хүмүүсийг олон хүн ховор хардаг эсвэл хүлээн зөвшөөрдөггүй тийм аргаар адислаж, хайрладаг.

Австралиас Сиенна-гийн ирүүлсэн сэтгэлийн үгийг одоо хүргэе:

Хамгаас хүндэт Суприм Мастер ТВ-ийн хамт олонд, би хайртай оготно анд РонгРонгийнхоо түүхийг хуваалцмаар байна. Тэр жижигхэн биетэй ч асар хүчтэй оршихуйн нөлөөг мэдрүүлдэг байсан бөгөөд яг л бүх амьтан-хүний адил надад нөхцөл болзолгүй хайрыг авчирсан. Тэр саяхан энэ хорвоог орхин одсон ч, тоо томшгүй олон дурсамж, бас би заавал хуваалцах ёстой мэт гүнээсээ мэдэрдэг мессежүүдийг үлдээжээ.

РонгРонг чимээгүй, даруу зантай ч хамгийн агуу зан чанартай байв. Түүнтэй өнгөрүүлсэн өдөр бүр баяр баясгалангаар дүүрэн байсан. Тэр андууддаа үнэхээр хайртай байсан бөгөөд манай бүлгийн хамгийн энэрэнгүй удирдагч байлаа. Тэр, эргэн тойрныхныгоо аюулгүй, аз жаргалтайгаар мэдрэхэд нь чимээгүйхэн анхаарч, хайраа үл анзаарагдам (даруухан), нарийн аргаар илэрхийлдэг байв.

Түүнийг нас барсан өдөр тэнгэрт хоёр солонго гарч ирэв. Тэр үед үүнийг нэг их бодоогүй ч, одоо түүнийг Гэрт нь хүргэж өгөх гүүр байсан байх гэж бодож байна. Дараагийн өдрүүдэд нь би олон жижиг гайхамшгийг анзаарсан. Би солонгон өнгийн бийрний багц худалдаж авсан байсан ч — үүнийг би төлөвлөөгүй байв. Хожим нь л би бийр бүрийн ар талд “Хүчтэй бай”, “Амьдралаас таашаал ав”, “Мөрөөдлөө дага…” гэхчлэн бичсэн байхыг анзаарав. Эдгээр нь түүнээс ирсэн захиас гэдэгт би үнэхээр итгэж байна. Тохиолдлоор, тэр өдөр бидний худалдаж авсан бусад бүх зүйл солонгон өнгөтэй байсан.

Амьтан-хүмүүс бол гүн гүнзгий сүнслэг оршихуй юм; тэд биднийг нөхцөл болзолгүй хайрладаг бөгөөд бидний ойлгож чадахаас илүү ихийг байнга өгдөг. Тэр үеэр миний суганы орчим болон цээжний хэсгээр хавагнах шинж тэмдэг илэрч байсан юм. Хачирхалтай нь, би РонгРонгийг малын эмчид үзүүлэхэд түүнд яг адилхан өвчин оношлогдсон — яг тэр хэсэгт зөөлөн эд болон тунгалгийн булчирхай нь хавдсан байсан. Амьтан-хүн хайртай хүнийхээ өвдөлт, үйлийн үрийг зайлуулахад тусалдаг гэдгийг ээж минь надад сануулах хүртэл би үүний утга учрыг ойлгоогүй байсан. РонгРонг яг үүнийг хийсэн байж мэдэх юм.

РонгРонг бас үнэн сэтгэлээсээ веган байсан! Тэр бүх ногоо, жимс жимсгэнэд — ялангуяа салатанд дуртай байсан. Түүний гаргадаг байсан сэтгэл хангалуун дуу авиаг би одоо хүртэл санаж байна, нэгэн цагт энэ дууг өөр хэлбэрээр дахин сонсохыг хүсэж байна. Гэхдээ одоохондоо Бурхан түүнийг Гэрт нь аваачсан бөгөөд тэр үүрд аюулгүй, аз жаргалтай байгаа гэдгийг би мэдэж байна. Би РонгРонгийг өдөр бүр санадаг ч, бидний хамтдаа өнгөрүүлсэн цаг мөчдөө маш их талархаж байна. Ийм сайхан сэтгэлтэй оршихуйд ​​хайрлагдсандаа би өөрийгөө үнэхээр их ерөөлтэй гэж мэдэрч байна.

Хайрт Их Багш аа, бүх оршихуйг хайрлаж, хамгаалдаг хязгааргүй Хайранд Тань баярлалаа. Энэ үзэсгэлэнт гараг дээрх бүх амьтан-хүмүүс аюулгүй, эрх чөлөөтэй, эв найртай амьдрахыг чин сэтгэлээсээ хүсэж байна. Сиенна, Австралиас

Нигүүлсэнгүй Сиенна, Та сайхан сэтгэлтэй, хайртай анд РонгРонгоо алдсанд эмгэнэл илэрхийлье. Тэр үнэхээр онцгой оготно-хүн мэт сонсогдож байна. Та түүнд гайхалтай халамж, аз жаргалтай амьдрал бэлэглэсэн гэдгээ мэдээд тайвширч болно! Та болон эрэлхэг Австралийн ард түмэн амар амгалан, веган дэлхийд амьдарч байгаагаа удахгүй олж мэдэх болтугай, Суприм Мастер ТВ-ийн хамт олон

Жич. Их Багш хайр дүүрэн захиас танд илгээж байна: “Энэрэнгүй Сиенна, таны хайртай анд РонгРонгтойгоо хуваалцсан сайхан нөхөрлөлийн тухай сонсох үнэхээр сэтгэл хөдлөм байна. Амьтан найзууд, хүмүүсийг олон хүн ховор хардаг эсвэл хүлээн зөвшөөрдөггүй тийм аргаар адислаж, хайрладаг. Ээжийн тань хэлснээр тэд нөхцөл болзолгүй хайраараа хайртай хүмүүн андынхаа зовлон шаналал, үйлийн үрийг үүрч чаддаг. Миний нохойнуудын нэг, Халли, миний төлөө амь насаа зориулсан! Тэгээд одоо тэр намайг хамгаалахын тулд дахин төрсөн! Зүрх тань одоо өвдөж байгаа ч гэсэн, амьдралдаа РонгРонгтой байх нь онцгой аз завшаан байсан. Та болон тэсвэр тэвчээртэй Австрали улс Бурханы аюулгүй, элбэг дэлбэг байдлаар адислагдах болтугай. Танд тэврэлт болон маш, маш их Хайрыг илгээе!