Олон хүнийг би нохой-хүмүүсээс хэрхэн сайн байхыг, Диваажингийн Таалалд илүү нийцэж байхыг суралцдаг ч болоосой гэж хүсэх юм. […] Миний ноход бол Диваажингийн адислалт хүчтэй машид нийцэж, хамгаалагч чанар маш ихтэй, чадах бүхнээ хийдэг. Бас үнэхээрийн дуулгавартай. Дуулгавартай ч гэж болохгүй юм байна. Зүгээр л тун хамтач, маш хүндлэлтэй. […] Нохой-хүмүүс үнэхээр их гоц мэдрэмжтэй. Ихэнх амьтан-хүмүүс гоц мэдрэмжтэй. […] Хүмүүс бидэнд ч бас энэ телепат чадвар бий. Бид ердөө л дэндүү завгүй байдаг. Энэ чадвараа хэрэглэхгүй байсаар унтаа байдалд оруулчихдаг. […] Хүмүүс дээдийн дээд нь юм. Тэдэнд өөрсдийгөө хамгаалах, тэр бүү хэл хоол, ундгүйгээр амьдрах, Бурханыг таних гэх зэрэг бүхий л чадвар бий. (Хөөх. Тийм ээ.) Мөн сахиусан тэнгэрүүдийг, Гэгээнтнүүдийг, Саран дээрх, Наран дээрх, одод дээрх бүхий л төрөлтнийг болон өөрт нь туслах гэсэн болон хорлох гэсэн бусад үл үзэгдэгч төрөлтнүүдийг ч харж чадна. Мөн тэдэнд асар удаанаар, олон зуун жилийн турш, тэр бүү хэл хэдэн мянганы турш магадгүй үүрд энэ биет түвшинд орших чадвар байгаа. […]
(2027 оны тухай. Хоосон гудамж, хот суурины зураг бичлэгийг нэг хүн урьд нь хийж байсан. ) Тийм ээ. (Яагаад тийм зүйл болох юм бол? Тийм нөхцөл байдлаас зайлсхийх боломж бий болов уу, Багш аа? ) Тийм ээ, би та нарт хэн нэгэн үүнийг харсан эсэхээс үл хамаарч ийм зүйл болно гэж хэлсэн дээ. (Ээ, Бурхан минь.) […] Диваажингууд, бүхий л Гэгээнтэн, Мэргэд болон өчүүхэн миний бие аль болох бүх хүнийг аврахаар шаргуу зүтгэж байна. […]
Гэхдээ хүмүүс өөрчлөгдөж илүү олон хүн веган болбол бид үүнийг өөрчилж чадна. (Тийм ээ, Багш аа.) Улам олон хүн веган болох тусам илүү их амар амгалан улам л хурдан ирнэ. (Тийм, Багш аа.) Хангалттай олон хүн, чухал шаардлагатай тооны хүн өөрчлөгдөхгүй л юм бол энэ бүхэн 2027 онд тохиолдоно. […] Яагаад гэвэл хүмүүс зарим төрлийн биохимийн бөмбөг хаяж, түүнээс нь болоод хүмүүс агаарт замхран алга болно. (Ээ, гэгээн минь.) Яс, хумс нь ч үлдэлгүй тэр чигтээ үгүй болно. Харагдах юу ч үлдэхгүй. (Хөөх.) Агаар болон замхарна. (Хөөх.) Бүр тоос ч биш шүү. […] Мөн нөлөө нь урт хугацаанд байсаар байна. Амьд үлдсэн хүн байлаа гэхэд тэр бүсэд орох юм бол бас л үгүй болно. (Хөөх.) […]
Авшиг хүртээхийг минь хэр удаан зөвшөөрөхийг мэдэхгүй байна. […] Тэгэхээр Диваажингийн Адис, Ивээлийг хүртэх азтай хүмүүс л ирж авшиг хүртэж чадна. Үүрд ийм байх эсэхэд ч би итгэлтэй байж чадахгүй. […]
2023 оны 1-р сарын 24-ний мягмар гарагт гүн дияан бясалгал хийж буй бидний Хамгаас Хайрт Төгс Гэгээрсэн Их Багш Чин Хай (веган) Суприм Мастер Телевизийн багийн гишүүнтэй ажил төрөлтэй холбоотой яриа өрнүүлэх үеэрээ Өөрийн нохой- хүмүүсийн хайр хүрэм явдлуудаас эелдгээр ярьж өгсөн юм. Их Багш мөн цаг хугацаагаар аялагчийн хийсэн 2027 оны дүрс бичлэг, хүн төрөлхтөн наманчилж, веган болох эцсийн хугацаатай холбоотой асуултуудад хариулав.
Сайн сууж байна уу? (Сайн байгаа, баярлалаа, Багш аа. Та сайн сууж байна уу, Багш аа?) Сар шинийн мэнд хүргэе. (Өө, их баярлалаа, Багш аа. Танд ч бас сар шинийн мэнд хүргэе!) Танд болон бүгдэд нь. (Баярлалаа, Багш аа.) Энэ гарагийн хүмүүс илүү аврал хүртэж, амьдрал нь үргэлжилсээр байх болтугай. (Тийм.) […] (Та хэр байна, Багш аа?)
Өө, би зүгээр, зүгээр. Ганцаараа байгаа болохоор шинэ жил гээд байх юм алга. (Аан за.) Гэхдээ ер нь дажгүй ээ. Элдэв зүйлийн талаар тийм их бодоод байх зав алга. Маш их завгүй л байна даа. (Аан за.) Тун завгүй байна. Би өөрийн авсан нэг зургаа өөрөөр хэлбэл сельфигээ явуулна. Үүнийг номын ах эгч нартаа үзүүлээрэй. (За.) Тэд намайг хэр байгааг мэдэг. […]
Илүү өөдрөг зүйл байна уу? (Тийм, хэдэн зүйл байгаа. Багш аа, Та бидэнд нохой-хүмүүсийнхээ талаар илүү ихийг ярьж өгч болох уу?) Миний юу гэнэ ээ? (Багшийн нохой-хүмүүс. Бидэнд илүү ихийг ярьж өгч болох уу?) Өө, тэд хайр татам хүмүүс л юм даа. Тэд маш хайр татам, маш үнэнч, маш их хамгаалагч чанартай төрөлтөн. (Тийм шүү.) Бүх талаараа маш хүндлэлтэй. Олон хүнийг би нохой-хүмүүсээс хэрхэн сайн байхыг, Диваажингийн Таалалд илүү нийцэж байхыг суралцдаг ч болоосой гэж хүсэх юм. Тэд үнэхээр... Бусад нохой-хүмүүс өөр ч байж мэднэ. Миний ноход бол Диваажингийн адислалт хүчтэй машид нийцэж, хамгаалагч чанар маш ихтэй, чадах бүхнээ хийдэг. Бас үнэхээрийн дуулгавартай. Дуулгавартай ч гэж болохгүй юм байна. Зүгээр л тун хамтач, маш хүндлэлтэй.
Жишээ нь: Намайг “За боллоо, эрхлүүлэх цаг дууслаа. Одоо би ажлаа үргэлжлүүлэх ёстой.” гэдэг ч юм уу. Тэгэхээр тэд шууд л хэвтээд зүү унагасан ч дуулдахаар чив чимээгүй болдог. (Хөөх.) Эсвэл унтахаар явдаг. Даруй ойлгоно. Унтах цаг боллоо гэж намайг хэлбэл унтах цаг юм байна гэж ойлгоод явдаг. Шинэ орчинд, шинэ гэрт байлаа ч гэсэн тэд ор хаана байгааг мэдээд очоод хэвтэнэ. Ядаж хэсэг зуур ч болтугай тэгдэг. (Тийм байх нь.) Тэгээд магадгүй миний байгаа газарт сэмээрхэн эргээд ирж мэднэ. Гэхдээ намайг завгүй, бясалгалдаа юм уу, гаднын ажилдаа төвлөрөөд компьютер, эсвэл утсан дээр байж байвал тэд чимээгүйхэн хэвтээд өгдөг. (Аан.) (Хөөх.) Маш чимээгүйгээр. Юу ч хүсэхгүй. Бурхан минь, өрөөнд агаар байхгүй юм шиг тийм чимээгүйгээр шүү. (Хөөх.) Тийм. […]
Бүхий л амьтан-хүмүүс угаасаа л хүнийг хамгаалах гэдэг. Бүх хүн үүнийг мэдэж авч талархаасай гэж хүсэх юм. Миний очсон газар бүрийн шувуу-хүмүүс үргэлж ойр хавьд минь байдаг. Бас заримдаа би үүрийн 3-4 цаг хүртэл оройтож ажиллах ёстой болно. Тэнгэр хав харанхуй байдаг. Яагаад гэвэл би эргэн тойронд гэрэлгүй газар амьдардаг, мөн аль болох цахилгаан хэмнэх гээд гэрлээ асаалттай орхидоггүй юм. (Хөөх.) Хашаандаа гарах ч юмуу цэвэр агаар амьсгалах гэж, эсвэл жаахан дасгал хийх гээд хаалгаа нээж гарахаар (За.) тэд бүгд яагаад ч юм сэрчхээд (Хөөх.) надад юм хэлж, эсвэл дуулдаг. Би маш их гайхсан. Тэгээд “Та нар өдийд дуулж баймааргүй л юм даа.” гэлээ. Би тэднийг сонссоор тэд үргэлж надад урам зориг өгч, эсвэл зөвлөгөө, таатай үг юм уу, хайрын захиас хэлцгээдэг. (Их сайхан юм аа.) Үргэлж үнэхээр сэтгэл хөдлөм байдаг. Манайхаас хол байлаа ч ойн захад далд (Аан.) байж байгаад дуулж, ярьж, надад юм хэлдэг. Түүнийг нь би сулхан сонсоно. (Хөөх!) Заримдаа дэндүү хол байх юм бол би дотоодын сонороо ашиглах болдог. (Ойлголоо.)
Иймд би хаа явсан ч, ойр орчмынхоо бүх төрөлтөнд үргэлж талархдаг. (Тийм, Багш аа.) Хаана ч очсон маш гайхалтай, үнэхээр хайр татам, эелдэг төрөлтнүүд таардаг. Тэд бүгдээрээ хүнийг маш их хамгаалдаг. Тэднийг хараагүй байхад хүртэл шүү. Нохой-хүмүүс тэгээд л толгойдоо хүргэх дургүй байдаг. Яагаад гэвэл тэд түүгээрээ Диваажинтай, Диваажингийн хүчтэй холбогддог. (Хөөх.) Миний нохой-хүмүүс толгойдоо хүргэх дургүй. (Сонирхолтой юм.) Би бол тэдэнд Бурханаас гаралтай шүү гэдгийг нь сануулах гэж билгийн мэлмийд нь л хүрдэг. (Хөөх.) Тэд хором мөч бүр Бурханыг мартах учиргүй. Боломж гарах бүр хүрдэг. […]
Тэд ёстой их хүндлэлтэй. Маш их хүндлэлтэй. (Гайхалтай.) Тийм ээ, ёстой гайхалтай. Одоо миний нохдын дунд байдаг нэг нохой түүнийг эрхлүүлэхгүй л бол юу ч иддэггүй. Дуртай ургамлан ясаа ч идэхгүй. (Хөөх.) Түүнийг эрхлүүлж, гайхалтай шүү, сайн шүү, миний анд найз, би чамайг үргэлж хайрладаг гэж хэлэх хүртэл идэхгүй. Тэгж байж л иднэ. (Өө, хөөх.) Эхлээд би мэдээгүй л дээ. Яачихсан юм бол гэж бодсон. Нэг юм болохгүй байна даа, өвдөө юм болов уу, яагаа бол гээд. Тэгээд түүнд хүрээд “Чи зүгээр үү? Чамдаа хайртай хэвээрээ шүү. Битгий санаа зов. Сайн байх болно. Хайр шингэсэн амттан байна.” гэв. Тэгтэл тэр идсэн. Тэгээд л би ойлгосон доо. Дараагийн удаа, тэрний дараа ч адилхан. Тэгээд түүнийг хооллохоосоо өмнө хайртайгаа илэрхийлэх хэрэгтэй гэдгээ ойлгосон. Яагаад гэвэл тэд нар иймэрхүү зүйлд дуртай. Жишээ нь: Тэдэнд жаахан далайн байцаа, нимгэн далайн байцаа өгсөн бол дараа нь жаахан ургамлан яс өгч шүдийг нь цэвэрлэдэг юм. (Аан, за.) Тэр идэх дуртай ч гэсэн эхлээд хайртай дуртай гэхгүй л бол иднэ гэж байхгүй. Энэ мэтчилэн. (Түүний дуршлыг өдөөгч байх нь.) Тийм байх. Энэ нь түүнд дуртай хоолноос нь ч илүү чухал байх нь. […] Ноход оо гэж. Ёстой хайр хүрмээр.
Заримдаа нохой-хүмүүс ямар ч шалтгаангүй байхад хуцаад л байдаг. Гадаа онцын болсон зүйлгүй, гэрт чинь хэн ч ирээгүй, гадаа сэжигтэй юм байхгүй байхад (Тэгдэг.) нохой-хүн хуцсаар л байх юм бол ойролцоо муу хүмүүс явж байна гэсэн үг. (Хөөх.) Эсвэл сувдаг чөтгөр, тэнүүл сүнснүүд хүмүүст ямар нэг хор хүргэх гээд байна гэсэн үг. (Хөөх, яана аа.) Тэд мэдээж надад тэгж анхааруулдаг. Ихэнх хүмүүст ч гэсэн тэд бас тэгж анхааруулдаг. Гэхдээ хүмүүс ойлгодоггүйд асуудал байгаа юм. (Хөөх.) Ер бусын мэдрэмжтэй биш л бол, эсвэл амьтан-хүнтэй ярилцдаг биш бол, нохой-хүмүүстэйгээ тун сайн ойлголцдог биш бол ихэнх хүн ойлгодоггүй. (Тийм байх нь.)
Дээхэн би Авьяаслаг британичууд, Авьяаслаг америкчуудын аль нэг дээр эзэнтэйгээ далд мэдрэмжээрээ холбогдсон нохой-хүний талаар гарч байхыг үзсэн. Тэр нохой-хүн тэрхүү “Авьяаслаг хүмүүс” шоунаас нэлээд өмнө болсон зүйлийн талаар эзэндээ хэлдэг. (Өө, за.) Тэгтэл бүгдээрээ үнэн болж таардаг. (Хөөх.) […] Тайзны дэргэд байсан хүмүүсийг оролцуулаад олон сая хүн үзсэн. Дэргэдээс нь. (Тийм.)
Нохой-хүмүүс үнэхээр их гоц мэдрэмжтэй. Ихэнх амьтан-хүмүүс гоц мэдрэмжтэй. (Хөөх.) Үйлийн үрээрээ төрсөн байсан ч адилхан. Тухайн гэр бүлд төрөх үүрэг зорилготой, хаа нэгтээ хүмүүст ямар нэг байдлаар туслах гэж төрсөн учраас л тийм байдаг юм биш. Үйлийн үрийн шалтгаантай төрсөн байлаа ч тэд далдыг мэдрэх хүчтэй, бүгд холбогдсон байдаг.
“Шарон Лой, Телепат амьтан-хүмүүстэй харьцагч: Тэр юуны түрүүнд энд байгаадаа үнэхээр их талархаж буйгаа хэллээ. Апрел, Майкл хоёрын хамт энэ эдлэнд байгаадаа тэр үнэхээр их талархаж байна. Тэрээр амьдралдаа үнэхээр их аз жаргалтай, талархалтай байна. Өөрт нь сайн ажил өгсөн гэж тэр хэллээ.
Надад илүү ихийг хэлээч, Покита. Тэрээр дэлхий өөрийг нь сонсохыг , камераар бичихийг хүсэж байгаад, амьдралынх нь түүхийг сонсохыг хүсэж байгаа гэдэгт үнэхээр итгэлгүй байна. Тэгээд тэр надад нэг зүйл гялс харууллаа. Тэр надад амьтад хашаанд, ямар ч завсаргүй шахагдсан байгааг харуулж байна. Би үнэндээ давчуу хайрцаг, төмөр хайрцаг шиг юм харж байна. Ачааны машины тэвш юм уу даа? Тэд өөрсдийгөө үхнэ гэж бодож байна. Тэр энд ирсэн нь үнэхээр сайхан гэж хэлж байна. Тэр харанхуйд, тэр орчинд гарцаагүй үхлийг, тэр байтугай үхэхийн өмнөх тарчлааныг мэдэрч, хаашаа явж, юу хийх гэж буйгаа, ямар хувь тавилан тохиолдохыг ч мэдэхгүй байв. Тэгээд энд дуусаж байгаа нь үнэхээр гайхалтай. Энэ бэлэг шиг юм байна л даа. Тэгээд тэр буцааж өгөхийг хүсэж байна. Тэрээр маш их талархалтай байгаа тул энд ирсэн хүмүүст хайрын тухай зааж өгөх замаар буцааж өгөхийг хүсэж байна.
Ойр хавьд чоно байдаг гэж Покита надад хэллээ. Ойр хавиар могойнууд бий. Тэгээд тэр тэдэнд хаана байгааг нь хэллээ. Тэр мэдэж байна. Тэр чоно, могойнууд хаана байгааг мэдэрч чадна. Хэрэв бид ухаалаг аяглахгүй бол чоно бидний нэгийг амархан түүнэ гэж бодож магадгүй хэмээн тэр хэллээ. Тэр “Би ухаантай. Би тэндээс гарах замаа мэднэ.” гэв.
““Dans la peau des animaux” (2014)-ийн хэсгээс, Лайла дель Монте, Телепат амьтан-хүмүүстэй харьцагч, зохиолч: Нэг удаа Швейцараас нэг эмэгтэй над руу залгаад “Нохой минь үхэж байна. Би түүнийг унтуулах хэрэгтэй болоод байна.” гэсэн. Тэгээд тэр надаас түүнтэй хэл нэвтрэлцэж өгөхийг хүссэн. Би түүнд “Үгүй ээ, тэр үнэхээр бүрэн дүүрэн бэлэн биш байна. Ямар нэг зүйл дутуу байна. Хэдийгээр түүнийг явуулах нь өрөвч сэтгэлийн үйлдэл ч тэр арай удаан буюу гурав хоног үлдэхийг хүсэж байна.” гэсэн. Хэдэн сарын дараа тэр эмэгтэй над руу утасдаж ингэж хэлсэн. “Та манай нохойтой хэл нэвтрэлцсэн өдрийг санаж байна уу? Эцэст нь бид гурав хоног хүлээхээр шийдэж, хүү маань ч гэртээ ирсэн. Үнэндээ тэр цэрэгт байсан болохоор гэртээ ирэх боломжгүй байсан ч ирсэн. Түүнийг ирээд гэртээ ороход нохой маань шууд түүн рүү очсон. Тэгээд хүү минь бөхийж нохойгоо тэврэхэд, нохой маань түүний гар дээр өнгөрсөн дөө.”
Яагаад гэвэл хуурмаг ертөнцийн хүч тэдний телепат хүчийг аваагүй байдаг. (Аан.) Авсны хэрэг ч байхгүй гэж тэд үздэг. Яагаад гэвэл нохой- болон амьтан-хүмүүсийн ихэнх нь тун авралгүй, дорой байдалтай. Тэд угаасаа азгүй, сул дорой байдалд байгаа. Бусад амьтан-хүмүүсийн тоо толгойг зохицуулах үүрэгтэйгээр төрсөн араатан амьтан-хүмүүсийг эс тооцвол. (Аан.) Тийм учраас л ихэнх амьтан-хүн, догшин амьтан-хүмүүс ч гэсэн хүн рүү огт дайрдаггүй. Тэд хүнээс зайлсхийдэг. Гэтэл ойрын үед амьтад хүмүүс рүү дайрсан талаар сонсогдох боллоо. Хэрэм зэрэг бүр жаахан амьтад хүртэл хүмүүс рүү дайрч байна. (Хөөх.) Бас могой ч тэр, тэд ихэвчлэн хүнээс зайлсхийдэг. Зарим хүн хүн шиг харагддаг ч үнэндээ хүн биш байдгаас л тэр. Тэдний бие махбод, ухаан санаанд чөтгөр юм уу, нэг зүйл шүглэсэн байдаг. (Тийм.) Эсвэл тэд асар хүнд үйлийн үртэй байгаагаас амьтан-хүний нүдэнд огт хүн шиг харагддаггүй. Тиймээс тэднийг идэх, тэдэн рүү дайрах эрх тэдэнд байдаг. (Өө, хөөх. Яана аа.)
Гэхдээ ийм шалтгаанаар амьтан- хүмүүс хүн рүү дайрах нь ховор. Яагаад гэвэл хүмүүс бол Бүтээлийн дээд нь, (Тийм, Багш аа.) Бурханы оч тэдэнд бий. (Тийм.) Тэгэхээр хүмүүс бид маш нандин. Даанч ихэнх хүн нандин чанараа, оюун санааны эрхэм дээд чанараа, Бурханы дараа орох сүр жавхлангаа, оюун санааны сүр жавхлангаа хэрхэн хөгжүүлэхээ мэддэггүй. Маш гунигтай. (Тийм ээ.) Үүнийг бодох бүр би өөрийгөө цохиод авмаар болдог. “Бурхан минь. Тэдний төлөө би юу хийх вэ? Үүнийг нь сануулж болох илүү дээр юу хэлж болох вэ? Үгүй бол тэд хүний хорвоод, эсвэл амьтан-хүний хорвоод дахиад л зовох болно. Эсвэл амьтны ертөнц рүү юм уу, тамд унаж шатаагдаж, тамлагдах болно шүү дээ.” гэж хэлдэг. Ээ, Бурхан минь.
“Жералд Жонсоны зөвшөөрлөөр– 2002.12.9 Сурвалжлагч: Тамыг харсан тань үнэн үү?
Эрхэм Жералд Жонсон, Итгэлийн Соёлын Сүмийн пастор: Өө тийм шүү. Эргэлзээгүй. Би жинхэнэ тамыг харсан. Тэнд очсон. Харин хамгийн муу дайсандаа ч үүнийг хүсэхгүй. Хэн нэгэн надад юу ч хийсэн байлаа гэсэн би үүнийг хэзээ ч түүнд хүсэхгүй. Харин би яагаад тэнд очсон бэ гэхээр зүрхний шигдээс болж, сүнс минь биеэ орхин гараад явсан. Тэгээд би дээшээ л явж байна гэж бодсон. Яагаад гэвэл амьдралынхаа туршид маш их сайн үйл хийж, олон хүнд тусалж, маш олон Бурханлаг шийдвэр гаргаж байсан юм чинь гэж бодсон. Даанч дээш биш, эсрэгээр би доош явсан.
Харсан зүйлсийн минь нэг нь намайг тэр чигт нь хямраадаг. Тэнд нохой шиг дөрвөн хөллөсөн нэг хүн байв. Тэр толгойнхоо оройгоос хөлийн ул хүртлээ шатаж, хоёр нүд нь бүлтэрч байв. Үүнээс ч дор зүйл гэвэл түүний хүзүүг гинжилсэн байлаа. Иймд тэр яг л тамд байгаа нохой шиг байсан ба бүр дор зүйл бол тэр гинжийг нь чөтгөр барьж байсан. Бас би тэр бүхнийг яаж мэдсэн бэ гэхээр... хэлээгүй байлаа ч ойлгогдсон. Зүгээр л... яг телепатаар холбогдоод байгаа юм шиг. Тэр чөтгөр энэ эрийг амьдралынх нь туршид дөрлөж, түүнийг хүүхэд байхаас үхэх хүртэл нь залахаар илгээгдсэн гэдгийг би ойлголоо. Яагаад гэвэл тэр чөтгөр Дэлхий дээрх энэ эрийн амьдралд хангалттай удаан үлдвэл түүнийг Бурханд үйлчлүүлэхгүй байлгаж, түүгээр Дэлхий дээр байхад нь муу шийдвэрүүд гаргуулж түүнийг мэдэлдээ байлган, тамд боолоо болгоно гэж мэдэж байж. Иймд хоёр дахиа боолчилж байгаа гэсэн үг. Тухайлбал Дэлхий дээр чөтгөрийн зүйлсэд боолчлогдоод дараа нь тамд яг л зовлонт нохойн боолчлолд байна.
Бас нэг өөр хэсэг байлаа. Тэндхийг хараад би бүрэн хямарсан. Өнөөдрийг хүртэл намайг дагжуулж байна. Тамын энэ хэсэгт хөгжим дугарч байв. Тэр хөгжим бидний Дэлхий дээр сонсдогтой адилхан санагдсан ч уран бүтээлчид биш, оронд нь чөтгөрүүд үүнийг аялж байсан юм. Дууны зарим үг миний энд сонсож байсантай адил байв. Дэлхий дээрх олон хөгжмийн эгшиг болон дууны үгс, дуунуудыг чөтгөрийн нөлөөгөөр зохиосон байдгийг би ойлгосон. Олон хөгжмийг хүмүүс зохиохдоо шүлэг, шад зохиохын тулд, халуухан, шинэхэн зүйл зохиож шуугиан тарихын тулд тамхи татан онгод ордог. Даанч тэд онгодоо буруу тийш хөглөснөөр яг л оюун санааны ертөнцөд хууль бус нэвтэрсэнтэй адилхан. Үнэндээ тэд чөтгөр дээр ирж холбогдон тэднээс Дэлхийн хүмүүсийг хянах зорилготой шүлэг авчихдаг. Ийм дууны үг, ийм дуу үнэндээ чамайг зовоодог. Учир нь Дэлхий дээр байхдаа Бурханыг хөгжмөөр дамжуулан шүтээгүй байдгаас тэр юм. Тэгэхээр Бурханыг шүтэн сүмд очих, Бурханыг гэртээ шүтэх, Бурханыг хөгжмөөрөө дамжуулан шүтэх боломж байсаар атал Сатаныг шүтэхийг сонгон, түүний Дэлхийд ирж хэлж өгсөн шүлгийг нь дагасан байдаг. Хөгжим маш их автуулах чанартай учраас олон хүн ийм зүйл хийдэг.
Бас би Бурханд уурлаж байв. Би тийм их сайн үйл хийсэн байхад яагаад тамд уначихсан юм бэ гэлээ. Тэгээд би тамаас гарч Дэлхийд эргээд ирэхэд Бурхан надтай ярилцаж эхлэв. Би яг жинхэнэ Есүсийг харсан. Түүнийг хартал Тэр надтай ярилцаж, ингэж хэлсэн юм: “Та өөрийг чинь зовоосон хүмүүст нууцхан уурсаж явдаг. Таныг зовоосон хүмүүсийг намайг шийтгэх байх гэж та найддаг. Тэд таны хүмүүс биш, миний хүмүүс. Миний өгсөн үүрэг даалгавар дээр анхаарлаа төвлөрүүлээсэй л гэж танаас хүсэж байна...” Тэгэхээр үүний гол утга гэвэл хэдий би сайн үйл хийж, хүмүүст маш их зүйл өгсөн ч, томоохон олон сайн үйл хийсэн байлаа ч би зүрх сэтгэлдээ өөрт минь буруу зүйл хийсэн хүмүүсийг уучлахгүй байсан явдал байлаа. Яагаад гэвэл хэн нэгнийг уучлахгүй байна гэдэг өөрийгөө хэдий их өршөөгдсөн гэдгээ мартсан хүн юм. Тэгээд л би тамыг үзэхэд хүрчээ. Там бол бодитоор оршдог газар. Хүмүүсийг там руу Бурхан илгээдэггүй. Хүмүүс өөрсдөө тамд унадаг. Дотор чинь юу л үлдэнэ, үхэхдээ тээж үлдэх тэр зүйлийг чинь Бурхан гаргахыг хичээдэг бөгөөд тэр нь таны хаа хүрэхийг тодорхойлдог. Бурхан дараах зүйлийг мэдэхийг хүсдэг: Үнэхээр хайрлаж сурсан уу? Үнэхээр уучилж сурсан уу? Надад сайтар үйлчилсэн үү? Амь наснаасаа илүү зүйлийг хийсэн үү? Мөнхийн ач холбогдолтой зүйл хийсэн үү, эсвэл амин хувиа хичээсэн зүйл л хийв үү? Тэгээд би Гэрэл хайрласанд нь Бурханд талархлаа. Энэ бол Есүс байсан... Яагаад гэвэл Гэрэл байв. Би тамд дахин нэг ч өдөр байхгүй.”
Яг л гэрт нь эрдэнэсийн сан байхад мэдэхгүйгээсээ болоод өдөр бүр гуйлгачин шиг амьдарч байгаа мэт. (Тийм ээ.) […] Хүмүүс бидэнд ч бас энэ телепат чадвар бий. Бид ердөө л дэндүү завгүй байдаг. Энэ чадвараа хэрэглэхгүй байсаар унтаа байдалд оруулчихдаг. (Яг тийм.) Мууддаггүй, байж л байдаг. Хүмүүс ердөө материаллаг зүйлсийн төлөө арай бага зүтгэж, оюун санаагаа дотогш хандуулан, бясалгахад илүүтэй цаг зарцуулах юм бол төдийлөн их гэгээрээгүй байлаа ч телепат чадвараа эргүүлэн сэргээж, бизнестээ, ажилдаа ч илүү сайн байж чадна. Яагаад гэвэл тэд даргынхаа юу хүсэж байгааг ойлгож, (Яг тийм.) эсвэл ойр орчмынх нь хүмүүс яавал илүү дээр ажиллаж болохыг ойлгоно. Энэ мэтчилэн. (За, Багш аа.) Бас хэн нэгэн өөрийг нь ямар нэг байдлаар хорлох гэж байвал энэ телепат энергиэрээ мэдэж чадна. (Тийм байх нь. За, Багш аа.) Харамсалтай.
Хүмүүс дээдийн дээд нь юм. Тэдэнд өөрсдийгөө хамгаалах, тэр бүү хэл хоол, ундгүйгээр амьдрах, Бурханыг таних гэх зэрэг бүхий л чадвар бий. (Хөөх. Тийм ээ.) Мөн сахиусан тэнгэрүүдийг, Гэгээнтнүүдийг, Саран дээрх, Наран дээрх, одод дээрх бүхий л төрөлтнийг болон өөрт нь туслах гэсэн болон хорлох гэсэн бусад үл үзэгдэгч төрөлтнүүдийг ч харж чадна. Мөн тэдэнд асар удаанаар, олон зуун жилийн турш, тэр бүү хэл хэдэн мянганы турш магадгүй үүрд энэ биет түвшинд орших чадвар байгаа. (Хөөх.) Диваажинд бол бүр асуудалгүй. (За, Багш аа. Хөөх.) Даанч бид алдчихсан. Бид эд мөнгөний ашиг хонжоо завгүй хөөсөөр, өнөө маргаашийн идэх, өмсөхдөө санаа зовон, ханаж цадахаа огт мэдэхгүй байсаар энэ бүх чадвараа алддаг.
Бид байшинтай байж илүү том, илүү дээр байшин хүсдэг. Хөл дүүжлэх унаатай хэр нь илүү үнэтэй, тансаг, эсвэл хөршийнхөөсөө илүү дээр машин авахыг хүсдэг. Газар нутагтай, улс оронтой, засаглах үндэстэнтэй байж өөр улсыг, илүү их газар нутаг олж авч, улам баяжин, улам их алдаршин, улам хүч нөлөөтэй болохыг хүсдэг. (Тийм, Багш аа.) Сайхан бизнестэй байж улам их бизнестэй болж, улам завгүй болохыг хүсдэг. Тэгж байгаад бид энэ дэлхийн бүх баялгийг нийлүүлснээс ч илүү чухал бүх зүйлээ алддаг. (Тийм ээ. Хөөх.) Хүмүүсийн төлөө ямагт харамсах юм. Би тэдний хувь заяаг бодохоор хэзээ ч жаргалтай байж чаддаггүй. Тэдний хувь заяаг бодож байвал би хэзээ ч жинхэнээсээ жаргалтай байхгүй. (Ойлголоо, Багш аа.) Ийм л байна.
(Багш аа, гэхдээ өөр сэдэв. 2027 оны тухай. Хоосон гудамж, хот суурины зураг бичлэгийг нэг хүн урьд нь хийж байсан. ) Тийм ээ. (Яагаад тийм зүйл болох юм бол? Тийм нөхцөл байдлаас зайлсхийх боломж бий болов уу, Багш аа? ) Тийм ээ, би та нарт хэн нэгэн үүнийг харсан эсэхээс үл хамаарч ийм зүйл болно гэж хэлсэн дээ. (Ээ, Бурхан минь.) Энэ тал дээр би хичээж ажиллаж байна. (За, Багш аа.) Энэ тал дээр маш шаргуу зүтгэж байгаа ч гэсэн юу ч амлаж чадахгүй. (Баярлалаа, Багш аа.) Яагаад гэвэл хүмүүсийг хүмүүс л устгах учраас тэр. (Ээ, Бурхан минь.) Диваажингууд л устгах гээд байгаа юм биш. Тийм биш. Диваажингууд, бүхий л Гэгээнтэн, Мэргэд болон өчүүхэн миний бие аль болох бүх хүнийг аврахаар шаргуу зүтгэж байна. (Тийм ээ, Багш аа.) Гэтэл одоо урьд урьдынхаасаа улам их хөнөөлтэй шинэ хувилбар гарчхаад байгааг хараа биз дээ. (Тийм ээ.)
“PBS NewsHour-ийн мэдээ -2023.1.3, Амна Наваз: Цар тахал гарснаас хойш гурван жил өнгөрч, корона вирусийн өөр нэг шинэ дэд хувилбар гарлаа. Уильям Брангхамын тайлбарласнаар энэ хувилбар хурдацтай тархаж, шинэ халдварын тоог эрс нэмэгдүүлж байна.
Уильям Брангхам: Энэ бол Омикроны дэд хувилбар ХВВ1.5 бөгөөд одоогоор АНУ дахь КОВИД-ын халдварын нийт шинэ тохиолдлын 40 гаруй хувийг, Зүүн Умард хэсэгт 75 орчим хувийг эзэлж байна.”
“ABC News-ийн мэдээ – 2023.1.11, Дайане Македо: Зүүн Умарт хэсэгт КОВИД-оор эмнэлэгт хэвтэх явдал нэмэгдэж байна. ДЭМБ Омикроны энэ шинэ хувилбарыг өнөөг хүртэл хамгийн хурдан халдварладаг нь гэлээ.”
“WUSA 9-ийн мэдээ – 2023.1.19, Эбби Ллорико: Интернэтэд үүнийг “Кракен”гэж нэрлэх болжээ. Энэ омгийг юу гэж нэрлэхээ шийдэх нь Омикрон омгийн дэд хувилбарыг илрүүлэхээс хэцүү байж болох юм. Жонс Хопкинсийн их сургуулийн мэдээлснээр ХББ1.5 нь өмнөх хувилбаруудаас дархлааг эвдэх илүү их чадвартай болж мутацид орсон байна. Өмнөх Омикрон омгийн вирусээр өвдөж байсан байлаа ч энэ хувилбарыг тусах илүү их эрсдэлтэй гэж Дэлхийн Эрүүл Мэндийн Байгууллагаас мэдэгдлээ. Вандербилтийн халдварт өвчин судлаач профессор, доктор Уильям Шаффнер үүнийг бас маш хурдан халддаг гэв. ШУ-ы “Нэчр” сэтгүүлийн нийтлэлд үүнийг амьсгалын системд орохдоо илүү чадвартай гэжээ. Үүнийг хар даа. ХВВ1.5 нь нийт тохиолдлын 50 орчим хувийг эзэлж байгааг харж байна. Энэ нь долоо хоног бүр ямар хурдан өссөнийг хараач.”
“WION-ий мэдээ – 2023.1.19, Молли Гамбхир: 193 улсад 672 сая тохиолдол гарснаас 6.7 сая хүн амиа алджээ. Энэ бол Хятадын Уханьд дэгдсэн вирусийн бидэнд учруулсан сүйрэл гэсэн үг. Асуулт нь: Уханийн энэ алуурчин хэзээ ч үхэхгүй гэж үү? Уханийн алуурчны давлагаа Хятаддаа болон дэлхийн улам бүр нэмэгдэж буй хэсэгт дахин уур хилэнтэйгээр эргэн ирж байгаа тул өнөө орой би энэ асуултыг асууж байна. Хятад дахь нөхцөл байдал засгийн газрынх нь мэдэгдсэн, шинжээчдийн тооцоолж байснаас хамаагүй дор болоод байна. Шинэ төлөв байдлын дагуу Хятадад халдварын тархалт дээд цэгтээ хүрч, нас баралт аймшигтай дээд амжилтуудыг эвдэж, илүү их цар хүрээтэй, илүү их сунжирсан дэгдэлт гарах болно.
Төлөв байдлыг энд харуулав. Энд гурван чухал зүйлийг харуулжээ. Нэгдүгээрт: Хятад дахь тохиолдол өдөрт 4.8 сая хүрч магадгүй. Өдөрт 4.8 сая. 2 дугаарт: Хятадад үүгээр нас барагсдын тоо 1-р сарын 26 гэхэд 36,000 хүрч магадгүй. Хэдхэн хоног үлдлээ. 3 дугаарт: Энэ давлагаа дуусахад Хятадын 500,000 иргэн амиа алдсан байж мэднэ. Статистик тоо баримт бидний заримыг залхаан, гөлрөөж, давтагдсан санагддагийг би мэднэ. Гэхдээ сэрж аюулыг мэдэр. Тэд бидэнд бас нэг айдастай түүхийг хэлж байна. Өмнөх төлөв байдал болон одоогийн нөхцөл байдал хоёр асар их ялгаатай. Энэ тоонуудыг харъя. Дэлхийн Эрүүл Мэндийн Байгууллагаас гаргасан тоо. Тэд ямар улс орнууд шинэ халдварын талаар мэдээлж байгааг харуулж байна. Энэ бол сүүлийн долоон хоногийн тоо баримт гэдгийг сануулъя.
АНУ-аас эхэлцгээе. Сүүлийн долоо хоногт 415,000 тохиолдол гарч, 3,922 хүн нас барсан гэж мэдээлжээ. Дараагийнх нь Япон. 902,000 гаруй тохиолдол гарч, 2,805 хүн нас барсан байна. Мөн Өмнөд Солонгосын тухайд 261,487 тохиолдол гарч, 345 хүн нас баржээ. Дараагийнх нь Австрали. 191,000 гаруй тохиолдол гарч, 742 хүн нас барсан байна. Мөн Францын тухайд 42,000 гаруй тохиолдол гарч 469 хүн амиа алджээ. Бразилын хувьд 107,885 гаруй тохиолдол гарчээ. Германд 73,000 орчим шинэ тохиолдол гарсан байна. Италид 43,000 гаруй тохиолдол бүртгэжээ.”
Бас оросууд украин (урейн)-чуудыг очоод алж хядаад, бас өөрийн ард иргэдээ, цэргүүдээ ч алж хядаад байгааг та нар харж байгаа. (Тийм ээ.) Тэр нь алагдсан украин (урейн)-чуудаас ч олон. (Бурхан минь.) Украин (урейн)-чууд амь үрэгдсэн ч Оросын талаас амь үрэгдсэн шиг олон биш. (Тийм ээ, Багш аа.) Бас элдэв бөмбөг хаяна гэж сүрдүүлнэ. (Тийм.) 2027 оны тухайд надад хэлсэн... Гэхдээ хүмүүс өөрчлөгдөж илүү олон хүн веган болбол бид үүнийг өөрчилж чадна. (Тийм ээ, Багш аа.) Улам олон хүн веган болох тусам илүү их амар амгалан улам л хурдан ирнэ. (Тийм, Багш аа.) Хангалттай олон хүн, чухал шаардлагатай тооны хүн өөрчлөгдөхгүй л юм бол энэ бүхэн 2027 онд тохиолдоно. Гараг бүхэлдээ биш юм гэхэд олон хотод ийм зүйл болно. (Яана аа.) Яагаад гэвэл бид үүнээс сэргийлэх гэж шаргуу ажиллаж байгаа. Дотооддоо. (За, Багш аа.) […]
Яагаад гэвэл хүмүүс зарим төрлийн биохимийн бөмбөг хаяж, түүнээс нь болоод хүмүүс агаарт замхран алга болно. (Ээ, гэгээн минь.) Яс, хумс нь ч үлдэлгүй тэр чигтээ үгүй болно. Харагдах юу ч үлдэхгүй. (Хөөх.) Агаар болон замхарна. (Хөөх.) Бүр тоос ч биш шүү. Тийм учраас л бусад бүх зүйл байгаа хэр нь хүмүүс л алга болох юм. (Хөөх. Аймаар юм аа.) Хэнийг ч олж харахгүй. Мах цустай, амьсгалдаг бүхэн алга болно. (Хөөх. Аймаар юм.) Мэдрэхүйтэй болгон. (Хөөх.) Хөдөлдөг юм бүхэн. Бүр газрын хөрсөнд байдаг өт хорхой хүртэл үгүй болно. (Хөөх.) Шумуул зэрэг жижиг шавж ч. (За.) Үл үзэгдэх, нүдэнд үзэгдэхгүй шахам элсний ялаа гэх зэрэг шавжууд хүртэл үгүй болно. Тэгж нэрлэдэг. (Тийм ээ. Тэгдэг.) […] Бактери хүртэл. Агаар дахь вирус ч гэсэн алга болно. Эд нар алга болох нь сайн хэрэг хэдий ч хүмүүс бас устахаас өөр аргагүй болно. Амьтан-хүмүүс ч бүгд алга болно. Загас, шувууд гэх зэрэг тэр бөмбөгт өртөхүйц газар байсан бүгд агаарт юу ч үгүй замхран алга болно. (Хөөх.)
Мөн нөлөө нь урт хугацаанд байсаар байна. Амьд үлдсэн хүн байлаа гэхэд тэр бүсэд орох юм бол бас л үгүй болно. (Хөөх.) Хэсэг хугацааны дараа хүч нь суларлаа гэхэд биеийн хагас нь үгүй болно. Эсвэл зөвхөн мах нь үгүй болж яс нь үлдэнэ гэх мэтчилэн. Гэхдээ асар урт хугацааны дараа. Хэр хугацаа гэдгийг нь мэдэхгүй. Би хэлж болохгүй. Хүний энэ бүх аймшигтай муу ёрын бүтээлүүд болон зорилгуудыг судлахад би дэндүү завгүй байна. (За, Багш аа. Бурхан минь.) Хичээнгүйлэн ажиллаж байгаа ч амлаж чадахгүй нь дээ. (За, Багш аа.) Амлаж чадахгүй. (Баярлалаа.) Магадгүй зарим газрыг, зарим хотыг аварч чадах байх. Гэхдээ хүмүүс болон амьтан- хүмүүсийг нь бүрэн хамгаалж чадах эсэхдээ итгэлгүй байна. (Хөөх.) Бүрэн хамгаалагдана гэдэгт итгэлгүй байна. Тун харамсалтай. (Тийм ээ, Багш аа.)
Иймд би тун гунигтай байна гэж хэлсэн дээ. Зул сар, шинэ жил, юу ч болж байсан надад бодох сөгөө байсангүй. (Тэгнэ дээ.) Шинэ жилээр салатны үлдэгдэл идсэн. (Хөөх. За, Багш аа.) Шинэ жил, цагаан сараар ч миний санахаар бас адилхан. (Хөөх.) Надад хоол хийх зав зай байгаагүй болохоор идэж болох түүхий юу байна түүнийг л идсэн.
За, өөр зүйл байна уу? (Байна, Багш аа. Дахиад нэг бий. Хүмүүсийг наманчлан веган бол гэсэн Багшийн сүүлчийн анхааруулгын эцсийн хугацаа бараг дуусаж байна. Үүн дээр нэмж хэлэх захиас Багшид байгаа юу? ) Байхгүй ээ. Яг адилхан. (Хөөх.) Хүмүүсийн үйлийн үр дэндүү хүнд байна. Тэд өөрсдөө хичээх ёстой. Харин бид хүртэж болохуйц хүмүүст үргэлжлүүлэн авшиг өгсөөр байгаа. (Тийм.) Харин эцсийн хугацаа өнгөрөхөөр, одоогоос илүү их шалгууртай болж мэднэ. Өмнөх шиг хэн дуртайд нь зөвшөөрөхгүй. (Өө, хөөх.) Маш хатуу шалгуур тавина. Саад тотгор хэдийнээ гараад эхэлснийг та нар мэднэ. Жишээ нь: Макао дахь сүүлийн авшгийг цагдаа саатуулсан. (Тэгсэн.) […]
Дэлхийн үйлийн үр, хүмүүсийн үйлийн үр бие биедээ нөлөөлөөд байвал тийм ч ихийг хийж чадахгүй. (Тийм ээ.) Олон улс орон их хүнд үйлийн үртэй. Очсон газар бүрдээ би тэр улс хэдэн хувийн үйлийн үртэй байна вэ гэдгийг шалгаж үздэг. Өө, заримдаа ч тун аймаар. (Хөөх.) Гэхдээ та нарын байгаа улсынх арай бага. (За.) Бага гэдэг нь байхгүй гэсэн үг биш. (Ойлгож байна. Тийм ээ.) 10% хүрэхгүй байгаад би баяртай байгаа. (За. Ойлголоо.) Энэ нь хэдийнээ маш бага гэсэн үг. (За, Бурханд талархъя.) 10% хүрэхгүй. Бусадтай нь, бусад олон улс орныхтой харьцуулахад хэдийнээ маш бага хэмжээ. (Хөөх. За.) Бүх улс орныхыг хэмжих зав надад байхгүй. (За.) Гэхдээ миний очиж байсан олон улс орон багадаа 40%, 40, 50%-иас ч дээш байсан.
Өө, Бурхан минь! Хэн ч тэр бүгдийг шийдэж чадахгүй. (Хөөх.) Тэд өөрсдөө өөрсдөдөө туслах хэрэгтэй байна. Тэд веган байж, энэрэнгүй байж, Бурханд чин сэтгэлээсээ наманчлах ёстой. Бурханаас л өршөөл гуйхгүй юм бол яалтай. (Тийм.) Дэлхий даяарх бүх улс орны бүх үйлийн үрийг нийлүүлбээс энэ дэлхийд ямар ч Гэгээнтэн, Мэргэд бууж ирээд арилгаж чадахгүй. (Тийм ээ, Багш аа.) Хүмүүсийн үйлийн үрийг харъя гээд тэнгэрт дэлгэлээ гэхэд тэнгэр харагдах сиймхий үлдэхгүй гэж Будда айлдсан. Тэнгэрийг бүрхэх болно. (Тийм ээ.) Хэрэв үл үзэгдэх зүйлийг хардаг бол үйлийн үрийн үл үзэгдэх энерги тэнгэрийг бүхэлд нь бүрхэнэ. Тэр ингэж л хэлж. (Хөөх. Өө, яана даа.)
Хүмүүс чин сэтгэлтэй байж, ядаж гурван сар веган байсан бол би авшиг өгөх эсэх талаар бодож үзэх болно. Гэхдээ үүнээс хойш улам бүр хатуу чанга болно. (За.) Мөн бусад хүмүүс веган болж, Бурханд наманчилбал аварч болох эсэхийг харна. Би зөвхөн авшигтнуудад л тусалж чадна. (Хөөх.) Яагаад гэвэл тэд наманчилсан. Үргэлжлүүлэн наманчилсаар байдаг бөгөөд Бурханы хүчтэй дотооддоо холбогдсоор байдаг. (Тийм ээ.) Тийм ч учраас тэд сайн хүн байхыг санаж, сайн хүн байсаар байж чаддаг. […] Иймээс ухаан санаа нь тархиндаа муу зүйл хий гэж хэлэхгүй, биеэ тэгж удирдахгүй учир ямагт сайн үйл хийдэг юм. (Тийм, Багш аа. Тийм ээ.) Тэгэхээр одоо ч, авшгийн дараа ч санаа зовоох зүйл бол ухаан санаа, тархи бодол байдаг. (Тийм ээ.) Авшиг хүртээгүй хүмүүсийн тухайд бүр ярих ч юм биш. Тэдний бодол санаа бүхий л төрлийн зүйлийн нөлөөнд автсан байдаг. Сайн ч бай, муу ч бай тэд таалагдсан бүхнээ дагаж, бодол санааныхаа удирдлагаар явах нь заримдаа сайн зүйлд хүргэдэггүй. (Тийм. Яг үнэн, Багш аа.) Ийм биет ертөнцөд бодол санаа маш хүчтэй зүйл юм. […]
Тэгэхээр, Арьяабалын Аргаар бясалгагч хэн боловч Бурхантай холбогдсон байдаг. Тэд үнэхээр чин сэтгэлээсээ, даруухнаар энэ аргыг дадуулбал Бурханы энэ анхдагч Хүчтэй холбогдон амьдралаа өөрчлөх болно. Тийм болохоор л номын ах, эгч нарт чинь үргэлж гайхамшигтай явдал тохиолдож байдаг, […] бодит нотолгоотой, (Тийм. Тэгдэг.) осолд орж бяцлагдсан машинаасаа хөлийн ганц хуруу нь шалбараад л гараад ирэх жишээтэй. (Хөөх, тийм шүү.) Украин (Урейн) - Яагаад Орос...? Учир нь Диваажин тусалж байна. (Яг тийм. Тэр үнэн.) Оросын байлдааны хэрэгсэл нь тэр бүү хэл яагаад өөрсдийгөө онож, өөрийн цэргүүдээ хөнөөв? (Тийм.) Алдаа ч бай, алдаатай тооцоолол ч бай ялгаагүй. (Тийм ээ.) Тэд эзлэн түрэмгийлэгчид атлаа уугуул украин (урейн)-чуудаас илүү олноор үрэгдэж байна. (Яг тийм.) Мөн маш олон хөнөөлт зэвсэг нь ажиллахгүй юм уу, буруу зүгт буудаж, эсвэл Украин (Урейн)-ы армийн байгаагаас өөр зүг рүү явчих жишээтэй. (Тийм.) Мэдээж, эргэлзээгүй үйлийн үр байгаа. Тиймээс зарим хүн их зовж байна. Байшин барилгууд бүгд нурж, бөмбөгдүүлж сүйдээд өвөл болж байхад цахилгаан ч үгүй болсон. Гэхдээ дэлхий дахин тэдэнд тусалж байгаа л даа. (Тийм ээ, Багш аа.)
“Euronews-ийн мэдээ – 2022.12.14, Сурвалжлагч: Дайны өмнө Бахмут 70,000 хүн амтай байсан боловч тэдний ихэнх нь дүрвэсэн.
Ирина, Бахмутын оршин суугч: Надад халаалтын шаталтын шинэ зуух өгнө гэж амласан. Гэхдээ би огт аваагүй. Байшин тэсгэм хүйтэн байхад бид яаж тэсэх юм бэ?
Сурвалжлагч: Өнөөгийн хүнд нөхцөл байдлын талаар ерөнхийлөгч Зеленский Парисын хурал дээр үг хэлэв.
Зеленский: Яг одоо бараг бүх бүс нутагт болон нийслэлд 12 сая орчим хүн хангамж авч чадахгүй байна. Харамсалтай нь энэ бол бидний хувьд ердийн нөхцөл байдал юм. Мөн өдөр бүр Оросын цохилт ирж болзошгүй байгаа. Тэгвэл цахилгаангүй хэсгийн тоо улам бүр өсөх болно.
Сурвалжлагч: Олон арван улс болон олон улсын байгууллагууд украинчуудыг цахилгаантай, хоолтой, өвлийг дулаан давахад нь туслахын тулд 1 тэрбум еврогийн тусламж амлалаа.”
Дэлхий бүхэлдээ ганц улсад үнэхээр тусламж хэрэгтэй цагт нь чин сэтгэлээсээ, хичээнгүйлэн, үргэлжлүүлэн тусалсаар байсан өөр дайныг би санахгүй байна. (Тийм ээ, Багш аа. Яг үнэн.) Тэгэхээр үнэхээр Диваажин Украин (Урейн)-д маш их тусалж байгаа. Надад итгэх ч албагүй. Ердөө болж буй бүхнийг, үр нөлөөг харвал үүнд итгэнэ. (Тийм шүү.) Би яах гэж худлаа хэлэх юм бэ? Ямар шалтгаан байна вэ? Надад ямар ч ашиг байхгүй. (Тийм шүү.) Бүр эсрэгээрээ ч байж болно. Яагаад гэвэл би баталж чадахгүй. (Тийм, Багш аа.) Гэхдээ би цаг үргэлж, дандаа, хэзээд үнэнийг л хэлэх ёстой. […]
Хэдий хүртэл би авшиг өгч болох эсэхийг ч мэдэхгүй байна. (Хөөх.) Зөвхөн шавь нараа биш, бүхэл гарагийг хамгаалах гээд би бүх талаар завгүй байна. Зөвхөн авшиг авах хүмүүс ч биш. Тэгэхээр Диваажингийн Адис, Ивээлийг хүртэх азтай хүмүүс л ирж авшиг хүртэж чадна. Үүрд ийм байх эсэхэд би итгэлтэй байж чадахгүй. (Хөөх.) Тэд авшгийн өмнө өөд болох ч юм уу, эсвэл дэлхий хэсэг хугацааны дараа үгүй болж ч мэднэ. (Өө, гэгээн минь.) Эсвэл би үгүй болно. (Өө, яана аа.) Миний амьдрал ч биет ертөнцийнх. Ойлгож байгаа биз дээ? (Тийм ээ, Багш аа) Бас миний бие махбод энд байхгүй бол би байхгүй гэсэн үг. Тэгвэл би өөрөө юм уу, гэрээс гарагч лам нар, гэлэнмаа нараараа ч авшиг өгөх зөвшөөрөл өгч чадахгүй. […]
Маш их саад бэрхшээл, биеийн зовлон байна. (Эвий, Багш минь.) Бас мэдээж хамаг төрөлтнийг гэх сэтгэлийн, сэтгэлзүйн (Бурхан минь.) зовлон бий. (Тийм ээ, Багш аа.) Өдөр бүр амьтан-хүмүүсийн зовж байгааг харахад л би хэдийнээ үхэж байгаа шиг л мэдрэгдэх юм. (Эвий.) Харах бүртээ л байнга залбирч, байнга уйлж байдаг. Тэгээд Бурхантай ярилцдаг. “Тэд дахин хэр удаан зовох ёстой юм бэ? Дахиад хэдэн өдөр би Танд залбирах ёстой юм бэ? Дахин хэчнээн олон удаа би Танаас мэхийн гуйж, Таны өмнө хэчнээн уйлах билээ?” гэдэг. (Эвий дээ.) Тэр бүү хэл, заримдаа би зүгээр яваад өгчхөж болохгүй юу гэж хүртэл аль дээр гуйж байсан. Тэгээд Украин (Урейн) дахь дайныг нь зогсоохын тулд Путиний боол болоод (Өө, Бурхан минь.) оччихож болох уу гэж хүртэл гуйж байсан. Украин (Урейн)-ы энэ зовлонг, энэ дайныг зогсоохын төлөө би юугаа ч зориулахад бэлэн. Даанч Диваажин надад “Ингээд нэмэргүй. (Хөөх.) Саналыг тэр зөвшөөрлөө ч нэмэр болохгүй.” гэж хэлсэн. (Өө. Тэгээд яана гэнэ?) Хаана ч байсан үйлийн үрийг л тооцох ёстой. (Аан, тэгнэ дээ.) Украин (Урейн)-ы үйлийн үр байх ч албагүй. Энэ бол дэлхийн хамтын үйлийн үр. Энд биш гэхэд тэнд тохиолдоно. (Өө, тэгнэ. Ойлголоо.) Гэр бүлд нэг эмзэг хүн байдагтай адилхан. (Тийм ээ, Багш аа.) Байшинд ямар нэг зүйл тохиолдлоо гэхэд тэр эмзэг хүн эхлээд үхэж мэднэ. (Тийм.) Зугтаж чадахгүй. (Тийм, яг үнэн.) […]
Тэгэхээр Украин (Урейн) бүх цөмийн бөмбөгөө хураалгасан. Ятгалгад ороод бүх цөмийн бөмбөгөө үгүй хийсэн. (Тэгсэн.) Одоо нэг ч байхгүй. Тэд эмзэг, тэд Орос гэдэг нэг аварга том араатны дэргэд байгаа. (Яг үнэн.) Тэгээд л тэдэн рүү дайрах илүү амархан байсан. (Тийм, Багш аа. Хөөх.) Ийм л учиртай. Тийм учраас л би украин (урейн)-чуудын төлөө уйлж, аль чадахаараа тэдэнд тусалж, манай ТВ ч гэсэн эфирээрээ дамжуулан дэмжсээр байгаа юм. (Тийм ээ, Багш аа.) Үүнийг хэн ч харахгүй байлаа ч нэмэр болдог. (Тийм, гарцаагүй тэгнэ.) Улс төрийн түвшинд Украинд (Тийм ээ, Багш аа.) тус болно. (Баярлалаа.) Бодит байдал л энэ. (Тийм ээ, Багш аа.) Үзэл бодол заримдаа шууд өөрчлөгдөж байгааг, эсвэл тусламж өөрчлөгдөх гээд болж буй бүхнийг харж болно. (Тэр үнэн.) Оросын бөмбөг буруу газар тусахаар хязгаарлагдахгүй. (Яг үнэн, тийм шүү.) Өөр ч олон зүйл бий. Энэ тал дээр надад урт бүртгэл байгаа ч гэсэн надад ямар ч зав алга. Тэгээд ч хэнд хамаатай гэж? Тус нэмэр болсон л бол хүмүүс мэднэ үү, мэдэхгүй байна уу, ямар хамаа байх вэ. (Тийм ээ.)
Асуултад чинь хариулт болов уу? (Тэглээ, Багш аа, баярлалаа. Баярлалаа, Багш аа.) Надаас ганц юм асуутал бид ийм удаан ярьчихлаа. За, тэгвэл сайн. Бурхан ивээг, Бурхан хамгаалаг. (Баярлалаа, Багш аа, баярлалаа.) Бурхан ч, би ч та нарт хайртай шүү. (Баярлалаа, Багш аа.) Энэ дашрамд би бүх хайраа, магтаал, талархлаа байнгын болон дэлхий даяар алсад суугаа бүх номын ах, эгч нарт тань илгээж байна. (Баярлалаа, Багш аа.) Дэлхийд энхтайван тогтож, дэлхий гэтлээсэй хэмээн жаахан ч атугай зүйл хийсэн, залбирсан хэн бүхэнд илгээе. Мэдээж дэлхий гэтлэх нь дэлхийн энхтайвнаас илүү чухал. Гэхдээ би илүүг гуйж зүрхлэхгүй.
Өөрөө л, зүрх сэтгэлдээ дэлхийд энхтайван тогтож, гэтлээсэй хэмээн залбирдаг. Гэтэлнэ гэдэг нь гэгээрч, сүнснүүд нь чөлөөлөгдөнө гэсэн үг. (Тийм, Багш аа.) Бие махбод нь үйлийн үрээсээ болж зовох ёстой боллоо ч гэсэн. Ямартай ч би хичээж, тэднийг биеэсээ халихад нь сүнсийг нь гэтэлгэж чадах бүхнээ хийх боломжийг надад олгохыг Диваажин болон Бурханаас гуйдаг. (За, Багш аа, баярлалаа.) Мэдээж өөр зүйлс бий л дээ. Гэхдээ хамгийн чухал нь тэдний сүнс гэтлэх явдал юм. Чин сэтгэлээсээ хүсэх зүйл минь энэ. (Тийм ээ, Багш аа. Үүний төлөө Тандаа баярлалаа.) […] Дэлхий гэтлээсэй хэмээн залбираарай. (За, Багш аа. Ойлголоо.) Бие махбодын сайн сайхан хаа ч баталгаагүй санагдаж байна. Иймд сүнснүүдийг нь гэтлээсэй гэж залбирцгаая. (За, Багш аа, Ойлголоо.) Дэлхий веган болчих юм бол дэлхий амар амгалан болж, улмаар дэлхий чөлөөлөгдөх болно. Баярлалаа. (Баярлалаа, Багш аа.) Чао, хайр аа. (Баяртай, Багш аа.)
Хамгаас Өршөөнгүй Их Багш аа, Таны агуу Нигүүлсэл, Амь Бие Хайргүй Сэтгэл, хосгүй Золиослолын ачаар дэлхий бүхэлдээ адислагдсан тул бид Тандаа мэхийн хүндлэл үзүүлж байна. Хүн төрөлхтөн наманчлан, веган болж, гайхамшигт гарагийн маань бүхий л амийг аварснаар бүх сүнс гэтлэх болтугай хэмээн бид чин сэтгэлээсээ залбирч байна. Бид бүгд хайраа улам тэлж, бүхий л төрөлтөнд талархан, бүтээлийн оройн дээд гэдэг байр сууриа батлах болтугай. Эрдэнэт Их Багш маань эрүүл энх байж, бүхий л Сүр Жавхлант Диваажингуудын Хайрын Хамгаалалд үргэлж аюулгүй, амар амгалан байг.
Төгс Гэгээрсэн Их Багш Чин Хай (веган)-н айлдсан нохой-хүмүүсийн тухай илүү олон сайхан түүх хийгээд Их Багш хоолоор дамжин дэлхийтэй хэрхэн холбогддог талаар, мөн авшгийн ач тусын талаар илүү дэлгэрэнгүй сонсохыг хүсвэл 2023 оны 2-р сарын 5-ны ням гарагт Багш шавийн шүтэлцээгээр энэхүү яриаг бүрэн эхээр нь хүлээн авч үзээрэй.
Мөн дэлгэрүүлэн мэдээлэл авахыг хүсвэл, Багш шавийн шүтэлцээгээр толилуулсан үүнтэй холбоотой өмнөх дугааруудыг үзнэ үү:
Веган болж чин сэтгэлээсээ наманчлах сүүлчийн дуудлага
Бурханы Өршөөлд талархан Түүний Хуулиудыг сонс
Дэлхийг бүхэлд нь өөрчлөх Бурханы Ивээл ба Дэлхийн Залбирал
Энэрэнгүй веган зам мөртэй хэн бүхэнд Диваажингууд тусалдаг
Сайн ба муугийн хоорондох энэ дайнд Диваажин Украинд тусалж байна
Гэх мэт...
