A Heartline from First Lady Kateryna Yushchenko in Kyiv, Ukraine (Ureign)

Одоо Украин (Урейн)-ы Киев хотоос тэргүүн хатагтай Катерина Ющенкогийн илгээсэн сэтгэлийн үгийг хүргэе:

Эрхэм Төгс Гэгээрсэн Их Багш Чин Хай Танд Украины Киев хотноо СОС амьтан хамгаалах байрыг байгуулаад арав гаруй жил болж буй Тамара Тарнавскад “Гэрэлт Дэлхийн Нигүүлсэл” шагналаа гардуулсанд би талархлаа илэрхийлэхийг хүссэн юм. Тамара бол амьтны эрхийн төлөө цуцалтгүй тэмцэгч нэгэн билээ.

Би Тамараг 1995 оноос хойш мэдэх бөгөөд анх түүнийг телевизийн мэдээгээр үзээд мэдэж авч байв. Би түүнд сайн дураараа аль чадахаараа дэмжлэг үзүүлсэн. Би 1999 онд анхны хүүхдээ төрүүлсний дараа тус байранд очдог байсан бөгөөд Тамаратай олон жил холбоотой байж ирлээ. Ялангуяа Оросын түрэмгийллийн дараа тэр маш их сэтгэлийн шарх авсан ч хүчтэй, шийдэмгий, тэсвэр хатуужилтай хэвээр байна.

Таны Украины амьтдад үзүүлж буй агуу сайхан сэтгэл, нигүүлсэлд талархаж байна. Сайн сайхныг хүсье, Катерина Ющенко, 2005-2010 онд Украины тэргүүн хатагтай асан, Украины Киев хотоос

Сайхан сэтгэлтэй тэргүүн хатагтай Катерина Ющенко, Тамара Тарнавскагийн бидний өхөөрдөм амьтан найз нөхдөд харамгүй үнэнч байсан нь урам зориг өглөө.

Төгс Гэгээрсэн Их Багш Чин Хай танд сэтгэлийн үгээ илгээв: “Өгөөмөр тэргүүн хатагтай Катерина, сайхан үгсээ илгээсэнд баярлалаа. Танаас захидал хүлээн авах нь нэр төрийн хэрэг билээ. Танай үндэстний амьтан-хүмүүсийг ингэж их хайрладаг Тамара Тарнавскагийн халамжит, өөдрөг үйлсийн тухай сануулж өгсөнд тань гялайлаа. Тэрээр Оросын халдлагад өртсөн ч СОС амьтан хамгаалах байрыг үргэлжлүүлэн ажиллуулж байгаа нь гайхалтай бөгөөд тун сайшаалтай. Танай үзэсгэлэнт оронд ийм баатрууд олон байна даа. Мөн бид тэрхүү танилууддаа даруухнаар талархал илэрхийлэн бүх хайраараа тусалсан билээ. Тэргүүн хатагтайн хувиар эх орон нэгтнүүддээ үйлчилж буйд тань талархаж байна. Бусдын сайн сайны төлөө золиослох эрхэм зорилготой хүмүүс үргэлж Диваажингаас асар их Адислал хүртдэг. Бурхан удахгүй үүрдийн энх тайвныг Украин (Урейн)-ы эрхэм ариун ард түмэнд болон дэлхийд маань авчрах болтугай. Танд болон эрхэм гэр бүлд Тань хамгийн сайн сайхныг хүсье.”