Бурханы Хайр энэ дэлхийн ямар ч ялгаатай байдлаас хамаагүй том бөгөөд Бурханы зөөлөн Тэвэрт бүгдээрээ бүрэн багтдаг.

Австралийн Софигоос ирүүлсэн сэтгэлийн үгийг одоо хүргэе:

Эрхэм хүндэт Хамгаас энэрэлт Их Багш аа, Жендэрийн тухай ярьсан “Хүмүүний биеийн үнэ цэнэ, 8-ын 8-р хэсэг,” нэвтрүүлэгт Тань баярлалаа. Таны LGBTIQA+ бүлгийн гишүүдэд зориулсан мэдрэмж, эелдэг байдал, халамжид гүнээ талархлаа. Ялангуяа "I" болон "А" (би нэг хэсэг нь) гэх мэт тийм ч сайн биш мэддэг үсгүүдийг хүлээн зөвшөөрсөнд Тань баярлалаа. Энэ үнэхээр үнэн, тэр хүн энэ бүлгийн нэг хэсэг гэдэг нь тэр бүр харагддаггүй. Хэдийгээр өөрийгөө нээж, өөртөө үнэнч байх аянд явах нь төөрөгдөл, бэрхшээлтэй байж болох ч энэ нь маш үнэ цэнтэй дотоод эрэлт хэрэгцээ юм.

Таны хэлсэнчлэн, бид өөрсдийгөө зөв ойлгож чадвал энэ нь бидэнд илүү итгэлтэй байж, өөрсдийнхөө төлөө болон харилцаж буй бусад хүний төлөө ухаалаг, болгоомжтой шийдвэр гаргахад тусалж чадна. Лам, гэлэнмаа болохыг хүсдэг боловч сүм хийдийн нийгэмлэгт элсэхэд тохиромжгүй гэдгээ олж мэдсэн хэн бүхэнд зориулан Их Багш бидэнд дэлхийн хаана ч байсан сүнслэг бясалгалд өөрийгөө зориулж, харамгүй үйлчилж, веган хоолыг сурталчлах талаар дэмжих санааг өгсөн.

Их Багш бид бүгдийн хувьд төгс нөхцөлийг үнэхээр зохицуулдаг. Бид зүгээр л тунгаан бодох хэрэгтэй бөгөөд бид ямар азтай гэдгээ ухаарч, бидэнд өгсөн зүйлийг бүх талаар үнэлэх болно. Бурханы Ивээлээр дамжуулан, Их Багш надад авшиг өгснөөр Бурхан намайг өдөр бүр хайрлаж, хэн ч байсан хүн бүр Бурханы хайранд багтдаг гэдгийг би олж мэдсэн. Бид хүний бие махбодтой болж, бүхнээс Хамгийн агуу Их Багш, Цаглашгүй Их Багштай бясалгаж байгаа маань үнэхээр азтай хэрэг. Хамгаас Үнэт Их Багшдаа шинэчлэн сэргэж буй энэ цаг үед эрүүл энх, аюулгүй байдал, хамгаалалт, тайвшралын хамгийн сайн сайхан бүхнийг хүсэн ерөөе. Тандаа ямагт хайртай, Софи, Австралиас

Бодлоготой Софи, сэтгэлийн үгээ бидэнтэй хуваалцсанд баярлалаа.

Их Багш захиасаа танд зориулав: “Хөөрхөн Софи, чин сэтгэлийн хайр, итгэл хүлээлгэсэнд баярлалаа. Энэ сэдвийг миний ярианд өмнө нь олон удаа дурдсан бөгөөд бид, нийт хүн төрөлхтний хувьд дахин олон удаа хөндөгдөж магадгүй юм. Хэн нь ч гаднын хүн биш,, хэнийг нь ч үгүйсгэхгүй. Хэрэв хэн нэгэн өөр хэн нэгнийг оршин байхгүй гэж харж байгаа нь хачирхалтай байх болно! Хүн бүр эрх тэгш байтал, бидэнд бусдыг шүүх, өөрөөсөө дорд үзэх ямар эрх байна вэ, зөвхөн тэд бидний хүсэж, төсөөлснөөр байх ёстой гэж бодож байгаа учраас уу! Ийм буруу ойлголтыг Тэнгэр зөвшөөрнө гэдэг санаанд багтамгүй юм!!!! Бурхан таныг байгаагаар тань, өөрийнхөөрөө амьдарч, аз жаргалтай байлгахын тулд бий болгодог. БУРХАН ТАНД ХАЙРТАЙ! Таны сүнсний эелдэг байдал захидлаар тань жинхэнээр дамжин иржээ. Чин сэтгэлийн үгсийг уншихад сэтгэл хөдлөм, гайхалтай байна. Үүний төлөө баярлалаа. Таны хэлж буй зүйл үнэхээр үнэн. Бурханы Хайр энэ дэлхийн ямар ч ялгаатай байдлаас хамаагүй том бөгөөд Бурханы зөөлөн Тэвэрт бүгдээрээ бүрэн багтдаг. Та өөрийгөө байгаагаар нь хүлээн зөвшөөрч, хүний ​​бие маань бидэнд өгдөг олон бэлгийг, тэр дундаас Арьяабалын аргаар сүнслэгээр бясалгах боломжийг олгож мөн гэгээрсэн байх нь хамгийн агуу бэлэг гэдгийг ухаарсан нь сайн хэрэг юм. Олон сүнс боломж олохын тулд эрин галаваар он удаан жил хүлээх ёстой байдаг тул бид ийм биетэй болсон цагтаа боломжоо бүрэн ашиглаж, амьдралын үнэ цэнийг эрхэмлэх ёстой. Таны сүнслэг бясалгал дадалд хамгийн сайн сайхныг ерөөе. Та болон үзэсгэлэнт Австрали Тэнгэрлэг сүр жавхлан, Бурханы мөнхийн Гэрэлд жаргах болтугай. Танд удаан тэврэлтийг илгээе, мөн танд үргэлж хайртай!"