Надад Төгс Гэгээрсэн Их Багш Чин Хайн өдрийн ийм сайхан мэндчилгээнүүд илгээсэн номын бүх ах, эгч нарт баярлалаа. Гэхдээ аль дээр хэлсэнчлэн Төгс Гэгээрсэн Их Багш Чин Хайн өдөр бол миний өдөр биш юм. Энэ бол буян хийх, сайн сайхны, хүмүүн төрөлтний ахан дүүсийн холбооны өдөр юм шүү дээ. Бас заримдаа та нарын номын ах, эгч нар гадуур явж, гудамж дахь золгүй хүмүүст хайр, ая тух, халуун дулааныг, халамж анхаарал түгээхийг харлаа. Эсвэл бүр золгүй амьтан-хүмүүст жаахан ч атугай тайтгарлыг биет байдлаар, гэхдээ хайр дүүрнээр өгдөг. Тэдний ингэж Диваажины, Бурханы таалалд мэдээж нийцэх үйл хийж байгаа нь намайг дандаа баярлуулдаг. (За, Багш аа. Ойлгож байна, Багш аа.) Энэ бүхэн өнгөрсөн, одоо, ирээдүйн Их Багш нарын асар их сургаал дэмий хоосон үрэгдсэнгүй гэсэн бодол төрүүлдэг. […]
Би дэлхийн төгсгөлийн хувьд, дэлхийн үйлийн үрийн хувьд шинэ мэдээ авсан хэдий ч энэ талаар хэлэх ёстой эсэхийг мэдэхгүй байлаа. […] Хэчнээн олон хүн намайг сонсохыг мэдэхгүй. Харин шавь нар минь бэлэн байх ёстой. (За, Багш аа.) Учир нь энэ бол маш чухал, маш ноцтой. […]
Одоо, сүүлд бид 2027 оны тухай ярилцаж байсан даа. (Тийм, Багш аа.) Дэлхий бүхэлдээ, хаа сайгүй ямар ч хүн, амьтан-хүнгүй, ямар ч үйл явдалгүй болсон талаарх нэг хүний зөгнөл байсан даа. Санаж байна уу? (Тийм ээ, Багш аа.) Тэгэхээр энэ гоц үзэгдэл, энэ сөрөг үйл явдал, энэ аймшигтай үйл явдал 2027 оны 11-р сард эхлээд 2031 оны 11-р сар хүртэл үргэлжлэх нь. (Өө, үгүй ээ! Өө, гэгээн минь! Өө, Бурхан минь!) Энд бичсэнээр: “Үүгээр хүн төрөлхтнийг (Хөөх! Ээ, Бурхан минь!) хуу хамж, дэлхийн хүмүүсийн 72% үхнэ.” (Хөөх! Бурхан минь! Өө, Бурхан минь! Аймшигтай!) […] “Үйлийн үрийн улмаас сувдаг чөтгөрүүд, бүх тусгай чөтгөрүүд дэлхийн хүмүүсийг хүчээр хөнөөж байна.”
Надад шавь нартаа хэлэх зүйл байна. Хэрэв та нар намайг Их Багшаа гэж дуудсаар байгаа бол сайн сонсоорой. Хэрэв та бүхэн амьд үлдэхийг хүсэж байвал аль боломжтой бүхнээ бэлтгээрэй. […]
Диваажин бас нэг удаа шөнийн харанхуйд бясалгаж байхад “Дэлхийгээ аврах итгэл найдвараа Та битгий алдаарай.” гэж хэлсэн. […] Би тэр итгэл найдвараа хадгалж байна. Сүүмийсэн дөл шиг сул байгаа ч энэ илүү том дөл болж тархах боломжтой. […] Иймээс би тэр дөлийг манаж байна. Та нар ч бас, шавь нар ч бас ингэх ёстой. […] Бурханы Адислал, Бурханы Ивээл, Бурханы Өршөөлөөр бид ялна, эерэг хүчний хүмүүс ялна гэж найдаж байна. (Тийм ээ, Багш аа.) Амен. Үүний төлөө залбиръя. […]
2023 оны 2-р сарын 19-нд Суприм Мастер Телевизийн багтай утсаар холбогдож ярилцах үеэрээ бидний Хамгаас Хайрт Төгс Гэгээрсэн Их Багш Чин Хай (веган) багийнхны мэндийг мэдэн асуухын зэрэгцээ жил бүрийн 2-р сарын 22-ны өдөр тэмдэглэдэг Төгс Гэгээрсэн Их Багш Чин Хайн Өдрийг тохиолдуулан манай Нийгэмлэгийн гишүүдээс илгээсэн дүрст мэндчилгээнд сэтгэл нь хөдөлж машид талархсанаа илэрхийлсэн юм. Мөн Их Багш маань дэлхийн ирээдүй, үйлийн үрийн талаарх хамгийн сүүлийн үеийн чухал мэдээг дамжууллаа.
(Сайн байна уу, Багш аа?) Сайн уу, сайн уу? Та нар давгүй юу? Бүх зүйл сайн хэвээр биз? (Тийм ээ, Багш аа, бүх зүйл сайн.) Өө, ашгүй дээ. Үүнийг сонсох сайхан байна. Дэлхий даяарх номын ах эгч нарын чинь илгээсэн Чин Хайн өдрийн мэндчилгээнээс заримыг нь үзлээ. Сэтгэл тун их хөдөлсөн. Тэдний Гэртээ харих гэсэн чин сэтгэлийн үгс, Бурханы Адислал, Ивээлд талархсаныг сонсоод, нүд минь нулимсаар бүрхэгдлээ. (Эвий!) Зүрх сэтгэл минь маш их хөдөлж, ийм сайн шавь нартай байгаадаа их баярласан шүү. Бурханы шавь нартай гэх гэсэн юм. (Ойлголоо, Багш аа.)
Тэд машид талархалтай байж, сайжирч, тун сайн хөгжин, оюун санааны түвшин нь энэ бүх жилүүдэд дэвшин дээшилсээр л байж. Ойрд надад иймэрхүү зүйл бодоод байх цаг зав төдийлөн байгаагүй тул би их баярласан. Яагаад гэвэл тэд бүгдээрээ, өөрөөр хэлбэл ихэнх нь сайжирч байгааг нэг нэгээр нь шалгах цаг хугацаа надад байсангүй. Дэлгэцэн дээр тэднийг “Тандаа баярлалаа” гэж хайр, аз жаргалаа илэрхийлж байгааг нь хараад би баяраар бялхлаа. (Багшийгаа баяртай байгаад бид баяртай байна.) […]
Бас аан гээч? Чин сэтгэлээсээ хэлсэн хайрын үгс ямагт хүмүүсийн сэтгэлийг хөдөлгөж, тэднийг илүү өндөр ухамсрын түвшинд өргөж, харилцааг сайжруулж байдаг. (За, Багш аа.) Мөн зүрх сэтгэлийн, сүнсний дотоод холбоог бэхжүүлдэг. Иймээс дэлхийн хүмүүс ч бас чин сэтгэлийн, халамж хайрын, байгаа бүх сайн сайхан зүйлдээ, алив сайхан учрал тохиол бүрдээ талархсан энэ мэт үгийг хэлэлцдэг болно байх гэж би найдаж байна. (Тийм ээ, Багш аа.) Тэгвэл хүн бүрийн өдөр тутмын амьдрал хавьгүй сайжран, дотоодын Бурхантайгаа оюун санааны хувьд илүү сайн холбогдож байгаагаа мэдэрч болох юм. (За, Багш аа.) Хэдий энэ нь ертөнцийн эгэл хэл яриа юм шиг боловч ингэж чин сэтгэлээсээ, ихэд хайрлангуй, хүсэмжлэн холбогдсон бол хүмүүст тус болж, тэднийг ядаж хэсэг зуур ч атугай өргөх юм. Мөн тэдэнд чанадын ямарваа зүйл эрэлхийлэх хүсэл хайрлана. (Ойлголоо, Багш аа.)
Надад Төгс Гэгээрсэн Их Багш Чин Хайн өдрийн ийм сайхан мэндчилгээнүүд илгээсэн номын бүх ах, эгч нарт баярлалаа. Гэхдээ аль дээр хэлсэнчлэн Төгс Гэгээрсэн Их Багш Чин Хайн өдөр бол миний өдөр биш юм. Энэ бол буян хийх, сайн сайхны, хүмүүн төрөлтний ахан дүүсийн холбооны өдөр юм шүү дээ. Бас заримдаа та нарын номын ах, эгч нар гадуур явж, гудамж дахь золгүй хүмүүст хайр, ая тух, халуун дулааныг, халамж анхаарал түгээхийг харлаа. Эсвэл бүр золгүй амьтан-хүмүүст жаахан ч атугай тайтгарлыг биет байдлаар, гэхдээ хайр дүүрнээр өгдөг. Тэдний ингэж Диваажины, Бурханы таалалд мэдээж нийцэх үйл хийж байгаа нь намайг дандаа баярлуулдаг. (За, Багш аа. Ойлгож байна, Багш аа.) Энэ бүхэн өнгөрсөн, одоо, ирээдүйн Их Багш нарын асар их сургаал дэмий хоосон үрэгдсэнгүй гэсэн бодол төрүүлдэг. Тэр хүмүүс дотоодын Бурхан Чанараа санасаар байгаад би тун баяртай байдаг.
Хүмүүс бие биедээ, эсвэл амьтан-хүмүүст сайхан сэтгэл гаргахад би дандаа сэтгэл зүрхэндээ үнэхээрийн их баярлан талархдаг. Зөвхөн манай бүлгийнхэн, оюун санааг эрхэмлэгч хүмүүсийн группуудээр тогтохгүй, дэлхийн бүх хүн хаа сайгүй яг ийм хандлагатай байгаасай гэж би залбирдаг юм. (Тийм ээ.) Тэгвэл сүнс нь дэвшиж, гарагаа дэвшүүлэн, дэлхий дээр бие биедээ аз жаргал авчирч, түүнчлэн Диваажинг ч гэсэн баярлуулна. Тэр бүү хэл Бурхан дэлхий ийн эв зохиролтой, амар амгалан, хайрын сайхан сэтгэлтэй, Цаглашгүй Дээдэд талархалтай байгаад баярлана.
Би хэн бүхэнд, миний үгийг сонсоход тоног төхөөрөмжөө байнга бэлэн байлгаж холбогддог бүлэг та нарт төдийгүй, энэ бүх жилүүдэд надад олон арга замаар тусалж, ажлыг минь илүү амар, илүү дээр болгож өгсөөр ирсэн өөр олон туслахуудад талархлаа илэрхийлэх гэсэн юм. (За, Багш аа.) […]
За. Сайн байна. Залуус аа, та нар байна уу? (Тийм ээ, Багш аа. Бид байна.) Өмнө нь жаахан асуудал байлаа. Би дандаа интернэтийнхээ цахилгааныг залгахаа мартсанаас болдог юм биш. Заримдаа интернэт зүгээр л ажилладаггүй. (Тийм, Багш аа. Ойлгож байна.) Бүр утас ч ажиллахаа больчихдог. Энэ бол үйлийн үр, нарны тэсрэлт, өөр юу ч юм байдаг. (Ойлголоо.) Ямартай ч би дэлхийн төгсгөлийн талаар, дэлхийн үйлийн үрийн талаар шинэ мэдээ авсан хэдий ч энэ талаар хэлэх ёстой эсэхээ мэдэхгүй байлаа.
Энэ талаар ярихыг хүсэх бүр асуудал гардгийг бид хэдийнээ харсан, жишээ нь саяны асуудал шиг л. Хоёр ч удаа. (Хөөх! Ойлголоо, Багш аа.) Маш их үйлийн үртэй байж таарна. Диваажин намайг энэ талаар яриасай гэж хүсэхгүй байгаа. Гэхдээ ямартай ч би хэлье. Яагаад гэвэл хүссэн хүмүүс нь сонсоод бэлтгэлтэй байг гээд хэлмээр байна. (Баярлалаа, Багш аа. Ойлголоо, Багш аа.) Үүнийг шавь нар та нартаа хандан хэлж байгаа юм. Учир нь гаднын хүмүүсээс хэр олон хүн намайг сонсохыг мэдэхгүй. Харин шавь нар минь бэлэн байх ёстой. (За, Багш аа.) Учир нь энэ бол маш чухал, маш ноцтой. Тэгэхээр одоо ярьж эхлэхээсээ өмнө хүн бүрийг ийм зүйл болгохгүйн тулд би эндүүрсэн байгаасай, би буруу сонссон байгаасай, бүгд эндүүрэл байгаасай гэж залбираарай гэж гуйж байна.
Дэлхий бүхэлдээ намайг шоолж, эсвэл намайг үлгэр зохиолоо гэх байсан ч хамаагүй, буруу байх л юм бол би хайхрахгүй. Буруу байвал би баярлана. Гэхдээ Диваажингууд болон эерэг хүч хүн төрөлхтөнд туслахын тулд аль чадахаараа, энэ гараг дээрх хүмүүн болон амьтны оршихуйн, бүхий л төрөлтний аль болох олон амийг аврахаар тэмцсээр байгаа гэдгийг хэлэх гэсэн юм. (За. Ойлголоо, Багш аа. За, Багш аа.) Даанч бид ялагдаж магадгүй, тийм шүү. (Хөөх!) Би ялагдаж магадгүй гэдэгтээ тун их харамсаж, ичиж байна. Даанч үйлийн үр дэндүү хүнд байна. Тэд дайтаж, заналхийлж, татвар төлөгчдийн үнэ цэнтэй мөнгөөр зэр зэвсэг, үй олноор хөнөөх зэвсэг үйлдвэрлэж, одоо улам их үйлийн үрийг тарьж байна. Зүгээр нэг жижиг буу, автомат буу ч биш. (Тийм, Багш аа.) Энэ нь бүр бүхэл Европыг хөнөөж чадах, Европыг бүхлээр нь, хаа нэгтээ, эсвэл Америкийг бүхлээр нь сүйрүүлж чадах пуужин мэтийн зүйл байдаг. (За, Багш аа.) Ийм зүйл асар их, бүр үлэмж их үйлийн үрийг тарьж, хэрэв ийм юм тохиолдвол үүнийг арилгахад маш хэцүү, бараг боломжгүй. (За, Багш аа.) Мөн ийм зэвсгүүдийн тухайд бодож сэтгэснээрээ, хүн төрөлхтнийг ийм зэвсгүүдээр устгахыг хүссэнээрээ хэдийнээ хэмжээлшгүй их үйлийн үр тарьчхаад байна. (Тийм шүү, Багш аа.)
Тэгэхээр одоо хүн төрөлхтөн галзуурчихаж, нэг улсын ганц галзуу, чөтгөр шүглэсэн удирдагчийг сонсоод дэлхийг бүхэлд нь сүйрүүлэх үр дагавар тарьчхаад байгааг та бүхэн Оросын Кремлийн өдөөсөн дайнаас харж байгаа. (Тийм ээ, Багш аа.) Олон зуун мянган гэм зэмгүй хүн зон, тэр дундаа эмэгтэйчүүд, хүүхдүүд, настнууд, амьтан-хүмүүс амиа алдаж, мөн хүнсний түгээлтэд, хүнсний тариалалт, ургац хураалтад саад бэрхшээл учруулж байгаа зэргийг тоочоод баршгүй. Бас үүнээс болж эдийн засаг уналтад орж, байгалийн хий, цахилгаан гээд бүх зүйл хомстсон. (Тийм ээ, Багш аа.) Олон амь хөнөөгөөд зогсохгүй энэ гараг дэлхийн хэн бүхний амьдралд аймшигтай асар их сөрөг үр нөлөө учруулж байна. (Хөөх.)
“Bloomberg-ийн мэдээ-2023.2.22, Сурвалжлагч: 2022 оны 2-р сарын 24-ний үүрээр оросууд Украин руу довтоллоо. Энэ нь ерөнхийлөгч Владимир Путин хэдэн сарын турш хилийн дагуу цэргүүдээ төвлөрүүлсний дараах явдал юм. Ямар ч шалтгаангүй халдлага дэлхийн II дайнаас хойших дүрвэгсдийн хамгийн том урсгалыг өдөөлөө. Найман сая гаруй украинчууд дайнаас дүрвэж, олон арван мянган хүн үгээр хэлэхийн аргагүй харгислалын улмаас амь үрэгдэж, шархаджээ. Гэвч нөлөөлөл нь хүн төрөлхтөнд тохиолдсон гай зовлонгоос хавьгүй илүү юм. Дэлхийн хамгийн том хоёр хүнсний үйлдвэрлэгчийн хоорондох тэмцэл энэ бүс нутгаас хүнс экспортлоход саад болж байна. Орос, Украин хоёр хамтдаа дэлхийн улаан буудайн худалдааны дөрөвний нэг, наранцэцгийн үр, тосны тал хувийг бүрдүүлж байв. Үнэ эргээд буурсан хэдий ч дэлхий даяар өссөн билээ.
Энэ мөргөлдөөн Европт, ялангуяа Германд сүүлийн хэдэн арван жилд тохиосон эрчим хүчний хамгийн том хямралыг бий болгож, улс орнуудыг Оросын экспортоос хараат байхаа болиулахад хүргэв. Дайны өмнө ЕХ-ны байгалийн хийн импортын 40 гаруй хувь, газрын тосны импортын дөрөвний нэгээс илүү нь Оросоос ирдэг байжээ. Дахин ингэхгүй. Үнийн өсөлт еврогийн түүхэн дэх хамгийн хурдан инфляцыг өдөөж, EТБ (Европын Төв банк)-ыг урьд өмнө байгаагүй эрчимтэйгээр хүүгээ цувралаар өсгөхөд хүргэлээ.
Украин ихэвчлэн АНУ болон Европоос нийлүүлсэн зэвсгийг ашиглан Оросын зэвсэгт хүчний эсрэг давшилт хийсэн ч жилийн дараа ч дайн дуусах шинжгүй байна. Хэзээ нэгэн цагт улс орноо сэргээн босгоход хэдэн зуун тэрбум доллар шаардлагатай. Дараа нь юу болох нь ОХУ-ын алхам, барууны дэмжлэг, дэлхий даяар нэр хүндтэй ерөнхийлөгчөөр удирдуулсан украинчуудын шийдэмгий байдлаас ихээхэн шалтгаална.”
Тэгэхээр одоо би ийм учраас үйлийн үрийн Эзэн өршөөл үзүүлэхгүйг хэлэх гэж байна. Диваажин ч гэсэн хүн төрөлхтөн дахин өршөөл хүртэх эрхгүй гэдгийг хүлээн зөвшөөрч байгаа. Гол нь тэр. (Хөөх.) Тэгэхээр одоо би та нарт сүүлийн мэдээг хэлье. (За, Багш аа. Баярлалаа.) Түрүүн хэлсэнчлэн би эндүүрсэн байгаасай. Буруу дуулсан гэж найдъя. Гэхдээ би үүнийг жижигхэн цаасан дээр бичсэн.
Одоо, сүүлд бид 2027 оны тухай ярилцаж байсан даа. (Тийм, Багш аа.) Дэлхий бүхэлдээ, хаа сайгүй ямар ч хүн, амьтан-хүнгүй, ямар ч үйл явдалгүй болсон талаарх нэг хүний зөгнөл байсан даа. Санаж байна уу? (Тийм ээ, Багш аа.) Тэгэхээр энэ гоц үзэгдэл, энэ сөрөг үйл явдал, энэ аймшигтай үйл явдал 2027 оны 11-р сард эхлээд 2031 оны 11-р сар хүртэл үргэлжлэх нь. (Өө, үгүй ээ! Өө, гэгээн минь! Өө, Бурхан минь!) Энд бичсэнээр: “Үүгээр хүн төрөлхтнийг (Хөөх! Ээ, Бурхан минь!) хуу хамж, дэлхийн хүмүүсийн 72% үхнэ.” (Хөөх! Бурхан минь! Өө, Бурхан минь! Аймшигтай!) […] Гэхдээ Тэд надад “Та болон авшигтнууд урт удаан хугацаанд тэсэж үлдэнэ.” гэж хэлсэн. (Хөөх.) Би тэмдэглэж авсан зүйлээ яг байгаагаар нь л хэлж байна. (За, Багш аа.) Жаахан тайлбар хийх ёстой, эсвэл үгүй байх.
За, үргэлжлүүлээд уншъя. (За, Багш аа.) “Үйлийн үрийн улмаас сувдаг чөтгөрүүд, бүх тусгай чөтгөрүүд дэлхийн хүмүүсийг хүчээр хөнөөж байна.” Тэдний хэлснийг л бичсэн. Бүгдийг хашилтад хийсэн нь миний үг биш гэсэн үг. (Ойлголоо, Багш аа.) Үргэлжлүүлээд ингэж бичиж: “2027 онд эхлээд дөрвөн жилийн дараа 2031 оны 11-р сар хүртэл энэ дөрвөн жилийн хугацаанд бүх хүн төрөлхтнийг, бас мэдээж амьтан-хүмүүсийг ч гэсэн арчиж хаяна. (Хөөх! Ээ, Бурхан минь! Аймаар юм бэ!) Мөн 2027 оноос Суприм Мастер ТВ зогсох болно.” (Хөөх!) Холбоо харилцаа байхгүй болсноос болж бид үргэлжлүүлэн ажиллах боломжгүй болох байх. Яагаад гэвэл интернэтгүй болж, энэ бүх систем гэмтэж, сүйдсэн байх болно. (Хөөх. Үүнийг сонсоход тун харамсалтай байна, Багш аа.) Бүр их нарийвчлах цаг надад алга. Энэ бүхэн зүрхэнд минь хэдийнээ хүндээр туссан. (Ойлгож байна, Багш аа.)
Гэхдээ би Тэднээс дунд нь ингэж асуусан: “Намайг болон авшигтнуудыг амьд үлдэнэ гэлээ. Гэхдээ бид юуны төлөө амьдрах юм бэ? Бүх хүн үхчих юм бол бид юуны төлөө, юугаараа амьдрах юм бэ?” Тэд хэлэхдээ: “Юу ч хийж болно. Талбайд үлдсэн хоол хүнсийг та нар идэж болно.” гэсэн. (Хөөх.) Тэд тэгж л хэлсэн. Тэгэхээр нь би: “Надад ямар нэг тоо хэлж болох уу?” гэсэн юм. Би бичсэн зүйлээ л уншина. (Ойлголоо. За, Багш аа.) Утга төгөлдөр үргэлжлэхгүй байж магадгүй. Мартахаасаа өмнө гэж бичиж авсан.
Жишээ нь: Би тэднээс Энэтхэгт хэдэн хүн үлдэх вэ гэж асуусан. Жишээ нь: Энэтхэгт олон авшигтан бий. (Тийм ээ.) Зөвхөн манайх биш, (Радха Соами Сатсан) Беас зэрэг бусад бүлгийнхэн байгаа. (Тийм, Багш аа.) Энэтхэгт 1,223,141 авшигтан амьд үлдэх болно. (Өө. Хөөх.) 2027 оны тоо байх. Тэгээд тухайлбал 2027 онд Их Британид 42% нь үлдэнэ. (Ээ, Бурхан минь!) Харин 2031 онд Их Британид авшигтнуудыг эс тооцвол нэг ч хүн үлдэхгүй. (Хөөх.) “Авшигтнууд минь яах вэ?” гэхэд Тэд: “Их Британид 140 авшигтан амьд үлдэнэ.” гэсэн. (Хөөх.) Би бас “ЕХ, Европын Холбооны хувьд хэд бол?” гэлээ. Тэд надад, “0% үлдэнэ. Тэг.” гэсэн. (Хөөх! Цочирдмоор юм! Ёстой цочирдлоо!) Уншаадахъя... Өө, ЕХ-нд нийт 300 авшигтан хүн үлдэнэ. Тайвань (Формоса)-д 9,321 хүн үлдэнэ. Авшигтнуудыг оруулаад байх. Эсвэл зөвхөн авшигтнууд байх. Маш богинохон яриа болсон. (Ойлголоо, Багш аа.) Нэмж юм асуух ч боломжгүйгээр би тэмдэглэж авах ёстой байсан юм.
2031 онд Их Британи хэрхэхийг хэлчихсэн билүү? “Арчигдана.” “Хэдэн хүн үлдэх вэ?” гэж асуулаа. Тэд “Тэг.” гэж хэлсэн. “Харин авшигтнуудын хувьд?” гэхэд Тэд: “Амьд үлдэнэ. Зарим нь амьд үлдэнэ.” гэсэн. “Яаж тэр вэ? Бидэнд атомын бөмбөг сэлттэй байлаа гэхэд дэлбэрлээ гээд хүн бүр ингээд үхчихнэ гэж яаж байх билээ?” гэсэн чинь Тэд надад: “Сувдаг чөтгөрүүд болон бусад чөтгөрүүд хүмүүсийг үйлийн үрийн хорт зэвсгүүдээр хороох учраас тэд шууд л үгүй болно.” гэв. (Өө, үгүй ээ! Ээ, Бурхан минь!) Ямар үйлийн үрийн хор болох талаар асуух боломж гараагүй. Асуусаар байсан ч Тэд надад дараа нь хариулаагүй. (За, Багш аа.)
Дараагийн хуудас байгаа бол энд өөр зүйл байгаа. III Чарьлз Хааны тухай. Би үүнийг яримааргүй байна. (Ойлголоо, Багш аа. За, Багш аа.) Түүний амьдралын талаар таагүй зүйл. Энд нэг зүйл байна: “Дэлхийн дайн оны сүүлээр эхэлнэ.” гэжээ. (Ээ, Бурхан минь.) Тэгж л таарна. (Ийм зүйл болохгүй гэж найдъя!)
“Дэлхийн хүмүүс 2047 онд үгүй болно. (Хөөх! Цочирдмоор юм!) Та болон шавь нар 2047 онд амар амгалан, аз жаргалтай гэтлэх болно.” (Хөөх.) Гэтлэх ч бай, үгүй ч бай, би яаж жаргалтай байхаа мэдэхгүй нь. За, ийм л байна. Бас нэг зүйл бий. Бусад зүйлс далимд нь гарч ирдэг. Би энэ талаар яримааргүй байна. (Ойлголоо, Багш аа.) Энэ бол Хааны гэр бүлийн тухай. Би яримааргүй байна. За, ингээд боллоо.
Ямар ч байсан ингээд боллоо. Энэ теле-уулзалтад зориулаад би товчхон болгочихлоо. Уг нь үүнээс ч урт л даа. (За, Багш аа. Ойлголоо.) Энэ бүхэн зөвхөн Тэдний ярьсан зүйл биш, дундуур нь бас миний асуугаад товчлон бичсэн зүйл байгаа. Яагаад гэвэл би өөрийнхөө асуусныг биш, Тэдний хэлснийг хурдхан бичиж авахыг л хүссэн. (Ойлголоо, Багш аа.) Миний асуулт энд байсан, байгаагүй Тэдний хэлсэн зүйл ойлгомжтой. Бүгдээрээ л хариулт байгаа. (Ойлголоо, Багш аа. За, Багш аа.) Бүх хүн намайг буруу сонссон байгаасай гэж залбираасай гэж би хүсэж байна. (Тийм ээ, тэгж найдъя.) Гэхдээ буруу дуулаагүйгээ би мэднэ. Хамгийн гол нь бид тэмцсээр, арай дээр шийдэлд хүрэх гэж сөрөг талтай зөвшилцөл хийсээр байна. Хэрэв бидний зөвшилцөл бүтэхгүй болбол, эсвэл ямар нэг зүйлээр солилцож чадахгүй бол энэ бүхэн болох л болно. (За, Багш аа. Ойлголоо, Багш аа.) Үйлийн үр дэндүү хүнд байгаа болохоор тэр.
Аль ч цаг үед, ямар ч байсан, аливаа Их Багшийн хувьд ганцаар зохицуулахад үйлийн үр үргэлж дэндүү хүнд байсаар ирсэн. Ихэнхдээ Тэд үрэгдсэн ч эцсийн дүндээ бусдын төлөө л амиа зольдог. Тэд зөвхөн өөрийн шавь нараа, зарим дагалдагчдаа, тэдний хамаатнууд, найз нөхөд, ес хүртэлх үеийг нь л аварч чаддаг. (Ойлголоо, Багш аа.) Хэн ч дэлхийн үйлийн үрийг бүхэлд нь шингээж чадахгүй. Тэгээд л үргэлж дайн, өлсгөлөн, цар тахал гэх мэт зүйлс болсоор байх болно. Сүүлийн үед энэ бүхэн урьд нь байгаагүй хүнд санагдах боллоо. Өөр өөр халдвар гарч, цар тахал улам бүр аюултай болсоор байна. Түүгээр ч зогсохгүй дэлхий даяар олон өөр өвчин тархаж, эрдэмтэд, анагаахын судлаачдыг төөрөгдүүлсээр л байна. (Тийм ээ, Багш аа.) Хаа сайгүй газар хөдлөлт, хар салхи болж байна. Саяхан Турк болон Сирид газар хөдөлж одоогоор 46,000 гаруй хүн амиа алдаад байна. Бас маш олон хүн сураггүй байгаа. (Тийм ээ, Багш аа.)
“Reuters-ийн мэдээ-2023.2.19, Сурвалжлагч: 46,000 гаруй хүн газар хөдлөлтийн үеэр амь үрэгджээ. Туркт одоогийн байдлаар нурж сүйрсэн 345,000 гаруй орон сууц, барилгын нурангиас үхсэн хүмүүс олдож буй ба сураггүй алга болсон хүмүүс олон байгаа тул энэ тоо өснө гэж таамаглаж байна.”
“Skynews-ийн мэдээ- 2023.2.14, Сурвалжлагч: Фатимагийн ертөнц бүхэлдээ сүйрчээ. Түүний гэр бүлээс цөөн хэдэн хүн л амьд үлджээ. Нурангин хотын нэгэн орхигдсон жаахан газар тэд дулаацахыг хичээж байна. Харин Фатима ээж, аав, эгч, ах, мөн хадам ах эгч нар гээд амь үрэгдсэн хүмүүсийнхээ нэрсийг жагсааж бичнэ. 13 хүн нурангид дарагдан, сураггүй болжээ. 10 хүүхэд өнчрөн үлдлээ. “Бид нурангиас гарч ирсэн ч хүйтнээс болж үхсэн хүмүүсийн талаар сонсож байна.” гэж Фатима надад хэлсэн юм. Айсе бидэнд засгийн газраас олгосон 10 хүнтэй хамт амьдарч буй оромжоо харуулсан юм. Тэдэнд ямар ч 00-ын өрөө, усанд орох өрөө байхгүй. Харин өвчин тусах вий гэсэн айдас л байна. “Бид одоо өвчний дэгдэлттэй тэмцэж чадахгүй. Амьд үлдсэн хүмүүс улмаар үхэх болно. Хотын тал нь үхээд байна” гэж тэрээр хэлсэн юм.”
Тэгээд бас саяхан Шинэ Зеландад газар хөдөллөө. Сонссон биз. Мэдсэн биз дээ, тийм үү? (Тийм ээ, Багш аа. Мэдсэн.) Тэгэхээр ингээд зогсохгүй. (Хөөх! Ойлголоо, Багш аа.) Бид хичээж, туслахгүй байгаа юм биш. Болох ёстой болоод л болсон. (За, Багш аа. Ойлголоо, Багш аа.) Мөн дэлхийн төв эргэхээ больчихсон. (Хөөх!) Соронзон орон эвдэрчхээд байгаа. (Хөөх!) Нарны идэвхжил болж байна. Би сайн санаж байгаа бол Техаст саяхан нэг солир унасан. (Хөөх. Тийм, Багш аа.) Бас маш олон өөр өвчин гарлаа. Шувууны ханиад урьд нь хүнд тийм ч их хор хүргэдэггүй байсан бол одоо урьд өмнөхөөсөө улам бүр л нөлөөлдөг болж байна. Тахиа-хүмүүсийг хүнсний зорилгоор өсгөж байгаагийн эсрэг тэд дайн хийж байна. (Тийм ээ, Багш аа.) Миний санахгүй байгаа өөр маш олон зүйл бий. Интернэтээс та нар өнөө цагт манай дэлхийн хаа сайгүй байгаа аллагын талбар гэмээр зүйлсийг харж болно. (Тийм ээ, Багш аа.) Хүүхдүүд, настайчууд, бүр эрүүл хүмүүсийг хүртэл үхэлд хүргэдэг.
Тэгээд л би маш удаанаар эргэлзсэн ч гэсэн үүнийг хүмүүст хэлэх ёстой юм байна гэж бодсон хэрэг. Урьд нь хэлэх гэж оролдсон ч надад түвэг учруулсаар байсан. Диваажин хүмүүсийг бэлтгэлтэй байгаасай гэж хүсэхгүй байх шиг. Гэхдээ би тэдэнд хэлж өгмөөр байна. Надад итгэхгүй байлаа ч ядаж л мэдэж авч, бэлтгэлтэй байж, наманчлах уу, үгүй юү гэдгээ сонгоно. Тэгж байж аль болох олныг аврах боломжтой. (Тийм ээ, Багш аа. Баярлалаа, Багш аа.) Гэхдээ зүрх сэтгэл минь асар их шаналж, олигтой амарч ч чадахгүй байна. Эргэж хөрвөөсөөр байдаг. Амрах хэрэгтэй байсан ч би амарч чаддаггүй. Амралтгүй байхын тулд цай, кофе уух хэрэг ч алга. (Эвий дээ.) Бас дэндүү их ажил байна. (Ойлгож байна.) Бас интернэтгүй болох, интернэт тасалдах, утас ажиллахгүй байх гэх мэт бүх асуудлыг ганцаараа шийдэх ёстой болдог. (Өө! Хөөх!) Бүх зүйлийг ганцаараа зохицуулах надад амаргүй байна. (Ойлгож байна, Багш аа.) Бүх зүйл, бүр жаахан асуудал байсан ч хугацаа авдаг. […]
Очсон газраа өрөө маань том ч бай, жижиг ч бай би бүх гэрлээ асаалттай байлгадаггүй. Яг хэрэгтэйгээ л асаадаг. (За, Багш аа. Ойлгож байна, Багш аа.) Нарны хураагуурт гар чийдэн ашиглах жишээтэй. (Тийм.) Яагаад гэвэл утсаа унтраадаг. Хэрэглээгүй үедээ унтраалттай байлгадаг. Тэгэхээр би ядаж үүнийг сонсох шавь нартаа, хэмнэж болох бүхий л зүйлийг хэмнээрэй гэж хэлье. Мөнгөнөөс болж биш, үйлийн үрээс болж. Бас бусад хүмүүсийн хэрэгцээнд зориулаад. Хэрэв бид дэндүү ихээр хэрэглээд байх юм бол бусад хүнд хүрэлцэхгүй байж мэднэ. Яагаад гэвэл юм хүрэлцэхгүй болсноос болж үнэ өснө. (Тийм ээ, бид ойлголоо, Багш аа.) Тэгээд л би цахилгаан хэмнэж, хэрэглээгүй үедээ бүх гэрлээ асаадаггүй. Мөнгө хэмнэх гэсэндээ биш, бусад хүмүүс хэрэглэг, хуваалцаг гэсэндээ тэр. (За, Багш аа.) Тэгвэл үнэ нь тэгтэл тэнгэрт хадахгүй, бас бусад хүнийг зовлон, цөхрөлд унагахгүй.
Миний шавь гэгдэх хүмүүс та нар надад итгэдэг хэвээрээ бол амьдрахыг хүссээр байгаа бол, амьдрах, амьд үлдэх сонголт хийхийг хүсэж байгаа бол чадах бүхнийг чинь хэлэх гэсэн юм. Та нар магадгүй үхэхгүй байх, бид ялж ч магадгүй. Яагаад гэвэл Диваажин бас нэг удаа шөнийн харанхуйд бясалгаж байхад “Дэлхийгээ аврах итгэл найдвараа Та битгий алдаарай.” гэж хэлсэн.
Харанхуйд баримжаалж бичсэн зүйлийнхээ зургийг явуулахаар та нар хараарай. Үзгээр бичиж, тэгээд нөгөө хуруугаараа бичилтээ чиглүүлэх ёстой болсон. (Хөөх.) Энд шулуун болоогүй. Яагаад гэвэл нөгөө хуруугаараа чиглүүлээгүй байсан бол нэг үгийг нөгөө дээр нь бичих байсан байх. (За, Багш аа.) Тэгэхээр энд “Дэлхийгээ аврах итгэл найдвараа бүү алдаарай.” гэжээ. Өө, тэгээд үүний сонссоны дараа би үнэхээр... ямар нэг байдлаар хамаагүй дээрдсэн. (Тэгнэ дээ, Багш аа.) Тэгээд би үүнийг бичээд ажилладаг хэсгийнхээ ханан дээр наачихсан. Би та нарт үүний зургийг өгөөдөхье. (Баярлалаа, Багш аа.) Бичгийг минь шоолуузай. (Шоолохгүй, Багш аа.) Яагаад гэвэл тас харанхуйд бичсэн юм. Тэр үед би гэрэл олж чадаагүй, бас ахуй ойлголтоо бусниулахгүй байх зэрэг олон өөр зүйлээс болоод гэрэл асаахыг хүсээгүй. (Ойлголоо, Багш аа. За, Багш аа.) […]
Надад шавь нартаа хэлэх зүйл байна. Хэрэв та нар намайг Их Багшаа гэж дуудсаар байгаа бол сайн сонсоорой. Хэрэв та бүхэн амьд үлдэхийг хүсэж байвал нарны гар чийдэн, аль боломжтой нарны эрчмээр ажилладаг бүх зүйлийг бэлтгээрэй. Тэгээд хоол хүнсээ бэлтгэ. (За, Багш аа.) Наад зах нь хоёр долоо хоног, хэдэн сарынхыг. Болбол түүнээс дээш хугацааныхыг. Хурдан муудахгүйг нь шүү. (За.) Хэрэв хугацаа нь дуусах дөхөж байгааг нь хэрэглэж байгаа бол хүнсээ агуулах, зоорь, хаана л хадгалж байна тэндээ шинийг худалдан авч тавиарай. Будаа, хатаасан гоймон, төрөл бүрийн шош, хатаасан шош, эсвэл лаазалсан шош, лаазалсан хүнс, хуурай хүнс гэх мэт хөргөгч хэрэглэхгүй зүйл байна. Үнэхээр онцгой байдал үүссэн тохиолдолд та нар өөрсдөдөө зориулж заримыг нь хадгалаарай. Үгүй гэж найдъя. Үгүй гэж найдъя. Миний та нарт хэлсэн бүхэн эндүүрэл байг гэж залбираарай. Гэхдээ юмыг яаж мэдэх вэ гээд бэлдээрэй. Хэн мэдэх вэ? (За, Багш аа.) Одоо хоол хүнсээ болон онцгой байдлын үеийн, сууцаа дулаацуулах юмс бэлтгээрэй. Онцгой байдлын үед амьд үлдэх боломжтой олон зүйлийг интернэтээс мэдэж аваарай. (За, Багш аа.)
Атомын бөмбөг, цөмийн бөмбөг хаа нэгтээ дэлбэрсэн тохиолдолд, та нарын ойролцоо биш байсан ч, мэдээж, ялангуяа ойрхон дэлбэрсэн бол гадагш бүү гар. Болж өгвөл удаан хугацаанд бүү гар. Мэдээж хаана байгаагаас тань шалтгаална. Зүгээр л гэртээ бай. Агуулахдаа байгаа зүйлийг л идээрэй. Энэ нь илүү аюулгүй. Хоол хүнс хайх юм уу тариалангийн талбайгаасаа юм авах гэж гарах гээд хэрэггүй. Тэдгээр нь бохирдсон тул бохирдсон агаараар амьсгалах болно шүү дээ. Боломжтой бол гэртээ л байгаарай. Дотор л бол хаана ч байсан болно. (Ойлголоо, Багш аа. За, Багш аа.) Цацрагийн эсрэг эм гэж бас байдаг. Энэ нь хэр үр дүнтэйг би мэдэхгүй. Харин залуус та нар сайн эсэхийг нь нягтлахыг хичээгээрэй. Дараа нь та нар юм болбол гээд гэртээ заримыг нь авч бэлтгээрэй. (За, Багш аа.) Гэхдээ хэрэв цөмийн зэвсэг 50 км-ийн радиус дотор, амьдарч буй газрын тань ойролцоо унавал атом, цөмийн бөмбөгийн цацраг идэвхт бодисоор бохирдох тул дор хаяж олон долоо хоног, сараар талбайгаасаа юуг ч бүү авч идээрэй. (За, Багш аа. Ойлголоо, Багш аа.)
“Debunked-ийн ’Цөмийн дэлбэрэлт/ уналтын эхний цагийг хэрхэн даван туулах вэ!’-ийн хэсгээс, Стюарт Кеннаби: Цөмийн довтолгооны эхний цагт юу хийхээ мэдэж байх нь амьдрал, үхлийн ялгааг илэрхийлж магадгүй юм.
Өгүүлэгч: Атомын бөмбөг гурван замаар сүйтгэж, гэмтээдэг. Үүнд тэсрэлт, халалт, цацраг идэвхт бодис орно. Тэгэхээр атомын бөмбөгт зэвсгийн эдгээр чанараас бид өөрсдийгөө хамгаалах ёстой.
Стюарт Кеннаби: Гамшгаас хамгаалах үндэсний төвийн дэд захирал Жефф Шлегелмилч ийн хэлжээ: “Цөмийн дэлбэрэлт болохыг харвал хамгийн түрүүнд хийх зүйл бол долгионы цохилтоос хамгаалах хаалтын араар орох явдал юм.” Хүчтэй долгион цагт хэдэн зуун километрийн хурдтай ирдэг гэдгийг санаарай. Иймд нуугдах газар олох тийм их хугацаа байхгүй. Цацраг идэвхээс хамгаалах мэргэжилтэн Брүүк Буддемиер бүтцийн хувьд сайн зүйлийн ард хоргодохыг зөвлөж байна: “Гэнэтийн нөлөөллөөс, ялангуяа дэлбэрэлтийн долгионоос хамгаалахын тулд хаачих вэ гэж бодохдоо хар салхины үед хийдэгтэйгээ адилхан төрлийн зүйлийг боддог. Хүчтэй доргилтоос болж дээрээс тань юм унаад ирэхээргүй газар байрлаарай.” Дэлбэрэлтийн долгионыг давлаа ч гэсэн харамсалтай нь бүх зүйл тийм ч хялбар байхгүй. Цаг хугацаатай жинхэнэ уралдах ёстой. “Өөрийгөө болон гэр бүлээ аюулгүй болгох жаахан цаг танд байх болно. Хамгийн чухал нь дотогш орж хамтдаа байх явдал юм.” Хоргодох газар олоход 10-20 минутын хугацаа л байх магадлалтай.
Юуны өмнө машиндаа байж болохгүй. Гамма цацрагаас таныг хамгаалахад металл хаалга, шилэн цонх дэндүү нимгэн байх болно. Явуулын орон гэр ч бас хоргодох тохиромжтой газар болохгүй. Үүний оронд суурийн давхар юм уу олон давхар, илүү том байшин ол. Хамгийн гол нь агаар дахь цацраг идэвхт тоосонцроос өөрийгөө аль болох олон зузаан давхаргаар хамгаалаарай. Бид бетон болон тоосгоны талаар ярьж байна. Сайхан шилэн цамхгууд, мод болон гипсээр барьсан гэр орон тийм ч шилдэг сонголт биш шүү. Хэрэв хотод байгаа бол метроны шугамын гүн рүү орох нь бас хамгаалагдаж болох түвшний арга юм. Газар дээрх байшин дотор орсон гэж үзвэл та дээд давхруудаас аль болох зайлсхий. Бүх цацраг идэвхт тоосонцор дээвэр дээр л тогтоно. Гол нь дотор байж, аюултай түвшний гамма цацраг ялгаруулж буй цацраг идэвхт тоосонцроос аль болох хол байх нь чухал юм. Энэ нь цацраг идэвхийн хордлогод оруулж болно. Харин байшингийн аль болох төв хэсэгт байгаарай. Байгаа орчноо битүүмжлэх цаг байгаа бол хаалга, ил зуух, агааржуулагч, цонх зэргээ цацраг идэвхт тоосонцор бууж ирэхээс сэргийлээрэй.
За, бүх зүйл тийм ч аядуу болоогүй арай өөр хувилбарын тухай авч үзье. Энэ удаа бид машинаа орхин, хамгийн ойрын бат бөх барилга руу гүйсэн ч цацраг идэвхт тоосонцор унаад эхлэх байх. Тэгж бодож байвал хийж чадах хамгийн шилдэг арга бол ам, хамраа даавуугаар дараад, нүдээ аних юм. Ингэж бүдчиж явах амаргүй л дээ. Тэгэхээр энэ жишээн дээр бол дотогш ороход 15 минутын л хугацаа байна. Ямар нэг зүйл өөр дээр тань унасан уу? Үсэнд тань, эсвэл хувцсан дээр тань унасан уу? Тэгвэл цацрагийн цочмог хордлогод орох эрсдэлд байна гэсэн үг. Гадуур өмссөн хувцаснуудаа болгоомжтой тайлаарай. Тэгвэл цацраг идэвхт бодисын 90%-ийг арилгаж чадна. Түүнийгээ хуванцар уутанд хийгээд хүрэхээргүй газар орхиорой. Цаг зарцуулах хэрэгтэй. Хамгаалалтын иж бүрдлээ хурдан арчиж, цэвэрлэх нь цацраг идэвхт тоосонцрыг арилгаж мэдэх ч хэнд ч тус нэмэр болохгүй. Шүршүүрт орох нь нэлээд тустай. Мэдээж саван, шампунь хэрэглэн өөрийгөө угааж цэвэрлэнэ. Харин ангижруулагч хэрэглэхгүй. Энэ нь цацраг идэвхт бөөмүүдийг үсэнд тань тогтоочихно. Шүршүүрт орох боломжгүй байлаа ч нүүр, гараа болон биеийн ил байсан хэсгүүдээ тосгуурт угааж чийгтэй даавуу, нойтон алчуураар арчаарай. Дахин хэлэхэд гол нь их ус ашиглан удаан угаах нь чухал. Сүүлийн нэг зүйл бол өөрийгөө маажих юм бол цацраг идэвхт бодис арьсанд тань орно.
Одоо нэг цаг өнгөрсөн гэдэг нь цацраг идэвхт тоосонцор гадаа унаад, 50% суларсан байгаа гэсэн үг. Эхний 24 цагт үүний эрч 80% суларч, хоёр долоо хоногийн дараа 99 хүртэл хувь нь сулардаг байна. Гэхдээ цацраг идэвх нь угаас өндөр байсан бол 1% ч гэсэн аюултай хэвээр байж болно гэдгийг санаарай. Тэгэхээр гэртээ аль болох удаан хоргодох нь бохирдох магадлалыг буруулдаг.”
Хэрэв ногооны талбайн тань эргэн тойронд ямар нэг аж ахуй, газар байгаа бол түүнийгээ дээд зэргээр ашиглаж, хүнсний ногоо тариарай. Хэрэв байхгүй бол бөөндөө хамт байрлаад, нэг өрөөгөө суллаж болох юм. Тэгээд тэр өрөөндөө хүнсний ногоо тариарай. “Их хэмжээний” хүнсний ногоо байх албагүй, иддэг жаахан ногоогоо л. Тэдгээрийн ихэнх нь, тухайлбал байцай хүртэл, хэрэв бүх навчийг нь авбал дунд нь гол байдаг даа. Хэрэв голыг нь гэмтээхээр хэт гүн зүсээгүй л бол зүгээр л хөрсөнд суулгаад, услахад болно. Энэ ургах болно. (За, Багш аа.) Амлаж байна, ургана. (За.) Би өмнө нь ингэж тарьж байсан. Энэ тустай шүү. Үнэхээр ургадаг. Гаа ч гэсэн хэдэн навчийг нь бүүр аваад, зөвхөн ишийг нь үлдээж, тэр жижигхэн салааг нь хөрсөнд суулган тарихад дахин ургана.
Юуцай гэх мэт хүнсний ногоо зэргийг навчийг нь огтолж, юуцай буюу ногооныхоо үзүүрээс хоёр гурван инч (таваас долоон сантиметр)-ыг үлдээгээд дахин тарина. (За, Багш аа.) Шинэ юм шиг л ургана. Бас брокколийн гол, бүгд. Би өмнө нь тарьж байсан. (За, Багш аа.) Хаа нэгтээ гэрэл зураг байгаа байх. Тэдгээрээс ургасан. Эдгээр нь богино хугацаанд шинэ юм шиг л ургадаг. (Хөөх. Ойлголоо, Багш аа. За, Багш аа.) Үнэхээр ургадаг. Мөн маш их үр, маш их шош худалдаж аваад хүнсний ногоо тариалж эхлэх боломжтой. Шошоор соёолж тарьж болно гэж хэлж байгаа юм л даа. Хомсдолд орсон ч гэсэн шошийн соёолж, хатаасан шош бол хооллож, амьдрахад тань хангалттай. (За, Багш аа. Ойлголоо, Багш аа.) Шош, үр хоёр тийм ч хурдан мууддаггүй. Та нар хүнсний ногоо худалдаж авахын оронд байнга ургуулж идэж болно. Учир нь онцгой байдлын үед дэлгүүр байхгүй, худалдаж авах хүнсний ногоо байхгүй байж магадгүй.
Мөн саванд, галлон (~4 литр)-д, ямар нэг зүйлд бэлэн байхаар ус нөөцлөөрэй. (За, Багш аа. За, Багш аа.) Онцгой байдлын үед уух гэж л байлгаарай. Усанд орох гэж юм уу ямар нэг зүйлд хэрэглэх гэж биш. Шүдээ угааж болох ч усанд орохгүй. Шаардлагатай үед чийгтэй алчуураар биеэ арчиж болох юм. Өдөр бүр ингэх албагүй. (За, Багш аа. Ойлголоо, Багш аа.) Буддын шашинд лам нар хоёр долоо хоног тутамд усанд ордог. Би ч мөн адил тэгдэг. Хамаагүй ээ, өнөө үед зүгээр. Мэдээж гадагшаа гарч ном айлдах ёстой бол өөрийгөө илүү цэвэрхэн болгох хэрэгтэй. Ингэх нь надад цэвэрхэн мэдрэмж төрүүлдэг. Мөн та бүхэн өдөрт гурван удаа хооллох шаардлагагүй. Та нар маш их ажилладаггүй, гадагш гардаггүй бол, ер нь нэг удаа хооллоход хангалттай. Үнэхээр хэрэгтэй гэсэн хэмжээндээ идээд л сэтгэл ханахад болно. (За, Багш аа. Ойлголоо, Багш аа.)
Хэрэв маш их хоол хүнс, нарийн ширийн зүйл нөөцлөх мөнгө байхгүй бол бор будаа болон хуурсан гүнжид юм уу түүхийг нь худалдаж аваад, боломжтой бол өөрсдөө хуурч болно. Үгүй бол зүгээр л хуурсан гүнжид худалдаж аваад бор будаа, давстай хольж идээрэй. Тэгээд заримыг нь нөөцлөөрэй. Үүнийг удаан хадгалж болно. (За, Багш аа.) Гэхдээ бор будааг цагаан будаа шиг удаан хадгалж болдоггүй тул аль алиныг худалдаж аваарай. Тэгээд эхлээд бор будаагаа идээд дараа нь цагаан будаагаа идээрэй. (Ойлголоо. За, Багш аа.) Гүнжид, газрын самар нөөцөл. Эдгээр нь маш их уураг агуулдаг. Ямар нэг хоол хийх боломжгүй үед будаатай хамт идэж болно. (Ойлголоо.) Тэгээд та нар амьд үлдэхэд хангалттай шим тэжээл авах болно. (За, Багш аа.) Би үүнийг хамгийн багадаа гурван сарын турш идсэн. Ямар ч шавьгүй байхдаа би жил бүр гурван сар, борооны улиралд лам бүрийн хийх ёстойн адил дияанд явж, бор будаа, гүнжид, жаахан давс л иддэг байлаа. Тэр үед би нэг шил шар буурцгийн цуу авч чаддаг байсан. Тэгээд амтлах гэж бага зэргийг хийдэг байлаа. Үгүй бол ердөө бор будаа, гүнжид, давс байхад л хангалттай. (Ойлголоо, Багш аа.) […]
Интернэтээс бусад хүмүүс хүнсний ногоогоо гэртээ, ямар ч зайд хэрхэн тарьж ургуулдаг талаар мэдэж аваарай. Хувинд, бүр гялгар уут, хаягдсан уут, юунд ч хэрхэн ургуулж, хэрхэн хурааж, ашигладаг талаар. (За, Багш аа.) Тагтан дээрээ, угаалгын зай томтой өрөөнд ч юм уу тариарай. Би өмнө нь ваннандаа шар буурцгийн соёолж тарьдаг байсан. (Хөөх!)
Ингэхэд би хуримтлуулсан туршлагаасаа хэлж өгч байгаа юм шүү. Та нар байшин дотроо юуг ч тарьж ургуулж болно. Цонхны тавцангийнхаа хажууд, цонхны тавцан дээрээ, цонхныхоо хажууд тавих юм уу нэг өрөөндөө нөөцөлж, эсвэл бас зочны өрөөндөө гоёл чимэглэлийн ургамал шиг байрлуулж болно. (За Багш аа.) Өөр ургамал тарих шаардлагагүй. Хүнсний ногоогоо л чимэглэлийн ургамал болгон тарьж болно. Тэгвэл онцгой байдлын үед бэлтгэлтэй байна. (Ойлголоо, Багш аа.) Хэрэв та нарт юмс худалдаж авахаар олдохгүй юм уу мөнгөний боломжгүй, эсвэл хэн ч мөнгө авахгүй бол эдгээрийг тарьж ургуулаад л бай. Онцгой байдлын үе биш байсан ч та нар идэж болно шүү дээ. (За, Багш аа.) Юутай ч та нарт өдөр бүр хэрэг болно. Та нар эдгээрийг худалдан авахын тулд хүнсний зах руу явах хэрэгтэй. Өнөө үед хоол хүнсний олдоц улам бүр багасаж, илүү үнэтэй болж байна.
Тиймээс та нар эдгээрийг амархан, маш амархан ургуулж чадна. Ургамалд хөрс л байхад болчихно. Ногооны талбайн ямар ч хөрс байж болно. Эсвэл дэлгүүрээс хөрс аваад, ногооны талбайнхаа хөрстэй юм уу жаахан элстэй хольж болох юм. Хэрвээ та нар ногооны талбайтай, модтой бол навчийг бордоо болгон ашиглаж болно. (За, Багш аа.) Хадсан өвс гэх мэт юу ч байсан бордоо бэлтгээд навчтайгаа хамт хөрс, энэ тэр зүйл хийгээрэй. Энэ ёстой гайхалтай байх болно. (За.) Надад тийм тансаг зүйл байхгүй. Надад байгаагүй болохоор тэр үед би ногоо тарихдаа ердөө цайны навч тавьдаг байсан. Уусан ууттай цайгаа. (За. За, Багш аа.) Цай бэлтгэхээр аягандаа хийчихэд уут нь байсаар л байдаг даа. (Тийм ээ.) Түүнийг задлаад суулгац, ургамал дээрээ тавиарай. (За. Аан, ойлголоо.) Тэд галзуу юм шиг л ургана. […]
Үнэндээ амьдралд бидэнд тийм ч их зүйл хэрэггүй. Хэрэв та нарт идэх зүйл байхгүй бол бор будаа, гүнжид, давс байгаа эсэхийг шалгаарай. Та нар амьд үлдэх болно. (За, Багш аа.) Мөн ус. (Баярлалаа, Багш аа.) Бас усны шүүлтүүр заавал байлгаарай. Тэгвэл ус хортой болох юм уу бохирдоход та нар усаа шүүгээд, хоол хийж болно. Эсвэл буцалгалгүйгээр шууд ууж ч болно. Байдлаасаа л хамаарна. (За, Багш аа. Ойлголоо, Багш аа.) Гэхдээ би усаа шүүсэн ч гэсэн ямагт буцалгадаг. Ингэвэл илүү аюулгүй санагддаг. Илүү дээр санагддаг юм.
Бүр цахилгаангүй, шатдаг хийгүй, хоол хийх ямар ч аргагүй байдалд ороход хоол хийхгүйн тулд та нар лаазтай нөөшилсөн хоол авцгаагаарай. Бүх үзэгдэлд бэлтгэх хэрэгтэй. Гэрийн тэжээвэр амьтан-хүнээ гэртээ хаа нэгтээ, угаалгын өрөөндөө ч юм уу хиймэл зүлэг, эсвэл өөр ямар нэг зүйл дээр өтгөн шингэнээ гарган, бие засдаг болгож сургах хэрэгтэй. Учир нь атом, цөмийн бөмбөг дэлбэрвэл гэрийн тэжээвэр амьтан-хүнээ гаргаж чадахгүйд хүрнэ. Гаргавал тэд цацраг идэвхийг гэртээ оруулж ирэх болно. Энэ нь та бүгдэд, амьтан-хүмүүст тань хортой.
Ямар нэг чөтгөрийн хорон санаат дайн хүмүүсийн дунд дэгдсэн аль ч тохиолдолд амьд гаръя гэвэл хийх ёстой зүйл бидэнд маш их байна. Дайны хэнээтэн хүмүүстэй тулаад зогсохгүй, энд ирж хүн төрөлхтнийг устгаж, сөнөөж, арчиж хаях үүрэгтэй чөтгөрийн хүчтэй бас харьцах ёстой болж байна. Миний өөрөө там руу тонилгосон зарим том чөтгөр одоо эргэж ирэх зөвшөөрөлтэй болсон байна. (Хөөх.) Ийм нөхцөлд яаж ялахаа би мэдэхгүй л байна. Учир нь энэ бүх сөрөг хүчийг ялахын тулд илүү хүчирхэг байх, мөн хүмүүсийн хамтын ажиллагаа хэрэгтэй байна. Сөрөг хүч одоо хаа сайгүй бий. Тэд хүмүүсийг уруу татаж, бохирдуулж, тархи оюун, бие махбодыг нь хордуулж байна. Тийм ч учраас элдэв гамшиг зовлон бараг зэрэг зэрэг тохиож байгааг та нар харж байна. Энэ гэтэл улам дордоно. Тэдгээр зүйл улам улам олноороо нэг зэрэг тохиолдоно... элдэв төрлийн гамшиг, өвчин эмгэг гэх мэт тэр бүхэн. Энэ бүхэн ердөө эхлэл төдий. (Хөөх.)
Үйлийн үрийн энэ дайнд ялахын тулд хүмүүс бидэнтэй хамтарч ажиллах хэрэгтэй байна. Диваажин, Дэлхий нэгдэх хэрэгтэй. (Ойлголоо, Багш аа.) Тэгж гэмээ нь бид энх тайвныг цогцлоох илүү хүчтэй болж, энэ гараг дээрх хүн болон хүн бус оршин суугчдын эв зохирол, аюулгүй байдлыг хангах боломжтой. Би асар их, маш их... цөхөрч байна. Диваажингийн тусламж байгаад ч маш их ганцаардаж байна. Дэлхийн оршин суугчид хамтран ажиллахгүй бол хэн ч ганцаардана. Миний санааг хүн бүхэн ойлгож байгаа гэж найдаж байна. (Тийм ээ, бид тэгж найдаж байна.) Энэ бол дэлхийн тухай, энд оршин буй дэлхийнхэн, амьтан-хүмүүсийн тухай учраас бид нэгдвэл хүчтэй байна.
Амьтан-хүмүүс бидэнтэй хамтарч байна, хүмүүс харин бүгдээрээ биш. Одоогоор тийм ч олон биш. Тийм болохоор Диваажин хэдий “Гараг дэлхийгээ аврах итгэлээ бүү алд.” гэж намайг тайтгаруулсан хэдий ч бид яаж ялах ёстойгоо одоохондоо үнэхээр мэдэхгүй байна. Залбирч чадах болгон залбираарай. Энэ хүнд бэрх цаг үед хүмүүс биднийг дэмжиж, босох хэрэгтэй. Мэдэхгүй нь... Би уйлах ч тэнхээгүй боллоо. Тэгэхээрээ би юу л болбол болог гэе. Сүнс үхэхгүй, хэзээ ч. Зүгээр л хүний болоод амьтан-хүмүүсийн сүнс бие гээч олон давхар зүйлд гацсан хэрэг. Тэгэхээр физик бие махбод үхсэн ч, асурийн бие байж байдаг, тамд аймшигтайгаар шийтгүүлэх болдог.
Там руу очсон хэн боловч яаж шийтгүүлдгийг та нар төсөөлж ч чадахгүй. Гэхдээ... ээ, Бурхан минь. Харин хүмүүс үүнийг мэдэхгүйд л асуудал байна. Тэд харалган, нүдээ боолгосон мэт, тэд Диваажинг мэдэхгүй, тамыг мэдэхгүй. Үр дагаваргүй гэж бодоод зүгээр л юуг ч хамаагүй үйлдэж байна. Энэ бүхнийг хараад сэтгэл минь тэвчээд байж чадашгүй нь. Хэрэв хүн төрөлхтөн үй олноороо нэг зэрэг амь насаа алдвал тэдний сүнсийг аврах нэн хэцүү болно. Сүнс үй олноороо яваад өгөх ийм үед сүнсийг нь аварна гэдэг маш хэцүү ажил. Тэд “арчигдах болно” гэсэн. Миний үг биш, Диваажингийн үг. “Арчигдана.” Далан хоёр хувь нь, Бурхан минь. Эхний хагас нь, тэгээд дараагийн хагасын ээлж ирнэ. Тэгээд гүйцээ! Гараг дэлхий минь 2047 онд баяртай, бүгд арилсан байх болно! Энэ явахын тухай биш. Авшигтнууд та нар, шууд Диваажинд очно, гэтэл бусад хүмүүс төгсгөлгүй тамд зовох нь. Ээ, Бурхан минь! Би хэчнээн их залбирч байна! Гэвч одоо ер нь юу нэмэртэйг мэдэхгүй байна.
Эмч, сувилагч нар өвчтөнд туслах гээд байхад өвчтөн нь сайжрахын тулд хийх ёстой зүйлийн алийг нь ч хийхгүй байдагтай яг адилхан нөхцөл байдалд байна. Илаарьшихын тулд өвчтөн өөрөө эмнэлгийн ажилтнуудтай хамтарч ажиллах хэрэгтэй. Бичиж өгсөн эмийг ууж, эмч нартаа итгэх хэрэгтэй, биеийг нь сүйтгэж буй өвчнийг ялахын тулд эмч нартай хамтран ажиллах, тэмцэх хүсэлтэй байх хэрэгтэй. Энэ дэлхийн хүмүүс бидэнтэй ингэж хамтарч ажиллахгүй байна. Амьтан-хүмүүс тийм их зүйл хийж чадахгүй. Хүн төрөлхтөн бол чадна. Өөр хоорондоо болон зэрэгцэн орших амьтан-хүмүүстэйгээ эв найртай байх бүх боломж, оюун ухаан, арга замыг тэдэнд заяасан ч тэд үүнийг хийхгүй байна. Зарим нь хийдэг ч эзлэх хувь нь маш доогуур. Зүгээр энэ эмийг уучих. Веган л болчих, Бурхан минь. Бурхан, оюун санаа, шашны тухай юу ч яригдаагүй байна. Веганизм та нарыг аварна, амь насыг тань аварна, хайртай хүмүүсийг тань, гараг дэлхийг тань аварна гэдгийг шинжлэх ухаан нотолчхоод байна. Ердөө веган болж, гэмшиж наманчлан, энхтайваныг цогцлоон, сайн үйл хийхийг гуйж байна.
Тиймээс чадах бүхнээ хадгалж, аль болох хараат бус бай. Учир нь та нар амьд үлдэхийн тулд өөрөө тариалж, өөрөө хураан, өөртөө анхаарал тавих байдлаар амьдрах тийм нөхцөлд байх хэрэгтэй болж магадгүй. Энэ дэлхийн зарим тохиолдолд хүмүүс үнэхээр галзуу байдаг. Та нар ийм галзуу хүн Кремльд байдаг гээд төсөөлж болно. Бүхэл бүтэн улсад маш олон цэргийн хүн, маш олон хүчирхэг хүн бий. Харин тэд ердөө ганцхан галзуу хүнийг дийлэхгүй юм. Түүнийг дагасаар жишээ нь харийн нутагт, Украин (Урейн)-д хэдэн зуун мянгаараа үхэж байна. (Тийм шүү, Багш аа.) Ийм л юм болдог. Яг л Гитлер шиг. Түүнийг унах хүртэл улс даяараа түүнийг дагасан шүү дээ. (Тийм ээ.) Тиймээс үйлийн үрээс болж энэ галзуу дэлхийд юу ч тохиолдож болно. Тиймээс бэлэн байгаарай, намайг бүтэлгүйтэхэд бас бэлэн байгаарай. Хэтэрхий их үйлийн үрээс болж энэ баг, манай баг, Диваажингийн баг бүтэлгүйтсэн тохиолдолд л гэж хэлэх гэсэн юм. (Ойлголоо, Багш аа.)
Гэхдээ Диваажин бас надад “Өөрийнхөө дэлхийг аврах итгэл найдвараа бүү алдаарай.” гэж хэлсэн болохоор би тэр итгэл найдвараа хадгалж байна. Сүүмийсэн дөл шиг сул байгаа ч энэ илүү том дөл болж тархах боломжтой. Жишээлбэл: Та нарт ганц жижиг лаа байг. Харин цэцэрлэгт мод, навч, хуурай зүйл, шатдаг зүйл байх аваас тэр лаагаар их гал гаргаж болно оо доо. (Тийм шүү. Тийм ээ, Багш аа.) Иймээс би тэр дөлийг манаж байна. Та нар ч бас, шавь нар ч бас ингэх ёстой. Бид бүх дэлхий шиг олуулаа биш ч хичээх ёстой. Бид Бурханд, шударга ёсонд, өөрсдийн цэвэр ариун байдал, уужим сэтгэлд, энэ гараг дээрх хүмүүн төрөлтөн болон бусад хүмүүс, бусад төрөлтнийг хайрлах нөхцөл болзолгүй хайрдаа итгэх ёстой. Бид аль болох их залбирцгаая, бясалгая. (Тийм ээ, Багш аа. Тийм шүү.) Та нарын бясалгал, залбирал шиг чухал зүйл байхгүй, ялангуяа өнөө үед. Хүн бүр үүнийг санаж байх ёстой.
Та нарын цаг хугацаа үнэ цэнтэй шүү. Одоо урьд өмнөхөөсөө илүү үнэ цэнтэй. Гуйя, дэлхий ертөнцийн төлөө залбирах, өөрийнхөө төлөө болон дэлхийн төлөө бясалгах зэрэг үүргээ үл тоомсорлож болохгүй шүү. Бурханы биднээр дамжуулан өгдөг бясалгалын адис, ач тусыг бид хуваалцдаг. Тиймээс бид сүнслэгээр, чин сэтгэлээсээ хийсэн юу ч бай дэлхийд тусална. Одоо жинхэнэ цэвэрлэгээний үе учраас бүх дэлхийд биш байж магадгүй гэж хэлж байгаа юм шүү. Алтан эрин байх ёстой боловч тэнд амьдрахад тэнцэхээр тийм ч олон хүн алга даа. Тиймээс дэлхий сүйрч ч магадгүй. Дэлхий нийт хүн төрөлхтнийг устгаж байна. Тэд надад ингэж хэлсэн. (Хөөх.) Юутай ч би эндүүрч гэж найдъя даа. Түүнээс гадна Бурханы Адислал, Бурханы Ивээл, Бурханы Өршөөлөөр бид ялна, эерэг хүчний хүмүүс ялна гэж найдаж байна. (Тийм ээ, Багш аа.) Амен. Үүний төлөө залбиръя. (За, Багш аа. Бид ингэж залбирах болно. Баярлалаа, Багш аа.) (Бид Тантай хамтдаа эцсээ хүртэл тэмцэх болно, Багш аа.) Тийм ээ. Та нарын хийж буй зүйл бол зэвсэггүй тулаан юм. Бидэнд ямар ч зэвсэг хэрэггүй. Бид юуг нь ч хүсэхгүй. (Тийм ээ, Багш аа.)
Энэ дэлхий хүмүүсийг дэмжин, ядууст, гачигдалтай хүмүүст туслахын оронд галзуу их тэрбум, их наядыг цаг ямагт алах зэвсэг хийхэд зарцуулж байна. Хэрэв дайн хэзээ ч болохгүй, энэ бүх зэвсгийг хэзээ ч үйлдвэрлэхгүй, тэр бүх мөнгөө гачигдалтай хүмүүст зориулбал хэчнээн хүнд тустай байх вэ? Тэгвэл энэ дэлхий дээр хэзээ ч ядуурал нүүрлэхгүй байх болно. (Тийм шүү. Тийм ээ, Багш аа.) Гэтэл тэд тэгдэг. Бурхан минь Ямар ч улс оронд, хамгийн баян улсад ч гэсэн орон гэргүй, зүдэрсэн, ядуу хүмүүс байдаг.
Гэтэл тэд эдгээр алж хөнөөх, сүйтгэгч зэвсгийг бүтээх гэж хэдэн тэрбум, их наядыг зарцуулах юм. Яагаад тэр вэ? Манай дэлхий үзэсгэлэнтэй шүү дээ. Бидэнд Бурханы өгсөн зүйлээс өөр юу ч хэрэггүй. Хүн бүрд хүрэлцэхээр байгаа. Яагаад алж хөнөөж байгаа юм бэ? Яагаад тулалдаад байгаа юм бэ? Иймээс тэд галзуурсан юм уу чөтгөрт эзэмдүүлсэн байхаас зайлахгүй. (Тийм ээ, Багш аа.) Ийм л байна. Ямар ч утгагүй. (Тийм ээ.) Байгаа юм уу? (Үгүй, Багш аа. Ямар ч утга байхгүй.) Одоо 21-р зуунд тэмцсээр, алж хөнөөсөөр, өрөвдөх сэтгэлгүй, гэмшилгүй, харуусалгүй, юу ч үгүй гэдэгт хэн ч итгэхгүй дээ! Тэдэнд зүрх сэтгэл байхгүй. Тэдэнд хайр байхгүй. Тэдний дотор чөтгөр л байна. Ийм байж л үүнийг хийж чадна. Өөр юу байх вэ дээ? Та нар надад тайлбарлаж чадах уу? Чадах уу? (Үгүй ээ, Багш аа.)
Бид эцсээ хүртэл тэмцэнэ. (Тийм ээ, Багш аа) Тийм ээ. Бас нэг зүйлийг би зөвхөн авшигтнуудад болон ер нь сонсох хэн хүнд хэлэхэд, санаа бүү зов, битгий тоо. Буянтай, сайн л байвал болно, нас барсан ч гэсэн энэ бол зөвхөн хувцас солихын дайтай зүйл. Буянтай сайн биш, ухамсаргүй, ёс суртахуунгүй бол харин санаа зовбол зохино. Учир юу вэ гэвэл там таныг бузраас цэвэрлэх гээд хүлээж байх болно. Энэ нь удаан, нэн урт удаан, олон арван жил эсвэл хэдэн мянган жил ч үргэлжилж мэднэ. Тиймээс Диваажингийн хайр халамж дүүрэн Өршөөл Ивээлийг хүртэх буянтай байгтун. Бид үүнд л санаа зовох хэрэгтэй. Бид нас барсан ч гэсэн энэ бол хувцсаа солихын дайтай зүйл. Та нар ажрахгүй. Сүнс хэзээ ч үхдэггүй. Зөвхөн бие л солигддог, тиймээс бүү айгаарай. (За, Багш аа.) Амьдралаа ердийнхөөр үргэлжлүүлж ердөө арай эрчимтэй залбирч, бясалгаж, бусдад тусал. Бидний түүхийн энэ цаг үед та нарын хийж чадах зүйл ердөө энэ. (Ойлголоо, Багш аа. Ойлголоо.)
Хэтэрхий их бүү санаа зов. Энэ бүхэн өөрчлөгдөж ч мэднэ. Бид үүний төлөө ажиллаж байна. Үүн дээр ажиллаж байна. Диваажин болон өчүүхэн миний бие тэрхүү 2027- 2031 онд болох ёстой зүйлийг тийм байдлаар болгохгүйн төлөө бид чадах бүхнээ хийж байна. (Ойлгож байна, Багш аа. Баярлалаа, Багш аа. ) Тийм зүйл тохиолдох бол тохиолдоно. Хүний сүнс угаасаа огт үхдэггүй. Тэр тусмаа авшигтнуудын хувьд та нар гэтлээд Тим Ко Тугийн оронд төрж, аз жаргалтай байх болно. (Баярлалаа, Багш аа) Та нар тэр оронд төрөх хангалттай өндөр дэстэй биш байлаа ч арай доогуур түвшний Диваажинд очоод бага багаар дээшилж болно, авшигтнууд. Миний авшигтнууд. Бусад хүмүүсийн авшигтнууд яахыг би мэдэхгүй байна. Би зөвхөн өөрийнхөө авшигтнуудыг эрт орой хэзээ нэгэн цагт Тим Ко Түгийн Оронд хүргэнэ гэж амлаж чадна. (Баярлалаа, Багш аа)
За, өөр хэлэх зүйл, асуулт байна уу? Өөр ямар нэг зүйл? (Бидэнд хэлж өгсөнд баярлалаа, Багш аа. Эерэг хүч ялж, аймшигт үйл явдал болохгүй, Их Багш ялж, хүн төрөлхтөн аврагдана гэж найдаж байна. Ялахынх нь төлөө бид Багшийнхаа талд бат зогсоно.) Бурхан та нарыг адислаг. Эрхэм ариун үйлсэд хичээнгүйлэн зүтгэж байгаад тань баярлалаа. (Баярлалаа, Багш аа Бид Тандаа хайртай, Багш аа) Өөртөө болон өрөөлд, төрөл садан, хойч үе, ер нь чадах хүн болгондоо туслахын тулд бидний хийж чадах зүйл энэ юм. Бид бүгдийг Бурхан ивээг. Амен. (Амен.) Дараа уулзталаа баяртай, хайрууд аа. (Танд баярлалаа, Багш аа. Танд хайртай шүү, Багш аа. Биеэ бодоорой, Багш аа.)
Уур амьсгалын өөрчлөлт болон түүний шийдлийн талаарх шинжлэн ухааны нотолгоотой холбоотой бүх мэдээлэл Төгс Гэгээрсэн Их Багш Чин Хайн “Хямралаас Энхтайванд” номд бий.
Үнэ төлбөргүй татаж авах хаяг: Crisis2Peace.org
Хамгаас Нигүүлсэнгүй Их Багшдаа дэлхий дээрх болон чанагуух ертөнцийн бидний аялалд Гэрлээрээ мөнхөд замчилж байдагт нь гүн талархал илэрхийлье. Таны Хайр, Ачлал үнэхээр бүх төрөлтөнд хүрч хамгаалдаг билээ. Эдгээр онцгой цаг үеүдэд бид бүгдэд Диваажингийн Өршөөл хэрэгтэй байгааг хүн бүр ухаарч, Бурханы тоо томшгүй Адислал өдөр тутамд ирж байдагт талархан, талархлаа илэрхийлэх болтугай. Илүү гэгээлэг, эв найрамдал, нигүүлсэл хайр, бурханлагаар дүүрэн дэлхийн төлөө бид бүгд яг одоо веган болж, гэмшин, сайн үйл хийх чөлөөт хүслийн агуу хүч байгааг хүлээн зөвшөөрцгөөе. Эрхэм Их Багшдаа эрүүл энх, амар амгалан байж, бүхий л Сүр Жавхлант Хамгаалагчдын хайр дүүрэн Тусламжтайгаар аюулгүй байхыг хүсье.
2023 оны 3-р сарын 6-ны даваа гарагт Багш шавийн шүтэлцээ нэвтрүүлгээр бидэнтэй хамт байж, энэхүү утсаар холбогдсон яриаг бүрэн эхээр нь хүлээн авч үзээрэй. Үүнд Тайвань (Формоса)-ийн маш хүчирхэг Чи Гоноор хичээллэгч нэгэн хүний өдөр тутмын энгийн веган хооллолтын тухай өгүүлнэ.
Мөн дэлгэрүүлэн мэдээлэл авахыг хүсвэл, Багш шавийн шүтэлцээгээр толилуулсан үүнтэй холбоотой өмнөх дугааруудыг үзнэ үү:
Бурханы Өршөөлд талархаж, Түүний зарлигуудыг сонсож дагаарай
Дэлхийг гэтлээсэй хэмээн залбир
Веган болж, чин сэтгэлээсээ наманчлах сүүлчийн дуудлага
Хамгийн хүнд үйлийн үртэй улсууд: Хүмүүс өршөөл эрж залбирах ёстой
Энхтайвны зүг алхаарай, сайхан амьдралтай байгаадаа талархалтай байгаарай
Гэх мэт...
