг та бүхэнд үзүүлэх болно. Бид Түүнтэй одоо ч ярилцаж чадна. Тэр биднийг одоо ч замчилж чадна. Гэвч Тэр энэ гарагийн биет хэлбэлзэл, биет энергийг орхиж, оршихуйн илүү өндөр давтамжид очсон тул өөр хэмжээст Эзэнтэй уулзахын тулд бид өөрсдөө бага зэрэг дээшлэх хэрэгтэй. Тэгвэл бид жинхэнэ Сургаалыг Түүнээс шууд мэдэх болно. Мөн бид Түүний замаар явж, энэ дэлхийд хайр, энэрлийг авчирч чадна.Библид “Үг БУРХАНТАЙ хамт байсан бөгөөд Үг нь үнэхээр БУРХАН байсан.” хэмээн дурдсан тэрхүү Үгтэй хэрхэн холбогдохыг би мөн үзүүлнэ. Бүтээгдсэн бүхэн энэ Үгээс, энэ Үгээр бүтээгдсэн гэж үүнд өгүүлдэг. Тиймээс бид энэ Үг буюу энэ БУРХАНаар бүтээгдсэн юм бол Түүнтэй холбогдож, дахин нэгдсэнээр БУРХАНтай нэг болох болно. (Дотоодын Диваажингийн) Үгийг сонсох нь БУРХАНыг сонсохтой адил. (Дотоодын Диваажингийн) Гэрлийг харах нь БУРХАНЫГ харахтай адил. Эзэн Есүсийг дотроосоо харах нь мөн БУРХАНыг харж буй хэрэг. Энэ гараг дээр амьдарч байхдаа л бид энэ бүхнийг мэдрэх боломжтой. Бид Диваажинг харж, үүний зэрэгцээ энэ дэлхийд амьдарч, нас барсныхаа дараа хаашаа явахаа мэдэх боломжтой. Та бүхэн Библиэ хэдийнээ нэвт шувт, цээжээрээ мэддэг тул би Библийг дахин сануулах шаардлагагүй. Би энд Библид амласан бодит ахуй ойлголтыг л та бүхэнд хүргэхээр ирсэн.Библид өгүүлсэн эртний Гэгээнтнүүдийн ямар ч ахуй ойлголтыг бид өөрсдөө мэдрэх боломжтой. Бид түүнийг амсаж, нарийн бичгийн дарга хийхдээ ч, такси барихдаа ч, кофе зөөхдөө ч, өөр ямар ч ажил хийж байхдаа өдөр бүр үргэлжлүүлэн мэдэрч чадна. Ердөө л энэ бие махбодын сүмээ орхин, дотогшоо орж, дотоод дахь жинхэнэ Эзэнтэй холбогдоход л болно. Бусад бүх зүйлийг хийх арга байдгийн адил үүнийг хийх ч арга бий. Бид ердөө аргыг нь л сурчихвал хийж чадна.БУРХАНЫГ таних нь миний төсөөлж чадах хамгийн амархан зүйл, энэ болон хойд насанд бидэнд тохиож болох хамгийн амархан зүйл юм. Үүний зэрэгцээ энэ нь бидний мэдэрч болох хамгийн нууцлаг, бишрэм, гайхамшигтай туршлага билээ. Энэ үнэхээр энгийн, тиймээс л бид үүнийг мэддэггүй. Ийм байна гэж огт төсөөлж чаддаггүй. Тиймээс Библид бид бол зөвхөн сүм, энэ бие зөвхөн сүм, БУРХАН бидний дотор оршдог гэж үргэлж өгүүлдэг. Гэвч бид үүнд хэзээ ч итгэдэггүй. Бид БУРХАНыг өөр хаа нэгтээ байдаг гэж боддог. Библид: “Та нар бол БУРХАНы сүм, Ариун Сүнс та нарын дотор оршдог.” гэж маш тодорхой өгүүлсэн байдаг. Үнэхээр энгийн, үнэхээр шууд, тун тодорхой атал тэр Сүнс хаана байдгийг бидний олонх мэддэггүй. Тэгээд бид гайхамшгийг гуйж, адис ивээлийг гуйж, бүхнийг гуйн, гуйлгачин мэт зовлонт амьдралаар амьдарсаар байдаг. Гэтэл БУРХАН үргэлж тэнд оршдог. ТЭР хаана оршдогийг мэдвэл, бид хүссэн бүх адис ивээлээ хүртэж чадна. ТҮҮНТЭЙ холбогдвол хүссэн бүхнээ авна. Залбирах ч, бүр гуйх ч хэрэггүй. Учир нь БУРХАН бидний дотор бий. Бид бол БУРХАН.Гэвч бид ийм мартамхай тул Эзэн Есүс бидэнд БУРХАНы хүүхдүүд гэдгийг сануулахаар ирэхэд нь Түүнийг хөнөөсөн. Тэр Өөрийгөө БУРХАНы Хүү хэмээн тунхаглахад, энэ нь туйлын, зуун хувь үнэн байсан ч тэд Түүнийг хөнөөсөн. Тэд Түүнийг БУРХАНыг доромжилсон гэж буруутгасан.Үнэндээ энэ дэлхийн хүмүүс, өөрөөр хэлбэл, бид өөрсдөө үнэхээр итгэмээргүй. Бид Нигүүлсэл, Хайр, БУРХАНаас гаралтай гэдэгтээ итгэхээс илүү нүгэлтэй, чөтгөрөөс гаралтай гэж итгэхийг илүүд үздэг. БУРХАНы хүүхдүүд гэдгээ нотлох баримт бидэнд байхгүй байсан ч чөтгөрийн хүүхдүүд гэдгийг нотлох баримт бас байхгүй. Тэгвэл яагаад нэгд нь итгээд, нөгөөд нь итгэхгүй байна вэ? Эзэн Есүс Христ Өөрийгөө БУРХАНы Хүү гэдгээ нотлоогүй байсан ч Түүнийг чөтгөрийн хүү гэх нотолгоо тэдэнд байгаагүй. Тэгвэл яагаад Түүнийг хөнөөсөн юм бэ? Би хүмүүсийг ойлгодоггүй.Гэвч Тэр БУРХАНы Хүү гэдгээ нотолсон. Тэр дэлхийн хаанчлалыг огт сонирхоогүй. Тухайн үеийн засаг төртэй албан тушаал, нэр алдар, тэр бүү хэл мөнгөний төлөө ч өрсөлдөөгүй. Тэр хүмүүст дэлхий дээр амьдрахдаа аз жаргалтай, адис ивээлтэй байхын тулд өөрсдийн алдар суу, өөрсдийн БУРХАНыг хэрхэн олохыг л заасан. Түүн дээр ирсэн хэн бүхэнд Тэр БУРХАНыг хэрхэн танихыг заана. Тэр тэдэнд нотолгоог тэр даруй өгнө. Тэр бялуу хийж, амсаж үзэхийг хүсэхэд нь та амсахгүй, зүгээр зогсоод, бялууг чанартай, амттай гэх нотолгоог нэхэж, бүр идэж ч үзэхгүй байвал бялуу амттайг Тэр яаж нотлох билээ дээ?Гэвч нотолгоо нь хэдийнээ тун тодорхой байна. Учир нь Эзэн Есүс зөвхөн сайн сайхан, амар амгалан, хайр, энэрлийг л сургасан. Чөтгөрийн хүү юм уу, эсвэл ямар нэгэн хорон санаатан ийм зүйлийг хэрхэн сургаж, энэ бүх доромжлолыг хайраар тэвчин, тэр бүү хэл дайсан гэгдэгчдээ өршөөхийг БУРХАНаас гуйж чадах билээ? Энэ бүхэн зөвхөн БУРХАН Чанараас өөрөөс нь, зөвхөн БУРХАНы Хүүгээс л гарч чадна. Энэ өөрөө хангалттай нотолгоо. Гэвч хүн төрөлхтөн хачин төрөлтөн. Та бүхэн удахгүй Арменид Христийн шашныг төрийн шашин болгосны 1700 жилийн ойг тэмдэглэнэ. Намайг энэ ойд урьсан ч би завгүй байх тул өнгөрсөн долоо хоногт тэнд урьдчилан очсон юм. Би Эзэнийг шархдуулахад хэрэглэсэн жадыг хараад маш их уйлсан.Photo Caption: “Инээмсэглэж, Эргэн Тойрныхоо Ертөнцийг Гэрэлтүүл.”
