Бүхнийг чадагч Бурхан өчүүхэн сайхан сэтгэл бүрийг мэднэ : Сайныг сонгоод түүнээсээ бат зуур.

Одоо Хятадаас Вэнь-Мэйгийн илгээсэн сэтгэгдлийг хүргэе:

Амиа үл хайхран золиос гаргадаг Их Багш болон Суприм Мастер ТВ-ийн багт, Веганизмыг хэдэн жил сурталчилсныхаа дараа ямар нэг үр дүнд хүрээгүй нэгэн авшигтан саяхан ямар нэг байдлаар итгэлээ алдсан байв. Би түүнд өөртөө итгэх итгэлийг нь нэмэгдүүлсэн цөөн хэдэн түүхийг хуваалцав. Эдгээрийг Суприм Мастер ТВ-ийн үзэгчидтэй хуваалцах нь үнэн, сайн сайхан, гоо үзэсгэлэнг хуваалцахыг хүсдэг хүмүүсийн итгэлийг нэмэгдүүлэх болов уу гэж би бодсон юм. Бид амьдралынхаа эцэс хүртэл итгэлээ үргэлж хадгалж чадна гэдэгт би чин сэтгэлээсээ найднам.

Нэгдүгээр түүх: Таны тарьсан үр таныг мэдээгүй байхад нахиалсан байж магадгүй.

Нэг удаа хэн нэгэн надад “Би тантай дахин уулзаж буйдаа баяртай байна. Дөрвөн жилийн өмнө бид санамсаргүй уулзахад та веган хооллолтыг баримтлах хэрэгтэй, веган хоол иддэг хүмүүсийн сэтгэл санаа тайван болдог, Будда бол амар амгалангийн төлөөлөгч учраас Буддагийн нэрийг байнга уншиж байх ёстой гэж хэлж байсныг та санахгүй байгаа байх. Бид гэртээ харьсны дараа үүнийг хэрэгжүүлж эхэлсэн бөгөөд манай гэр бүл үнэхээр амар амгалан болсон.” гэж хэлсэн.

Хоёр дахь түүх: Сайныг сонгоод түүнээсээ бат зуур.

Нэг удаа би 100 хүн оролцсон цагаан хоолны бүлэгт очсон. Тэнд очоод л сүү, өндөг хэрэглэдэг цагаан хоолны бүлэг гэдгийг мэдсэн. Хэн нэгэн надад асуудал үүсгэхгүй байсан нь дээр гэж хэлсэн ч би зохион байгуулагчтай нь ярилцах хэрэгтэй гэж мэдэрсэн ба маргааш нь хаанаас веган нарийн боов захиалдаг тухай зэрэг мэдээлэл цуглуулаад, түүнд өгсөн. Хэсэг хугацааны дараа тэд сурталчилгааны материалаа веган хувилбараар өөрчилж, мөн веган цугларалт зохион байгуулсныг би мэдсэн.

3-р түүх: Бүхнийг чадагч Бурхан өчүүхэн сайхан сэтгэл бүрийг мэднэ.

Нэг удаа би ажлаасаа буцаж ирээд маш их ядарсан байв. Гэтэл дээвэр дээр хуримтлагдсан унасан навчийг хэдэн өндөр настай бодисадва нар цэвэрлэж байхыг хараад өрөвдөөд туслахаар очив. Гэнэт настай бодисадва нарын нэг нь над дээр ирээд “Бурхан чамд маш их хайртай. Тэр танд хайрыг тань хүлээн авсан гэж хэлэхийг надаас хүссэн. Хэрэв чи ядарч байвал хэсэг хугацаанд хурдан бясалгалаа хийж эсвэл амар.” гэв. Миний сэтгэл үнэхээр хөдөлсөн.

Хамгаас Хайрт Их Багш аа, Танд маш их баярлалаа. Бусдад тус болохын тулд хийдэг бүхэн минь Таны урам зоригоос үүдэлтэй. Та айлддаг зүйлээ хэрэгжүүлдэг нь шилдэг үлгэр жишээ, чиглүүлэгч гэрэл юм. Таныг үргэлж аюулгүй, эрүүл энх байж, бүх зүйл Таны хүссэнээр явагдаасай гэж би чин сэтгэлээсээ найдаж байна. Дэлхийн бүх хүмүүс удахгүй гэгээрч, Их Багш маань энэ дэлхийд байх хугацаандаа амарч, аз жаргалтай цагийг өнгөрөөж чадах болтугай! Хятадаас шавь Вэнь-Мэй

Гэрэлт сүнс Вэнь-Мэй, Та сэтгэл хөдөлгөм туршлагаа дамжуулж байгаад баярлалаа. Итгэл уулсыг хөдөлгөж чадах нь үнэн. Веган Дэлхий, Амгалан Дэлхийд хүрэх чиглэлийг бидэнд зааж өгсөн Диваажингуудад талархацгаая. Та болон Хятадын ариун сэтгэлт ард түмэн амар амгалан, баяр баясгалангаар ивээгдсээр байх болтугай, Суприм Мастер ТВ-ийн баг

Жич: Их Багш танд эдгээр үгсийг зориуллаа: “Инээмсэглэж буй Вэнь-Мэй, бидний үйлдэл шууд хүссэн үр дүндээ хүрэхгүй эсвэл үр дүнг тооцох боломжгүй бол энэ дэлхийд сэтгэлээр унах нь амархан байж мэднэ. Хэрэв бид зүрх сэтгэлдээ чин сэтгэлээсээ, ямар ч хүлээлтгүй ажиллавал бүх зүйл Диваажингийн хүслийн дагуу хийгддэг тул амьдралд илүү сэтгэл хангалуун байх болно. Тиймээс зүгээр л үргэлжлүүлж, бүх зүйлийг чадах чинээгээрээ сайн хийгээрэй. Оюун санааны өсөлт, итгэлээ тэтгэхийн тулд сайн бясалгаарай. Буддагийн мөнхийн Ивээл таныг болон гайхалтай Хятад орныг замчилж байг. Таныг Хайраар тэвэрье.”